禮 (打鼓嶺道)

營業中

休息中

九龍城就出名多好嘢食，除咗泰國菜之外，都好值得大家去發掘其他小店！今次就黎食吓串燒！呢度裝修似日式居酒屋風格，環境靜靜地，幾舒服。前菜小食係螺肉，爽口彈牙，細細碟過下口癮！首先黎左雞泡魚乾，幾香口，再軟身少少會更好食。金菇牛肉卷好好味，個汁調味得幾出色，牛肉都好好口感！蟹肉薯餅好脆口，唔會覺得油膩！食多舊都冇咩罪究感！燒菠蘿，份量太少喇！唔夠喉！都幾甜！唔錯！芫荽雞肉棒配個蛋黃醬油幾特別，但唔係好食得出芫茜味！味道係唔差嘅！鹿兒島一口牛入口即化！好食！富士蘋果煙肉卷就好少見，咸甜味道平衡，感覺好新鮮！好fresh！清酒煮蜆酒味較重，份量都幾多！抵食！

之前經過呢間日式食堂, 已經俾佢嘅門面吸引到, 俾人一種好傳統日式居酒屋嘅感覺, 細看之下原來係食日本串燒, 而且價錢唔貴, 今日終於搵到機會同朋友嚟食😃我哋叫咗幾款唔同嘅串燒, 有燒粟米, 雞翼, 雞皮, 牛肉, 鹹蛋豬肉卷同秋葵, 廚房係開放式, 客人可以見到店員忙住喺入面燒烤, 所有串燒都係即叫即燒, 感覺特別新鮮😋特別係鹹蛋豬肉卷, 用新鮮豬肉混合鹹蛋做成卷狀去燒, 鹹蛋味好突出, 好有驚喜🥰除咗串燒之外, 我哋仲叫咗玉子蛋, 入口又嫩又滑, 同樣係好有驚喜❤️

同朋友慶祝生日，嚟到呢間喺佢bucket list好耐嘅餐廳，主打食日式串燒，最適合weekend嚟小酌一番。一坐低侍應首先送上漬物小吃，係日式麻醬煮螺，冰凍可口，清新開胃。冬菇同金菇肥牛其實唔容易燒，但佢燒得啱啱好，剛好熟而又唔會太乾。秋葵冇過多調味，只灑上少量鹽巴，口感爽脆，味道清香。安格斯肉眼外皮微微焦脆，但一啲都唔乾，咬落有豐富嘅肉汁，配搭中式黃芥末更加惹味。雞翼開邊去燒，容易熟之餘又冇咁易燶，外皮香脆但内裡依然保留肉汁，唔錯。燒雞皮係最有驚喜嘅一道，雞皮非常薄，烤到一啲油份都冇，完全冇油膩感，好似食緊薯片咁，十級香脆！汁燒鰻魚足足有成十吋咁長，選用嘅鰻魚老嫩適中，帶有少少刺但既幼且軟，唔怕哽親。鰻魚口感軟嫩，幾近入口即溶，醬汁亦好入味。燒粟米亦係好有驚喜嘅一道，上枱時熱辣辣，望住上面嘅牛油慢慢溶化，新鮮粟米加上牛油食落非常香甜！玉子蛋係簡單又好味嘅日式小食，但唔係間間餐廳都整得好，最怕蛋煎得過火又老又乾。呢到嘅玉子蛋口感潤滑，蛋香豐富，配上又鹹又鮮嘅明太子，非常合襯。朋友揸車所以冇揀Sake，我哋揀咗白葡萄同蘋果汽水，甜度適中，汽泡綿密，配搭串燒都幾襯。除咗食物之外，必須一讚

We had a bad experience last night at this restaurant, we had to wait 3 hours for the food, some of the food became cold when delivered to us. I noticed that there are other tables people were also very angry and decided to leave without wait for the food. I observed Problem 1: Waitress was not able to manage the order efficiently, she just gave the food order first wherever table was complaining. Since I saw those other tables complained that they had seated about 7:30pm but still no wine and n

好耐都無入過九龍城,是日地膽朋友話有個傾計好地方介紹。係打鼓嶺道較後的一間主打串燒居酒屋。原來小店逢星期一至四做緊98蚊任飲優惠 實行同朋有慢慢把酒談心。左起:秋葵豚肉卷,富士蘋果煙肉卷,雞翼秋葵豚肉卷:秋葵黏黏滑滑配上豚肉剛好中和口感富士蘋果煙肉卷:小店推薦單品, 富士蘋果燒得剛好軟綿配上鹹香煙肉送酒一流雞翼:兩隻全開邊雞翼抵食之選,唯味道較淡是晚VIP 汁燒紫菜飯團小妹縱橫全港各大居酒屋,呢度的燒飯團可說是no.1飯團兩面輕輕塗上醬油再將兩面燒成飯焦般香脆。正式形成外脆內軟!!!芫茜雞肉棒-免治雞肉加上芫茜帶點青香,再沾上蛋黃更香濃滑身。芝士年糕-是日第二個驚喜兩邊的燒焦顏色勁為吸引,同樣外邊脆脆+加上年糕的煙韌口,中間更夾著流心芝士!!一絕稻庭烏冬-湯底啨甜,烏冬彈牙小店另一推薦媽媽鹹蛋豚肉棒-視覺一流,唯鹹蛋+豚肉這組合較乾身。

黎九龍城唔一定係食泰國野😋今次就黎左試間日式居酒屋🏮🤩裝修都幾精緻 談心既好地方🥰-🐽 皇帝大蝦🦐 ($58)長過手板既一隻大蝦🤩非常新鮮 肉質彈牙🤪燒得好入味 d肉又唔會老左-🐽 免治雞肉棒🐓 ($38)雞既肉質好嫩滑非常juicy🤪🤪個調味剛剛好 配埋個蛋黃醬 MATCH!😋-🐽 蒜蓉牛油燒扇貝🤩 ($58)蒜蓉牛油不嬲都perfect match🥰加係依隻非常鮮甜既扇貝好食!😋😋-🐽 明太子紫菜飯團🍙 ($38)重料既飯團🤩🤩 入面都幾多明太子😋而且飯面邊都超香過 有飯焦脆卜卜 好食!🤪-🐽 甜燒菠蘿🍍 ($38)真係名符其實 好甜既菠蘿🤤唔會好似平時果d痴牙😋 同埋佢好多汁!💦-🐽 木村信州蘋果汽水🍎 ($38)黎到梗係要試下d特別既汽水🥳依枝有好香甜既蘋果味食串燒梗要嘆番枝🤪-依個餐廳野食好味之餘仲係黃店黎嫁💛💛💛所以一定要黎懲罰下喔!🥰

去九龍城食泰菜是常識吧？🙆‍♀️但原來除左泰菜，仲隱藏左好多高質餐廳架！呢間「禮」就係我地無意中發現嘅🙈.全店裝修行日式風格無論係餐枱，椅凳，餐具等等都係以木系為主門口位放左幾塊竹廉作裝飾和風Feel爆哂燈🔥最適合三五知己食食串燒傾下計，放鬆下💕.以串燒為主打有蔬，豚，牛，雞，鮮，天婦羅等等亦有定食，烏冬，丼飯.呢款天婦羅盛盒好抵食！所以大推啊😍Total有五款蔬菜天婦羅有四款加一款炸蝦天婦羅蔬菜類入口薄脆輕盈，極之酥脆炸茄子油而不膩，外脆內軟嘅感覺好正👍炸紅蘿蔔就好有口感，清爽而香甜炸大菇香軟又有嚼勁炸天葵口感滑溜又香甜蝦天婦羅有三隻，炸衣比蔬菜天婦羅厚實少少裡面嘅海蝦好鮮嫩💕.呢個蟹肉薯餅同平常食到既好吾同🙆‍♀️薯餅炸至黃金色由於係即叫即炸咬落好酥脆又有流心嘅感覺好似食緊流心薯餅咁😋PS. 要小心辣親呀🙈.呢個煙肉卷好特別，第一次見🤣一塊富士蘋果同煙肉包卷住再燒至微微香脆蘋果軟中帶脆，清香得黎又有煙肉嘅微焦香🥰.吾好睇少呢個飯團呀雖然普通，但會冇黎驚喜🙈飯團兩面搽上燒汁再煎至薄薄一層嘅香脆上下兩邊係飯焦，中間較軟身形成外脆內軟嘅口感由於已經淋左燒汁，就咁食都好好味架！.P.s. 漬物

九龍城出名食泰國菜，不過今次就比我同朋友發現左一間好好味既隱世日式小店。九龍城既隱世日式小店，入面環境唔錯，仲有榻榻米。呢個便當有前菜同湯，照燒雞好香，唔錯！仲有其他串燒都好正！呢度既串燒好抵食，所以我地就盡情地叫左好多唔同既串燒，包括呢個豚肉秋葵卷，秋葵中和左豚肉既肥膩，同時令到成個串燒既口感更豐富。仲有其他串燒好似厚燒牛舌、雞軟骨、雞腎、甜薯等等都好正！食家like Instagram 仲可以送豆腐味雪糕，超好！

好耐無去過九龍城食野，同老婆過開去就又去睇下有咩新鋪頭，行過打鼓嶺道係街尾見到間食式串燒望下價錢還可以，小店裝修。就入去試下鋪頭唔大，得8-9枱到。幾古式感覺。望左陣menu我地就叫左沙律同串燒了，可惜當無我最中意牛舌日式沙律有溫泉蛋，都還ok.開胃菜雞皮夠脆，比較乾身無乜油脂。大葱不過不失。芫茜雞肉棒同咸蛋豬肉棒係必試，鋪頭燒得好好食，明明係中式配搭但食落好日式串燒，而且唔係想像中咁咸食唔到牛舌，鋪頭推介一口牛，和牛好嫩滑，師傅手工蘋果煙肉卷相比之下反而有d失色，富士蘋果比較粉，我地自己就一般。店員另外推介我地食明太子玉子燒，呢個都好好食，明太子多到必出黎，但又唔會好咸，夾埋玉子燒好配合而家先正餐，整返份炸雞啤酒，我就叫左杯燒酎，夾到呢。雞肉夠多汁同滑，日式點沙律醬食法so good最後埋尾點個芝士年糕就又完成今次九龍城之旅。後記，問返店員。原來佢地開左五個月到，另外上邊閣樓原來仲有榻榻米party room ,不過就戈要20人先會開房。鋪頭店員好令人印象深刻，好nice. 同埋佢嘅牙

九龍城不嬲出名多泰國野食😋但原來都好多串燒店🍢今晚就黎左試一間日本居酒屋🍶依間頌要係黃色的店💛必須懲罰下🤤🐽 燒冬菇 ($18)身為菇迷既我梗係唔會放過🤣冬菇燒得好香 頌鎖住到好多汁而且調味唔會太多 保留番本身冬菇個香味😙🐽 原條鹽燒鯖魚🐟 ($88) 超級超級好食既鯖魚!!!魚肉夠曬鮮甜🤤必點既一道菜🤪🐽 汁燒紫菜飯團🍙 ($28)雖然個材料好似好簡單 但依個飯團真係好好食!飯兩面煎香左 有d飯焦 脆脆地🤤配埋適量燒汁 用紫菜 正!👍🏻🐽 蒜蓉生蠔 ($58/2)佈滿住勁香既蒜蓉🤤🤤又唔會搶左生蠔既鮮味😋蠔又不會太老🤪🐽 媽媽鹹蛋豬肉棒🐖 ($38) 好特別既一個串燒😋鹹蛋同豬肉好入味!而且d豬肉口感好鬆軟🤪值得一試🥰🐽 鹿兒島一口牛🐮 ($48)依個一口牛係日本直送! 夠曬新鮮😙牛味真係好重好重🤤入口即溶🤤🐽 木村完熟水蜜桃汽水🍑 富士山巨峰汽水🍇 ($38/1)食串燒當然要配下野飲🍹爽啊🤤🤤🖖🏻🐽 明太子玉子燒 ($88)好重料既明太子!!! 個蛋燒得岩岩好 好滑🤤濃味既明太子現配蛋香 正🥳

今日嚟到九龍城見到一間低調嘅日本菜加上今日想食串燒所以就入去試吓啦入到去見到2樓有個傳統嘅榻榻米 勁得意勁過癮 睇得出店主好有心機裝修甜薯 $18 安格斯肉眼$38我哋每人叫咗一串食落去都唔錯 唔會有焦 牛肉亦都啱啱好一啲都唔硬身 對得住個價錢見到佢餐牌上寫着必食嘅媽媽鹹蛋豬肉棒 $38梗係唔執輸叫返串試吓啦 食落去有蛋黃香味 豬肉極都唔肥個人幾鍾意原條汁燒鰻魚飯 $168黎到見到大大條嘅鰻魚 份量都夠兩個人食 加埋鋪頭自己嘅汁 送飯食一流個人喜好問題鍾意去到每間日本鋪頭都會試吓佢嘅芝士年糕 今次亦都唔例外芝士年糕 $28唔知點解覺得佢個賣相好療癒 好想一啖咬落去 雖然做唔到拉絲嘅效果但係煙銀程度都可以接受 唔錯總括嚟講如果去到九龍城唔想成日都係打邊爐同埋食泰國嘢都可以嚟呢度試吓日本野飲番杯燒酒都幾寫意㗎

今晚Dinner突然好想食串燒呀🍢🍢聽講九龍城有間串燒店叫「禮」❤️好似係新開架，我仲記得前身好似叫「Egg and thing」😜今晚專程就去試下先😋😋餐廳走木系風格，裏面中擺放左好多清酒，充滿左日式風格既布置，簡約得黎又充滿和風感覺😚餐廳都有唔少座位啵，其中有一個位係透過一塊大玻璃對住街既，好有cafe既感覺，好推薦呀🤪🤪🤪❤️玉子燒好大份，而且夠哂熱，一食落去啲高湯真係流哂出黎呀，蛋甜得黎唔會太過份，火侯控制得好好，好好味呀，玉子燒真心大推呀🤩🤩❤️安格斯肉眼熟度岩岩好，每嚿牛肉都有好重牛肉味，而且肉汁鎖得好呀，食落去啲肉汁流出黎呀，好味😘😘❤️媽媽咸蛋豬肉棒既咸蛋好濃味，而且豬肉棒食落去唔會散修修，豬肉味好香，加埋燒完嘅咸蛋真係好夾呀，個人覺得唔錯😋😋燒豬腩肉有驚喜，冇諗過咁大塊，重點係燒得好juicy呀💗💗💗💗❤️蟹肉薯餅好吸引呀，佢個餅皮唔會好厚，入面有大量蟹肉加左去薯餅入面，每一口都啖啖蟹肉，Yummy呀☺️☺️❤️免治雞肉棒熱辣辣，好好食，佢有埋蛋黃豉油醬，點完之後令到雞肉棒更加好味，同令味道更加突出☺️☺️

第一次幫襯這間食店，覺得價錢非常貴。 叫了天婦羅及鰻魚飯都忘記 提供醬汁。 要問才提供鰻魚汁及酸醋汁。 服務人員不夠，所以服務欠佳。 以價錢來算，價值比不高，除非你有多餘錢才可以幫襯。

下班還能吃什麼呢其實九龍城的選擇真的不少火煱打邊爐 雞煲 泰食 串燒小食而在下今日選上了日式的居酒居Sake Bar車厘茄豚肉卷 燒銀杏 秋葵豚肉卷 富士山蘋果豚肉卷名字叫做Sake Bar食物味道相對也會比較重和入味吃著豚肉卷系列的蔬果怎麼突然間有種置身於農田的感覺豐盛的秋葵樹長得高高的佈滿結實的果實腳邊的蕃茄樹吊上粒粒飽滿紅潤的小聖女還有那充滿光澤的大蘋果紅綠紅綠地交替著在遠方那顆堅定強大的金黃銀杏樹如此清新又突出的香氣幾條肥嘟嘟的八爪魚🐙仔仔芫茜雞肉棒真讓人從草原掉進深海再踏上大陸最後加一客自行配搭的什錦天婦羅盛合和熱稻庭烏冬拖著大大的肚皮回家去

週日晚上，想簡單地食小小串燒。找到這家在九龍城的串燒店。8點幾，只有2檯客，環境舒適、十分寧靜。可惜小店始終抽風系統未必做得太徹底，油煙味頗重。單點了一些串燒、和一個牛肉飯定食。先上的八爪魚小吃不錯 - 後來知道是要收費的。扇貝差不多是全單最貴的食物，一般。雞肉串沾雞蛋食，好味。燒雞皮一塊過，好脆，但稍嫌無什麼味道，這裏也不提供醬油。一口牛肉很好，沒有下太多調味，反而能吃出肉味。豬腩肉是不錯。燒玉米稍微過焦，粟一燒的味蓋過甜味；蟹肉薯餅超熱，小心！玉子燒味道其實不錯，但犯了一個小錯誤，雞蛋炒香了，變了omelette 味。雞泡魚乾正常稍微有點太硬。牛肉飯好食，如果多些汁更佳；飯糰超級超級硬，唔知點解。整體來說食物質素不錯的。只是小店運作還是有待加強。上菜真的有點慢，也有漏單，最後埋單也計漏優惠。看到他們剛剛開始做外賣，但沒有紙袋，車手也在外面一催再催。小店經營不易，我看全店只有3、4個年輕人，營運似乎還沒上軌道，但食物質素不差，也很有禮貌（我們說漏單所以很餓，他們也請我們食小吃頂肚）。希望年輕人繼續努力，好好經營，給九龍城的食客，在泰國菜以外，多一個一個優質選擇。