秋意 (成業工業大廈)

營業中

休息中

如題, 我6:30pm 到餐廳攞飛等到7:30pm 唔追都冇得入餐廳坐。期間不停接外賣單。 見到有幾pair 人食完出咗餐廳但一路都唔再嗌人入去餐廳內。入面明明有好多位都唔放我地入去。入到去坐低乜都冇講, 聽到隔離臺望電視話好多嘢冇晒。一問之下先話得返豉油雞飯?!?!?! 一早賣晒唔講? 堂食等位就乜都冇, 咁早知嗌外賣啦!! 餐廳出面又焗, 做唔切都可放人入去餐廳可以嗌個飲品飲住等都好。 但係一路接外賣單同如果得返雞飯我唔明做唔切個位係邊唔通真係小店大晒?!!!!!!!!

最近太多人去啦。連openrice外賣自取都停咗。你如果去到當場買外賣，都起碼等個幾鐘。佢話外賣嘅話係要提早一日落單。同埋佢哋話電冇人去接電話添，甘點提前一日落單？堂食嘅情況更加恐怖，多人到你等兩個鐘都未必有得食。

星期六等畫畫班湊放學前，想來這間之前在YouTube 有講過的主打油雞飯一試😃，上到來11:45，坐了九成人，恰巧有一位枱，我不用等位🙂，order了油雞飯，5分鐘就到，$62有點貴🥹，賣相都不錯，味道同普通油雞飯分別不大😅，平時食油雞飯都必點蔥油呢，見鄰座有蔥油，我就問店員這個飯有沒汁點？她說可以比蔥油我😂座坐位很迫，店鋪狹窄，我結賬時走到收銀處等比錢，因正有人買外賣，我站著等了3分鐘才比到錢🤨上餐是快的，十個有九個都是食這款，但不要抱著好有什麼surprise 的心情來試，未試過又不用排隊就可以一試，我12:20結賬走時，外面都有10多人排隊😅

再次嚟到觀塘區支持一下隱世小店 喺平日嘅晚上六點九嚟到 先發現原來呢間餐廳非常高人氣😳 門口有幾組等位嘅客人 都等咗一陣先入座🙊秋意去骨豉油雞 半隻呢個係呢間餐廳嘅必食之選呀 豉油雞非常嫩滑 豉油味好入味🐥 食落唔會好鹹 最後有少少甘甜 雞肉仲要係無骨 真係好高級嘅享受 雞皮亦係呢碟雞嘅精華所在 連平日唔係好食雞皮嘅我都忍唔住食晒啲雞皮呀😎秋意特色酸菜魚呢碟酸菜魚都好值得推介 酸菜魚嘅正常辣度唔會太辣 魚肉好嫩滑得嚟唔會一夾就散🐟 所以食落都好有口感 酸菜魚底仲有好多其他配菜 例如薯粉 豆卜 金菇 雲耳 芽菜 全部都吸晒個湯嘅味道 非常惹味🥰百香果柑桔飲飲品酸酸甜甜幾fresh 包裝好方便大家飲唔晒攞走🤪食完就明白點解咁多人願意排隊食呢間餐廳 豉油雞真係一試難忘呀 下次有機會一定再同朋友嚟呢度食飯😺 嚟呢度食豉油雞 真係會想食晒佢全部皮㗎🫶🏽

上網成日見到好多人推介秋意，自己都bookmarked 咗一段時間，前排終於遠征觀塘去食佢地嘅招牌豉油雞啦~😜✅豉油雞滑嫩多汁，而且佢地嘅雞皮吸收曬豉油嘅精華，令到成碟豉油雞都好好味~🥳 “食雞唔食皮不如唔好食” 呢句說話真係好啱用係佢地嘅豉油雞到，唔怪得呢道菜會成為佢地嘅招牌菜~😍另一樣好受觀迎嘅菜式就係酸菜魚啦，佢地嘅配料有芽菜、薯粉、豆卜、酸菜、仲有好多滑嫩爽口嘅魚片~ 🥰酸辣湯底好開胃，而且入面嘅配料全部都吸收曬湯底嘅精華~ 😆但冇諗過佢嘅份量都算多，兩個人都食唔曬~😶

🐔秋意豉油雞 半隻 （HKD 98）今日唔想食碳水化合物，所以過嚟食雞補充蛋白質🐓🐓🐓已經過嚟食過好多次🐔豉油雞依然一樣咁高質，佢同出面啲豉油雞做法唔同，唔洗靠個汁帶個豉油味出黎，佢雞肉係乳白色，但係好入味！雞皮好有光澤，色澤好靚好有彈性，有陣甜甜的焦糖香味🥹🐔雖然今日嘅雞比較多油脂，但雞肉仍然好嫩滑，好有雞味🐔呢度嘅雞係去骨的，啖啖肉，好Juicy🤤🤤🐔🐔好味指數：4.9/5🐔🐔回頭指數：5/5

觀塘工廈區一直有唔少美食，價錢親民大大份，嘢食好高質🥰今次嚟到呢間餐廳，一去到已經人山人海，出邊仲排住隊，好多人🤣我哋專誠嚟到呢一度食佢嘅酸菜魚同豉油雞，非常出名！我哋期待咗好耐嫁啦😍值得一讚，餐廳店員服務態度好好，好有禮貌🥰✨秋意特色酸菜魚 $198大家必食呢一個酸菜魚‼️一上台超大盤，巨無霸份量，啱晒大食嘅朋友🤩打卡一流，古色古香嘅藍白色大碗，裏面有超彈牙爽口嘅酸菜魚，肉質好滑，而且無骨😍我哋選擇咗小辣，辣得嚟好開胃，配上紅薯粉、豆卜、雲耳、芽菜🥰好豐富‼️呢度嘅酸菜魚絕對係我食過咁多間最好食嘅一間‼️用埋啲湯汁送飯，更加喺一流😍不自覺想食多啲🤤絕對會encore👍🏻必點✨✨✨✨✨✨秋意去骨豉油雞（半隻）$98一定要食佢哋嘅豉油雞！而且一定要食雞皮😍呢度嘅雞令你無法抗拒🙈豉油雞好入味，顏色好靚，好吸引，佢嘅肉汁超多，肉質超嫩滑，連埋皮一齊食，超香🤤雞嘅油脂味好香濃，豉油味甜甜鹹鹹的，非常惹味😋 而且豉油雞去咗骨，啖啖肉🤩搭配蔥油更加香🥰必點✨✨✨✨✨✨白飯兩個 $24加埋兩個白飯啱啱好🤗白飯水份啱啱好，粒粒飽滿，配上惹味嘅豉油雞同埋酸菜魚簡直一流🙈想食多幾碗飯添🤣✨百香果柑桔 $24呢度

繼續喺觀塘有咩嘢食？今次比我發現到超抵食嘅餐廳，邊有唔同嘅中菜同川菜佢半隻口水雞先至$95，仲要係無骨，勁抵食，加上啲辣椒醬，幾好食。另外叫咗一個$199嘅酸菜魚，佢係超級大份，兩個人食都食唔晒，而酸辣味亦都非常之足夠，配埋白飯，簡直一流而飲品嘅選擇都好多，我分別叫咗百香果柑橘飲 （$24）同羅漢果無花果茶($24)，由於我係叫外賣嘅，所以佢嘅飲品係用一種飲品袋裝住，而唔係普通嘅外賣杯對於我呢種成日倒瀉嘢嘅人嚟講非常之合適另外依到係講到明 #食雞唔食皮不如唔好食 ，勁好笑，搞到我都食多左雞皮

已經好耐冇食酸菜魚，今次去呢間觀塘工廈入面嘅小店，水準相當出色😋🐤招牌去骨口水雞（半隻）雞肉好嫩滑😳麻麻辣辣嘅感覺超正😝大部份嘅骨已經去咗，所以其實份量都幾多！佢地老闆有句好得意嘅slogan #食雞唔食皮不如唔好食 咁佢嘅雞皮又真係幾正嘅😋🐟秋意特色酸菜魚呢個魚肉真係好出色！肉質結實爽彈！魚皮部份仲更加爽彈添😍其他配料有豆卜、木耳、芽菜、薯粉、鹹酸菜等～佢薯粉仲有分兩隻，一隻係扁扁地一隻係圓碌碌，兩隻質感都係滑嘟嘟😚🍚白飯口水雞同酸菜魚都係勁適合餸飯，白飯是必需的😌😌🍑白桃烏龍茶飲品包裝好特別😆😆呢個白桃味道偏淡，不過食重口味食物，清清地都幾好～羅漢果無花果茶呢個甜度好好，唔係死甜😍，飲得出羅漢果嘅清甜，超級推介！推介指數：⚡️⚡️⚡️⚡️餐廳環境：⚡️⚡️⚡️⚡️服務態度：⚡️⚡️⚡️⚡️再訪：Yes

上一次晚餐時間過到黎，酸菜魚賣晒🥹今次特登早啲過嚟終於食到•ᴗ• 酸菜魚湯麵 $62呢道酸菜魚真係好令我驚艷😮佢有一種獨特的口味，好酸又好辣，但唔會感到油膩。魚肉🐠好爽口，類似脆肉鯇口感，唔係好多骨🦴酸菜爽口，味道非常平衡👍🏻個湯好鮮美、濃郁🥹帶有濃濃的魚香味🐠好開胃。佢用左花椒、辣椒🌶️、姜、蒜🧄、香蔥等等香料，提升咗整道菜嘅口感🤤強烈推薦！

觀塘嘅工廠大廈隱藏唔少美食，今次見到依間距離地鐵站唔遠嘅酸菜魚店仲可以外賣自取，適合拎番屋企同屋企人慢慢嘆😋亦可以避免想輕食卻因為最低消費卻步。🐔秋意去骨豉油雞 半隻$95肉質嫩滑且雞肉脂肪少，豉油味比較偏甜，搭配蔥油更可提升雞肉嘅香味。🐟秋意特色酸菜魚 ＄199配兩個白飯，湯底酸度適中，帶啲啲麻辣，配白飯一流，配料亦頗為豐富有煙韌嘅寬粉、豆卜、木耳、芽菜，魚片少骨且爽口，份量足夠三個人。🍊百香果柑桔 & 🍑蜜桃烏龍茶 $24賣相較為特別使用密封袋裝，甜度較低，適合食完後解膩幫助消化。百香果嘅味道比較濃，而蜜桃嘅味道相對較淡。不過食酸菜魚嗌番一代袋真係好match 。

其實我好鬼鍾意食酸菜魚，但男朋友偏偏唔食魚😂。咁個日收工我真係好想食酸菜魚，竟然俾佢發現觀塘新開左間有得食酸菜魚之餘，仲有佢like既豉油雞🤩🤩推薦指數：🐷🐷🐷🐷（5分滿分）（原因：兩個招牌都整得出色）🐔秋意去骨豉油雞 𝐇𝐊𝐃 98 半隻一睇d顏色就知道有料到😋，我不嬲唔食雞皮，但呢個建議大家一定要連皮食！入味但唔油，皮同肉既比例岩岩好💕，d雞真係超滑🤩！難得見到d雞肉冇血，原來問起老闆係用中式慢煮既方式去整。旁邊既薑蔥油我地完全冇掂過🤣，因為已經好夠味👍🏻👍🏻🐟秋意特色酸菜魚 𝐇𝐊𝐃 198如果有食過太二酸菜魚，佢大概就係港版太二🥳好香麻油味，酸辣調味得恰到好處，鍾意食辣既可以再加辣🌶️（我呢個重口味人士表示可以再辣d🤭）魚肉超多又大塊，好新鮮，基本上冇骨👏🏻！仲有豆卜，薯粉，芽菜等配菜白飯𝐇𝐊𝐃 12/碗用的珍珠米，食呢啲配白飯係標配喇！白桃烏龍茶 跟餐𝐇𝐊𝐃 8略帶茶澀味，清爽🍃環境：店面雖小，但坐得舒服

[ 秋意 ]呢間專食豉油雞&酸菜魚嘅餐廳午市非常爆場，即管試試佢係咪咁正先😋😋。✿ 秋意去骨豉油雞🐓 半隻$94/ 一隻$184半隻份量都幾多，而且仲要喺雞髀位🍗用豉油製嘅無骨雞，雞肉嫩滑得來有彈性，豉油能夠提出雞肉嘅鮮味，去咗骨食用更方便👍🏻果然喺店舖嘅招牌菜之一。✿ 秋意特色酸菜魚🐟 $198酸菜魚湯底辣度適中，用嚟餸飯食一流，仲可以飲埋個湯。酸菜魚魚肉厚實偏爽口，除咗酸菜魚，配料仲有豆卜、木耳、芽菜、寬粉。豆卜夠淋身，嗦盡湯底精華😋✿ 百香果柑桔 單點$24 跟餐+$8百香果柑桔香甜又好味，唔會太甜，啱哂食完酸菜魚飲，夠哂清新🌿。總結🫦鍾意食豉油雞&酸菜魚要來試試，真心做得幾出色🤪🤪。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿秋意地址: 觀塘成業街19-21號成業工業大廈6樓29室電話: 56021645✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

點讚觀塘工業區👍🏻酸菜魚豉油雞外賣今晚回家吃飯特地加餸，收工後到工業區點了一鍋酸菜魚和豉油雞外賣回家吃～ 我們點了：秋意特色酸菜魚 $199回家後和家人一起分享美食～家人向來喜歡吃酸菜魚。對這一鍋外賣，更是讚不絕口！ 從拿到外賣到回家吃飯，已經隔了一個多小時，但是魚肉仍然非常鮮嫩，一點也沒有散(≧∇≦)配以酸菜、辣椒等調味料，香辣可口，令人食指大動！ 秋意酸菜魚的份量很多，配料有豆卜﹑雲耳、紅薯粉﹑芽菜，豆卜和芽菜吸滿酸辣湯精華後，越食越開胃(*ˉ︶ˉ*)整體不會太辣～非常惹味！ 秋意去骨豉油雞 (半只)  $95豉油雞色澤比較深色，醬香濃郁，爸爸話齋：「食雞唔食皮等於冇食！ 」雞皮鹹中帶甜，非常邪惡！ 雞肉去骨，啖啖肉，非常方便吃。雞肉嫩滑又多汁，非常入味，每一口都是享受！雖然附有薑蓉(*ˉ︶ˉ*)但是吃到最後才發現😂不用點也很有味！  百香果柑桔飲 $24 │白桃烏龍茶  $24 茶香清新解渴，茶味香濃且走甜，解辣一流! 個人更愛白桃烏龍茶(*ˉ︶ˉ*)另外亦加點兩個白飯～是軟硬適中的珍珠米！ 套餐份量很足，4個人吃也絕對沒有問題！

-🔸秋意特色酸菜魚 $199🔸瑤柱去骨貴妃雞 $100/半隻🔸白桃烏龍茶 $9🔸陳皮普洱茶 $9🔸白飯 $13@-收工懶得煮飯，去咗秋意買兩個晚餐小菜返屋企食，價錢唔貴而且份量好足料，兩個人都食到好飽啊～酸菜魚一上枱就聞到又麻又香，令人胃口大開😆魚肉比例超級多，食極都仲有，另外仲有大量配菜、索晒湯汁嘅豆卜，超餸飯！瑤柱貴妃雞肉質好嫩好滑，連埋皮一齊食滑嘟嘟，係我食過最正嘅雞之一！配返兩支茶解膩又順喉，正！