科記咖啡餐室

營業中

休息中

今日午飯吃豬扒煎蛋飯$23今日1:25坐低, 叫了個飯, 等到1:50才上到飯.鄰座客人比我遲來, 叫生菜豬扒飯, 比我的還快到, 人家吃到一半我個飯才到. 但睇在樓面侍應阿姐阿叔和廚房的都是約五十歲的中年, 我也就算是敬老不投訴, 但也有客人等得不耐煩開口催促. 如果趕時間真的不要在peak hour來.下午要上堂, 唯有在10分鐘內解決碟飯. 煎豬扒算可口軟身不韌, 只是煎不是炸, 但略為油膩, 而且比想像中薄身, 煎蛋普通. 總括, 普通貨色, 比街外其他好少少.服務除了慢, 其實都唔錯. 鄰座客人點了奶醬厚多士, 來了後客人扭計話太少醬, 阿姐都肯收回去加醬, 算係咁.店鋪細, 環境幾逼, 坐到背貼背, 阿姐上菜都走唔過條通道, 要客人自己走過來接手如果想食炸豬扒, 建議西環莉苑鍋貼大王, 又平又即叫即炸.

從Kenny口中聽過o黎間蛇竇聽講豬扒好好味今日終於有機會試吓叫o左個豬扒蛋米同熱鴛鴦豬扒好腍,好入味. 應該係炸o左再浸響汁入面熱鴛鴦咖啡味唔會太強好食過蘭芳園. 正!

如果蘭芳園豬扒包係「特點」，科記豬扒包應該係「頂點」。科記豬扒包既夾料、製作，基本上同一般茶記無分別，但全部用心製作，所以也需用心等待。豬扒包用的是枚頭肉，入味，煎得香，不過火位；有睇頭，也有o趙頭。麵包是舊色麵包舖來貨，再用夾爐烘...上檯時脆又香。跟豬扒包上的熱奶茶如非叫走甜，一律送上即沖茶走。由於唔係午市時間，所以戶外位收起哂。坐門口位，同唔少經過「搭陣檯涼陣冷氣」的公公婆婆「搭訕」；少車的街角、坐在街口、廟前乘涼的老街坊...一切一切，彷彿令我回到四五十年代的老香港。更希望的，是有四五十年代年青人的食量- 那我可以次次清那份量十足的金牌豬扒飯，而不只是一個每日限量出產既豬扒包。

因為胃口不佳,所以只要了豬扒湯米加熱奶茶.熱奶茶嘅奶同茶都不過不失.可喜嘅係主打豬扒勁得,肉味香濃,醃料足卻又無味精,軟滑而不失咬口,至正仲係大大塊都係$19! 今時今日咁嘅價錢咁嘅質素已經好難搵到!可能因為好底,所以套餐响一點前已經賣晒!

三十五元扒炒米系算頗貴，但肉質鮮無用梳打醃，全港只有佢拍得住澳門的新大利咋沙爹牛麵湯底一流野味，牛肉鮮，肉汁有餘、真正！剛好邵美琪來拿她的飯盒，專登來幫襯，証明呢道好掂啦！

講真，佢o既咖喱牛腩真係好食到不得了，只是服務較差。我o地office間中也會幫襯佢叫外賣，但無論我們幾早落order，都等到個lunch差不多完時才送到...幾好味都死啦~

一間幾有懷舊feel的茶記, 天氣涼涼地時坐响窗邊位嘆番件多士真係別有一番風味.同事最鍾意呢度既金牌豬扒,我自己就非常喜歡呢度既熱鴛鴦,一向對港式茶啡興趣不大, 但呢度既鴛鴦真係好得, 非常香滑,一d苦/酸味都冇, 好多時返工前都會黎買番杯. 推介~

來這裡探個做印刷的舊朋友，一起去了以前三日唔埋兩日就來「蛇」的科記。米睇呢度位置偏僻，午飯時間幾時都咁多人的，好不容易才有兩個搭檯位可以坐下來。午餐沒有了芙蓉蛋，唯有叫金牌豬扒飯，不忘吩咐「要碎」，再加杯熱鴛鴦。人多，都要等左一陣至有得食。這裡咁多年都以煎豬扒掛頭牌，肉質不錯又不韌，是炆頭的部份，完全沒有經過化學品的洗禮，醃得入味，加上肉汁，好好味。因為飯扣了底，所以切碎了的豬扒視覺上像多過飯。中上環有水準的茶記不少，至少有勝香園的厚多士及茄牛麵，同呢度的豬扒。朋友不吃豬，雞扒味道也不錯，但相比起來當然差一點。熱啡是自動的「走糖」，如來這裡叫咖啡奶茶還要聲明走糖的，是新客。仍舊香濃，也有水準。埋單六十蚊，雖然比一般茶記略貴，但個人覺得還是物有所值。講下講下，原來又幫襯左十年有多了。

呢度又係幾隱蔽，在荷李活道口一條小路轉上，但就幾有歷史，開左十幾廿年，我亦食左咁耐，雖然地方不大又位置偏僻，但食飯時間都照樣坐滿的。最喜歡吃芙蓉蛋飯，芙蓉蛋材料簡單，只蛋、芽菜、菜甫及叉燒，煎出來一大塊的舖在飯面，芙蓉蛋煎得微焦又不太乾，好正；其次乾炒豬扒意都唔錯，豬扒醃得入又淋；老火湯都好正，材料天天不同，沒有味精，最正的有赤小豆粉葛鯪魚同青紅蘿蔔焗豬骨，每次見倒都叫碗；另菜遠豬扒麵及茄蛋米都唔錯，好受女士歡迎。老細坐鎮水吧，咖啡奶茶都唔錯，呢度無糖供應，老細會幫人客落練奶，要幾多甜幾多奶出聱就得。價錢不算很貴，午餐有三款任選連熱品收25蚊。而家天時涼又會多D行上來幫襯。