秋月居 (已結業)

🎏隱世日本料理.含笑半步釘 呢杯酒個名好特別仲要菜單冇樣睇💚💙好彩冇中伏係薄荷朱古力味 酒精唔算多 好易入口加粒麥提莎提高朱古力味 很喜歡.帆立貝三文魚飯 性價比超高海鮮份量好多🤤🤩賣相又靚加埋厚切牛油 撈埋一齊食 好滿足.七味粉炸雞軟骨 gathering食一流上枱嘩左聲❣️真係好多好抵食.牛柳粒串燒就一般了 每塊牛口感不一第一舊好滑😐但愈食愈硬 味道取勝.小丸子真係好細粒😹早知唔叫外皮係脆嘅 但入面都幾多粉章魚比較細 街上小食店會好啲

約咗朋友喺九龍灣做gym，咁唔食飽又邊有力做gym呢，緊係出盡奶力食咗先啦。行到去得寶商場搵嘢食，見佢門口唔係特別精緻，但係又咁多人食，就入咗去。見幾張枱都嗌咗香蒜牛肉鐵板飯，跟風試吓先，好平好抵食！味道仲要唔錯㗎喎！香港人食壽司一定要叫三文魚㗎啦，我都唔例外！哈哈！一嚟見到碟三文魚壽司有手長咁長，食落都新鮮嘅！即刻加單就加個厚厚嘅三文魚刺身。海膽壽司都好大件，好足料，鮮甜！估唔到無咩大排場嘅餐廳都咁正！

鐵板牛肉飯呢個鐵板牛肉飯性價比好高，份量大碟，牛肉份量十足。而且配上黑椒汁， 飯有淡淡嘅焦香，好味！玉子燒不過成餐飯都有驚喜係呢個玉子燒佢唔似平時其他餐廳嘅做法，因為佢入面會有沙律醬同埋有飯包喺入面 食落好有層次 ！

今日收工約了朋友到九龍灣一聚，朋友介紹這間位於得寶商場的秋月居，便跟隨朋友去試試吧~ 大約晚上七時半，等候的人數甚多，大約二十分鐘才能入座。今日點了一份朋友極力推介的蒲燒鰻魚芝士蛋包鐵板飯， 一份沙律，厚燒玉子和一客飯團。首先上枱的是黃金厚燒玉子，因為太肚餓，都忘記了影相😂😂厚燒玉子配上醬汁燒，熱辣辣，超惹味!! 必食!!朋友推介的蒲燒鰻魚芝士蛋包鐵板飯又是一流的！因為鐵板上，所以不會很快變冷。芝士份量很多，可以拉絲，鰻魚份量都不算少，整個蛋包飯超美味! 朋友果然是食家😂炸軟殼蟹野茶沙律，份量正常，野菜很新鮮。軟殼蟹不會太油，配上野菜，食得很舒服。而沙律醬帶少少酸，非常開胃。燒飯團 (鰻魚)味道不錯，不過如果燒耐少少，飯團表面再燒焦少少會更好味。雖言如此，對於這一頓晚飯非常滿足!

今日夜晚行得寶商場，翻新後既得寶一邊新，一邊仍然係舊，不過就發現有一個商場居然有五間中醫鋪，嘩～今晚食得清啖少少，日本菜，叫左兩個主菜兩個小食，其實味道都幾好味，主菜烏冬個湯仲好好飲，帶少少甜。但飲多幾啖就覺得佢個咸味都幾重，到最尾果幾啖湯就更明顯。兩個小食：芝士年糕同玉子燒，芝士年糕無特別驚喜，反而玉子燒幾特別，外層似焦糖燉蛋既顏色，裡面有沙律醬加飯，味道唔錯～餐廳環境唔錯，傾記吹水都唔會太嘈，店員服務唔錯，價錢都合理。

比相片既食物賣相吸引，所以黎呢度一試，一入到餐廳就叫左佢既招牌菜：炒面同鐵板飯。呢個炒面賣相吸引，但食落一般，有點乾身，而且食食下好餾，建議多人去先試會更好。呢個鐵板炒飯看似不錯，但食落麻麻，饅魚唔夠熱，蛋又太乾，味道一般，有少少失望😞惟一驚喜係創意飲品，好少有日本野食會有得叫cocktail，創意、誠意十足，而且價錢唔算貴，選擇又多，可以一試！特色食物一般，反而燒物同壽司味道更好，2人埋單400有找，日本野黎講唔算太貴， 一試無妨！

又好食又抵食既居油屋真係好難搵。好多都好貴，出名既又唔坐得耐。但呢間都算係會返食又返食既一間居酒屋。食物夠多選擇，有串燒又有飽肚既，有男仔朋友都唔怕要食好多串串燒先夠飽。個人最喜歡就係燒玉子飯，真係好好食可以食幾碟。仲有最出名既沙律，基本上次次都有叫。除左食物，飲品都係其中一個賣點，坐低吹水點可以無酒精呢。d飲品唔貴，好抵飲，除左啤酒仲有cocktail。而cocktail好值得一提既就係，唔好以為佢係好流既cocktail，飲落酒精有幾足料有次飲左一杯long island就有feel了

媽媽大人生日,好開心咁喺得寶附近呢間秋月居等位, 大概40分鐘後入座,座位算舒服唔太迫, 但係待應得兩位,要湊約25個客人都幾吃力。兩杯cocktail都好好味唔重酒精味，擺得好靚靚咁。魚生飯好新鮮，魚生都算好多。烤飯團都幾特別，淡淡嘅醬油味唔會太咸。串燒水準出色，唔會太韌或太咸味，雞翼燒得香口！

喺九龍灣附近返工，其實餐廳都幾多選擇，不過都屬於偏貴，不過呢間食日本野既餐廳喺德寶商場地下，價錢相宜，質素又高，所以次次食都要早啲去。 今次我叫左火炙三文魚火山飯，同事叫左汁燒牛肉烏冬，同埋每次都要必嗌既黃金玉子燒。個黃金玉子燒真心好食，啲蛋會夾住啲飯，啲飯又撈左汁再加啲沙津醬，個玉子面會再燒一燒，超好食！ 個火炙三文魚飯又係好好食，少少沙津醬溝埋啲三文魚超夾，啲飯又多汁再加埋啲魚香溝埋會忍唔住食哂！不過同事就表示牛肉烏冬冇特別，下次可以試過第樣。

今日到九龍灣一帶行街，餐廳位於得寳商場附近，其實附近有不少選擇，淘大也不唔少餐廳。不過我地心血來潮，想食日本野，眼見餐牌價格相宜，人流也不多，於是揀左係秋月居食午餐。朝早食左一個豐富的早餐，所以我點左整個餐牌中最便宜既三文魚漬飯，盛惠35，本來以為會非常細份，點知份量都算夠喎，三文魚肉粒都幾多，啖啖都食肉咁濟，當然有原塊更好，但係而呢個價錢都無得太多要求另外也點了炸墨魚咀和女友一齊食，女友之前食過，對我推介這道菜，份量好多，裝滿整碟，至於味道呢，既脆又十分爽口，不知不覺就食左好多

各位冬至快樂🧡今晚同朋友食#秋月居朋友熱烈推薦呢間餐廳講左好耐終於食到🥰🌟必食🌟#火炙三文魚壽司飯（$68）要另加一一上枱勁香燒三文魚既味🤤大大塊既三文魚係半生熟，兩塊都好大塊同比較薄身，一啲腥味都無🧡🤓食唔停口飯既飯量都算幾多，啲飯撈埋紫菜同汁勁好味。甜甜地好濃味既汁真係好吸引，但啲汁份量比較少，唔會完全撈得曬啲飯。🙆🏻‍♀️中意食三文魚既朋友記得留意🙆🏻‍♀️#朦朧的肚臍（$29）開頭比個名吸引左，覺得好特別。一上枱好吸引，非常適合打卡，價錢都算可接受。佢係橙汁溝vodka 但味道好似藥水。個人不太喜歡這味道整體而言，呢間餐廳cp都好高，會再光顧！*大家記得可以打電話去book 位，唔洗喺門口等咁耐*

今日同朋友去到得寶搵野食，記得有個朋友話個呢間秋月居抵食，就決定去試下～☺️我地叫左個鰻魚蛋包飯share食，一上菜仲出緊煙，我地決定唔好郁佢住，咁可以更多飯焦🤣以$70價錢黎講，份量都算幾多，鰻魚佢比得都算大舊。而蛋包飯都幾好味，個蛋唔會話太熟，仲有少少蛋汁，值得一試。友人叫左個三文魚手卷，都算幾新鮮，而且料都係比得好足啊，好大份三文魚。其實我地仲有叫其他野食 ，不過掛住食所以唔記得左影🤣🤣仲有叫左燒玉子，燒茄子，明太子雞翼，燒多春魚，仲有兩杯cocktail🤣🤣反正成枱都係野食🤣🤣但計翻每人都唔洗$200～所以非常抵食～大家可以黎試試啊！

1️⃣蒲燒鰻魚芝士蛋飯 HKD$78鏝魚好好食 雖然食到有小小骨 但夠肥美 蛋有小小太熟 但夾芝士係幾好食 .2️⃣雙重蒜香豬骨湯叉燒拉麵 HKD$52叉燒好食 夠厚但唔韌但麵好一般.3️⃣黃金厚燒玉子HKD$28 夠特別 同好好食 好似有加鏝魚汁推介‼️.4️⃣鹽燒牛舌HKD$33太老太韌 唔好食.5️⃣燒豬頸肉HKD$15還好 用左孜然粉但好唔太夾 有小小重口味————————————————等位有小小耐入到去都算好坐但唔係好食既居酒屋

“秋月居”係一間性價比很高嘅日式小店，食物選擇多，而且價格非常合理。除左壽司外，仲有其他小食，例如七味雞軟骨，芝士年糕等... 而鐵板飯都好出色的。今次就叫左火炙三文魚飯，肥牛鐵板飯，芝士玉子，芝士年糕，烏冬同埋超級菠蘿冰。火炙三文魚飯好好味，燒出三文魚嘅魚油，好香，三文魚入口即溶。肥牛鐵板飯味道好味過Pepper Lunch，而價錢就抵過佢。超級菠蘿冰真係好大杯，可以兩三個人一齊飲，下邊仲有粒粒嘅菠蘿。其餘兩款小食都好好味，好香芝士味。而烏冬就普普通通啦。

今日放工想搵個地方同朋友飲下酒chill下就搵到呢間起徳褔附近既呢間居酒屋。 餐廳睇落去雖然好似冇咩特別，但佢既飯同壽司真心好食。刺身比起出面食既平之餘又新鮮好食。酒精飲品都有cocktails啤酒同燒酒，d價錢亦都好平幾好飲。Overall好適合同朋友放工搵個平平地既地方relax下。