秘 (享成街)

營業中

休息中

油脂均勻秘制板燒吉列牛🐂🥩雖然鋪面唔大，油煙都有啲大，不過食物品質高，值得回訪🥩 板燒吉列牛 $108外層吉列鬆脆，內𥚃肉質鮮嫩最吸引係油花分佈平均😍七成熟肉質都保持軟冧份量足夠男女食客🥩 板燒黑松露吉列牛 $148呢款更為出色外層沾有黑松露肉質散發強烈黑松露郁香食落更為香脆📍秘荃灣享成街22號地舖IG: Mukbanghk_junior

行過見到橫街有好多人等位，行埋去八下先知原來係人氣黃店！位置真係夠晒隱秘，望個門面以為高檔次，打開Menu發現原來好抵食！板燒吉列牛 $108，加$38加配秘之飯素，楓糖流心蛋及櫻花昆布湯之前響香港食過另一間吉列牛$148得10件，呢度$108有13件，賣相靚之餘個吉列牛唔會放上石板上就散開。燒一陣就食得，吉列牛外脆內軟，正！不過筷子得一對，無得分開生熟牛肉。第一次食兼懲罰黃店就加配定食，的確白飯轉做秘之飯素（即係加左醬汁以及日式拌飯素）係正既！流心蛋正正常常，個湯味道唔錯但只係純湯水唔見櫻花，$38抵唔抵真係見仁見智。蒲燒原條鰻魚飯 $78鰻魚厚身夠肥美，味道偏濃，配埋秘之飯素無得彈，CP值高！店內地方淺窄，兩人食要搭枱，行出行入要隔離起身讓位，不過少少唔方面係阻唔到我懲罰良心小店既！

鐵板自己燒既牛肉set🤣好味好味好好味道！😍我地好傻咁問佢地舊白色野係咩黎😂係豬油黎😂不過最初搽果陣都小心啲廢事被油彈到唔係講笑 啲牛好好食🤣個飯都係🙈 因為真係好鐘意食飯素必定再番去食呀❤️

OpenRice 外賣自取 全單8折雖然外賣平咗 但炸物拎返屋企就淋咗自己衡量🤭.🧀芝士吉烈豚肉定食$78🧀面頭似係車打芝士 底下嘅炸皮就冇咁脆啦覺得假如堂食 應該好酥脆🤣豚肉算厚 亦軟熟 份量夠大👍🏻.🍣鰻魚飯定食$76🍱呢個鰻魚就平凡啲 勝在厚肉但鰻魚本身唔算好香 同埋口感太膠醬汁亦偏甜🙈雖然好大條 但唔太難忘🤭.🍟和風夢條配芝士醬$26🍟唔油膩 幾好~🍤脆脆蝦球$38🍤似係燕麥片做嘅炸皮(?!)蝦味都有 正常啦.呢間野出名食牛嫁 會再俾機會佢🥰

牛魔王必食呀😍吉列鐵板牛好有牛味重點係超抵食🤣$108晚餐成個set同埋有好多牛肉我食完成個都覺得有啲油膩不過真心好食啲牛肉唔係好cheap既牛雪花都算均勻同埋真係有牛味吉列都夠脆口成個set有湯有飯都真係好飽一定會再去食！！香港依家好少呢啲高質小店難怪成日行過都見到好多人排隊..*評分*環境: ⭐️⭐️味道: ⭐️⭐️⭐️⭐️價錢: ⭐️⭐️⭐️⭐️..📍 秘 荃灣享成街22號地舖佐敦偉晴街11號地下

朋友話有間食鰻魚飯好多人排隊，好多人話好正，所以我地都排左有45分鐘，好彩早小小排，越夜越多人！都期待係咪真係咁好食我同朋友一人叫左一個餐加一個小食，小食係店員介紹，佢話好多人叫鰻魚飯：D飯唔好食，鰻魚好腥，個湯好似水，蛋唔夠流心吉列炸牛飯：牛好油，好肥，有D咬唔爛，唔係真咁正吉列炸蝦球：最差係依個，只係用蝦滑炸左佢，D粉勁厚，D蝦滑勁小賣相係幾吸引，但味道又唔係真係咁好，但價錢唔算貴，但如果要排成粒鐘，我就覺得唔值囉！而且店舖裡面勁大油煙味，食完成個身嗅曬😅

時間未到6點，已經出現了很大羣人在店外等待。先拿了票輪候超過1小時才進得去，等挺久的。店內沒有多少桌，店面積不大，坐著有點擠。點菜後上餐的速度也算快，可能是大家都幾乎點招牌的那款吉列牛吧！實際上，食物款式不多。沒有特別點餐飲，因為本來已經有供應茶飲，另外還加購了麵鼓湯，， ，其實麵鼓湯不太推薦，因為是典型的味精湯。主菜吉列牛放到鐵板上燒，挺新穎的，不過那個火熄滅很快，所以重點了3次。味道OK ٩۹(๑•̀ω•́ ๑)۶ 可是吃一次非常熱氣，這個久久吃一次不錯

朋友介紹所以嚟試試佢係橫街入邊，都算易搵，附近多車房，比較難泊車，近荃灣廣場揸車嚟嘅可以考慮泊商場.夜晚嚟到勁多人等位，留意翻無得打電話book位，只限walk in 喺出面等緊嘅時候，如果差唔多到你，職員會出嚟幫你落定單，咁入去坐低唔駛等好耐就有嘢食覺得個擺盤幾搞笑有啲似笑哈哈😄略嫌個糖心蛋唔夠糖心~個黑松露牛係幾香，份量足，吉列皮夠脆，湯正正常常個飯幾好食😋牛係有雪花❄️唔錯呢個就原汁原味建議如果兩個人嚟嘅可以嗌一個吉列一個普通安格斯牛share ，會無咁單調🙈另外食嘅過程中到尾段會有少少辛苦因爲比較大油煙，如果改善下抽風會好d ，好焗

秘 Secret Chefs 💛荃灣黃店💛-終於食到呢間嘅吉列牛啦！想食好耐，但因為呢間太多人排隊，所以一直都懶，今次終於下定決心排隊食！最後結果表示排咗兩個鐘先食到🥺...-🔍 板燒吉列牛 $108 (定食+$38)不枉排咗咁耐！百幾蚊食到吉列牛真係好抵😍 吉列牛賣相勁靚🤩 而且厚薄適中，燒起嚟亦都好方便😍而且定食個飯醬汁甜甜地，加上少少紫菜絲、白芝麻等等，一啖飯一啖肉配合得好好😍🤤 -不過因為入面環境比較細，所以排隊真係要排好耐，如果係食飯時間嗰啲要預一定嘅時間去等位～ 或者拎咗飛，可以去附近商場行個圈先再返嚟都仲得～不過一定要人齊先可以入座啊😜-食物質素：8/10環境氣氛：7/10回頭指數：8/10-📍秘 (享成街) (荃灣)荃灣享成街22號地舖

約到朋友出嚟食飯，緊係要搵啲與眾不同嘅食店啦！去到點知超多人等緊位，又落雨喎！咁當然要好有耐性等位，等足個半鐘都值得嘅！加咗$38要咗個餐，包埋湯，碗湯有櫻花架！可惜冇要多條「金魚」（其實係明太子，金魚樣嘅餃）。蛋都超正，好味！呢個浦燒原條鰻魚飯真係不得了！條鰻魚好大大大條呀！啲秘製飯素好正！鰻魚咬落去好有口感、好juicy，唔係乾架！同埋啲飯一齊食，超級好味！必食推介！櫻花汽水真係少見啦！多數鋪頭得綠茶汽水。

終於去左試呢間吉列牛😍😍好多人已經食過唔陪我去食😂啲牛真係好嫩好正🥰個人嚟講覺得原味好食過黑松露果隻突登問店員攞左鹽 燒完灑啲落去「釣」啲牛嘅鮮味出嚟真係好正佢本身跟果隻醬都好食 甜甜地 但有少少搶隻牛嘅味同埋黑松露果隻好香 唔洗點醬都Ok🥰嗚 真係好好食 好滿足🥺♥️

果日難得山長水遠去南豐紗廠，當然要發掘一下荃灣有咩好食。朋友介紹試下秘💛，一搵發覺好吸引，有我好鐘意嘅牛呀，一於試試佢啦！​​首先講下等位先，我地係星期日去，大約七點零到，到咗門口發現幾多人喺度等位，最尾到九點先有位，建議去嘅朋友早少少或者平日去。​​板燒吉列牛定食-吉列牛已經炸至半生熟，每片牛肉每邊輕燒一兩分鐘就得，燒好嘅吉列牛外邊鬆脆，裏邊嫩滑。呢度選用安格斯牛肉，油脂都分佈得好平均，牛味十足。​​秘之飯素-珍珠米粒粒飽滿，加埋飯素同醬油，紫菜芝麻，勁香口，就算平時唔鐘意食飯嘅我都勁鐘意食。​​蒲燒原條鰻魚飯-原條鰻魚肥美又大條，一啲骨都冇，鰻魚燒得啱啱好，加上醬汁入晒味。​​炸雞翼-外脆內軟多汁，就算食到最後都保持香脆，水準好高。​​和風薯條配芝士醬-薯條實肉唔空心，灑上飯素，再點上芝士醬，而芝士醬香濃，鐘意芝士嘅朋友唔可以錯過！​

一直知道荃灣有一間成日要排隊嘅吉列牛，佢價錢平過琥玓好多，冇得訂位，要排隊。今日六點左右已經要喺荃灣搵食，就想起呢間頗有名氣嘅小店。我哋兩個人6.3左右去到，前面已經排咗20個人，我哋攞完飛之後決定過隔離嘅餐廳先飲杯嘢飲住等，直到7:00就有位，等待唔算好難過。都安排入座嘅時候已經會幫你點餐，所以基本上你一坐低就已經有得食。座位比較逼夾，每人前面擺個套餐已經好迫，小食都唔係好擺得落。套餐百零蚊一個人，性價比好高，我覺得好食過琥酌第二平嘅牛肉了。加錢將個湯升級做金魚仔湯，超得意，好可愛！而味道係一隻蝦餃。當一隻蝦餃浸係個湯度出現喺日本菜餐廳，我覺得好搞笑。我哋兩個人叫咗一份吉列牛一份燒牛肉，兩份都好好食，份量亦相當夠，食得野多嘅大男生亦都唔使驚唔飽。呢度唔適合太多人一齊來食，亦都唔太適合唔喜歡等待嘅人。當然我估你下晝三點嚟應該唔駛等位嘅。

喺荃灣廣場附近有條巷仔勁多好嘢食！以前次次夜晚去到呢間秘都大排長龍，今次夜晚8點左右嚟到等一陣就有得食，超幸運🥳😋 板燒吉列牛 $108 （晚市加配定食 +$38）108蚊食吉列牛喺香港嚟講都好抵！同日本比較都好抵因為唔使搭飛機🤪 同一碟牛有晒唔同厚度，薄切厚切都有，想點食都得！牛嘅脂肪比例都幾好，燒完一陣食落口都有少少入口即溶嘅感覺😗 定食套餐有埋秘之飯素、流心蛋同埋櫻花昆布湯，覺得流心蛋可以再流心啲，櫻花昆布湯嘅昆布味都好夠！😋 唐揚雞件（4件） $38幾件雞都幾大嚿，外面好脆，入面雞肉好滑，值得一試！呢間環境幾好，啲裝修又wonderful，不過舖頭細啲所以坐得逼啲。除咗食板燒吉列牛，呢度嘅鰻魚飯都好出名！大家都可以試吓㗎😆

🇯🇵失望而回的吉列牛🇯🇵整體評分: 👎🏼👎🏼(5分為滿分)兩年前喺日本食過一次吉列牛 真係一試難忘點知今次喺依間餐廳食嘅吉列牛真係令我好失望 一點都不值得在門外排了一小時隊吉列牛外皮炸得好脆 但內裏塊牛扒完全未熟好似仲未解凍一樣 食落口感一啲都唔好我認為餐廳炸牛扒之前 應該加長解凍時間令牛扒更加嫩滑 否則顧客要用更長時間在石板上煎煮牛扒這樣會令牛扒肉質變得很乾 而且令肉汁流失而且餐廳裏煙霧離漫 抽風系統值得改善