福元湯圓

營業中

休息中

喜歡幫襯小店。店舖好細。薑汁芝麻湯圓好好味。係香港暫時食過最好食既。真皮薄餡靚。但好可惜佢生湯圓咁貴。雖然認真真材實料。但堂食真係無得輸。一定會再去好多次。特別係冬天。

中秋節一定要食個湯圓象徵團團圓圓喺呢個大環境之下希望屋企人同自己都可以健健康康咁生存落去啦中秋首選一定係食米芝蓮既福元湯圓配芝麻糊簡直係絕配（≧∇≦）因為佢哋嘅即磨芝麻糊係勁香同超濃稠而且係大碗到一放低就流咗少少出嚟湯圓可以選擇芝麻味或者花生味皮薄餡靚 勁足料一咬落去啲餡爆曬出嚟呀不愧米芝蓮級嘅湯圓呀除咗可以去北角總店嗰度買生湯圓仲可以去到堂食而且佢哋最近仲有出零售裝嘅湯圓好多小店都有得賣架人生點都要起碼食一次佢哋嘅糖水

呢間湯圓店既流心黑芝麻湯圓係我食過最好食既，啲湯圓每粒大細都一樣，皮薄咸靚，一咬開啲熱滾滾既黑芝麻流心流哂出嚟，唔啜快啲就會流到成碗糖水都係🤣。啲黑芝麻餡係好香的，而且唔甜，真係可以話係呢間店既鎮店之寶。咁呢間店除咗湯圓都有好多款唔同既糖水既，貪心嘅我想試唔同既糖水又想食湯圓，就會叫其他糖水加湯圓。如果想食既糖水唔加得湯圓，就會同朋友一齊夾，最少有一人要叫湯圓食，咁就每次幫襯都食到湯圓。♨️杏仁茶加湯圓杏仁茶本身白色好香既，亦都好幼滑，加埋啲湯圓，咬開時軟糯得嚟又有熱滾滾既流心黑芝麻餡流出，風味唔錯。🥭芒果西米露湯圓味道很香甜清新，加埋黑芝麻流心湯圓也十分之夾。🥭芒果涼粉芒果很香，涼粉十分爽口彈牙，美味非常，加湯圓算係新鮮既配搭。♨️熱豆腐花加湯圓熱豆花加湯圓本身都有諗過會唔會好怪，雖然佢賣相有點奇特，但食落都好香豆味，配合埋湯圓真係別有一番風味。♨️黑芝麻湯圓（糖薑水）呢個薑水好好飲，唔會太甜，有淡淡既薑味，啲湯圓咁好味加埋啲同樣好味既薑水，實在唔錯。♨️鴛鴦湯圓呢個係兩粒花生加三粒黑芝麻湯圓，花生湯圓都係流心但係就無黑芝麻湯圓咁香咁好食，食過後會永遠都揀黑芝麻湯圓。♨️熱棗香合桃露加湯圓啲棗

湯圓雖然可以一年365日都可以食，不過中秋節、做冬、過年食特別有意思☺️-16:00開門，不過未開門都已經排晒長龍，個個都帶定冰袋嚟買生湯圓。眼見過節期間應該係主力做糖水外賣同賣生湯圓，無堂食。不過油街附近都多公園，大家都可以開餐嘅。▪️凍黑芝麻糊鴛鴦湯圓$34🤤芝麻糊可以揀凍/熱，一碗有3大粒湯圓，我呢碗就有兩粒芝麻，一粒花生🥜。凍芝麻糊滑溜，唔太甜，飲落亦唔會覺得有異物卡住喺喉嚨。凍食都不失芝麻香。不過重點都係馳名湯圓🤩黑芝麻湯圓內餡係流沙嘅，一咬係香濃嘅芝麻味🤤加埋芝麻糊一齊食，芝麻fans實收貨。花生湯圓嘅內餡係花生碎再加白芝麻，好味🤩下次我都帶定個凍袋買生湯圓返去做節先🤤🤤

作為九龍人，特地過海黎食福圓湯丸😳 鋪頭細細，座位唔多，乾淨企理，糖水款式多🤩我哋一行三人，叫左5碗糖水黎試☺️黑芝麻味湯圓完勝花生🥜味😋😋😋一啖咬落去流心黑芝麻，黑芝麻香濃足料，唔會好甜😌 另外，意想不到楊枝甘露都好好味😋 足料芒果，西柚粒酸甜，無苦澀味，個芒果椰汁底好岩我口味，唔會太甜！😊 呢個可以encore!呢個唔岩吹水詳談，由於店鋪細，經常有人排隊，我哋幾次都快食快走。試過一次福圓湯圓就番唔到轉頭🤪 一口痕想食湯圓就淨係想黎呢度啦🙈 真係無誇張啊！我見過有團購同小店賣急凍福圓湯圓，唔係住港島既，大家都可以不妨一試啊🤗

真係好普通嘅一間糖水舖位置較細， 只有2 張枱鴛鴦湯圓$28花生🥜湯圓3粒+芝麻湯圓2 粒薑汁湯底有少少薑味， 唔係好辣，甜味為主但都解到膩花生🥜湯圓花生餡除左花生蓉之外， 仲有少少花生粒，有少少花香無芝麻湯圓咁流心，似係加熱左， 有少少溶嘅粗粒花生醬， 味道以甜為主， 花生味唔太出芝麻湯圓好流心， 但芝麻味同芝麻香都無嘜， 而且都係偏甜2 款湯圓嘅皮都好滑， 都唔會太厚不過味道其實好一般， 所以唔係好明點解會有人特登跨區買， 大時大節又要排晒隊？

我本身都好中意食煙韌既野，湯圓、芋圓、珍珠之類點可以錯過！一直都聽講呢間店既湯圓係好多人心目中既No.1, 終於有機會試到啦！去到既時候店剛剛開門，店空間唔大但環境整潔衛生。今次買左2個糖水試下1) 桂花酒釀丸子丸子甜甜地，口感好煙韌，而且份量超級多，真係食到最底都仲有！加上桂花酒釀既香氣，微甜微酸，同丸子既組合真係令人忍唔住一啖接一啖，醉啦！2）棗香合桃露加湯圓湯圓係芝麻湯圓，皮唔算薄，入口時好滑，但咬既時候口感又好煙韌！芝麻內餡好香好滑，得3粒太少啦！ 至於合桃露都好香，棗味突岀，整體口感滑但又充滿濃厚既堅果味！食完覺得好滋潤-下次再黎北角會再幫襯！而家傳統糖水店真係越來越少啦，值得支持。

福元湯丸真係名不虛傳😻一咬落去，嘩爆晒餡啊🤤芝麻餡係香、濃、滑，而且食到有炒過嘅香味，好特別！除咗家燕姐式大叫：「好好味啊！」外，只能一口接一口咁呑晒佢哋🤰🏻

.📍福元湯圓📍#饅頭去北角 #饅頭食中式菜 #饅頭食甜品------------------------------1️⃣ 鴛鴦湯圓 ($28/5粒)福元湯元嘅內餡一向備受讚美，不過小編覺得佢哋對湯圓皮嘅用心製作都不容忽略，雖然只係一層薄薄嘅糯米皮，但並非所有店家都做到表面色澤雪白、晶瑩光滑😚💯，入囗不糊嘅狀態，淥湯圓其實真係講技巧(我就係嗰個成日淥到爆曬餡嘅傻仔🥺)，尤其係呢度嘅湯圓皮比係整得比坊間再薄身少少，口感自然會偏向軟淋，相對冇咁煙韌，仲保留到少少糯米粉嗰種黏力同咬口已經好難得。內餡就有花生同黑芝麻味，兩款都真係有爆漿效果，食嗰陣要小心唔好辣到嘴。我個人會更鐘意花生餡嗰種似天然花生醬、濃稠流心嘅質感😍♥️，甜度要比一般包裝湯圓再低一啲，細碎嘅花生粉粒唔刮口，豐富囗感🥜，混入內餡嘅白芝麻亦為湯圓香氣。至於黑芝麻質地係水汪汪狀較流質，卻依然會食到微微莎莎嘅顆粒感；甜度較花生餡料高，但其香甜唔會過膩，阻擋黑芝麻自身濃郁香氣🙈。呢度嘅薑糖水色水好清徹，微辣中帶些少清甜，唔會非常嗆喉。我見有朋友仔會略嫌糖水甜度唔夠，但對小編而言呢個比例啱啱好可以中和湯圓嘅甜膩，舒適暖身，其實就更建議喺冬天享

超市既急凍湯圓就食得多，全人手搓製既湯圓又有無試過呢，30年老字號，仲上埋米芝蓮街頭小食名單1️⃣🥜花生，芝麻湯圓(推介指數: ⭐️⭐️⭐️⭐️⭐️）湯圓比市面上既大粒，皮好薄+爆餡，但煮既時候唔會好易穿，兩隻味都做到流沙效果，花生湯圓除左有花生碎，仲有白芝麻，個味有少少似糖不甩，芝麻湯圓個餡超幼滑，好香濃，兩款都唔會太甜🤤🤤

從不令人失望既福元一向口碑好😋食左無數次 好得我歡心XLsize既芝麻湯圓 煙煙韌韌偏軟稔一咬開總係令人驚艷😳內裡既芝麻餡流心到好似山泥傾瀉咁🥰超級香！而且甜度適中！難怪落緊大雨都坐滿客😂舖頭full晒都有人就咁企門口揸住食我坐咁耐 見足嗌外賣咁耐👍🏻真勁抽～💡溫馨提示前一餐食七八成飽好啦😌因為太重料 太大粒食完幾粒湯圓已經飽到上頭殼頂！但的確相當滿足🖤嘿嘿～食過咁多次都係咁鍾意🫶🏻🫶🏻❐ 黑芝麻湯圓 — $28❐ 桂花酒釀湯圓 — $32❐ 雞蛋腐竹糖水 + 湯圓 — $31

⋆⁺₊⋆.福元湯圓..桂花酒釀湯圓 / $32 /.店主自製糯米和食用真菌酒麴發酵而成的酒釀，加入桂花與冰糖熬煮，一口酒釀，花香鳥語啁啾，唯獨缺憾是可能冰糖或砂糖調味時過量，有點偏甜(•̀ω•́)✧再一口店主自製的芝麻湯圓，是低糖版的黑芝麻內餡，所以會凸顯黑芝麻的苦味~芝麻糊 + 湯圓 / $34 / 芝麻糊依然是低糖版୧( "̮ )୨✧ᐦ̤ 花生湯圓內餡濃郁♡︎♡︎.⌫ 福元湯圓 (北角)北角炮台山福元街7號利都樓地下I-1舖..#北角咔嚓#甜品咔嚓

北角呢間老字號，出名湯圓，特登嚟試吓😋細細間鋪，一個收銀一個煮， 唔知係咪疫情關係，所以入邊已經冇堂食位置，見好多人黎買都係買外賣🥡我叫咗🥢鴛鴦湯圓 $28花生同黑芝麻，足料又大粒， 皮簿😋湯圓糖不甩$28幾粒湯圓，另外配上一包糖不甩嘅粉，2者結合好味😋😋熱鮮奶燉蛋$28好滑嘅燉蛋，仲要唔會太甜，食完好舒服，0罪惡感🥰🥰呢度仲有賣未煮既湯圓， 下次唔洗去Supermarket 買， 可以黎呢度買番去煮食好D😋

講開湯圓,福元真係冇得輸,貴都值,最緊要啱自己口味星期日返娘家食飯,我阿妹話買咗福元湯圓,我話你唔準食住,一定要等埋我先可以煮一佢真係慘有個咁嘅家姐,佢買咗嘢食但唔比佢食,言歸正傳講返湯圓先,其實我想試好耐,但又唔經開,所以講咗兩年都未試到咁我屋企人買到就緊係要等埋我一齊試,一家人呀ma我原本係一個湯圓怪,長期有湯圓係雪櫃看門口,一食入口我就嘩嘩聲,係誇咗小小嘅,但我真係好鍾意食湯圓,但我個人又好麻煩,又食唔到太甜,但佢係又有流沙又唔甜又夠煙韌,一次過滿足曬我對湯圓嘅3個要求,原來呢個世界真係有咗嘅湯圓㗎,我明嘅我係over咗嘅但當你食到你最鍾意食嘅嘢仲要係好味嘅就會開心到癲,果然係世一湯圓

囊括米芝蓮推薦嘅30年本地老字號🥸，係北角響噹噹嘅糖水店 - 「福元湯圓」，賣中式同港式傳統糖水，主打當然係湯圓啦！趁嚟北角就一定要試試🦦。現時係堂食嘅外賣店，等餐都見到有唔少人買生湯圓返去煮，買好就去近海嘅公園做街童，試吓佢哋嘅湯圓有幾利害先————————————————👅 鴛鴦湯圓（$28/5粒）👉🏻手工湯圓皮軟綿綿，內餡無包裝湯圓咁甜，花生餡係花生碎溝白芝麻，水汪汪嘅芝麻餡未到爆漿，且味道較淡😗。糖薑水只有薑辣味，加返糖甜啲會好味啲，睇嚟期待值太高了👅 糖不甩（$28/8粒）👍🏻微甜嘅芝麻花生粉用小袋子分裝，覺得有少少椰子味🥥，糖不甩中間微微按凹，彈牙煙韌，比湯圓更得我心呢————————————————🚩總結：唔錯嘅，經過可以試，未到要專程拜訪嘅水平———————————————— 🌟注意：營業時間下午四時至凌晨一時————————————————📍 福元湯圓地址：北角炮台山福元街7號利都樓地下I-1舖.🗺地區：#bem北角📥分類：#bem甜品💰人均消費：#bem_50蚊以下