福岡漢堡扒 (鴻威大廈)

營業中

休息中

DIY自煎漢堡扒花園街5號有間福崗漢堡扒餐廳，望入去好特別，每張柗都設有2個喉嘴，原來係用嚟抽油煙嘅，到底點解呢？🧐二人套餐有得玩又有得食我哋點了個3號套餐（2人）2客芝士蛋蒜和牛🐂漢堡扒，漢堡扒選用日本頂級和牛製作，再用芝士🧀包着，聞落去味道濃郁。原來仲有嘢玩，就係放上件燒到400度熱🔥嘅黑石度DIY自己落手煎，用枝剷仔一路煎一路反，抽油煙嘴渣渣💥作響，頗有氣勢！🌪️店員好細心，見到件黑石🪨無嚟火氣馬上換上滾熱辣嘅新石俾我哋繼續煎，因為熱力只能持續10分鐘左右！所以手腳要夠快，新奇有趣幾得意！3號餐仲包埋一大碗🥣韓式豬頸肉丼飯，碗上面有個溫泉蛋🥚，賣相吸睛👀👀味道夠惹，汁味鮮美。套餐亦佐有：菜沙律、韓泡菜和麵豉湯，碗湯清香，不似一般的麵豉湯咁鹹。飲品有忌廉溝鮮奶，酸尾酸尾，和煎肉類一同吃，味道天衣無縫！各位想玩吓小廚藝不妨來這裡顯吓功夫！🥩

個日行過旺角 條女見到特色野話想試下咁就入左去座底叫左個套餐 有個漢堡加碗飯 先唔講個漢堡 個咩乒乒飯賣相睇落衰過茶記 一隻煎蛋加d菜再加d肉碎咁 個飯底就有d麻油 完全唔夾 茶記窩蛋牛肉飯重好食過佢個漢堡賣相都呃到下人既 不過間野叫福岡漢堡扒 但係福岡係日本但又係韓國野 又叫漢堡扒 出黎又成個波咁既樣 真係r哂頭 對於一個鐘意食牛既人黎講一試就知係咩牛 又乾又鞋 收成四舊水又要自己煎又唔靚d食材 真係唔建議大家黎食

食石燒牛肉就食過好幾次，今次同家姐食下新野，呢個石燒有啲吾同，係石燒和牛漢堡扒。「福岡漢堡扒」位於花園街3-5號鴻威大廈地下7號舖。我們選了《兩人套餐（Ver.2)》（$355）套餐包括有 ： 麵鼓湯 x 2 ; 椰菜沙律 x 2 ； 和牛乒乒乓拌飯 x 1 ; 墨西哥辣椒和牛漢堡（中） x 1 ；芝士蛋蒜和牛漢堡扒（中）x 1；罐装飲品 x 2拌飯已經十分好味，充滿油香，仲配有隻靚靚太陽蛋，混和蛋黃汁一齊食十分滋味。或可加$18轉特飲，凍飲仲要超大杯。漢堡扒用鐵板上，每次食多少份量，就切多少漢堡上熱石加熱至自己喜歡的熟度就可進食。枱上設有抽風，令空氣不致太油煙。至於主角和牛漢堡扒，充满和牛油香有肉汁，即使我喜歡比較熟，都肉質嫰滑，值得一試。熱石上枱非常熱大家要小心，而店員中途會為客人換一次熱石，以確保溫度足夠。

平時食開鐵板扒或者石燒肉，但鐵板漢堡扒仲要加埋石燒 DIY就真係未試過，今晚襯有機會就黎福岡漢堡扒試下。晚餐除左有得散叫外，仲可以叫二人餐，計落係抵食啲。<芝士蛋和牛漢堡扒‧雞蛋和牛漢堡扒>兩者差別不太大，只是其中一款加了芝士，會有拉絲的效果。而和牛漢堡扒會呈現一個球體，雖然放係鐵扒上，但本身係未熟。而我地就可以DIY 將和牛肉放左燒熱的石頭上煎熟。給大家一個提示，首先分量唔會咁多，另外就要用剷將和牛扒「禁扁」，然後每邊放3-5秒，兩邊就會做到焦香的效果，而煎的時候見到肉汁滿瀉出黎都幾治癒。食落去肉汁豐富又夠香口，而且唔洗點醬汁都夠晒味。加上肉質鮮嫩，明顯食得出係和牛質素，配上芝士蛋都幾好送飯。一開頭望落份量唔算好多，但食下食下其實都可以來回煎四至五塊漢堡扒大家唔洗驚酒煙關係，因為每張枱都特設抽煙口，只要將熾熱的石頭放左抽煙口的位置就唔會食到成身都係煙。<忌廉芝士沙律‧特飲>沙律有兩個芝士波，食落去原來係Cream Cheese，質感好似食緊Yogurt。另外配上蜜糖脆脆，配上沙律菜原來都幾夾。最後我地都加錢叫左兩杯特飲，分別係巨峰提子特飲同埋金橘檸檬特

話說Emi第一次食呢個石燒漢堡扒係喺首爾，當時因為朋友帶我去，都唔知佢叫咩名，返到嚟香港先留意到原來香港都有得食，係韓國餐廳，不過叫福岡漢堡扒今次就叫咗個兩人套餐，包括墨西哥辣椒和牛漢堡扒同埋芝士蛋蒜和牛漢堡扒，呢個套餐仲包咗個和牛乒乒乓拌飯同埋兩杯嘢飲成座山咁嘅墨西哥辣椒碎食落其實唔係好辣，至於芝士同埋漢堡扒有幾夾都唔使多講啦，兩個都係一放上石燒即刻爆曬啲肉汁同埋香味出嚟食落係好香濃嘅肉味，好玩又好食店員好好會定時定候過嚟睇吓舊石仲夠唔夠熱，唔夠嘅會即時同你換，又會話俾你知唔好煎咁耐，每邊3秒反一反就最好至於嘢飲我哋轉左特飲，分別係西柚特飲同埋巨峰提子特飲另外我哋仲叫咗份可樂餅，一個係南瓜餡，另外一個係紫薯餡，紫薯餡嗰個入邊仲有原粒栗子

二人套餐（ver. 1)雞蛋和牛漢堡扒（中）芝士蛋和牛漢堡扒（中）賣相：🐧🐧🐧🐧🐧味道：🐧🐧🐧🐧🐧漢堡扒球狀造型十分搶眼，底層佈滿濃滑的蛋漿，散發著淡淡的焦香蛋味，非常邪惡吸引。漢堡扒經熱石煎香，外層薄脆燻香，內裡牛脂油香滿溢，鮮嫩又多汁，無需另加醬油已經十分惹味。🐧❣️跟餐附有忌廉芝士沙律、白飯、湯品和罐裝飲品，亦可加錢升級特式飲料。🐧❣️餐廳特意附上食漢堡扒小指引，確保和牛最佳品質，誠意十足。環境：🐧🐧🐧🐧🐧餐廳採用簡約小清新設計，木系的桌椅配搭明亮的燈光，舒適又怡人。牆上掛滿可愛又富特色的韓式漫畫圖作，值得打卡❤️🐧❣️餐廳提供每人一套獨立爐具、熱石和抽油煙囱，方便客人處理食用，非常貼心。🐧❣️職員會主動替客人更換熱石，確保熱石夠熱夠火，非常抵讚👍🐧❤️結語：和牛漢堡扒好玩又好食，高質推薦❣️

最近涼涼地，就想食啲可以自己燒下燒下嘅野、過下煮野食嘅癮😂福岡漢堡扒出左名好耐，襯今日就去食下喇😎👯兩人套餐（ver.2) （$355 +$18轉特飲）兩人套餐包括墨西哥辣椒和牛漢堡扒，芝士蛋蒜和牛漢堡扒，和牛乒乒兵拌飯，同兩罐罐裝飲品，不過我哋加咗$18轉做特飲😎🌶️墨西哥辣椒和牛漢堡扒我哋嗌咗小辣，辣到啱啱好！墨西哥辣椒粒唔會鋪得好多，但撈埋啲蛋同漢堡扒食就好惹味👍🏻而佢煎落嘅和牛味都好重同好香☺️因為自己煎嘅關係，可以接自己喜好控制個生熟程度，所以食落個熟度係岩岩好☺️🧀芝士蛋蒜和牛漢堡扒炸蒜放咗喺煎pan嘅雞蛋上邊，味道好香，好惹味🥰而和牛漢堡扒都係有著好新鮮嘅和牛味，驚落味道好香😎🏓和牛乒乒乓拌飯呢個拌飯係有一隻好靚嘅太陽蛋，同牛肉肉碎🐮其實就咁食都已經好夜魅，加埋啲先得熱辣辣嘅漢堡扒，好快就食晒啲飯😍🍊西柚特飲西柚味道好新鮮，但又唔會太甜，飲落好Refreshing!亦唔會感覺有好多糖醬嘅味，同啲啱啱煎好嘅漢堡扒一齊食好夾🥹🍋金橘檸檬特飲金橘檸檬味道好清甜，加埋啲sparkling water,味道好夾！建議大家如果嚟食漢堡扒，都要特飲，解咗煎扒嘅油膩感覺😎📍 福岡漢堡扒 (鴻威

平時經過附近都一定見到每間店都排長長人龍。今次假期較早食晚飯，所以不用排隊就可以直入。叫咗個2人餐，等咗大概10分鐘就有。正好晚飯時間到，開始陸陸續續人多。芝士蛋同漢堡扒用鐵板上，熱力剛好將蛋液整熟。中size和牛漢堡扒十分厚身，厚度大概係一隻手指高。隔離有一件燒得通紅嘅熱石，店員介紹將漢堡扒切成一口份量，放上熱石大概3秒翻面就可食用。墨西哥辣椒和牛漢堡扒 (中)原本仲以為個配搭會好奇怪，估唔到意外地好食。和牛油脂好豐富，一放上熱石上吱吱冒油。按照店員嘅方法，漢堡扒會外熟內生，口感軟綿，如果想食到外焦就要再重複每面各3秒😋墨西哥辣椒將和牛嘅油膩感中和咗，仲帶辣椒香氣，一口一個完全停不下來。芝士蛋蒜和牛漢堡扒 (中)芝士蛋蒜就有另一種風味，牛油油脂更香，配埋炸蒜，果然牛肉配炸蒜一絕👍🏻和牛乒乒乓拌飯係珍珠米韓式拌飯😍燒肉配飯先有energy，搭配上韓式辣醬十分開胃。特飲調配勁大杯，性價比高👍🏻

每次想食和牛漢堡扒嘅時候，我就會諗起呢間«福岡漢堡扒»🤤呢間韓國過江龍石燒漢堡扒專門店喺香港一共有3間分店，分別喺深水埗、旺角同埋尖沙咀，佢哋喺韓國有超過30間分店咁多㗎！店內漢堡扒選用100%澳洲和牛，並加入特製調味料，即叫即製搓成波波，佢哋嘅漢堡扒煎出嚟真係勁香和牛味🤤 呢度嘅漢堡扒可以揀大/中/細size，每個套餐都包含沙律、泡菜、麵豉湯。我最愛芝士蛋呢個配搭！芝左包住漢堡扒真係勁邪惡！🤤一人一石燒+抽油煙囪嘅方式，自己動手煎小漢堡扒，好玩又好味！店員會周不時留醫舊熱石夠唔夠熱，食一個餐幫我哋換咗幾次👍🏻好抵讚😆另外抵讚嘅係抽油煙囪非常強勁，走嘅時候完全冇油煙味👍🏻❀兩人套餐(Ver.2) $355✰墨西哥辣椒和牛漢堡扒✰芝士蛋蒜和牛漢堡扒✰和牛乒乒乓拌飯✰罐裝飲品兩個💵人均$200

與朋友來到旺角吃這間餐廳，看似日式mix韓式就入來試下了。最後簡單地order 了一份兩人套餐，第一次食呢類煎扒，餐廳係安排一粒熱石煎熟漢堡扒。玩法食法新穎😋芝士蛋和牛漢堡扒、雞蛋和牛漢堡扒🧀🍳🥚上碟賣相唔錯，鐵板上有粒熱石可以煎熟漢堡扒。漢堡扒原本好似星球咁放係度，客人可以根據份量自行煎熟👍 枱面都有教學的 不用擔心唔識。 和牛味道入味，簡單煎幾秒已經食得，唔洗點醬汁都夠味👍忌廉芝士沙律份量大，兩個人食都夠。大大粒忌廉係面，食之前最好撈勻佢👍食和牛之餘，食返啲菜菜中和返，呢個配搭唔錯☺️足半磅薯條（黑松露）真係好足料，新鮮炸熱辣辣。黑松露醬香口。點住食一流👍薯條揸絕對可以幫襯👍巨峰提子特飲、西柚特飲🍇好大大大大杯的特飲，味道清新爽口👍係炎炎夏日，大大杯既特飲最好不過。見到咁大杯時都驚飲唔哂😂

#chuchu食在旺角📍 福岡漢堡扒好耐之前已經聽過呢間！嗰日出開嚟買嘢，經過見唔洗排隊，終於食到！可以自己燒，好好玩！💡好易搵！就係波鞋街行到頭好多野食嗰條街！—————————————————————❣️ 兩人套餐 (Ver.1) $330有兩份漢堡扒、白飯、麵豉湯、飲品，好抵食！.🥩雞蛋和牛漢堡扒 (中) 有一粒大波咁嘅生和牛漢堡（好得意），和牛漢堡扒面頭會灑滿蔥花、蒜等等！用少少係嗰個熱石上面燒，漢堡扒油脂超豐富，燒到滋滋聲，煎3秒就要反！和牛好嫩，牛味都好濃，好juicy！.🥩芝士蛋和牛漢堡扒 (中)賣相好靚💯芝士蛋和牛漢堡扒同傳統嗰隻其實一樣，不過面頭灑左好多芝士，燒完仲可以拉絲，食落會多左芝士味，🐷鐘意有芝士！不過近熱石啲蛋要快啲拎起，唔係好快燶！.🥗忌廉芝士沙律 好大兜！食咗咁多肉，食啲菜balance翻，佢用咗啲fresh汁，好開胃！.🍚白飯 日本米！煮得粒粒分明！落單嗰陣仲有得揀份量，100g 200g 300g🤣 .🥤罐裝飲品 可以加錢轉特飲！不過🐷就冇轉，嗌咗罐裝烏龍茶！.💬推推！好好玩又好食！自己整特別好食🤣 好鐘意佢每個位都整左個抽風，唔會食完成陣油煙！———

之前已見朋友在story打卡見是自己在石上動手煎漢堡扒就想來體驗一下了建議可用2個鏟 會較易翻轉來煎而且有獨立抽油煙囱 不會弄到太大油煙味 ⍢《二人套餐》 $355芝士蛋蒜和牛漢堡扒滿滿的芝士及蒜舖滿在漢堡扒上煎完的每一塊漢堡扒都有濃郁芝士蒜味而且和牛味亦重 整體很惹味基本上不用蘸上醬汁而且鐵板上已煎好的蛋都是啖啖拉絲芝士不過就稍為有點吸油芝士愛好者必點！墨西哥辣椒和牛漢堡扒和牛漢堡扒頂部充滿着墨西哥辣椒粒粒煎完後勁香辣椒味喜歡吃辣的可以放多點去煎口感亦會更豐富是很送飯的一款菜式～和牛乒乒乓拌飯和牛肉碎與太陽蛋混合更滑溜淋上韓式辣醬拌飯及爽口生菜份量足夠 啖啖滋味 一口接一口就瞬間清光了百香果特飲 +$18柑桔檸檬特飲 +$18沒想過特飲是這麼大杯！！有點甜但清新解膩 都值得加錢轉⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡/5⧐📍福岡漢堡扒旺角花園街3-5號鴻威大廈地下7號舖#foodiegoodie_mk

終於去咗食福岡漢堡扒，見到好似開咗好多分店，諗住應該唔差所以去咗試。禁今次叫咗個2人餐$359，有兩份芝士蛋蒜和牛漢堡扒，一個月見味噌蛋牛丼飯仲有兩罐野飲，食物份量都比我想像中多，而且味道都唔錯。佢首先黎咗少少前菜，一個椰菜絲沙律，泡菜同一個味噌湯，味道同平時食到嘅都差唔多。😂芝士蛋蒜和牛漢堡扒，一上枱見到份量都幾多，漢堡扒上面有好多炸蒜片，漢堡扒係生，板上面有舊好熱嘅石，比你食果陣煎熟到你想食嘅熟度，不過留意返佢石頭好熱果陣會好易燶要反得快啲，而且石頭唔夠熱可以直接同店員講，佢好快會幫你換。芝士蛋嘅芝士份量幾多，味道有少少似平時韓燒嘅爐邊蛋。月見味噌蛋牛肉飯，味道唔錯，而且料份量都唔少，佢上面係肥牛同雜菇，味道有少少蔥鹽醬嘅味，幾好食。飲品叫咗一杯蜂蜜生薑茶同烏龍茶，烏龍茶係津路，蜂蜜生薑茶叫咗熱，味道幾好，薑味好出，而且加埋蜂蜜甜甜地，飲落好舒服

[✨旺角福岡·好食又好玩石燒和牛漢堡扒🐮]#福岡漢堡扒 #旺角 🔸二人套餐(ver.2) - $355❤️‍🔥前菜 – 麵豉湯+沙律 胡麻醬配沙津椰菜，夠新鮮爽口。麵豉湯鹹度適中，亦正好中和一下油膩感☺️ ❤️‍🔥芝士蛋蒜和牛漢堡扒(中) 漢堡上面鋪左唔少芝士🧀加上好香嘅蒜香味，兩者再係鐵板嘅熱力之下慢烤，變得更加香口惹味😋和牛鮮嫩，份量超巨型，由自己DIY決定要烤到幾熟，玩得又食得!!🥳 ❤️‍🔥墨西哥辣椒和牛漢堡扒(中) 墨西哥辣椒配上高質和牛漢堡扒，辣辣地好惹味，油香味十足，推薦比鐘意食辣嘅朋友😍 ❤️‍🔥和牛乒乒乓拌飯 高質嘅和牛鮮嫩多汁🥰入口即溶充滿油香，配上太陽蛋撈埋一齊食真係絕配🤩牛味濃郁嘅油脂令到每一口都有齒頰留香嘅感受，而且分量都大豌，兩個人分食係絕對足夠👍🏻🍹飲品 - 巨峰提子特飲&百香果特飲 ( 特飲 + $18 each ) 呢度嘅飲品分量大大杯😍好抵飲!! 百香果酸酸甜甜好開胃，巨峰提子加入檸檬片，好清爽解膩🫶🏻💞————————♡♡♡♡♡♡———————— ✨總結成個套餐有湯有前菜，完整得黎又抵食。餐廳職員好細心，會主動留意客人是否需要更換熱石，亦都有濕紙巾🧻提供😙每

響日本旅行完返黎，真係好掛住日本美食🥹 發現呢間石燒和牛漢堡，即刻試試😋😋😋食物品質令人滿意。我點咗芝士蛋和牛漢堡，肉質鮮嫩多汁，口感非常好。加入的芝士蛋為整個漢堡增添了多層次的口味。下次我一定要再來試試其他口味🙌 另外我覺得價格合理。考慮到他們的食物品質和服務水平，價格也算公道，使人們更容易享受到美味的漢堡扒食👍👍👍 整體我對福岡漢堡扒食的評價不錯。我強烈推薦這家餐廳，希望更多的人能夠來這裡品嚐美味的漢堡扒食。