秋意 (成業工業大廈)

營業中

休息中

🐔觀塘限量豉油雞🐔-話說lunch time時間黎試，本身想叫二人餐，點知侍應表示寫住「全日供應」既二人餐，中午時段係冇既😅，咁就唯有轉便當食啦。試左兩款：秋意豉油雞便當轉髀（$70）同流曬口水雞便當轉髀($70)，豉油雞睇外皮既色，深色有油光，夠曬入味，雞肉幾滑，口水雞既汁係另外上，醬汁幾獨特，係辣+麻醬香，幾襯個雞，唯一缺點係雞太凍，每咬一啖都會feel到係雪櫃拎出黎個種凍😂，影響個雞肉口感。-便當仲有青瓜同沙律菜，飯係日式便當個種圓米，比較粒粒分明同散，但個人黎講，食喱種中式雞好想襯返碗泰國香米🫣。-PS唔計食物質素，侍應大哥永遠將成個人企實嘅望實個出菜位，想問野同落單都超難揮手叫到佢😂。另外咁岩隔離枱既客問口水雞有冇得唔好太辣，侍應大哥一句:「個汁調好左，冇得為你一個人再調架嘛。」聽到有少少囧🫣，最後忍唔住出左聲同隔離講其實口水雞個汁同雞係分開，所以唔洗擔心。喱啲細節位真係需要注意下啦。

觀塘有好多隱蔽餐廳，我本身好鍾意試新店今日好有興緻搵下公司附近嘅餐廳！門口好有feel秋意去骨豉油雞雞皮下有D黃油脂肪，但出奇地唔算好肥膩雞肉非常嫩滑，而雞皮係有Q彈感豉油佈滿得好均勻！溏心蛋做的好出色，好濃花雕酒嘅香估唔到連配菜都咁花心機！雖然價錢比較貴，呢個便當要$60，但真係值得熱薑蜜反而飲品就唔掂，呢杯野飲仲要加$5完全無薑味，蜜糖味都係極度淡味.....咁真係飲水好過唔建議叫飲品！

觀塘工廈一直都係臥虎藏龍既美食之地，今次duck duck🐥🐥就黎到秋意 ，試下個本土美食再加日式便當既組合🤩必食豉油雞 - 秋意🤩必食秋意豉油雞 4/5 一上菜見到個雞上曬色 勁令✨老闆話食豉油雞一定要食雞皮所以一向唔食既我都連皮食隻雞好滑 入味 但唔會死咸連皮食更加香幫你去埋骨 無得彈💰$60檸檬鹽水手撕鴨 3/5賣相相比下當然會無咁令 但一樣入曬味 甚至略嚴過咸送飯一流檸檬係自己吱所以可以控制份量💰$60👍🏻值得一提佢飯量十足🍚男仔都夠同埋佢有流心蛋🥚 100分😍我地去到口水雞已經賣曬 所以下次要早啲再試回頭率 : 🐥🐥🐥🐥🐣/5

忙碌工作，又唔想求其食Look look 下見到呢間秋意几特别被佢個logo吸引😂 同麻几近我工作地點所以去望下門面普普通通 內面四四方方唔大，所以好多人外賣走。揀左個去骨豉油雞飯外賣，因為見到去骨 兩個字 深深吸引fit哂我呢啲懶人返到工司食還熱 👍🏻外賣盒環保♻️紙 雞件數都唔少雞肉滑口 用心調味過又無骨😜 食快啲 工作😜 D飯面加左紫菜 調味下仲有半隻流心蛋+ 荀 +沙津成個外賣 唔貴 飯盒几格内餸都有少少感覺唔係頹飯仲有種健康😚

一間賣滑雞飯嘅鋪坐落觀塘工業大廈嘅6樓，唔睇網上啲宣傳真係唔會知喱啲隱世餐廳。睇完介紹真係唔理千山萬水長途跋涉都想黎試一試佢隻靚雞😍。睇網上話15:30會再開門，我啱啱好時間到埗，估唔到網上時間fake左我，人地廚師4點先返黎，係出面等真係又焗又熱，再加上夏天真係熱上熱，好彩入面有個店員比我入去坐住等，仲可以叫埋野飲。簡直好似包場咁，得我一個人。店員話中午食飯時間人流非常多，多到要出面排隊，好彩我冇揀果啲時間黎。佢仲話有啲人突登黎觀塘淨係買佢地嘅雞，睇黎真係好好食？🤤《秋意去骨鼓油雞》💲6️⃣0️⃣轉➡️乾撈低糖蒟蒻麵➕💲5️⃣有飯同喱個麵揀，我本身掙扎緊雞好似配飯正啲，但店員話好少出面會有喱隻麵食，我又心郁郁叫左。事實證明個雞夠正，配飯定麵，都無得彈。鼓油雞真係好嫩滑，雞皮色澤閃閃發光，夠上色，味道都啱啱好鼓油香，唔會過鹹。就算到雞槌位都係嫩，唔會係好實嘅。個麵本身冇咩味，唔會擔搶雞味，係佢為加唔好啲麵痴埋一齊，加左啲油，食到後尾，會覺過油膩，要食返啲配菜沙律解膩，然後再繼續進攻啲雞🤗🤗🤗。成個鼓油雞係就咁食唔洗沾蔥油都十分夠。叫埋佢個桃烏龍茶作結，perfect池～打完喱篇食評，我又掛住佢啲雞啦

觀塘工廈有好多平嘢食，秋意係其中一間。呢晚黎嗌咗個便當外賣。我揀咗去骨豉油雞配飯！其實本身想嗌乾撈低糖蒟蒻麵減減啲卡路里，可惜呢晚賣晒😫～Anyway感覺都好少啲餐廳有得揀蒟蒻麵，對我黎講有呢個choice都有驚喜～好啱生酮人士呀～好抵呀係勁大盒飯呀，我完全食唔晒🤣細食嘅建議要嗌少飯！鼓油雞幾入味，基本上唔洗點薑蓉都夠味，肉質都夠嫩滑。配菜都幾豐富，有流心蛋，salad,又有啲雲耳等等。仲落埋飯素，好味道🤓飲品我嗌左佢地嘅凍冰冰自家制水果茶，飲落都好低糖，清新健康～

名字好有詩意的，進入店舖後面積比較骨子，當天有三個大男孩服務，服務態度都好友善。以便當為主，但一些也不隨便，雖選擇不多，但質素尚佳。最出名是無骨豉油雞，加錢把飯換成蒟蒻面，連前菜沙律同流心旦。隻流人蛋夠流心，不過我喜歡鹵水味較濃的蛋。豉油雞雞肉軟滑，同蛋一樣，再入味一些會更合我，蒟蒻面夠味，但又多油了些。鹽水手撕鴨跟米粉，米粉還可以，豆腐有些硬，湯都是偏清淡，鴨肉亦中規中矩。梅子豬手跟米粉，豬手燜得夠，梅子味就唔太出。總結是用心有想法的小店，如果𣎴是蒟蒻面較多油，就會歸入健康食店，加上價錢實惠，都是可以多加支持的食肆。

《秋意》觀塘工廠出名多美食，專注做雞嘅便當👍⭐️又帶少少日式😍價錢親民，觀塘外賣之選⭐️想去食嘅朋友記得留意佢ig 當日營業時間❤️咁就吾會摸門釘🙏---🍱秋意 豉油雞便當 （$60）老闆話過吾食皮就唔好食佢哋嘅豉油雞😂平時我哋都唔食皮今日竟然食晒😂好好食😍 肥瘦均勻 連皮食都唔會話好肥，而且好入味😍未到啱啱好又唔會話好咸！而且仲要係去骨！個雞超級滑！轉左加$5蒟蒻麵😍👧🏻好唔鍾意食飯啱晒煙韌韌,而且好香好惹味 但有少少油 🍱招牌 口水雞便當（$60）口水雞個辣醬係另上👍根據個人口味鍾意放幾多，個汁麻同辣得好平均好出🤤好鍾意嗰醬汁！加埋隻糖心蛋撈飯食好好食隻雞一樣超級滑🐟秋意 酸菜魚湯麵（$62）呢個有驚喜😍😂吾好睇佢細細碗，好足料！而且味道好過出面好多一大盤果啲🤫魚爽脆無骨，湯底濃郁酸酸辣辣 又吾會好油！好抵食😭佢地都有一大盤可以叫，$178下次一定翻嚟叫😍❤️我覺得系我食過最好食嘅酸菜魚而且性價比好高👍---(5🧸為滿分)賣相：🧸🧸🧸🧸味道：🧸🧸🧸🧸環境：🧸🧸🧸價錢：🧸🧸🧸🧸服務：🧸🧸🧸---秋意地址: 觀塘成業街19-21號成業工業大廈6樓29室電話: 56021645

There are many great declicious foods in industrial buildings, and the famous food. Today, I went to the industrial building in Kwun Tong and found a restaurant with unique decoration and an autumn atmosphere, which attracted me to try it out. There is a feeling of parting in autumn, and it has a style. There are many paintings and Chinese-style designs in the store, which make the store stand out from the restaurant in Yunyun Industrial Building. In addition to the thoughtful decoration, the fo

喺觀塘工業區嘅成業工業大廈，裏面有很多餐廳仔，啱晒喺附近返工收工既打工仔搵食。咁啱喺附近拎野，順便喺呢度食個快飯。點知喜出望外，入面都有啲水準唔錯嘅餐廳。大約七點去到，一直都有幾多人黎拎外賣同買外賣，所以喺附近返工真係好方便。我叫咗一個招牌去骨豉油雞飯，嚟到外貌都幾骨緻，有齊前菜沙律🥗，溫泉蛋等，份量幾充足。雞喺呢度嘅招牌，肉質真係幾滑，皮又唔會太厚，脂肪比例算平均，唔會一嚿肥肉係口。最鍾意係佢去晒啲骨，啖啖肉嚟送飯好好味😋另外白飯加咗啲飯素，令到成個飯更有特色，睇得出老闆用心整每一個便當🍱飲品方面，叫咗個水果茶，水樽個包裝好文青，飲唔晒可以拎走🤣裏面都有幾多生果，蘋果、橙、仲有唔同嘅果肉粒，重點係佢唔會太甜，好健康

今日去觀塘工廈買衫，順便食埋晚飯先走，立即搵吓OpenRice有咩食，點知原來同一層的6樓有一間叫做秋意的餐廳，二話不說就搭lift落嚟！佢個門口非常特色，有啲日本風情，店主花了不少心思裝飾門口😍有一刻唔肯定我係咪去錯，因為實在太靚😆😆可能因為我比較遲去，店舖內比較多外賣訂單，反而堂食唔使等位😆😆 選擇困難症咗一陣，老闆好Nice咁介紹我食豉油雞便當，另外見到其他枱嘅人都有加錢飲花膠燉湯，搞到我都忍唔住試埋！個花膠燉湯真係非常足料，完全冇味精，有大大嚿花膠，蟲草花，瘦肉，烏雞等等材料！絕對係真材實料，湯味濃郁😍😍本身以為係普通便當，點知一食真係不得了！佢有芝麻醬沙律菜，糖心蛋，珍珠米連紫菜飯素，蓮藕等等！營養非常充足，而且豉油雞肉質嫩滑！好好味！跟餐加$8有白桃烏龍茶飲，茶味清香，很不錯！真心推介呢間有健康性價比又高嘅餐廳俾大家！

觀塘工廈出名多美食，今次去探朋友，順便去望下附近有乜外賣醫肚先，一於試吓秋意，一出𨋢轉左就見到，當眼嘅位置。相信店主花過心思擺設門口，印象特別深刻係呢幅字畫，食 - 的確係可以令人忘憂！平日過咗繁忙嘅lunch hour，唔使點等，好快就可以拎走，方便。瑤柱去骨貴妃雞 $62便當賣相幾好，有芝麻醬沙律菜丶麻辣蓮藕，爽脆惹味丶溏心蛋丶珍珠米灑有紫菜飯素，特別食多幾啖丶主菜係去骨貴妃雞，肉質嫩滑，啖啖肉，瑤柱碎帶到少少鹹香。

在觀塘想吃雞，來到工業大廈的一間隱藏食店，店內很細，枱得幾張。員工在忙於包面。我們點了一份秋意豉油雞跟面，一份口水雞便當。加一個水果茶同白桃烏龍茶。豉油雞：好食，夠入味，但汁比較少，如果多點就會很滿足，面條湯底好夠誠意，推薦配湯麵口水雞：靠個汁出辣，好正，飯又十分日本和風，好好味水果茶：唔錯，新鮮水果打造而成抵加錢飲。白桃茶：可惜，冇乜味，不值加錢飲。個人感覺評分：食物味道 - 食物賣相 - 餐廳環境 - 店員服務 - 性價比 -

工廈多隱世美食就出曬名架啦～今日嚟到觀塘嘅工廈搵到一間裝修別出心裁，有一股秋天氣息嘅餐廳，吸引咗我入去試一試。秋天有一種離別嘅感覺，份外有格調，店中都有好多掛畫同中國風嘅設計，令店舖喺云云工廈食肆中突圍而出。除咗裝修有心思之外，食物一樣高質！小編叫咗一份口水雞便當，個口水汁做得非常香口，絕對唔係單靠辣味取勝，而係好有層次地有一種麻嘅感覺，用嚟食雞送飯真係一流！雞肉本身都相當嫩滑，火候恰到好處，唔會煮得太耐導致韌或者老，而且能夠鎖住雞嘅鮮味同埋肉汁，食到欲罷不能！便當仲有一份菜蔬同茄子，照顧到食客嘅營養需要同埋健康，十分細心。便當份量都唔錯，小編作為一名大食男性都覺得夠飽。如果大家想試吓支持小店嘅便當，不妨到訪觀塘嘅秋意一試～

揚英浦結業後, 我很懷念它媲美高級食肆質素, 但又相對便宜得多的豉油雞. 老友推薦同樣位於觀塘的秋意, 說它的豉油雞同樣是觀塘數一數二的, 一試之下, 果然令我滿意, 雖然說和揚英浦有點不同, 但肉質和味道同樣高質. 六十元的豉油雞便當, 不能算便宜, 但會吃得飽, 味道又好, 算是物有所值.這裏的豉油雞偏向乾身一點, 無論皮和肉也沒有一倒而瀉的豉汁, 雞肉雪白口感嫩滑, 沒有刻意為了雞肉入味而Overcook, 就是剛剛熟的火候控制. 雒皮呈焦糖色, 口感爽彈, 皮肉之間脂層平均, 豉汁味道先甘甜後鹹香, 層次感相當不俗, 整體水準相當優秀, 難怪下午三時多已完售, 在工廈位置偏僻的地方, 可以媲美勇記賣雞的火熱情況, 更為難得.Autumn Feeling is famous for her soy sauce chicken. The quality is as good as those in high class Cantonese restaurants. The meat texture is soft and smooth. The cooking time is pe