秋意 (成業工業大廈)

營業中

休息中

本身自己都識得煮嘢食，所以對於餐廳用唔用心，用咩材料煮法，都略懂一二。今日叫左個豉油雞便當，預早半小時前已經落咗order, 上到去見到樓面得兩個人，又雞手鴨腳，都乖乖地示意知道未有，就另外再等多十五分鐘！點樣都係冇，有啲燥咯所以就唯有再三催促。呢個時候，出面已經有廿個人等入去堂食，而我份外賣終於都出現了。Ok返到office開餐，d雞又真係好好味！雞肉嫩滑而且雞肉多針。雞皮係好深色，會以為好咸啦，但係絕對唔會好咸，亦都唔會甜野野！真係好好味！等嗰陣係有啲燥，不過食到好食嘅嘢，開心返哂！

今日係附近上完堂想買個外賣返屋企食～ 記得之前Bookmark左呢間就上左黎買了☺️雖然佢喺工廈上面但大堂都光猛～ 人流唔少 一個女仔上黎都唔怕~一出𨋢轉左就係！唔洗擔心揾唔到☺️見佢地ig成日好早就賣哂雞😩好彩今日比我買到雞 但就試唔到蒟蒻麵了🥺Order左個瑤柱去骨貴妃雞便當🍱老闆好熱情叫我入嚟坐下🥹仲送左支鮮果茶俾我🥰🤍秋意鮮果茶係自家制嘅樽裝茶 唔會太甜 仲有幾款新鮮水果係入面😋🤍醉鮑魚可能見嗰日咁大雨🥺我獲得左一隻好好食嘅醉鮑魚🥹真係好好食！！平時真係好少食到醉鮑魚雖然係冷盤 但係鮑魚好新鮮所以一啲都唔韌鮑魚勁大隻 但都超入味😋😋😋🤍瑤柱去骨貴妃雞便當因為冇蒟蒻麵最後叫咗白飯係珍珠米！仲有飯素～ 係出奇地好好食嘅飯不誇張😹去骨雞好滑～ 加埋瑤柱口感豐富！配菜都好出色～尤其係芽菜！係有調味的 感覺似韓式麻油拌芽菜～整體份量都好多 男仔都會夠食！整體評分: 🤍🤍🤍🤍最驚喜真係醉鮑魚😋 好入味好新鮮真心覺得大家一定要試！❤️‍🔥見到佢地ig成日好早賣哂啲雞🤣記住問下先去唔好摸門釘🤣大家要多多支持呢啲樓上小店呀🥹

最近天氣一時濕一時熱， 今日要去觀塘工廈影一輯相，同層就有呢間 秋意，影完就買回家試試。食先先上來openrice下，原來都真係幾多好評，喜歡佢很有誠意。店員指最近天氣濕又熱，特別整了檸檬薏米水，感覺好健康，不過又有其他惹味的，我就揀左酸菜魚湯麵， 即叫即整嘅熱辣辣 ，番到屋企仲有熱嘅， 而且分咗湯好細心， 魚嘅份量都好多，而且煮肉好脆，應該係脆肉鯇嚟， 另外湯底又惹味又酸又辣， 對面吸曬啲湯 ，好好食，諗起都流口水呀。如果有事在附近我應該都會再上去幫襯。

收工在觀塘區工廈繼續搵食 上到六樓見到呢間秋意好特別 店鋪唔算好大 但D裝飾令人好WARM 入到黎睇返個MENU 主打豉油雞 口水雞 今日想食D刺激少少的 所以選了口水雞便當有個雪櫃可以選飲品菜單上都唔少選擇 款款都想試下返到屋企一拎個飯盒出黎已經覺得有FEEL 中菜配日式飯盒便當入面顏色豐富 有成6樣食品有至少6件口水雞 上面有D花生 溏心蛋 沙拉 青瓜 蕃茄仔 白飯+ 飯素 先講雞 非常滑 係雞脾位 點上口水雞汁食 辣辣地 好正飯的口感似係珍珠米 十分彈牙 加上有汁 雞油同飯素 好好味特別一讚溏心蛋 好入味 熟的程度剛剛好 半隻有D唔夠喉服務快手 又好食 下次會再黎幫襯另一款便堂

今日去左觀塘搵食，呢間係成業工業大廈3樓一出lift就見到，店員都好nice，希望大家可以支持下佢，因為價錢味道都好！我中午時份嗌左份便當， 呢個秋意去骨豉油雞，真係好好味，啖啖肉，去骨去得好乾淨， 雞好嫩滑又唔會鞋 ，而且份量好多， 雞都好入味，豉油雞味好重， 配埋啲蔥油好正，送飯一流，成個食晒。另跟飲品，我點左檸檬薏米水，佢話係新嘅，好飲好舒服，天氣咁熱，飲返呢d又清涼又吾太甜嘅岩晒，吾錯！下次可以嗌外賣平台仲方便！

觀塘工廈充滿美食驚喜，今日又俾我搵到一間，秋意主打中菜外賣，包括豉油雞、酸菜魚等等。餐廳有時會舉辦包場嘅活動。- 紅酒雜菜豬軟骨便當便當非常豐富，除咗主角豬軟骨之外仲有糖心蛋同沙律菜。外賣包裝亦好有心思，充滿日式風情。白飯加左飯素好味得得多，豬軟骨有好多件，口感軟稔，加上醬汁送飯一流！- 秋意去骨豉油雞豉油雞係餐廳嘅招牌菜，味道甜甜地，肉質非常嫩滑，而且去左骨，食落非常方便！最近因為疫情關係餐廳仍然暫停營業，希望餐廳快啲重新開店，我就可以日日食餐廳嘅便當！

觀塘工廈裡其實有很多好吃的食店，秋意便是其中一間。店舖不太，座位並不多。麻醬水晶粉皮正常水平，好吃但不太突出。秋意豉油雞雞肉嫩滑 👍🏻招牌口水雞醬料另上，可自由控制份量。雞面鋪滿蔥花和芝麻，賣相討好。秘制手撕鴨滿滿的醬汁，佐飯一流。

雖然呢間餐廳喺OpenRice分類係港式/川菜，但係大多數菜式都係唔辣。佢哋呢度有唔少雞肉菜式，今次試咗佢哋推介嘅兩款。🥢秋意去骨豉油雞 $60呢度選用嘅雞種肉味較淡，反而得我歡心。豉油雞煮得入味，甘甜唔會死鹹，仲有少少八角香味。🥢招牌去骨口水雞 $60醬汁分開上，辣得嚟麻香十足。灑上芝麻、蔥花、花生碎，香氣四溢，味道亦更豐富。🫖陳皮普洱茶 +$8🫖白桃烏龍茶 +$8🍐桂花清燉蜜梨 $24香甜滋潤，充滿桂花香味。好啱秋冬時間食。

呢排成日wfh, 今星期終於要返公司，放工係公司附近買外賣，擇左呢間秋意，之前食過lunch都幾唔錯，2個人食叫左2種口味既雞☺️.佢既「秋意豉油雞$89」同「招牌口水雞$89」真心唔錯，雞件滑得黎好香，秋意豉油雞個蔥油撈飯簡直一絕，另外口水雞上面有啲花生粒粒，少少辣辣地加上辣油同飯素好惹味。.散叫白飯只係$10，除左佢啲雞好食，仲有有個糖水「桂花清燉蜜梨$24」真心正，之前lunch食set包埋既好抵食，冬天好滋潤☺️

晚餐.被餐廳個名吸引到 以為係文青cafe 原來係中式嘢之前想試佢嘅便當 可惜摸門釘今日難得可以早放 可以嚟買個便當回家食.1) 招牌去骨口水雞便當口水雞嘅辣油係分開上嘅都真係幾辣 用嚟撈飯好正呀雞上面仲鋪咗花生粒粒 都幾好味.2) 秋意去骨豉油雞便當豉油雞都好味 唔會好鹹個蔥油又係撈飯一流.兩款嘅去骨雞都好嫩滑 食落啖啖肉 開心仔☺️飯嘅份量都好多仲有醬汁同飯素 撈埋辣油/蔥油 就更加好味另外仲有半隻溏心蛋 同少少菜都幾豐富

觀塘工廈隱藏住太多美食，捐窿捐罅又比我搵到呢間餐廳。雖然疫情令大家盡量減少外出，但係飯一定要食，買外賣返去慢慢品嚐就最啱。🐓平日無雞不歡，今次試咗兩款唔同口味嘅雞飯。便當賣相好精緻「秋意豉油雞便當」🍱雞肉好嫩滑，豉油唔會掩蓋雞肉嘅鮮味，配上雞蛋...好味😋「招牌口水雞便當」🍱愛辣愛惹味嘅，一定鍾意食。將辣油加入雞，加上飯素，令口感同味道更豐富。鍾意呢款外賣包裝，夠哂環保。下次可以再試其他菜式

疫情下多咗叫外賣食，無意中發現呢間小店，Lunch time試咗佢嘅招牌口水雞便當醬汁分開裝之餘，賣相都好靚，蓮藕辣味好夠，而口水雞醬汁都好夠辣，唯一不足係雞件有啲咸

觀塘出名多工廈，今日就上左黎成業呢到搵食，搵番台灣便當既味道🤤。🐒秋意去骨豉油雞便當💰$60連飲品(自家冷泡茶-白桃烏龍茶)上到去有幾款唔同既便當，老闆就推薦左我食呢招牌豉油雞便當，另外跟餐會有個飲品，我揀左佢地既自家冷泡茶(白桃烏龍) ，佢個茶包入面真係有啲桃粒，飲落都唔係化學味，食完飯飲好舒服😌一打開個便當有驚喜，因為好colourful，入面除左有色水好正既豉油雞之外，仲有少少胡麻沙律同涼拌土豆蘿蔔絲，份量都算多。雞食落好滑，層皮都唔會好肥，滷得夠哂入味。飯方面除左面頭有飯素之外，其實仲有一盒佢薑蓉，勁岩送飯食😍。見到menu仲有得揀好hit既蒟蒻麵，岩哂啲係附近office翻工既OL姐姐👩🏻‍💻。

平時食油雞飯都只會係中式喺觀塘嘅秋意真係有少少特別因為係日式嘅油雞飯！味道亦都係幾唔錯今次第一次試又想食豉油雞又想食口水雞一於兩款都叫晒價錢都一樣係$60兩款雞都好好味而我特別鍾意食口水雞因為我鍾意食辣平時食中式嘅油雞飯通常個飯都會好乾但今次呢個便當係日式嘅關係有飯素係上面 識落特別開胃另外有有沙律菜亦都相當健康而豉油雞就偏甜少少但豉油都好入味至於啲雞一啲都唔鞋仲好滑添下次有機會亦會再食口水雞唔錯唔錯 亦都值得推介俾朋友試一試

觀塘工廈入面有呢間秋意，一出電梯就見到。呢度有啲便當🍱可以揀，我見呢度有蒟蒻麵咁特別，決定揀番個口水雞黎配黎試下。蒟蒻麵嘅份量唔少，不過無湯嘅時候好容易痴埋一大團，夾唔開，所以呢個乾食實在唔係好適合。口水雞方面，辣度適中，酸度啱曬我。而且雞件嫩滑，無咩骨。飲品方面揀左鴛鴦蘋果茶，唔會好甜，用左獨立膠樽裝添。呢度價錢係正常工廈午餐價，座位亦唔少，上菜都幾快，都幾啱附近嘅打工仔黎食下。下次有機會再黎試其他～