禪

營業中

休息中

人氣日式風格甜品店，法國藍帶廚師主理，禪系裝潢以簡約木為主，營造出溫馨舒適的氛圍。新推出極·濃蝦汁意粉，鮮味濃郁意粉充分吸收了蝦汁的香氣，口感煙韌大蝦肉質鮮嫩而又甜美，滋味無比。安格斯牛肉砌成的丼飯，牛肉片薄切有嚼口，肉味濃郁，肉質嫩滑，配上新鮮月見蛋黃，層次豐富，原條鰻魚切半，以自製燒汁蒲燒而成。鰻魚肉嫩香甜，口感肥美，含有豐富油脂。玉子燒六大件夠厚身，淋上滿滿的明太子醬，加蟹子及紫菜碎，味鹹帶點辣，厚蛋一啖入口，口感滿滿。蛋白卷以一層海綿蛋糕包著一層抹茶慕絲，再加上紅豆及細細串的白玉，精緻美味，必點招牌刨冰上枱有驚喜，質感算幼滑，口感清爽，冰底綿密，再淋上濃郁朱古力醬汁，整體香甜好吃。

見依間啲comment唔錯就帶個好耐無見既朋友去試下啦，openrice訂左6:00 準時到達，入去果陣reception staff無提我地有限時。叫左2個一人餐：鹽蔥厚切牛舌飯同照燒雞扒白咖喱烏冬～飲品揀凍荔枝椰果烏龍茶同埋百香果梳打。前菜芝麻雞翼同埋芝士年糕，甜品朱古力mousse 撻。牛舌係朋友既，我唔食牛舌就無試，朋友話碗飯無咩汁都幾乾下，牛舌好淋佢prefer爽口果啲，但份量好夠多！我照燒雞扒就覺得好咸，烏冬係稻庭烏冬，配白咖喱都唔錯。可能間野唔多位，7:00左右開始比較多人排隊，我地食到大概6:50有位staff主動話幫我地執執野先，不過果時我地全部野都未食完。無幾耐7:10左右又有staff話佢地比較多人等位然後又好主動幫手執野。想講佢地服務其實都ok不過就想你食快啲唔好阻佢地做多幾轉生意既感覺。建議如果去食就快手小小食唔好諗住同frd坐得耐傾計～總體而言，野食同服務都ok啦，係無諗過食個dinner都比人吹左2次，信用卡收據7:17分～

🐮明太子安格斯牛月見蛋丼 $158好靚(｡•̀ω-)幾香牛味有蛋黃同明太子醬( ´ ▽ ` )ﾉ飯量幾多而且偏乾身😆濃·蝦汁意粉 $128好濃蝦汁味（有龍蝦汁feel)有幾隻大蝦，爽口的我哋掛住影相所以食時無咁熱🍱升級定食 +$28可選沙律/枝豆 及 麵豉湯/飲品如嗌飲品可配$42/補差價🍵日式抹茶鮮奶$52（奶蓋+$8）估唔到有奶蓋加奶蓋好味仲好多٩(ˊᗜˋ*)و係鹹鹹哋嘅芝士奶蓋抹茶味好濃，係偏苦嗰種建議撈勻下先飲🍫凍朱古力 $46仲有芋泥鮮奶嗌！🦑唐揚魷魚鬚 $68黎到時好香(˶‾᷄ ⁻̫ ‾᷅˵)好好食有嚼口同埋好香但味道似墨魚嘴多啲🍑白桃伯爵茶窩夫 $108係偏蛋香嘅窩夫較輕盈伯爵茶cream 好重味Cream有乳酪嘅感覺🍫特濃朱古力撻 $58入面係流心朱古力好食但heavyXD收費非常清晰嘅餐牌睇得好舒服🙂‍↕️🙂‍↕️

餐廳以木系元素設計， 環境簡潔明亮， 營造出一種恬靜純淨的日系茶室環境。主打西日式料理和手工甜品，款式多樣選擇。美國安格斯牛肉月見蛋丼飯 $138牛肉外焦內嫩，蘸生蛋汁吃，別有一番風味，底下米飯口感煙韌且有飯香。濃蝦湯烏冬 $128蝦湯非常濃郁，烏冬口感煙韌每條烏冬都能掛到醬汁，每一啖都好細膩。明太子玉子燒 $68明太子的特殊味道搭配玉子燒軟彈口感是非常棒的美味組合。唐揚魷魚鬚 $68外層炸粉又脆又有紫菜香味，魷魚Q彈有口感。炭燒雞串6串 $48軟滑的雞肉粒配上和風燒汁，每串都充滿濃香炭味肉汁。

一到假日沙田新城市廣場就人頭湧湧，今日就到了擁有現代日式風格設計的「ZEN by Tera」，簡約而不失雅致。豆腐花咖啡咖啡口感細膩，帶著淡淡的豆香，濃郁柔滑。明太子玉子燒玉子燒燒至外層焦香，內裡嫩滑，蛋香濃郁，明太子香辣，非常惹味。南蠻炸雞•配鹽蔥厚切牛舌丼炸雞外脆內嫩，牛舌鹽蔥清香，搭配香醇的米飯，讓每一口都充滿了層次感，越食越開胃。吉列豬鞍白咖喱鳥冬配枝豆豬鞍的酥脆超大份量，內裡還保持柔嫩的肉質，搭配香氣四溢的忌廉咖喱醬，色香味俱全，令人迷到！

大蝦香濃湯底 淡淡都係蝦味🤤烏冬口感彈牙好味到極速食晒🤣白咖喱烏冬都係必點💖係薯泥加新鮮奶油嘅混合🤩好獨特 一試難忘🤤烏冬好掛汁配埋大大塊吉列豬鞍好惹味😋呢間係一間由法國藍帶主理嘅餐廳🥰難怪佢哋嘅烏冬咁好食🥹白桃伯爵窩夫外脆內軟🧇蛋香味十足 擺盤精緻💖呢度主打禪系風格飲品都好養生☺️有玫瑰桃膠紅棗奶同埋蜜糖四花茶伯爵奶凍口感順滑😚伯爵味濃郁 帶點黑糖味開心果奶蓋芭菲配扭紋雪糕係開心果控必試😆食到最底有好多開心果粒粒🥰

木系簡約裝潢，明淨舒適！定食二人前性價比高，有頭盤、小食、主食同飲品！👉🏻蟹肉蟹籽沙律 滿滿鮮甜嘅蟹肉，配清脆青瓜同生菜，清爽開胃！👉🏻枝豆 枝豆口感綿密帶嚼勁，豆粒飽滿，鹽份恰到好處！👉🏻明太子玉子燒 份量多，蛋捲厚實鬆軟，內層明太子鹹香，濃郁但不過膩！👉🏻吉列豬鞍白咖喱烏冬 酥脆嘅外皮，豬鞍肉質多汁柔嫩，白咖喱醬好creamy，微辣帶有奶香，烏冬彈牙滑順！ 👉🏻美國安格斯牛月見蛋丼 散發肉香，入口軟嫩，戳破蛋黃伴飯一流，令飯粒更顯香氣！ 👉🏻開心果紅桑子窩夫 開心果醬嘅堅果香氣濃郁，配酸甜紅桑子，仲有開心果碎，窩夫鬆軟！👉🏻日式抹茶鮮奶 茶香濃而不澀，綿密滑順，奶香滑潤！👉🏻豆腐花咖啡 底下嘅豆腐花口感滑嫩，咖啡香氣突出，好有層次感！

喺新城市廣場，路經一間新開的餐廳，入去試試，1130到，岩岩開門，冇人排隊，餐廳唔算好大，座位唔算好多，到lunch time就要等位。有午市定食跟餐飲品有個前菜沙律，有芝麻醬但好少美國安格斯牛月見蛋丼 $128安格斯牛肉幾香，不過唔係好多，用埋雞蛋撈飯好食，但係就冇乜汁吉列豬鞍白咖哩烏冬 $158白咖哩烏冬好creamy，咖哩都香，食晒吉列豬鞍就一般，好有雪藏味好大舊，都偏油膩，好滯食物價錢有啲貴，唔算非常好食

餐廳走日式木系裝潢主打多款丼飯 烏冬及甜品出品有驚喜 價錢亦合理 到沙田新城市逛街時可嚐嚐 ⍢吉列豬鞍白咖喱烏冬 $158烏冬麵身滑溜吉列豬鞍不厚粉 炸得剛剛好照燒雞扒配半件鰻魚丼 $138丼飯選用日本珍珠米鰻魚燒得外層微焦 加上甜甜的鰻魚汁 很惹味照燒雞扒肉質嫩口 也很好送飯唐揚魷魚鬚 $68魷魚鬚新鮮彈牙 炸得金黃酥脆放久了也不會過淋 保持有嚼勁炭燒雞串（6串） $48正常發揮 醬汁偏甜 ⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡♡/5⧐禪📍沙田沙田正街18-19號新城市廣場一期1樓109號舖

話說我飢腸轆轆咁入咗呢間餐廳，點解要強調係肚餓，係因為我expect肚餓嘅時候咩都好食咗。就結果而言，係小失望嘅。。。明太子蟹肉意大利粉明太子有啲鹹，不過本人係食得好清淡，可能係本人嘅問題。蟹肉雖然不算多，但都算有誠意的。食完飲一杯水是必須的。南蠻炸雞丼飯炸雞塊外皮唔算脆，雞肉勉強 juicy，但真心可以唔叫，你會後悔的磯煮鮑魚唔識comment鮑魚，食落都唔錯，可以叫吓。呢度服務係親切嘅，我同朋友坐Bar枱，佢會幫你推凳，有啲唔好意思。呢度嘅環境係正常日本風，兩個人坐低傾吓偈絕對冇問題。上菜都快，效率高嘅。總括嚟講，我哋好似唔應該喺度食飯，而應該嗌啲甜品，聽講佢好似出名甜品。下次可以一試，完。

今次同朋友去咗沙田新城市廣場一期嘅「禪」食晚飯，呢間日式餐廳服務真係好貼心！一坐低店員就主動介紹菜式，仲會不時過嚟問吓食物質素點，態度友善得嚟又唔會太hard sell，加分！我哋叫咗個平日限定嘅二人套餐（$428），份量夠晒兩個女仔食，仲可以加錢升級飲品同甜品，性價比幾高！✨ 前菜 ✨- 蟹肉沙律：蟹肉份量算多，配埋爽脆蔬菜同芝麻醬，開胃之選！- 枝豆：簡單但煮得啱啱好，灑咗少少海鹽，送酒一流～- 明太子玉子燒：熱辣辣上枱！玉子燒中間流心，明太子鹹香突出🍚 主菜二選一 🍚- 美國安格斯月見蛋飯丼：牛肉片鋪滿成個碗，肉質嫩滑，蛋黃撈飯超邪惡！- 吉列豬扒白忌廉咖喱烏冬：豬扒炸得脆而不膩，咖喱汁濃郁得嚟唔會太鹹🍹 升級飲品 🍹- 凍芋泥鮮奶：芋泥打得好綿密，鮮奶香滑，甜度適中，飲完成杯都唔膩！🍶 清酒追加- 日本大嶺三粒米：店員推薦嘅純米吟釀，入口清爽帶果香，配炸物超夾！🍨 甜品升級 (+$88) 🍨- 開心果紅桑子窩夫：即叫即製！窩夫外脆內軟，開心果醬濃郁，配酸甜紅桑子平衡得剛好，完美作結！甜品份量較大，兩個人share剛好總括來講，呢個價錢喺新城市食到咁高質日式料理真係難得，服務又好

今日 weekend約左朋友行街買嘢，係沙田新城市食左呢間 bookmark左好耐嘅Tera💖佢地啲裝修同擺盤都好igable、打卡一流🥳＊＊＊＊＊👯‍♀️假日2人餐 $538蟹肉蟹籽沙律🥗唐揚魷魚鬚🦑 +$18美國安格斯牛肉月見丼🥩吉列大蝦白咖喱烏冬🍤是日甜品🍫伯爵奶凍🍮 +$28當兩個人都有選擇困難症，90%最後都係叫二人餐🤣呢個二人餐都幾抵食，頭盤、小食、主菜、甜品都有，仲大大份一啲都唔馬虎添☺️鍾意食牛嘅大家一定要試下安格斯月見丼，牛肉又大片又靚，撈埋生雞蛋食超正🤩另外呢度個白咖喱都好出名，果然又香又濃😍是日甜品係一個朱古力撻，我哋加錢轉左其中一份做奶凍🥰兩款甜品都好好味，本來話唔食甜品嘅朋友都食左一半🤣＊＊＊＊＊更多食評資訊：IG🔎litcloud_

📍沙田 禪 ZEN by Tera木系裝修Cafe，有卡位/吧枱同大枱，但張枱有啲細。𓇠 平日二人前 $428 𓇠套餐包味噌湯/$42以下飲品、頭盤x2、小食x1同主食。蟹籽蟹肉沙律醬汁微酸開胃，沙律菜新鮮爽脆🥗加上車厘茄同櫻桃蘿蔔片，味道清爽。小食揀咗明太子玉子燒，明太子醬帶鹹香，已切開2件方便進食，有紫菜絲同蟹籽，玉子燒口感較厚實，蛋汁多啲會更好味🥚主菜有南蠻炸雞白咖哩烏冬：湯底可揀白咖哩/番茄濃湯🍅旋風形薯蓉鮮忌廉好Creamy🌀攪勻底下咖哩🍛加埋牛肉碎好飽肚，有洋蔥蘑菇，稻底烏冬彈牙，掛上濃稠咖哩，味道甜辣，必試！炸雞約有6件🍗炸皮唔會太厚，但唔夠脆，點酸瓜蛋黃醬食可以解膩。另一份主菜係美國安格斯牛肉月見蛋丼🍚橙色蛋黃好誘人😍飯面舖滿燒過嘅薄切牛肉🥩帶粉紅色，肉質嫩滑，仲食到炭燒同油香，將蛋黃撈埋珍珠米一齊食好幸福🥰最後追加一份伯爵茶奶凍（+$28），表面有伯爵茶葉同糖漿，奶凍滑溜🍮伯爵茶味濃郁，甜度剛好。飲品叫咗豆腐花咖啡（+$6）同泡沫咖啡，前者有少少豆味無咁苦，底下𢳂到有滑嘟嘟嘅豆腐花碎，幾特別😌而後者咖啡香氣更加突出☕️▪️類別：#yinkifoodie_cafe 🔺味道：

去開沙田新城市廣場，見地下個層有唔少嘢食，見有間裝橫幾骨緻嘅日系cafe就去食個lunch，不得不提店員好好service，撞正lunch hour超多人流，店員都有耐性安排秩序、照顧周到，很讚👍🏻太肚餓嘅關係，分別加$28 upgarde做2個lunch set，隨餐附送飲品+前菜（沙律/枝豆）🦐 濃·蝦汁意粉｜$108蝦味超濃郁！醬汁creamy得嚟唔膩🍤意粉熟度堪稱完美，非常有咬口，有超多蝦，隻隻都彈牙，如果再多返啲蒜香就更完美～🐷 吉列豬鞍白咖喱烏冬｜$158有啲驚喜～本身見白咖喱有薯仔同cream好驚勁膩，估唔到醬汁texture剛好之餘，仲香滑帶微辣🌶️唔會過份油膩，掛汁力max，份量多到兩個女仔share都得🤣吉列豬鞍略嫌炸得有啲燶🥩但肉質依然juicy唔乾柴，下次再控制下火候會更好！🧀芝士年糕｜$58外脆內流心🔥咬落亦好煙韌～🦑唐揚魷魚鬚｜$68炸粉超輕薄，魷魚新鮮彈牙💯配埋他他醬超一流🍑 白桃伯爵茶窩夫｜$108擺盤靚到「嘩」一聲，超啱打卡！窩夫外脆內軟🍰蛋香味幾出，配上伯爵茶cream好輕盈幽香，白桃都清新解膩，推薦～🫖檸檬薑伯爵茶勁大杯，薑味偏濃，同檸檬伯爵茶好夾，

網上見到話係法國藍帶廚師主理嘅餐廳，所以無名義嚟到屋企人食生日飯！但係食咗三個煮餐都覺得質素麻麻地，可能唔太符合我嘅口味啦！- 明太子蟹肉意大利粉成個意粉都食唔到有蟹肉，而且成個意粉好乾，品嚐唔到其他食評講嘅Creamy- 大蝦雞扒飯價錢都唔算特別平，但係只有一塊非常之細嘅雞扒同埋兩隻炸蝦，炸蝦都炸得好乾，覺得有啲可惜- 炸雞牛舌飯呢個反而有少少驚喜，牛舌都好厚亦有少少鹹味，整體口感都唔錯，大雞就不過不失！不過值得稱讚嘅係沙律醬係餐廳自製嘅，呢個細節位好加分！- 芝士年糕一家三口覺得成餐飯最好食嘅就係呢個年糕，但係我相信呢個年糕應該係返熱嘅食物，年糕好煙靭，芝士都好流心