秋香 (康景花園)

營業中

休息中

秋香對我而言係萬中無一的居酒屋，雖然位於比較格涉的屯門，但每次黎都座無虛席，有時候都要排隊等一下。這裡的老闆係日本人，第一次去時，佢已經飲醉咗，不斷同人講廣東話、飲酒同大笑，令成個地方都好放鬆同歡樂^^～這裡的裝修亦係令佢萬中無一的原因。一踏入餐廳因為樓底幾高，所以感覺唔似一般酒吧咁有壓迫感，吧枱整得好靚，餐廳主要用木枱同櫈，帶點日本風，但牆上又掛起咗《唐伯虎點秋香》的字句同對白，仲有一啲字畫，感覺係中日式交融～另外藍綠色的魚鱗陶瓷牆身，感覺都好日本，幾岩打卡，哈哈～入返正題，食物方面，菜式都非常之新穎！但今次黎已經賣曬我最愛食嘅 粟米沙律 T^T Anyway 白鱔煲仔飯 |以煲仔飯上菜，黎嘅時候仲有啲咋咋聲～白鱔肉質非常滑，而且都有好多塊（六舊左右），醬汁帶點甜，有點日式燒汁嘅感覺，再加埋上面的蛋令成個飯更加滑～但覺得成個飯有啲唔夠食～黑糖枝豆 |係每次必叫的小食！每個枝豆都索曬黑糖汁，啜每一粒都有枝豆清新的豆味，但又帶甜同一點鹼～真係好好食！個底仲有好多黑糖汁可以點～送酒一流！黑松露生蠔 |呢一道係口味非常新鮮，而且用料都好新鮮，因為係當季先會有呢個菜式食，所以唔係成日有～黑松露

置樂呢間裝潢設計都得漂亮既秋香，每次行過都好想入去試下，見好評都不少，今次終於有機會試！一開始滿懷希望，好期待！好有特色既裝修！店舖環境又安靜！不過張凳太矮，男性坐既話會坐得唔舒服，頂住隻腳。居酒居當然要試下串燒！串燒方面叫左：雞中翼串燒、雞腎串、波板糖五花腩同蒜辣墨汁花枝腸呢度的串燒真係唔得，雞翼唔夠熟，波板糖五花腩超級硬，用力都咬唔入！雞腎串韌到直頭扯唔開支木條，韌過擦子膠！墨汁花枝腸算係最好既小食，普通既花枝味加小小辣味同帶蒜味，味道特別。串燒方面其係需要改善！炒雜菜係有驚喜既，味道夠，只係外表唔討好，勝在內涵補救。最受好評嘅煲仔飯，我地叫左臘腸雞煲仔飯$148 臘腸未夠熟好硬！雞肉都算有味，個外皮好多烤到黑曬，飯焦唔算多。煲仔飯黎講係差！可能期望愈大，失望愈大？無特色既煲仔飯野苺蝶豆花汽泡水（左）$48士多啤梨薰衣草汽泡水（右）$52兩杯嘢飲嘅味道都差唔多，大家都偏甜，完全無一種飲完仲想再飲既感覺。如果淨係食環境既話，我覺得都還算接受到，但食物質素太差，完全令到我好失望，無一種想再黎既感覺。

睇到網上介紹呢間隱身屯門既中日式居酒屋，環境睇落唔錯，而且泊車都好方便，所以就去一試。呢間居酒屋地方細細，但成間餐廳佈置都好有味道好CHILL，而且餐廳員工同店主都好NICE &FRIENDLY，成個感覺好RELAX。每樣食物水準都好好，但價錢就唔太便宜，似尖沙咀居酒屋價位，但整體都物有所值。粟米沙律–網上好多人都推薦呢款，好得意，係原個粟米切件再拌特製沙律醬汁，味道不錯甜甜地幾開胃。燒桂花蚌–燒烤火喉好好，保留貴妃蚌鮮味又有少少辣味蒜香，好惹味。燒茄子–燒得好JUICY又厚肉，又係有少少辣味調味，而且唔會好似坊間燒烤店咁好油膩。燒雞皮–食過好多間居酒屋、燒烤店的燒雞皮，呢間算係整得好出色，係完全燒到脆身，而且唔油膩，好似食緊薯片咁。燒一口日本甜薯 - 味道不錯，但相較其他菜式略為普通。白鱔煲仔飯 - 呢度既主打菜式，白鱔肉質肥美而且飯又香又入味，睇落以為份量好細但其實食完會好飽，因為白鱔好厚肉又夠油香，所以會有點飽肚。剩係黎飲下酒、食下串燒都好正，呢間店值得再三回訪。

係水果日報見到呢間餐廳，俾佢個白鱔煲仔飯吸引左，所以和朋友過黎試下。呢間餐廳地點較偏遠，搭到任何一個輕鐵站都要行10-15分鐘，最後來回都係call uber。點左一個白鱔煲仔飯和牛肋條煲仔飯，個飯真係好細，比一般煲仔飯細一半，只夠一個人食。白鱔夠肥美厚肉，燒得香口，但唔夠味。飯底似係珍珠米，和一般港式煲仔飯不同，加埋隻生雞蛋🥚，我覺得口感太濕潤。牛肋條煲仔飯一般般，係食材同一般煲仔飯不同，但味道無咩特別。

屯門隱世日式融合菜居酒屋 話係居酒屋，又似乎唔多準確，因為呢間野又有日式串燒又有煲仔飯，所以真係幾fusion。話說該日我同我朋友都心有靈犀想試這間菜，不過係佢send俾我先既,仲順手book埋枱添。你若果係星期六日夜晚黎,你就會知道有book枱真幾咁重要架啦。鋪頭不算十分大,環境較為逼,無可避免,所以大家既談話內容基本上都係隔離枱聽到晒,哈哈。至於菜式方面,我地叫左白鱔煲仔飯，一串燒牛脷、豚肉、粟米沙律，兩枝啤酒。本身我其實想叫燒花枝蚌，但該日海鮮既野賣晒…so...粟米沙律呢味菜,我其實好多疑惑,佢其實真係唔係沙律,而是燒粟米再加沙律醬、芝士同某種辣粉。由於辣,所以我食左兩件就ko左啦,其他交由我朋友去解決。燒牛脷,牛脷夜落比較爽,有嚼頭。燒豚肉就不似一般的居酒屋有較多醬汁,偏向焦香味。白鱔煲仔飯都好唔錯,有生雞蛋,撈飯一流。雖然我地兩個人最後都差d食唔晒,但其實份量係ok既,唔算係過多,正常胃口既人,其實一個人都可以ko。啤酒方面呢,其實我唔係特別好啤酒既人,只是想嚐鮮,我叫的應該叫dragon king?睇介紹有柚子味,所以入口都算ok,只有3.5%酒精。我試左一啖朋友叫的酒,

昨晚，成班朋友到屯門揾地方食飯，上網見好似好有特式咁咪去試下。 一見到店舖好有特式，環境氣氛一流，點知食物就九流，大失所望，我唔明裝修得咁靚都投資唔小，但係出品咁差，唉……和牛面頰肉加骨髓成$300蚊架總重量大概20克，用來送多士，上枱都凍哂，基本除沙律比較正常，串燒上枱已凍又燒到乾曬。煲仔飯正常人要食3煲先飽，烹調又冇技巧。失望!

從未係openrice寫過評論，今晚真係食到眼都突埋，真係要分享吓！1.粟米沙律連粟米心上！個樣係就幾吸引，但一咬落去硬到好似食柴枝咁，從未食過蔬菜沙律要lur骨🤔2.串燒食材同味道都一般！最好笑係個鹽燒上等豚肉同牛舌，又乾又韌都話上等🙄3.到個白鱔煲仔飯仲好笑！個飯份量超迷你，上碟時個樣又係幾靚，有隻生蛋同一些生䓤係中間，白鱔排列好整齊，但係個煲仔係凍既，明顯煮好啲野放落去，完全無熱力幫助隻蛋同䓤加熱，當撈勻啲生蛋生䓤落啲微暖既飯到，再加埋啲白鱔既微腥，真係得個“腥”字！😓到服務態度，同侍應講啲牛舌同豚肉好乾好韌，個飯又凍又腥佢應左你就算，完全無意慾換過比你。到埋單同你講可能農曆新年期間啲野爭啲！真係超厚面皮！🙄結果6個人食左$14xx都吾飽又頂吾順啲食物質素吾想再order，我哋決定再去第二間食過。如果香港間間餐廳都係得個樣，真係吾洗出街食飯！總結：永不錄用

食飯遇到最卑劣嘅行為，訂咗位無謂仲要比秋香果老闆鬧大家覺得咁樣今時今日嘅服務態度有冇人可以接受，訂咗位打咗電話黎確認咗諗住去到就實有得食點知啲位就畀晒人仲要係食團年飯十幾人你話

之前去過聚福樓，梗係要去埋同一個老闆的日式fusion居酒屋。明顯地，餐廳主題係來自星爺的唐伯虎點秋香，所以店內有不少與電影有關的對聯大家都耳熟能詳，忍不住要接落去 "不見五陵豪傑墓，無花無酒鋤作田", 好詩好詩而華安同隊穿牆對對一幕，又點少得，不過我認為另一句"阿嫲整撚手米飯"果句會比較應景, 哈哈食物方面，都係走fusion路線點都要試下佢地嘅招牌白鱔煲仔飯鱔好厚身，好juicy，燒得啱啱好。既然師傅燒功好，就試埋串燒牛舌，一樣多汁好味。價錢同區來講偏貴，不過食環境食心機，已經不再是但求"掙飽"的階段，俾多少少食啲有質素啲嘅，偶然都要對自己好啲。

聖誕之前冇乜搞作， 諗住起屋企附近搵下有咩食， 搵到呢間叫做秋香嘅餐廳😆裝修係屯門嚟講係好有特色， 而且佢裏面嘅佈置都係based on<唐伯虎點秋香>呢套戲嘅，其實都幾有趣😂入到去見到個餐牌其實唔係好多選擇，咁樣都係好嘅，唔使睇完又睇🤔我哋嗌咗個粟米沙律，點知嚟到真係成片粟米上，而且係和暖嘅！我覺得幾好食可以試下跟住叫咗兩個串燒牛脷同雞腎不過不失🙄 然後當然要試佢嘅煲仔飯>>白鱔煲仔飯同埋豬腩肉煲仔飯！其實兩個煲仔飯個飯底都係冇味嘅，豉油味都唔係好出 我覺得佢哋買得貴得滯， 反而全晚最驚喜係麻辣象拔蚌！好夠味道真係幾好食總括嚟講就算我最屯門都未必會再返去，佢真係賣得太貴喇！ 其實行轉角位都有煲仔飯食，人哋都係買78蚊

朋友帶我來點秋香，來到這裡見不到秋香姐，卻有現代版唐伯虎，這裡二位型男非常有禮，招待我們坐下來，介紹了數款佳餚美食，有美酒有佳餚有才子實在賞心樂事！😊餐廳設計同食材製作頗有新鮮感味道獨特!🥢粟米沙律🌽 $68先來一係列小食，粟米燒至焦香，掃上蜂蜜加入芝士， 做法似一般食落味道卻是特別脆甜。👍🥢BB甘筍配南瓜蓉🥕 $58香甜美味，甘筍軟糯南瓜粉嫩。👍🥢黑糖枝豆 $30枝豆煮熟加黑糖收汁，好食到有點意外。😍🥢免治雞肉棒 $84/2 串串燒時間全是配搭啤酒的佳餚🥢牛舌 / 雞心 68/2串🥢羊架 $84/2串🥢三文魚🐋煲仔飯 $158白鱔煲仔飯 $168豬腩肉🐷煲仔飯 $128三款不同主題的煲仔飯各有千秋，三文魚半熟，白鱔彈牙，厚切豬腩肉脂香肥而不膩，三個煲仔飯精髓所在於飯的軟腍黏糯，送一口入嘴有點黯然銷魂般滋味！🥢蘆筍 $56/2串好食到難以忘懷。柚子菊花茶 $48Tap $76Craft Beer $68特色啤酒有陳皮啤、雙妹麥花露水麥啤，屬手工啤酒加創作獨特商標之作，我選擇了後者，薰衣草、薄荷、檸檬草、啤酒花及小麥芽釀制而成，呷一口順滑入喉感受著在綻放清香味道。爽 😊💐今日甜品 $68

通常串燒都係普普通通，全靠味粉搭救，但又會又咸又乾，呢間就唔同啦，當日未肚餓，叫左幾份串燒，價錢中規中矩，唔係特別平，但竟然好好食，特別係鱔，唔腥又滑，必食呀！

自己本身對fusion菜都有興趣，皆因唔會局限於傳統框框，食物配搭更多元化同變化，正如 中式鱔魚唔一定要豉汁蒸，雞粒炒飯唔一定要配鹹魚。免治雞肉棒$42雞肉棒好大件，好香同熱辣辣。加咗好多細細粒有咬口嘅雞軟骨打勻。雞肉調味剛剛好，再加埋生蛋黃同豉油即時令雞肉更軟滑。燒茄子$28有幾種鹽同櫻花蝦可以自己加埋一齊食，但有D乾。燒雞中翼配廚師秘製醬汁$32燒大啡菇$26 燒蒜辣墨汁花枝腸$28基本上燒物味道比較普通沒有特別，唔係太濃味，感覺比較健康，當送啤酒都唔差。白鱔煲仔飯$168一定係我食過最貴嘅煲仔飯，落足料大大嚿白鱔非常厚實，肉質彈牙都幾鮮甜。其實呢間居酒屋都幾特別，屬於香港少有，有各類啤酒同清酒，裝修又有特色，只係位置比較偏。

呢間咁有風格嘅餐廳，都bookmark左好耐㗎啦！連餐廳名都咁特別，秋香即刻令人聯想到廣為人知嘅唐伯虎點秋香😆連門面嘅裝修都極少見入面嘅裝修都幾有格調《燒大蝦》$45呢個建議大家用口剝殼，因為多數味集中左係殼上面~《燒牛舌》$84牛舌同一般牛舌口感唔一樣，比一般牛舌多左小小軟稔，似牛肉同牛舌之間～《燒牛粒》$88燒牛粒好好食！！牛味重而且燒得岩岩好，鎖住晒肉汁😋《免治雞肉棒》$42呢個係我最鐘意！！從來冇係其他舖見過同樣食物，雞肉棒唔單只係雞肉整成，仲有少少打碎左既雞軟骨！令整體口感更加豐富，有啲脆脆嘅可以咬下，點埋加咗生雞蛋嘅甜豉油，一流😆😆老闆根據我哋嘅口味為我地推薦左兩款唔同嘅手工啤，特別喜歡其中一個有茶嘅味道👍 果枝就算放亂左都唔會苦，茶味反而更加出添！$68/1《粟米沙律》$68雖然佢話就話係沙律，但佢係辣辣地，有啲似spicy masala corns既味，我自己就好鐘意呢隻甜甜辣辣嘅味喇😛《白鱔煲仔飯》$168呢個煲仔飯基本上係必嗌之選🤩🤩白鱔厚肉，而且唔係淨係得個淋字，白鱔肉質爽彈，加埋生蛋黃真係Lam lam利～呢個飯我比100分！《燒大啡菇》$26上面有好多唔同嘅調

之前係電視見到介紹呢間餐廳，覺得呢度裝修好靚同幾特別，呢度主打 fusion 菜，係一間居酒屋來，估佢唔到呢記住側邊先係面口丫粟米沙律烘過既粟米，面頭加上芝士碎同沙律醬，粟米好甜，加上芝士都唔會太膩，切到呢個size 食落會方便好多炒雜菜估唔到會用上少見既紫椰菜，仲有粟米芯，蘆筍，什菇，炒完一d都唔油膩，新鮮蔬菜唔需太多調味，都會有鮮甜既感覺牛腩煲呢度既牛腩煲唔係好似平時甘食，呢度會俾埋生菜，蒜片，辣椒絲，好似韓式燒肉甘，包住來食，幾過隱架牛腩已經煮到好淋，用生菜包住食可以令到無甘濃味，食多幾舊都得丫豬腩肉煲仔飯之前見過介紹，米係用上湯來煮，加埋蛋汁同大量葱，第一次食煲仔飯係用日本米，好驚喜野莓蝶豆花氣泡水士多啤梨薰衣草氣泡水