影片
今日同事想食生煎包，就跟佢一齊叫，點知原來想叫果間冇了，就搵左呢間。一份生煎包4隻，好細的，有黑白芝麻係面，一咬開d湯飛了出來，好誇張，個湯好多，底夠脆，不過唔知是否凍左，所以比較油同埋好咸。豆漿係一支支的，正常。呢個酸辣湯好似膠水，勁多粉，只有辣味，沒有酸味，好怪，不是我想飲的味覺。同事的麻醬雲吞，佢話個醬好味的，不過個雲吞好厚。
繼續閱讀
好近地鐵站b出口 ，同事介紹先知道有呢間好正嘅小籠包。外賣盒招牌生煎包兩隻 15hkdJuicy外賣盒鮮蝦生煎包兩隻 28hkdJuicy， 使用木筷子企喺餐廳門口食， 堂食走膠袋。可以自己加添辣椒醬, 及自己調味, 生煎包熱湯非常多, 一咬開就可以吸啜到好多湯汁。yummy。唔經唔覺已經開咗最少四年， 次次都一樣非常多人喺門口度排隊， 企門口可以睇到師傅不停咁整，唔同嘅生煎包，用水，油慢慢蒸熱非常好食下次會再過嚟食。
繼續閱讀
記得第一次食祥興記係以前舊同事買返工請我食，當時一試就愛上，後來發現原來荃灣都有分店，自然成為常客，前排家姐喺國外返嚟，行完街專登帶佢去食。食物選擇唔算多，以生煎包做主打，仲有幾款冷盤同湯粉麵，價錢合理。招牌生煎包係2016年米芝蓮推介，質素自然有保證。門口有大大個玻璃窗可以睇到製作過程，雖然見唔到佢即場包，但望住佢將啲生煎包落鑊半煎炸，都已經好吸引，而且成個過程非常開放，感覺相當衛生。我哋叫咗招牌生煎包，三十蚊有四隻，價錢合理。咬開薄薄嘅外皮，入面充滿肉汁，又鮮又濃，食嘅時候要好小心，一個唔覺意好容易辣親嘴，飲完湯汁之後一啖食哂佢，非常有滿足感，最鍾意佢香脆嘅包底，配上肉餡同黑白芝麻非常滋味！每隔一排就會諗起佢嘅生煎包，總係心思思忍唔住再嚟食，簡直係我嘅「comfort food」！
繼續閱讀
作為兩人晚餐 但星期六既荃灣夜晚每間舖頭都大排長龍冇諗過夜晚臨近九點都咁多人未食飯我以為我都已經夜。。。祥興記 如果要喺舖頭食就要立食因為冇附上任何一張櫈所以其實都有人流 不過真係少人逗留兩個人既晚餐 都夜晚八點九 估唔到周圍咁多人酸辣湯 辣多過酸 食唔到辣都唔洗妄想試一兩啖 真係好辣但同行者話好正！這是食到辣同食唔到辣既分別麻醬雲呑麻醬唔係比較偏甜 係更似花生醬嗰種濃郁少少 唔係打邊爐同撈烏冬咁稀身個感覺比較新奇( ´▽｀)味道係可以接受 但好唔好味真係好難評價( ´▽｀)排骨麵豬扒唔係另上 直接放喺湯不過我地都係立即食所以問題唔大個湯係幾好飲既鹽味湯跟個麵係好食既蛋絲同葱都係唔錯既點綴 唔破壞主體既味道又加返啲口感唔錯唔錯每樣食左兩啖 生煎包都出黎啦！真係好食喎(⊙_⊙)比平時食既細隻得多 個包煎到個皮係脆既 然包頂都係脆既！又係即煎 刻意咬開一啖散咁啲熱先然後肉香同煙味就飄出黎啦啲湯啊肉汁啊又就即刻流哂出黎一心急飲返 喉嚨就淥親。。。好好味 但係要好小心食(;´༎ຶД༎ຶ`)
繼續閱讀
祥興記的生煎包曾獲得米芝蓮街頭小吃的榮譽，味道是有一定的保證。生煎包熱騰騰的，所以進食時一定要小心，免得灼傷口腔。生煎包充滿肉汁，一咬開便有大量的肉汁流出來；餡的肉味也足夠。另外，皮薄；包底的部分更有煎過，所以包底的皮咬下去是脆脆的。-►好食指數：9/10一句就能概括了，「皮薄餡靚多肉汁」，包底還是脆薄香口的。吃了兩隻已經覺得有點飽肚，米芝蓮之譽也實至名歸。-✎想看更多的請在ig搜尋：#wd荃灣
繼續閱讀