祥興咖啡室

營業中

休息中

今日突然想去跑馬地一遊，見到一間懷舊嘅茶餐廳就走入去試下，估唔可以食到地道嘅香港美食 。呢間茶餐廳連裝修都保仔返香港嘅傳統味道。懷舊嘅食物例如有菠蘿油， 蛋撻， 咖央醬奶茶咖啡 牛腩麵 牛腩麵花椒八角味好味😋餐廳設計很有七、八十年代feeI,馬賽克牆身,紙皮石地磚,舊式吊扇,保留風味,牆上有一些明星簽名,相信非限聚一定要排隊☺️很多街坊買蛋撻,但到五時左右也沽清,幸好我們一早Order了,熱騰騰的蛋撻滿是蛋香,酥皮很脆,下次一定會再來😊

黎到跑馬地, 當然要試下幾十年老字號既祥興咖啡室。祥興既裝修走懷舊風, 牆上仲有好多明星既簽名。我地都唔係太肚餓, 就叫左2個精選下午茶餐 : 金獎菠蘿油 + 熱咖啡 $30 -         菠蘿包微熱, 表皮都脆脆, 麵包都算厚實, 唔係空氣包, 配上牛油同食, 唔錯。-         咖啡質素普通。咖央奶油西多士 + 熱檸檬茶 $39 -         正常西多士, 熱辣辣即叫即做, 但我唔太食得出有咖央味道。-         檸檬茶普通, 正常茶餐廳質素。

跑馬地明星茶餐廳 見個樣好似好得咁跟住就入去試吓。叫咗個早餐牛肉絲出前一丁配奶茶加多士煎蛋。奶茶唔好飲，又苦又夾，一啲茶香都冇。要成$20一杯唔推介。 普通茶餐廳奶茶茶香都冇， 早上8:00佢識冇理由啲茶咁嘅味道嘅，有啲失望。比普通茶餐廳貨色分別不大。入到去仲要比侍應鬧！新冠肺炎期間見到張枱好污糟叫個侍應抹下，點知個侍應話抹完都係咁㗎啦。跟住比張紙巾我叫我自己抹，咩態度！以後唔會再幫襯，附近選擇多的是。

跑馬地是一個極少踏足的地區，感覺山上豪宅，山下平民，難得來到這條食街，隨心揀了門面很懷舊的祥興茶餐室試試，wow～很有驚喜呀，牛腩麵很入味丶蛋撻香濃丶奶茶甘香，咖央多就普通了一點，不過環境舒適，很有回到六丶七十年代的感覺，下次會再來

剛剛去了養和醫院看病，便在跑馬地附近隨便找餐廳吃飯，在遠處看到一個懷舊裝修的冰室，便被其吸引進去了！在一個大雨天的早上，基本上已經坐滿了食客，可見此餐廳一向受街坊支持。.餐廳的牆壁貼滿了由明星簽字的作品，一磚一瓦都令人感受到幾十年前的香港，保存得非常好！·試了叉燒湯意粉餐，以及茄茸肉絲米粉餐，配以新鮮出爐的菠蘿包以及經典港式奶茶，讓人感覺好似回到幾十年前一樣，只可惜物價還是以現代計算。哈哈.整體來說，早餐$40來說並不便宜，但也可以一探究竟，湯麵沒什麼特別，但建議必試菠蘿包！另外，店員態度與舊式茶餐廳一樣會比較直接，所以小伙伴來時有心理準備不要介意喔！

一向都是叫開菠蘿包/菠蘿油，而且非常之好味，個包仲係暖的，而且個菠蘿包面上的餡仲係脆的，一食難忘。但近呢半年嘅菠蘿包完全比想像之中嘅差！成個菠蘿包是凍嘅，麵包皮”韌”及菠蘿包面上的餡是”淋”的，令人大失所望，如果沒有改善，相信金獎菠蘿油要除名！

這間店位於香港跑馬地，門面有裝修算唔錯。因為有一天去養和探病所以順路在此處食飯。雖然食評一面倒惡劣，但好朋友堅持食此處下午茶所以都無奈就範。總括而言，這間店職員態度十分有問題，近乎病態地步。本人親眼見一個大肚婆滿心歡喜坐左卡位，被職員話係員工食飯枱要求離座！但事後個卡位一直無人用，而個大肚婆食左五分鐘氣憤離場。我作為第三者顧客都睇唔過眼，依間餐廳真係唔係好掂食品質素跟一般茶餐廳無分別，但價錢較貴。

老實講，睇食評對呢間冰室評價好壞參半，都有啲打定輸數中伏，點知又有驚喜喎！.首先，好好彩地，12點幾去到，唔使等位直接入座，員工忙得嚟都有禮貌，成間店氣氛好好吖！.厚切火腿蛋菠蘿包菠蘿包最重要就係層脆皮，而呢度嘅脆皮做得好好呀，脆得嚟唔會一咬就散晒，真係食到脆脆嘅口感👍🏼內裡嘅煎蛋煎得啱啱好，咬落去會有蛋黃湧出嚟，好邪惡好正！再加上厚切午餐肉，呢個又咸又甜嘅配搭好特別，會令人想一試再試！.凍咖啡但呢度杯咖啡略嫌太淡，唔夠香濃，比較適合淡口味人士🥤

Takeaway of bbq pork spaghetti and cream corn and fish rice. BBQ pork was fine but the spaghetti tasted off - like it had been sitting too long or so. The pork and the accompanying fried egg and ham were fine. The fish rice also was fine. Surprisingly as I’ve always had a good experience here.

幾十年的跑馬地老字號茶餐廳保留多年前的舊式裝修無論水吧、卡位、地板、吊風扇等都好似回到六七十年代香港早上來到已見人龍 來食個港式早餐菠蘿包蛋撻加熱奶茶就係我最理想的港式早餐菠蘿包($8)果然係招牌貨超脆菠蘿皮麵包鬆軟 如果可以烘返熱就更正蛋撻($8)相對失色 賣相就很不錯可惜酥皮腍身完全唔脆 蛋味亦唔夠香濃奶茶偏薄身茶底亦欠茶香 比較似西式奶茶欠缺港式奶茶個種香醇濃厚感 有點失望環境就夠哂懷舊可惜食物水準麻麻地唔值得山長水遠過來食

疫情期間，兩人食早餐，攞了飛，要等5-6張。到我們時，說了要求不搭台，所以要多等一下，但伙記發悔氣咁話台就得十張，唔搭台就唔知幾時到你。明白地方有限，亦明白需要多等一下，但疫情間唔想搭台都好正常啫，咁咪終於決定唔食走人囉。 真心就改善下啦，今時今日咁既服務態度！

黎到跑馬地，當然要黎食最出名的＂祥興咖啡室＂，歷史悠久，由於疫情關係，4月1日起將更改營業時間為早上七點至下午五點。今日黎到已經四點幾，所以好多野都陸續無得食，包括：菠蘿包丶雞髀丶雞翼、蛋撻⋯⋯😅。最終決定食碗沙爹牛柳絲公仔麵＄48，凍檸檬茶加＄3，咖央奶油西多士＄39。牛柳絲唔錯，唔煙韌，唔會痴牙，份量多。西多士都唔錯，好鬆軟。極速食完之後就去對面剪頭髮💇🏻‍♂️。雖然好可惜，唯有下次早一點黎再食過菠蘿油啦。

今日心血來潮要返工之前食個靚早餐先我哋兩個都點咗沙嗲牛柳但係依家啲沙嗲一啲都唔沙嗲（好多茶餐廳都係）唔知係咪啲沙嗲醬轉左食譜但係我哋唔記得咗，都係照嗌，食落先發現我哋個早餐係一碗麵配一隻蛋再配半塊厚多士碗麵除咗個沙嗲唔同咗味都算正常隻反蛋都煎得幾靚，冇燶同埋係流心嘅但係重點嚟喇⋯⋯我塊多士角落頭有黑色點開頭以為係燶咗，點知近睇原來係發霉揮手示意叫侍應阿姐過嚟點知佢一路收對面張枱一路叫我：講啦我就叫佢你過嚟啦然後佢又叫我：你講啦我話：我想換過碟蛋同多士（因為放埋一齊，仲要疊住）跟住問我點解（其實我都唔想小事化大但係你逼我大大聲）“塊多士發霉㗎”個阿姐仲要應我因為佢要話返俾師傅聽是但你啦你鍾意喺其他客面前出醜我唔會阻止你好快碟‘新’嘅蛋同多士就嚟咗但係一睇就知係佢切走咗邊邊囉其實你切走佢，我真係唔介意我最介意係切走咗仲有霉囉！！你都拎返去‘換’㗎啦都唔睇清楚嬲到即刻掉咗落碗麵湯，之後先醒起未影證據！到埋單嗰時，收銀枱個姐姐賣緊麵包咁我都冇催你吖，靜靜地企係個收銀枱到等然後佢問我：你等咩呀我都不甘示弱：等俾錢佢仲要回多句：哦，咁單呢？真係嬲！我都冇要求乜嘢吖～又冇要你道歉又冇要你平俾我好似我

經過跑馬地，3點幾同朋友行到攰攰地，見有少少肚餓就去搵間茶餐廳坐下食少少野。見到呢間冰室好似幾正宗咁，就二話不說入去試試，一坐低之後點左2個茶餐，菠蘿油配2杯奶茶!!!!食完之後見唔係咁飽，見到個餐牌寫住有雞脾叫，14蚊，咁就叫一隻啦！！！去到埋單果陣先發現⋯⋯佢一隻雞髀收左我地38蚊!!!!!!!!!!!!咁就問返個侍應，佢竟然一句話冇得散叫雞脾，要成個茶餐叫！！！！ok fine，茶餐就茶餐，咁我杯野飲呢？三個餐比2杯野飲就算，呢間野真係勁唔老實，一定冇下次!!!!!!!!不得不比劣評！！！！！！！！！！！

呢度既菠蘿包非常好味，每次過來跑馬地呢邊都會幫襯祥興，今日嚟到已經系下午茶時間了，就嗌左份下午茶餐得芝士炒蛋菠蘿包和一杯凍奶茶，芝士炒蛋同埋菠蘿包呢個組合好少見，一般其他茶餐廳都系甜食，呢度就系鹹食，不過味道上煎蛋同菠蘿包都幾夾，菠蘿包外層個皮好脆，裏面就好鬆軟，芝士小小融，食落正好，極力推薦。