祥興咖啡室

營業中

休息中

呢間咁0既野, 簡直係跑馬地恥辱. 我只可以贈佢四個大字, '不知所謂'環境惡劣, 好污糟.服務欠佳, d老伙計完全係好似退晒役咁, 唔想做咁款!! 叫佢落單, 超晦氣. 可能我地唔係明星啦.食物..... 難食到極. 唔通d明星d口味真係咁special?? 叫凍檸茶少甜, 佢就走甜. 都唔知係落單0個個0既問題, 定係沖0既問題. 總之就係班老臣子有問題啦.都唔知d明星係咪收左祥興錢. 咁都叫做得. 都唔知有冇攪錯!! 香港d食肆一定係摺晒啦!!

明星效應要過既都應該過晒啦,佢呢度d野又貴又唔抵食,聽執都得! 之前睇報紙雜誌谷到幾行都勢係假,一食就見真章。<br />同4 個朋友黎,迫迫地坐晒係卡位,5 個女仔叫左一d 麵食同小食,飲奶茶檸檬茶,都係大路野。我其中一個朋友要檸檬茶少甜,4 杯檸茶上到黎我地問佢邊杯係少甜, 佢指住其中一杯話係,我地就信佢啦,點知飲飲下,發現杯杯都係無甜! 唔通佢咁高級到糖水係另上?<br />我叫左餐蛋麵,普通到嘔,咪又係新光麵,一隻煎蛋一塊餐肉囉!我朋友話奶茶唔夠味,好似水!<br />總之一句唔掂,叫佢快手摺左佢啦,侍應態度完全係唔憂做,懶懶閒,好彩我唔係特登走入去食,唔係呻笨都似!

入到去除o左有堆明星簽名外, 老實講就係普通到無輪的茶餐廳, 都唔知有咩特別.呀有!! 冷氣夠呀...<br>凍到好似殮房咁呀...唔怪得我女友入o左去又出番黎啦. 另一特別, 就係自助茶餐廳, 茶又自己取, 米缸又係, 爭d自己入去煮埋俾自己食, o的侍應大哥叫都唔係好曉郁, 可能人老唔精鬼老發病...又或者佢地要我敬老啦....

似屋村舊式的茶餐廳，伙計又少態度又唔多好、又落錯單、又漏單。蛋撻雖然出名，但不致於最好食就係佢，奶茶、餐包同多士都是麻麻地，碗牛奶麥皮好似係用水開的沒有奶味，一句講曬明星效應。

食物唔覺得特別好食，同普通茶記差唔多，奶茶及咖啡又唔係特別香同滑過人，蛋撻同波蘿油普通過唔普通，隨便係附近都搵到間好過去啦！環境又比較差，舊式茶記裝修算係咁啦！出位點在於牆上掛滿明星簽名，別無其他！

It is only famous for those movie star but not the food. those food is just ok in taste. nothing very special. And the 波羅油hs too little butter. dont be fooled by the 明星效應.

其它唔講，蛋撻最正