秘 (享成街)

營業中

休息中

🚩荃灣🥩秘-喺日本食過板燒吉列牛, 真係好好好好食, 所以一直想係香港再試-🥩板燒吉列牛加配定食 $128整個套餐有一碟吉列牛 溏心蛋 同一碗落左飯素嘅飯 份量都算幾多!😂小店採用安格斯牛肉 而且話每邊燒十幾秒就食得 但好神奇 我覺得燒十幾秒有啲韌 反而燒耐啲冇咁韌 而且牛味較淡 點醬汁會好食濃味啲 不過用上日本麵包糠嘅吉列邊好脆 配上牛肉嘅口感幾唔錯溏心蛋味道較甜 而落咗飯素既飯就點都好食 淨食飯都可以xd 但就有少少同吉列牛爭味-整體不過不失 其實唔係難食 但可能係日本食過 實在太好食 始終有比較🤪所以未喺日本食過嘅 可以去餐廳一試xd-🚩舔舔脷：6.5/10🚩價錢💰：6.5/10🚩回頭度：6/10

之前約左兩個舊同事係荃灣食飯，原本諗住食西餐，但行過依度，同事見今日竟然唔使排隊(可能係平日6點幾) ，不如試試。我叫左普通吉烈牛，同事叫黑松露吉烈牛，鰻魚飯，都加左做有蛋有湯既定食。另外仲有小食：章魚燒，炸雞。吉烈牛既份量唔少，油脂分佈都幾靚。煎完食落口仲keep到外面吉烈既脆身，牛味都重。好食過元朗個間！黑松露個款都好濃黑松露味，但我覺得原味更好食，簡單d。不過擺碟生熟未分開，半熟蛋同椰菜絲同未煎既牛放埋一齊。跟餐既湯有少少奇怪，可以唔試。細食既加碗飯就可以了。相對吉烈牛，小食就比較普通。整體唔錯，會想再食！

好耐冇係荃灣揾食，咁啱見到人地介紹呢間吉列牛，既然女朋友同我都中意食牛，就決定呢間平日夜晚，唔係等好耐，兩三張枱度我叫吉列牛，女朋友就叫朴葉味噌牛吉列牛味唔差，但係炸粉太乾，而且分量比我想像中少。味噌牛方面，味噌味太重，令牛味比佢蓋過，塊葉嘅作用唔大但係冇咩香味，其實冇咗都冇咩分別另外個湯太重胡椒味，普通，唔係套餐一定要包既話都唔好另外叫總括而言，性價比唔高如果要等太耐嘅話就唔推介大家去試，真係想試可以食晏

聽人講依度成日排隊，但係我哋夜晚九點鐘去，唔使等位，好快就有得食。荃灣分店喺荃灣廣場附近，都唔算難搵。裝修格局都好靚，完全唔似百幾蚊嘅餐廳。但係入邊唔算大，大概得十幾20人嘅座位，如果正常食飯時間，都應該要等幾耐。其實個吉列牛，未去到好好味，但係依個價錢依個環境依個質素，已經係好抵食。食物嘅份量都相當足夠，一人一份都一定夠飽。炸軟殼蟹都不過不失，勝在價錢夠平，份量夠多，有足足兩隻。總結，抵食而且環境服務都幾好，食物質素都唔錯，下次都會再去。

秘 (English name:  Secret Chefs) is a small Japanese style steak house in Tsuen Wan. Serving gyukatsu (deep fried breaded steak), it always has a long line whenever we walked by. But today was the day boyfriend wanted to eat here! We headed there before the shop opened at 6 PM and waited.The place is very small. Menu is in Chinese only but they have photos of all the food. Basically, they offer various options to grill your steak on a hibachi stove. You can create a set by adding money for rice,

等左1小時😭終於可以入座🤦‍♀️環境空間較少！座位比較窄😣但一入店內已比香味吸引住。所以一坐低即刻叫板燒吉列牛😍上菜好快等左5分鐘就有👏值得一讚!板燒吉列牛好推介👍好重牛味 又冇雪味，因為自己燒 幾多成熟都可以自己決定，避風塘軟殼蟹好有驚喜，外脆內軟好好食😋反而鰻魚飯不過不失😢冇我想像中咁好食，炸雞都好ok，加埋個沙律醬真係好夾，但飲品選擇比較少，但有熱茶提供可以清下腸胃，整體黎講都好好，下次我會再嚟食🙆‍♀️

星期六晚去咗呢一間荃灣好出名嘅日本野食飯其實經過左好多次但係每一次都見到排咗好長嘅人囉今次就六點鐘去到即刻睇下可唔可以食到第一輪結果6:03到達嘅時候點攞已經坐滿人終於知道點解每一次經過都排咁長嘅人龍啦因為店內大約只有20多個位置我哋兩個人散叫咗兩個小食同埋兩個主食冇叫套餐嘅原因係因為計過數套餐都唔係有平到吉列牛扒$98吉列牛有包一碗白飯同埋有一啲沙律菜如果食個日本嘅吉列牛餐廳就知道呢一個吉列牛係可以自己控制生熟程度個人覺得如果笑得比較熟嘅時候會淋真啲同埋牛味香啲份量都好足夠一個人嘅食量不過可惜牛味唔太香 油脂味都唔夠如果暫時未能夠去到日本都可以嚟呢間頂住癒先原條鰻魚飯$78呢一個係非常之抵食嘅飯鰻魚十分之厚身亦都好香喺超級市場買一條蒲燒鰻魚都接近$100依度78仲有人煮埋俾你食絕對係超值脫趣蝦波 $58咪道偏咸不過食得出蝦肉蟹唔太鮮甜 但即叫即炸最後想講一講間鋪嘅環境店內係行工業風嘅裝修約二十個位最大嘅弊病係店內嘅抽風系統十分不行一行入店舖入邊都會見到好多白煙都聞到一陣好強烈嘅油煙味當然食得呢啲嘢都會預咗係會有油煙嘅喺呢度嘅抽風系統簡直強差人意令到我哋都唔坐得好耐就趕住食完走啦

朋友介紹呢間燒牛食店，佢唔講我都唔知荃灣有呢間野，而且個名好特別—《秘》而且食評好多都話正！地點位於荃灣廣場後方，第一次去都好容易揾到..星期五既晚上，7:30門口唔算多人，拎左籌係門口坐下睇餐牌，無幾耐有侍應安排人數加落單，原來係先落單再安排座位，由於我朋友遲黎，我地8:30左右就入去～因為門口等位時已落單，所以食物好快就上枱囉一上餐立刻心心眼，因為份野同個石板好吸引！食物質素棒棒的，好味又抵食..我地叫左吉列牛同安格斯牛加套餐，牛肉雖然細細塊，但份量唔少，另外再叫左客小食芝士薯條...薯條係粗身，絕對唔似快餐薯條，而且芝士汁係另上，可沾滿濃濃芝士最重要係無加一服務，侍應態度又好，價錢唔貴，絕對值得介紹朋友光顧

😬😬午市平好多，不過冇得訂位芥末八爪魚🐙：略咸但味道👌🏻喎，送飯啱哂朴葉味噌牛肉定食：有Gimmick 但有啲搵笨因為1.燒嘅時間較長並要不斷反來反去2.自己燒，一隻手將塊朴葉轉來轉去，另一隻手又要反來反去，塊葉又軟來來又怕反到啲牛肉跌落枱，巧攰3.啲味噌太多完全遮哂啲牛味4.朴葉係乜味？冇人知吉列牛肉定食：重點介紹，得喎，冇乜雪味，燒出來嘅香口嗱要知道，食燒肉要配一碗又熱又香嘅飯，依道輸蝕咗，雖然係日本米，可惜唔香唔熱，畫蛇添足係要加啲味精粉當特色飯賣貴啲同啲牛唔配，請注意吓。

荃灣多野食大家都知，但想要食要專牛，同特色餐廳就一定係「秘」第一次都係朋友帶我黎，點知一試愛上﹗環境方面，燈光較暗~位唔多，所以幾乎次次去都要排隊，坐得舒唔舒服？普普通通，大家都主要為個牛，食完就走，唔算係一個坐低傾計既好地方。食物方面：最多人食，或者第一次黎食想試最簡單又出名既餐，可以考慮下吉列牛同安格斯牛餐，都108+ 38晚市，加38包櫻花湯、飯素同溫泉蛋，話平唔平，話貴又唔貴。（其實108得個牛，所以都係焗住要加先會食得飽）有咩分別？吉列牛切得厚身dd，而且多層吉列脆邊，食落1 d都唔戒口又唔油膩，口感仲多d，加埋一齊味道好豐富超正。另外安格斯牛冇吉列邊，切落薄d，食落牛肉同牛脂既味再重d，亦到多汁d嫩d。2個都咁好食！個人認為自己燒既好處，就係可以因應個人喜好控制熟既程度，生就肉汁多d嫩滑d，熟d就口感重d香d。因為佢切得都薄，所以記住經常反佢唯一最煩就係通常排隊耐，排到勁餓，入到去不停燒不停食，就好似好趕時間咁：同埋2人座比較少，又唔想等唯有搭枱，但氣氛即刻減半，所以記住趁未餓早d拎定飛!!!!!!同埋枱空間都比較狹窄，為左美食就要忍耐下~~~（如果四個人坐相對冇咁逼。)

呢間食店好鬼祟，佢匿埋係一堆車房鋪頭入面，唔會估到呢度有間食牛肉既店。好surprise地原來好多人都試過黎食呢間，我都係有日同事介紹黎食。Menu選擇唔多，價錢亦唔友善。我叫左個吉列牛，牛既數目都好多，個粒藍色火種都換左兩次，咁你想像到有幾多塊！但要加20蚊先有溏心蛋食，但我都會食！

某日傍晚陪老公嚟食晚餐，時間係18:15，我哋入座時剛好滿座，都知佢有幾人氣~作為一個唔食牛嘅人，就點咗唯一唔係牛嘅芝士吉列豬餐，配櫻花昆布湯，溏心蛋同一個有味素同醬嘅飯，等咗一陣就上檯了！老實講味道中上，我當時唔記得做緊乜，冇好好記住佢嘅味道，只記得吉列豬外層香脆，肉質唔硬，好容易入口，有味素嘅飯幾好食，份量剛好，蛋亦有溏心效果，湯就普普通通。時間大約係18:40，我已經停手，剩低兩啖飯，而老公就準備食完，就喺依個時候，侍應收走我嘅餐盤，話留低兩啖飯我食埋佢，其實佢態度唔算惡劣，但有趕我哋走嘅感覺，我明白門口已經等咗大約10個人會有點焦急，但我覺得至少等我先生食完停手先收會比較好。另外此店始終係多人點自行燒牛肉嘅餐，所以我坐喺最近門口位短短半個鐘，都有一身油煙味，埋單$224(老公叫吉列牛同白飯)，根據現場環境，服務同味道，我應該唔會再去，始終只係坐咗25分鐘左右就有趕客嘅感覺，又覺得稍貴一點，始終香港地租金就係一大問題吧！

話說去荃灣食食下街邊野，見到有班人企咗係條街排隊，所以就去望下食咩野啦。離遠見到寫住個秘字，心諗咁神秘嘅。望一望原來係餐廳嚟嘅，食燒牛肉嘅鋪頭。咁多人排應該無伏掛，所以就跟住排。間餐廳都無乜位，所以要撘枱。咁根住我同朋友就一人叫咗個吉列牛套餐，一份原味，一份就係黑松露味。咁個食法就係好特別啦，自己手動煎黎食，好得意。餐廳會俾舊牛脂肪我地掃個鐵板，所以煎完岀黎嘅牛肉特別香，好好食。咁個黑松露味嘅就貴小小啦，食落都有好香嘅黑松露味，唔錯！

好肥美既鰻魚飯！比主打菜黑松露吉列牛更加開胃，更加好送飯！鰻魚飯既鰻魚好足料！仲長過我隻手！而且伴碟好精美，有落足心思，加左塊葉同條鰻魚形成一個交叉！另外仲叫左黑松露吉烈牛！一邊燒一邊食係幾好玩，不過d 火大到嚇壞寶寶了！同埋黑松露味好似不比普通吉烈牛美味，因為牛味會被蓋過～只係純屬食佢既特別，叫做其他地方冇得食，點都要試食一次ge~ 唔建議大家加$20 多隻唐心多同多少少飯素，因為真係好唔抵白飯已經夠哂味，唔需要加飯素～

相約好耐冇見既朋友食飯朋友話無意見但指明一定要食牛所以我發板決定去「秘」就咁聽呢個名 係咪估唔到其實係食乜呢？😛其實佢有依家都幾hit既板燒吉列牛定食食架🤤當然佢仲有其他例如秘•燒牛肉野菜鍋💲98等等啦好好彩未到晚飯時段高峰 唔洗等位而野食落完單亦好快上菜 可能因為唔洗點「加工」既關係🙈登登～呢個係我點既板燒吉列牛💲108 再配晚市定食💲38定食有秘之飯素、楓糖流心蛋同櫻花昆布湯份量都算多 可能因為吉列牛關係 牛都唔算薄試啖湯先，感覺真係好淡味好清，但因為個飯同牛已經重口味，反而如果個湯仲咁濃成個餐真係完全唔ok 好heavy! 依家咁既配搭 係VERY GOOD!😛吉列唔厚粉，廢話都要講句，牛肉係有牛味既😂但有啲位有根比較韌！而隻蛋真係造到流心效果！好味好食度😋😋😋😋而友人就點咗板燒安格斯牛💲108亦同樣配晚市定食友人既牛比起我個個就薄得多 但份量亦冇馬虎求其，都係一樣好有牛味！我反而中意友人個安格斯牛 個口感係我比較滿意好食度:😋😋😋😋呢個價錢同質素下次會再食不過都係建議要早啲去咁就唔洗等太耐啦😛溫馨提示，「秘」只收現金💵架咋😉