禪八日本料理

營業中

休息中

同事帶我去食禪八~~發現有好多日本人去食有太多SET我都唔知點揀好~~處於兩難之中, 好想叫蔥吞拿魚腩, 又想叫炸雞定食~~(皆因見到隔離枱個炸雞扒好正咁)~~最後都嗌左個炸雞定食，而同事就嗌了是日SET LUNCH炸雞定食 - 手機映相太差了~!!請見諒~~ 炸雞扒~~好大塊!!!肉質還可以, 再肥少少就好喇!! 大量椰菜絲伴碟~只食椰菜都飽呀!~!~! 炸雞扒下還有兩排青瓜~!~!(應該係用來索油，但我都照吃) ，另外有麵豉湯、蒸蛋、白飯~~是日定食 - 有天婦羅蝦手打烏冬 ，鰻魚壓板壽司蒸蛋、酸菜~推介***最特別係甜品 - 鹽味雪糕~~雖然鹽味很subtle~但與一般的牛奶味雪糕又不同~~本身係綠茶架, 但可以問下有冇得換鹽味~~一試無妨!!

今日放假..約女朋友去食lunch..原先話去麻布,後來佢話禪八佢上次食過覺得好食..於是就上去..睇門面係有d中級餐廳感覺..入去坐底睇左餐牌價錢都係中檔價錢..我地叫左個同漢堡扖定食..漢堡扖定食-最好都係個湯同個白飯...個扖無特別..味道亦唔見得十分好..如果食..我寧可食返麻布個個漢堡扖銀雪魚定食-可以用失望黎形容..完全係無味道..加上不停有水出..一d都唔乾身..都係個句..最好都係個湯同個白飯..個蛋好普通..不值一提總括黎講...用呢個價飲左個湯同個白飯..大家認為ok 唔ok>

食左次Chura之後,忽然愛止彩星......結果就趁完Church之後去呢間食野啦。第一次就俾人帶去榻榻米位,好彩,中間有中空位,好似我呢D唔慣跪坐既都有另一個選擇......叫左個銀鱈魚定食。依我既個人感觀,呢一個野好唔好食會睇出間野既水準......個湯係OK既,不過平時我地飲既只得豆腐同紫菜,不過佢就有幾塊肉片......之後個茶碗蒸就.....有納豆唔係一個問題,最大既問題係太淡@@"蛋味都略嫌唔夠,唔好講配料如何啦@@另外就係個魚啦,唔夠熱又係問題啦,還有的是煮個方法比較膩,其實都比較滯口一點"到左最後既豆腐雪糕,反而係最好既一樣"有豆腐既清甜感覺*埋單剛好一百,不過,的確讓我清醒左一次既......下次,都係食Safe鋪好D*ps:於唔俾同喊面到掙扎,但最終@食物度,Sor,日本菜我要求始終比較高,但Service係OK既。

同事極力推介之下,想同家人來試試只在星期六日才有供應的'All you can eat set'~ 本應看見這兒劣評得令我欠缺信心...但又抱住好想食shabu shabu既心態...結果...我們被搵笨了~首先,menu上的任食套餐有3種:1.美國肥牛($360)2.豚肉($3x0)3.肥牛+豚肉($390)我們有3位,諗住叫2個肥牛set+1個豚肉set;點知侍應話要叫3個都相同的set!!! 即係話,如果我們想食牛又想食豚,要叫肥牛+豚肉set x 3....! 好彩我地當中無人唔食牛,於是決定叫3個肥牛set算數.首先送來一客前菜,是2片鴨煙伴有2塊菜,味道沒有特別,但菜是有好多沙的.接著端來的是紙火鍋盛有清湯,湯看上去很'清',再呷一口,不但止清更加是無味的.還是試一試肥牛質素如何,假如美味的話之前嘗到的可以一筆勾消.. 可是肥牛又'鞋'又韌,就連在街市隨便買來的都要比這裡的更香,更嫩!!套餐中還有其他食物...但都不值一提!埋單3位$1290, 你話唔係比人搵笨係咩呢~

食左兩次, 一次食shabushabu, 一次食Sukiyaki都算正宗日本菜, 招呼尚可以, 無大家講得咁差香港黎講shabushabu味道都ok, 尚且好過Mo-Mo Paradise o既(不過牧場平o的仲係任食)至於Sukiyaki o的味就濃左些少, 送飯就o岩哂海膽都幾鮮(咁梗係唔好同築地比啦)整左隻毛蟹就真係麻麻喇,同蟹道樂差十萬八千里...食一兩次都ok既, 第三次就免喇

因某雜誌介紹這裡的shabu shabu紙火鍋,於是上星期五晚慕名一試.一坐低侍應自動送上每人一客矮瓜前菜, 味道ok但後來埋單才知道每客要收$30大元.感覺像身處內地酒樓明屈客人多收前菜錢,但明明身處高級日本食肆再打開餐牌, 一字記之曰"貴",最平的澳牛火鍋套餐要$290(只有5片牛肉,菜同甜品).最後點了價值$460的套餐(多刺身同蟹腳).其實價錢貴但如果好味已是值回票價,但可惜卻是令人失望,火鍋用的根本不是湯,只是無味的清水.淥完的菜同牛肉如果不點痳漿,根本是淡的,最後淥烏冬也要點痳漿,否則是淡而無味!我想美心的火鍋餐比它還好食.論餐廳環境OK但可惜當晚鄰坐客人說話喧嘩,雖已隔了一張枱,仍然清楚聽倒其談話內容,令人恍如置身於街市之中.

食物本身係ok (除左份量太少之外)亦都好似幾正宗但價錢真係貴囉(主要係唔值)咁架價錢應該可以食到更好架日本菜服務都真係前所未見咁差外籍waitress 比較友善, 本地o個d好似欠左佢咁未睇完menu就被人催住要落order又係唔貴唔介紹唔耐煩and 態度差如果叫得唔夠豪, 佢就會擺出一個覺得你食唔起架樣我有折扣咭但佢冇問我又冇咭, 又唔等我叫埋單就伶左張單黎當然冇比discount 我啦我當然同佢理論但佢竟然話已經埋左數, 唔改得(which is 完全唔關我事)佢又反問我做乜唔早d同佢講, 講都好似係我錯咁(but 我冇叫埋單架喎)最後佢都肯改, 如果唔係我一定唔會就此了事除非你想換來一肚氣, 否則真係唔好去

再講一家日式火鍋, 這家就真係好日式了.彩星之旅來到第二輪, 先翻炒的就係禪. 上次來係午市, 今次就係晚市了. 人客當然不少, 眼見不少日藉上班一族, 應該係未歸家前來這裡暢飲一番, 男人不一定要去K房先有得發洩嗎?!比午市貴一倍, 再一次肯定午市惠顧真的經濟不少. 當然, 來了這裡, 也是吃火鍋. 上次係剩吃牛, 今次係一牛一豬.和牛火鍋$290: 8分, 包括和牛, 前菜同野菜. 跟午市的一樣只有六片和牛, 再要我們兩個人分, 唔講都知唔多夠分. 本來這裡係有紙火鍋的, 但是晚要了一個牛一個豬. 店方就給了我們一個有兩格的鍋, 一邊淥豬, 一邊淥牛, 沒有紙了. 無渣的和牛依然有美麗的脂肪紋, 點上麻醬, 正. 但係跟上次一樣, 不是每件和牛也能馬上淥熟. 有些係比較厚的, 淥了一陣仲見紅的話, 那片和牛的味道自然要下跌了.沖繩豚肉懷石火鍋$320: 8分, 見這個懷石只要$320, 又試試, 反正剩要沖繩豚肉火鍋都要$290了. 包括前菜三款, 清湯, 刺身, 蟹, 沖繩豚肉(肉眼, 腩肉), 扁麵條, 蔬菜併盤, 漬物同甜品. 相當大堆頭. 有肉眼, 腩肉各五件, 肉眼比較薄

那大伙兒浩活蕩蕩來到這裏,你卻遲到了第一次與你吃飯, 也是最後一次吧午餐定食約一百大洋一個, 加廿多元便有個拉麵或飯我們2樣都要了, 因為是你請嘛所謂定食, 是一碟生牛/豬/雞/ 雜錦肉片然後放在爐上燒, 你們都說牛肉好味道我卻心裏納悶跟平時打邊爐的有甚麼分別反而欣賞雞肉及豬肉, 不韌不鞋, 醃過的肉經爐烤過後很散發着香味拉麵麵質彈呀, 但湯底卻不突出, 現在己沒有印象了黃黃的燈光使環境暗暗的, 貫徹日本餐廳的氣份謝謝你這一餐還有你的叮嚀

A bit disappointed as the quality of food did not meet my expectation (partly because of the high price of food). To my surprise, as a high-end resturant, the "so-called" appertiser (chicked) was charged at HK$30 per person. Unlucky, my hubby did not like chicken and did not take all, but we were forced to pay these 2 dishes.......

因是EN会員、birthday month 会有＄200coupon 送、而又未食過日式sabu sabu、故約好友去試試。本懷着期待心情去試、最後換來：一肚気和一定不會再去。不知是否只喜歡日本人光臨、一入店、全無笑容、跟causeway bay 的　EN 相比、天淵之別。未看定餐牌、一位女waitress来到我們卓前、用一些白鴿眼的語氣介紹我們order 甚麼、餐牌上唔貴唔介紹、本想叫１set 牛肉、再加点其他、但那位“友善的女waitress”多次説１set唔夠唔食、最後叫了２個甚麼特選牛肉、無疑是好味的、但價錢更和味。再order了日式餃子、淡而無味。好友発現冬菇有沙、叫了一位外籍waitress換、3分鐘後、只拿回新碟給好友、全無解譯、比―間普通的日本餐廰的更無禮貌。再過3分鐘後、那位外籍waitress再拿了３隻冬菇冬菇放下没説―句話、是施捨嗎？在web site 査過它的menu, 明明有＋＄30可有反or noodles, dessert, 前菜、問那位“友善的女waitress”她説：無喎、lunch 先有、又一次白鴿眼態度。最後order 了salt ice-crea

噚日同友人試吓．．環境真的很舒適，大部份客人都係日本人．．我地order咗精選和牛shabu　shabu set，一個大的紙火鍋，正宗的日本式shabu shabu，和牛的確好嫩滑，只係唔明點解冬菇會有沙．．餃子就普通，綠茶雪糕ok，但鹽雪糕就完全係雲呢拿雪糕．．最欣賞佢地的汁醬，好好味．．

星期六的下午, 放工後再來彩星. 今次係試火鍋. 都係理所當然地食牛.牛肉火鍋定食: 8分, 要了兩個定食, 一個普通牛($140), 一個和牛($185). 定食係幾大堆頭的, 有牛肉, 菜, 白飯/麵, 麵豉湯, 水雲醋物, 蒸蛋, 漬物同雪糕/咖啡.這裡係用紙火鍋, 放在一個竹籃內, 爐係電子的, 溫度係會係短時間內上升. 要小心高溫. 當然, 火侯係比較容易控制.先來一大碗菜, 份量十足, 都幾新鮮.和牛係幾好的, 無渣, 肥瘦適中, 脂肪紋亦比較靚. 普通牛都不差, 但係容易肢離破碎.一客只有六件, 實在不夠.根據一街的建議, 只要放入去五秒就拿出來, 點上小小醬汁, 係相當美味. 但有時五秒後仲係紅紅的, 再煮又太熟了.這裡的牛還不算很高班.麵條反而係一般, 都係食飯好點. 醬汁加牛肉好好送飯. 麵豉湯同蒸蛋都唔係求其之作, 幾多料. 咖啡相當香濃, 雪糕就平平.始終吃過更加好的牛肉火鍋, 總覺得這裡還是欠了點點. 但環境係好好, 價錢亦相宜, 過一個休閒的週末, 不錯的. 數著數著, 都差不多全部試過這大廈的食店了.但有點想念花之家, 更想念一街.

$300起都太低估了, 計埋爆酒起碼要$600一位. 菜式是有水準的, 各樣小鉢做得非常decent, 由調味到裝盆都一絲不苟. 不比日本本土的店子差. 小鉢中, 海葡萄拌上的茄子混和了麻油, 入口香滑而且很入味. 番茄沙律是一整顆去皮小蕃茄薄切夾著甜洋蔥和蒜片, good try. 蟹醋反而沒甚麼特別, 畢竟香港吃到的只是煮熟了的急凍蟹, 我寧願吃白灼蝦, 起碼新鮮. 主菜的牛肉鍋反而沒甚特別, 肉的質素本身是好的, 但稍嫌肉切得太薄, 太易散. service方面, 待者太過"多事". 香港人有外遊經驗的不少, shabu shabu, 還是懂得怎麼吃的. 做日本人生意的店子竟然可以11pm打烊, 也是令我大開眼界. 綜合來說, 這裏$480一位的套餐, 可以拍得住東京大約3000Yen一位的店子的水準吧. 換句話說大約是三倍的收費. 食物水準是滿意的, 但值不值得, 見仁見智了. 這個年頭, 即使在香港, 要吃好的牛肉也很多途徑, 不用花費那麽多. p.s. 去之前記住要換定襪

we went for lunch today, lunch set prices varies from $100 - $230..depends on whether you like beef or pork (for shabu shabu)....but for sure, beef is the one to go most of the time.We ordered a $230 A-grade beef set and a pork set..far more than enough for 2 person. As the $230 set came w/ apetitizer, miso soup, rice, desert...But there was only us when we arrived (at 2pm)..and the waitress was kind of rushing us to finish the food...coming over and cook our noodles w/o getting our permission.