秋香 (康景花園)

營業中

休息中

從未係openrice寫過評論，今晚真係食到眼都突埋，真係要分享吓！1.粟米沙律連粟米心上！個樣係就幾吸引，但一咬落去硬到好似食柴枝咁，從未食過蔬菜沙律要lur骨🤔2.串燒食材同味道都一般！最好笑係個鹽燒上等豚肉同牛舌，又乾又韌都話上等🙄3.到個白鱔煲仔飯仲好笑！個飯份量超迷你，上碟時個樣又係幾靚，有隻生蛋同一些生䓤係中間，白鱔排列好整齊，但係個煲仔係凍既，明顯煮好啲野放落去，完全無熱力幫助隻蛋同䓤加熱，當撈勻啲生蛋生䓤落啲微暖既飯到，再加埋啲白鱔既微腥，真係得個“腥”字！😓到服務態度，同侍應講啲牛舌同豚肉好乾好韌，個飯又凍又腥佢應左你就算，完全無意慾換過比你。到埋單同你講可能農曆新年期間啲野爭啲！真係超厚面皮！🙄結果6個人食左$14xx都吾飽又頂吾順啲食物質素吾想再order，我哋決定再去第二間食過。如果香港間間餐廳都係得個樣，真係吾洗出街食飯！總結：永不錄用

食飯遇到最卑劣嘅行為，訂咗位無謂仲要比秋香果老闆鬧大家覺得咁樣今時今日嘅服務態度有冇人可以接受，訂咗位打咗電話黎確認咗諗住去到就實有得食點知啲位就畀晒人仲要係食團年飯十幾人你話

之前去過聚福樓，梗係要去埋同一個老闆的日式fusion居酒屋。明顯地，餐廳主題係來自星爺的唐伯虎點秋香，所以店內有不少與電影有關的對聯大家都耳熟能詳，忍不住要接落去 "不見五陵豪傑墓，無花無酒鋤作田", 好詩好詩而華安同隊穿牆對對一幕，又點少得，不過我認為另一句"阿嫲整撚手米飯"果句會比較應景, 哈哈食物方面，都係走fusion路線點都要試下佢地嘅招牌白鱔煲仔飯鱔好厚身，好juicy，燒得啱啱好。既然師傅燒功好，就試埋串燒牛舌，一樣多汁好味。價錢同區來講偏貴，不過食環境食心機，已經不再是但求"掙飽"的階段，俾多少少食啲有質素啲嘅，偶然都要對自己好啲。

聖誕之前冇乜搞作， 諗住起屋企附近搵下有咩食， 搵到呢間叫做秋香嘅餐廳😆裝修係屯門嚟講係好有特色， 而且佢裏面嘅佈置都係based on<唐伯虎點秋香>呢套戲嘅，其實都幾有趣😂入到去見到個餐牌其實唔係好多選擇，咁樣都係好嘅，唔使睇完又睇🤔我哋嗌咗個粟米沙律，點知嚟到真係成片粟米上，而且係和暖嘅！我覺得幾好食可以試下跟住叫咗兩個串燒牛脷同雞腎不過不失🙄 然後當然要試佢嘅煲仔飯>>白鱔煲仔飯同埋豬腩肉煲仔飯！其實兩個煲仔飯個飯底都係冇味嘅，豉油味都唔係好出 我覺得佢哋買得貴得滯， 反而全晚最驚喜係麻辣象拔蚌！好夠味道真係幾好食總括嚟講就算我最屯門都未必會再返去，佢真係賣得太貴喇！ 其實行轉角位都有煲仔飯食，人哋都係買78蚊

朋友帶我來點秋香，來到這裡見不到秋香姐，卻有現代版唐伯虎，這裡二位型男非常有禮，招待我們坐下來，介紹了數款佳餚美食，有美酒有佳餚有才子實在賞心樂事！😊餐廳設計同食材製作頗有新鮮感味道獨特!🥢粟米沙律🌽 $68先來一係列小食，粟米燒至焦香，掃上蜂蜜加入芝士， 做法似一般食落味道卻是特別脆甜。👍🥢BB甘筍配南瓜蓉🥕 $58香甜美味，甘筍軟糯南瓜粉嫩。👍🥢黑糖枝豆 $30枝豆煮熟加黑糖收汁，好食到有點意外。😍🥢免治雞肉棒 $84/2 串串燒時間全是配搭啤酒的佳餚🥢牛舌 / 雞心 68/2串🥢羊架 $84/2串🥢三文魚🐋煲仔飯 $158白鱔煲仔飯 $168豬腩肉🐷煲仔飯 $128三款不同主題的煲仔飯各有千秋，三文魚半熟，白鱔彈牙，厚切豬腩肉脂香肥而不膩，三個煲仔飯精髓所在於飯的軟腍黏糯，送一口入嘴有點黯然銷魂般滋味！🥢蘆筍 $56/2串好食到難以忘懷。柚子菊花茶 $48Tap $76Craft Beer $68特色啤酒有陳皮啤、雙妹麥花露水麥啤，屬手工啤酒加創作獨特商標之作，我選擇了後者，薰衣草、薄荷、檸檬草、啤酒花及小麥芽釀制而成，呷一口順滑入喉感受著在綻放清香味道。爽 😊💐今日甜品 $68

通常串燒都係普普通通，全靠味粉搭救，但又會又咸又乾，呢間就唔同啦，當日未肚餓，叫左幾份串燒，價錢中規中矩，唔係特別平，但竟然好好食，特別係鱔，唔腥又滑，必食呀！

自己本身對fusion菜都有興趣，皆因唔會局限於傳統框框，食物配搭更多元化同變化，正如 中式鱔魚唔一定要豉汁蒸，雞粒炒飯唔一定要配鹹魚。免治雞肉棒$42雞肉棒好大件，好香同熱辣辣。加咗好多細細粒有咬口嘅雞軟骨打勻。雞肉調味剛剛好，再加埋生蛋黃同豉油即時令雞肉更軟滑。燒茄子$28有幾種鹽同櫻花蝦可以自己加埋一齊食，但有D乾。燒雞中翼配廚師秘製醬汁$32燒大啡菇$26 燒蒜辣墨汁花枝腸$28基本上燒物味道比較普通沒有特別，唔係太濃味，感覺比較健康，當送啤酒都唔差。白鱔煲仔飯$168一定係我食過最貴嘅煲仔飯，落足料大大嚿白鱔非常厚實，肉質彈牙都幾鮮甜。其實呢間居酒屋都幾特別，屬於香港少有，有各類啤酒同清酒，裝修又有特色，只係位置比較偏。

呢間咁有風格嘅餐廳，都bookmark左好耐㗎啦！連餐廳名都咁特別，秋香即刻令人聯想到廣為人知嘅唐伯虎點秋香😆連門面嘅裝修都極少見入面嘅裝修都幾有格調《燒大蝦》$45呢個建議大家用口剝殼，因為多數味集中左係殼上面~《燒牛舌》$84牛舌同一般牛舌口感唔一樣，比一般牛舌多左小小軟稔，似牛肉同牛舌之間～《燒牛粒》$88燒牛粒好好食！！牛味重而且燒得岩岩好，鎖住晒肉汁😋《免治雞肉棒》$42呢個係我最鐘意！！從來冇係其他舖見過同樣食物，雞肉棒唔單只係雞肉整成，仲有少少打碎左既雞軟骨！令整體口感更加豐富，有啲脆脆嘅可以咬下，點埋加咗生雞蛋嘅甜豉油，一流😆😆老闆根據我哋嘅口味為我地推薦左兩款唔同嘅手工啤，特別喜歡其中一個有茶嘅味道👍 果枝就算放亂左都唔會苦，茶味反而更加出添！$68/1《粟米沙律》$68雖然佢話就話係沙律，但佢係辣辣地，有啲似spicy masala corns既味，我自己就好鐘意呢隻甜甜辣辣嘅味喇😛《白鱔煲仔飯》$168呢個煲仔飯基本上係必嗌之選🤩🤩白鱔厚肉，而且唔係淨係得個淋字，白鱔肉質爽彈，加埋生蛋黃真係Lam lam利～呢個飯我比100分！《燒大啡菇》$26上面有好多唔同嘅調

之前係電視見到介紹呢間餐廳，覺得呢度裝修好靚同幾特別，呢度主打 fusion 菜，係一間居酒屋來，估佢唔到呢記住側邊先係面口丫粟米沙律烘過既粟米，面頭加上芝士碎同沙律醬，粟米好甜，加上芝士都唔會太膩，切到呢個size 食落會方便好多炒雜菜估唔到會用上少見既紫椰菜，仲有粟米芯，蘆筍，什菇，炒完一d都唔油膩，新鮮蔬菜唔需太多調味，都會有鮮甜既感覺牛腩煲呢度既牛腩煲唔係好似平時甘食，呢度會俾埋生菜，蒜片，辣椒絲，好似韓式燒肉甘，包住來食，幾過隱架牛腩已經煮到好淋，用生菜包住食可以令到無甘濃味，食多幾舊都得丫豬腩肉煲仔飯之前見過介紹，米係用上湯來煮，加埋蛋汁同大量葱，第一次食煲仔飯係用日本米，好驚喜野莓蝶豆花氣泡水士多啤梨薰衣草氣泡水

同朋友約返係屯門食個飯傾下計，之前試過附近聚福樓覺得好特別，好似都係同一個老闆（？）唔知有無搞錯到，所以今次再試埋呢間秋香。舖頭內環境係幾有格調我地坐左矮枱，坐得耐都會攰兩個女仔，夜晚唔想食太多，叫左招牌嘅白鱔煲仔飯同一個沙律叫左鮮蝦沙律，好「精緻」，細細碟咁煲仔飯份量真係幾少，唔適合好肚餓想醫肚嘅人。味道都唔錯，但以佢嘅價錢嚟講，性價比就有d偏低喇。食物選擇都唔算好多，環境幾好，適合靜靜地悠閒咁傾陣計。

今日又入左屯門揾食，入左條街近康景花園個邊，比一間小酒館既名同外型吸引左。秋香入到係揀左張高枱坐，氣氛很好，好有外國小酒館既味道，坐低之後仲有靚仔哥哥送上餐牌有好多野食都好吸引，忍唔住叫多d首先係粟米沙律，一送上枱就閒到好香既味道，粟米係熱既淋上沙律醬同芝士碎，粟米放係香茅上面，粟米既熱力令到香茅散發出淡淡清香，好有心思，好香好好食黑糖枝豆每一條枝豆都掛到黑糖，黑糖甜得黎仲食到有小小酒香味秋香牛腩煲牛腩炆得好淋入味，煲入面仲有好多牛筋好多骨膠原，佢仲配埋生菜蒜片比你，夾埋成件事清新好多炒雜菜佢地用左一隻味道好特別既汁炒，咸味剛剛好有菇有椰菜有露荀豬腩肉煲仔飯送上枱既時候仲熱辣辣，將雞蛋攪勻落去個飯到，豬腩肉既油香再伴埋一齊，正！真心誠意推薦如果入開理屯門真係可以試試，環境好坐得舒服食物又好食，仲有個小福利，哩度d員工個個都係型仔黎嫁

青善街一向多野食，今次俾我發掘到這家特色小店，地方較隱世，在內街，有點像日式居酒屋，但係中式嘅，睇名就知拉😂😂店內外裝修很一致，秋香名句😎😎中式居酒屋🏮特別是什麼，就是串燒和酒🥃🍶酒櫃裝飾很專業，還有sake和麥啤，可憐的我揸左🚗🙈🙈食多D正野補數，串燒火候控制得剛好，白鱔肥美不腥，牛舌爽爽的，很重牛味，大啡菇很juicy 厚肉 茄子配上七味粉很惹味......免治雞肉棒配上醬油雞蛋，食落去很滑呢！柚子豬是fusion 菜，柚子很突出，比泰色生菜包出色！😋下次一定不揸車，飲返兩杯😏😏

雖然立冬了，香港最近才有點涼意，捉住秋天的尾巴，去chill 一chill,周五晚在屯門餐廳林立的光亮乾淨的巷尾給我找到這間隱世的高質餐廳～裝潢由里到外都很棒很用心，猶如身在外國，可謂屯門的世外桃園！應該是老板吧，很帥的外國人，但仍可以廣東話溝通，也很親切，會給點餐建議。推薦菜式太多了，有粟米沙律🥗切成細長條，方便入口，鋪滿芝士和沙律醬，是很開胃的前菜，也很好送酒！燒茄子，有四款調味隨菜上，任君選擇，一次滿足不同口味～串燒選了我最愛的雞翼，和五花肉（店家起了個好名字叫波板糖，看圖就聯想得到）大啡茄也很進味～再來個小菜，免治雞肉棒，可好食了！照燒汁不點也行，燒得很香，雞肉入面混了點雞軟骨，口感更佳！當然配生蛋混一起更加滋味～重頭戲是豬腩肉煲仔飯，燒得金黃色的厚切五花肉，半肥半瘦太吸引人了，上面還有蝦米，明太子和蔥花做配料，太惹味了，底下的飯有香香的飯焦，混雞蛋一起食，太好吃豐富了這味道！配著老闆推薦的sake，很relaxing 的跟朋友過了周五晚，個人很少打滿分，這次給是超值了，居酒屋的感覺，很合適三五知己邊飲酒邊聊天享受美食，畢竟環境很舒服，可選室內/室外用餐，照顧到吸煙的，門外還有

朋友同我講佢屋企附近開左間好靚既餐廳，叫我陪佢去試下。門面係有點神秘，令人想一探究竟既入面都真係好靚，中日fusion裝修，配上日文背景音樂，感覺放鬆得黎又有點hyper首先叫左壺清酒，$180蚊有200ml，口感清新不會有太濃烈的酒味，非常啱配串燒食呢！好快我地叫既串燒就上齊，賣相非常靚，打卡一流這個免治雞肉棒加了雞軟骨，比起普通的雞肉棒多了咬口。最驚喜係甜醬油內有半熟蛋黃，非常好食！從上到下分別是波板糖五花腩、雞中翼串同大啡菇。每樣都很不錯，其中啡菇最好食，咬落超juicy！食食下我最期待既白鱔煲仔飯終於上檯啦！呢個真係好好食！白鱔非常新鮮肉厚，而且出奇地多，我真係第一次食材料多過飯既煲仔飯😂飯加了密製醬汁，與蛋黃同蔥花拌勻，真係好正燒大蝦很新鮮，不需過多調味已經很出色最後係燒茄子和燒牛粒，牛粒juciy牛味重，燒得剛剛好茄子半身的味道很淡，只有蒜蓉，另外伴碟有三種味粉可以比我自行調配，都幾好玩係咁有feel既餐廳度食下嘢，飲下酒，真係好正，走既時侯感覺差滿電

屯門區置樂附近一向係美食集中地，青善街球埸附近店名 秋香 的fusion 餐廳最近也見很多好評，便來試一試😝門口裝飾已古色古香與店名一致，內裏裝修很特別還有一些唐伯虎點秋香的擺設枱不算太多，今日平日嚟到已經滿座了所以建議book枱喜歡飲酒的明友一定要來，烈酒，麥啤，sake一應俱全燒物不錯👍白鱔，魚油很香，又爽又脆雞中翼串燒得剛剛好，肉質嫩滑，很有日本風味😋牛粒吃得出是用上等牛柳粒，燒到七成熟不過火牛味很重牛舌也很想爽脆，加上黑楜椒更加野味唐榻池魚香口，連骨一齊食，更加香，配上沙律醬，不錯👍柚子豬，有點像泰國的生菜包，但一點也不肥膩加上柚子醬感覺好清新🤩勉之雞肉棒配上醬油雞蛋，令肉質更加滑好感很特別呢！今晚揸咗車唔飲酒走，下次一定要過嚟試吓麥啤🍻