禮 (打鼓嶺道)

營業中

休息中

九龍城出名食泰國菜，但原來日式居酒屋都有驚喜！「禮」的環境和食物皆屬中上，連朋友都忍唔住向店員讚一讚！店員首先奉上小食，是「味噌螺肉」此為讚位一，平日食到的螺肉都是林的，而這裡的卻是爽口很有𡁻頭！前菜我們點了「紫菜芥辣八爪魚」🦑用紫菜圈住一啖放落口，八爪魚彈牙，芥辣不會太搶風頭，醒胃又好食！串燒「燒雞皮」、「牛舌」、「雞軟骨」🍢原塊大雞皮很特別，並沒有切得小小的，燒得比薯片更香脆，很有驚喜。牛舌爽，調味剛好，非常惹味。而雞軟骨很不錯！「媽媽咸蛋豬肉棒」🍖免治豬肉棒上鋪了一舊咸蛋黃，使整體味道更甘香！豬肉棒肉汁依然，口味新穎，可以一試呀！「天婦羅盛合」🦐綜合了蔬菜和大蝦天婦羅，炸粉薄脆，感覺不會很油膩。有香濃的紫薯，很特別，也很好吃。另外碟上有很讚的芥茉，新鮮生磨的芥末真的十分清香，不嗆鼻！最後，如果在「禮」的某社交平台比個like, 會有豆腐/抹茶雪糕送呀！大家不要錯過喔！😍

去九龍城唔一定係食泰國菜嘅原來呢度都有一間隱世嘅日本餐廳，仲要係師兄師姐開嘅添重點係佢係一間黃店，要大大力去懲罰！今日雖然不適宜飲酒但係佢個$98任飲sake/日本啤酒真係好抵!佢每一台都會送螺肉小食燒甜薯好好味，超級清香同甜！芫荽雞肉棒伴蛋黃醬都好得，咁佢啖啖肉得來又唔會有好多肥肉，間唔中有一兩粒軟骨好爽脆，點埋個蛋黃醬簡直Perfect！鹹蛋豬肉棒個鹹蛋煮到好粉，仲要係外置嘅，一敲就會碎左，本身我係expect佢係豬肉撈左鹹蛋去燒，咁食法又幾特別明太子紫菜飯團裏面係熟咗嘅明太子，飯團表皮燒到有飯焦，食落好香脆！如果明太子可以再多啲就好啦蟹肉薯餅裏面嘅蟹肉係撈左溶咗嘅薯仔，所以食落去嘅時候好似有流心嘅效果原味燒玉子正正常常，好香蛋味豚肉生姜燒定食好大份有麵豉湯同埋前菜，基本上食完呢個已經夠晒飽佢嘅做法有啲唔同出邊嘅豚肉生姜燒，因為佢個汁並唔係話好多燒年糕都做得好正常，大大嚿，咬落去有軟糯嘅感覺依家like佢哋嘅ig/fb都會送一客佢地嘅綠茶/豆腐雪糕，我想講呢個係成世人裡面食過最好食嘅豆腐雪糕超級濃豆腐嘅香味，又唔會好易溶，好正啊！！呢間黃店真係值得懲罰，燒到每一樣都係用心製作，連上

九龍城最出名泰國菜餐廳，勢估唔到就喺黃珍珍附近，有一間好好食嘅日本餐廳——《禮》！去到餐廳門口，覺得裝修頗精緻，有幾塊竹簾做裝飾。入到去有空位，於是負責人叫我地隨便坐。之後仲主動提出其實樓上仲有位置，係日式榻榻米，可以上去試下。我同朋友都勁興奮，估唔到佢地佈置咁用心🤩原來佢地仲有一間大房，目測都可以容納15-20人左右，幾啱同朋友或者同事聚下。芝士年糕 ($28)外表平平無奇，但食落去口感超正！外層帶有少少脆嘅口感，但入面就有流心芝士，所以有香濃嘅奶味👅原味玉子燒 ($68)唔馬虎嘅玉子燒！有香濃蛋味，而且texture有少少濕潤，唔乾。如果可以再熱少少更佳😋聽聞呢兩樣係必食之選，所以都叫咗試下，果然好食！🥰媽媽鹹蛋豬肉棒 ($38)豬肉棒外層燒得有少少脆口。可能有鹹蛋嘅關係，整體調味較重。但肉同鹹蛋融合得幾好，所以味道又中和到😆鹿兒島一口牛 ($48)一口牛肉質好嫩，即使燒完都好juicy🤤 而且一啲都唔韌！温泉蛋牛肉丼 ($118)呢個牛肉丼包埋麵豉湯、野菜。牛肉丼當然唔係《吉X家》質素😏飯唔乾，入面已經有牛肉汁，所以有濃烈嘅牛肉香😋雖然睇落好似好細碗，但份量夠晒飽肚😛-Menu:

成日都好想吃串燒，講左好耐，終於約到喺德國返嚟嘅朋友一齊去食九龍城闖蕩一下，我地去左間叫禮嘅串燒店...餐廳唔算好大，牆壁上面放著唔同種類嘅日本酒樽，一坐低之後侍應就攞咗前菜畀我哋，我地一開始叫左碗牛肉烏冬，由於係即點即做嘅關係，朋友好快就食哂，仲話要叫多碗我地都叫左d大路d嘅串燒，好似安格斯牛肉，雞軟骨嗰d,煙肉蘋果卷值得推介，有種淡淡的甜味，很特別！免治雞肉卷係我最喜愛之一，熱辣辣的雞肉配埋蛋槳，超級棒！ 蟹肉薯餅，我朋友讚不絕口，話返到德國都會掛住總括黎講，係間好唔錯嘅串燒店

一嚟到呢間居酒屋，俾人一種好舒適嘅感覺，除咗樓下嘅座位外，原來樓上仲有他他me, 就好似日本啲居酒屋咁😚感覺幾正左起：富士蘋果煙肉卷、鹿兒島一口牛、媽媽鹹蛋豬肉棒鹿兒島一口牛一口牛好肥美，口裡淡淡和牛肉餘香媽媽鹹蛋豬肉棒鹹蛋同豬肉勁入味佢啲豬肉口感好鬆軟，好特別值得一試富士蘋果煙肉卷煙肉燒得好香脆，色澤燒得剛剛好，蘋果果肉都好香口，燒到有點像焦糖蘋果的口感，津津有味的😋原味玉子燒 玉子燒熱騰騰，即叫即整，上碟嘅時間比較久，蛋的甜味原汁原味地深透出來，味道不錯值得等待稻庭烏冬一開始點了定食會有一份八爪魚🐙烏冬嘅味道口感夠煙un,但烏冬的湯底讓人感覺幾新穎，有一點點酒味的，另外一讚的是烏冬裡的腐皮味道很甜，而且啖啖都好juicy

平時去九龍城都只會想起泰國餐廳，但原來都有不少隱世小店，今次就去左間居酒屋。 平日都喜歡去居酒屋，希望有一種於日本的感覺輕鬆一下。這間居酒屋的裝潢及環境不得不讚，鋪面不大但有兩層，上下層的裝潢亦截然不同。我的訂座安排於上層，上完梯級要脫鞋才能進入榻榻米，是和式座位。如果不便跪座的食客，可能會不太喜歡。富士蘋果卷平日比較少見這個配搭，見有「讚」在旁邊所以就叫來試試，很有驚喜！蘋果的果白中和煙肉咸味。厚切牛舌真的是厚切呢！燒得剛好質感彈牙，帶點鹽燒到牛舌的香，是濃味之選。明太子玉子燒雞蛋卷都不算實，略少少鬆散，但蛋味十足，有明太子嘅調味完全將平平無奇的玉子燒昇華。原條汁燒鰻魚飯標榜10吋長的鰻魚飯！鰻魚亦都好肥美，配上燒汁，配飯一流！

此居酒屋開店時間由下午5:00至凌晨3:00，適合和朋友把酒談天，燒物逐件逐件order，然後食物逐件逐件上，逐件逐件吃，日本風味十足。我和我的酒肉朋友，點了:- 免治雞肉棒(拌蛋黃醬)，雞扒肉質嫩滑，好juicy，調味又好。- 原條鰻魚(10吋), 真的很大條，真的有十吋長，他們用心烹製，又yummy又啖啖肉。- 蒜蓉牛油燒扇貝- 明太子紫菜飯團，飯團外面有煎過，有食煲仔飯蕉的口感。- 圓切牛舌整體味道佳, 最推介他們的雞棒和明太子紫菜飯團。

星期日晚8點半左右入座，無飲酒，但居然食到10點半先走得。只係叫左8-10串串燒，加一個雞蛋牛肉飯，仲有一碟雞泡魚乾。等左一陣，先黎左碗飯，係好味嘅，之後上串燒。串燒味道都唔錯，價錢唔平，$28 至$38 起如雞軟骨等。但基本上每次只會上一串，食完，等一陣先有第二串，成晚感覺好似食唔飽，食空氣，個雞泡魚乾等左一個鐘以上先出現，串燒又漏單。我胃唔好，唔餓得，佢咁樣上得咁慢，我好似無食野咁，返到去胃唔舒服到12點幾1點。琴晚食，到今朝都仲成胃胃氣。職員態度好好，但只有一個女仔招呼晒所有人，你都唔好意思催佢辛苦佢。如果上菜以後都係上得咁慢，一定唔會再食。

今日約咗朋友喺九龍城傾嘢，攪掂哂喇，就係附近揀咗「禮」依間日式居酒屋。佢哋嘅裝修好有日式格調風味。店舖仲有閣樓坐位，不過我懶得除鞋喇，所以就留返喺下層食算喇🤪🤪。燒大蔥 ：我中意食嘅燒物之一。外焦內暖，燒得剛剛好，大蔥嘅香味發輝哂出嚟。芝士年糕 ：依個一定要一上枱即刻食，外脆內軟，芝士熔哂喺年糕當中，好好味。富士蘋果煙肉卷：見幾特別嘅串燒，所以即管一試。果真無揀錯，蘋果同煙肉好夾好match，好甜好好味。卷住蘋果嘅煙肉雖然係最受熱，最易燒燶，但依個富士蘋果煙肉卷一啲都無overcook、無燒到硬晒，食落仲係軟軟的。推介👍🏻！厚切牛舌 ：另一款至愛、燒牛舌最驚就係薄切果啲，因為通常都燒乾晒柴哂，厚牛舌就無依個問題喇😀😀。燒汁紫菜飯團 🍘： 香港嘅串燒店，通常都唔會有依個菜式，要搵就要好似「禮」依類型嘅日式居酒屋先有機會食到，而且唔係間間居酒屋都有嫁。飯團燒至脆口、再擦上燒汁燒，包埋紫菜一齊食。無得彈😗😗。豚肉生薑燒定食，配麵豉湯、牛蒡漬：豚肉好嫩，洋蔥都好甜。平時唔多食洋蔥嘅我都全部食哂呀。加埋牛蒡漬同麵豉湯，有個好好嘅結尾。作為一間日式料理店，「禮」都有好多酒類選擇。當我對住張紙仲諗緊

今天來到九龍城這個美食地方，看一看有沒有什麼新的店舖，在邊緣的打鼓嶺道發現這一間日式小店，這條街大多數人都不會發現到美食。這間日式小食店，主打寧靜環境，店舖樓面不大,座位不多，非常合適三五知己來。店舖首先會為客人帶來一個前菜，日式螺頭。今次點了不同的串燒，廚師細心慢慢地為客人制作串燒。份量雖然不多，但味道上非常不錯。在點了一份玉子燒，份量合理，值得一試。最後那一份燒午餐肉，外脆內軟，性價比非常高。九龍城位置不是十分方便，但非常合適駕駛人士前往

係九龍城行下睇下有咩新野食，見到依間睇裝修以為係cafe，再望真d原來係食串燒，仲有d任飲plan，真係幾岩係九龍城既酒鬼highball威士忌割檸檬梳打雖然任飲吸引，不過我都唔想飲太多，但又想飲下，所以highball 係好的選擇，而且係居酒屋飲highball係好合理的事選擇幾款都係菜單上的推介，蘋果煙肉燒真係第一次食，蘋果的香甜中和了煙肉的油膩，真係唔錯一口牛和牛舌都值得試，兩款牛味香濃，由其一口牛口感一流，芫茜雞棒最有驚喜是有醬油雞蛋配，滋味倍增富士蘋果煙肉燒鹿兒島一口牛牛舌芫茜雞肉棒蟹肉薯餅豚肉生薑燒今日的主食，本身想食牛肉飯，但有一口牛就試試豚肉，豚肉的份量都唔小家，滿滿係飯上，仲燒得幾香，配上日本珍珠米，胃口大開，另外，原來仲有麵豉湯+牛蒡附送

🤡男友近排愛上左清酒，我就好麻麻，為左止一下sake癮，決定一試依間sake bar！依度有好多款sake，建議一大班朋友仔黎飲，咁就可以開一大枝啦！店內日式裝修好舒服，坐咁耐完全都無聞到燒烤油煙味，身上就更加無！正！.🍳原味玉子燒$68 (4/5)成日諗點解煮唔到好食嘅玉子燒？依款玉子燒多汁好香蛋味，多層有口味，如果甜多少少就完美啦！🤩🧀芝士年糕$28 (4.5/5)食過咁多次串燒，好少叫芝士年糕食，因為好驚燒唔熟裡面啲粉。。今次見到openrice度個芝士年糕咁吸引，一於一試！🤡一試難忘！外脆內軟，裡面十分煙韌，夾埋啲芝士🤤perfecto .清酒🍶煮蜆$78 (4/5)處理得好乾淨，完全無沙，食落口啖啖清酒味，配埋肥美嘅蜆，簡直鮮甜👍🏻. 🥓富士蘋果煙肉卷$38 (4/5)👅厚切牛舌$38 (3/5)一個全新嘅配搭，甜甜地嘅富士蘋果中和煙肉嘅油膩，原來蘋果同煙肉咁夾！😍牛舌韌左少少，但十分juicy!!.🌽粟米$18 (5/5)粟米真係勁好食！微濃嘅外皮，燒到啱啱好，可夾埋片肥到爆嘅牛油🤡omg！甜同肥到入心！.🥩鹿兒島一口牛$48 (3.5/5)🐽秋葵豚肉卷$28 (4/5)

呢一間日本餐廳係我近年來喺香港食過環境最特別同埋最優美嘅一間 主要嘅原因就係因為佢比我一種別有洞天嘅感覺 - 日本榻榻米 喺日本榻榻米上邊我哋要除咗本身着緊嘅鞋，換返上餐廳提供嘅拖鞋 ，同三五知己一齊坐喺度食飯。✨蒜茸生蠔($58)點嘢食嘅時候餐廳職員就大力推薦我食餐廳嘅海鮮，話生蠔今日先送到一定要試試！生蠔上沈上大量嘅蒜蓉，味道酸酸地作為開胃小菜最好不過，果然係幾新鮮！✨富士蘋果煙肉卷($38)富士蘋果煙肉卷應該係餐廳嘅特色菜式，富士蘋果好甜，好多汁，用煙肉黎包住正正可以減少油膩感同埋中和返鹹嘅感覺😝✨溫泉蛋牛肉丼($118)呢一份係一份溫泉蛋牛肉丼定食 除咗個飯之外仲有前菜潰物，麵豉湯 ，望落好多嘢好豐富咁，牛肉每一件都住得好嫩同好有牛肉味，個汁甜甜地，令人食指大動，加上溫泉蛋煮到恰到好處，唔錯唔錯！✨原條汁燒鰻魚飯($168)同埋牛肉丼定食一樣，定食套餐都係包埋前菜麵豉湯，而最吸引到我嘅地方就係用原條鰻魚黎整呢一個飯🤓 原條鰻魚非常大塊，上碟嘅時候鰻魚醬汁完全咁滲透係白飯之中，顯得成份定食格外香噴噴 ！鰻魚嘅質感入口即溶同埋好少骨，真係好高質！

響旺角搭小巴去九龍城，唔常去九龍城既我，打鼓嶺道都易搵，朋友話呢間居酒屋既串燒、環境都好高分，真係要到會一下！店鋪有上下兩層，精緻格局、日本雅座，三五成群又得，亦有VIP Room 可容納20人！先來開胃漬物小食🐙 再點芥辣八爪魚，總是最好配搭，特別芥辣八爪魚可卷上紫菜，大大啖刺激味蕾！秋葵控出沒，秋葵豚肉卷必點，秋葵清新配上燒豚肉，味道好配！開邊雞中翼雞腎、雞軟骨、燒榮螺 口感爽口系列，燒得剛好不焦！明太子飯團🍙上檯仲係熱哄哄，熱既飯團軟身另一番風味！比個like就附送豆腐雪糕🍦麵豉湯暖暖胃，不是開麵豉粉那種，隻碗再大d就好喇😜

今日去到九龍城，唔係食泰國菜，係黎食日式串燒。平時食港式食得多，今次真係不一樣。店裏環境安靜，整潔！仲有樓上雅座。先黎一碟前菜，八爪魚一坐得叫完野食就上，以為係送既，原來要每位$10。今日叫左鹿兒一口牛，牛肉juicy ,入口即溶，上面有法式黃介茉醬！👍🏻再黎大虎蝦，香口新鮮，但肉好少。汁燒飯團，上面係香口飯焦，唔錯！芝士年糕，正！煙韌，唔油！呢個一定要試！最後叫左蒜香生蠔！熱食既，半生熟比較細隻！ 總括嚟講，食材唔錯，唔係港式串燒！ 但價錢偏貴！ 如果想食好少少，貴啲都可以