祥仔 (K11購物藝術館)

營業中

休息中

昨晚同老公諗住帶從加拿大回來的奶奶去試試唯一僅存於尖沙咀K11的祥仔，我們滿載期望的去出發!我們分別order了招牌羅宋湯，牛油果雜莱沙律，鮮茄吉列豬扒飯，咖哩炸魚柳滑蛋飯，一杯凍奶茶，兩杯熱奶茶。**兩日兩夜羅宋湯：味道偏咸，而且濃度稀，唔覺得餚左兩日兩夜囉! **魔法神秘花園(牛油果雜菜沙律)：蔬果材料係好新鮮的，但係好似沒有落dressing咁，無乜味!**滑蛋仔與吉列魚柳之星際冒險記(咖哩炸魚柳滑蛋飯)：啲咖哩汁傑撻撻而且極少，明顯唔夠汁撈；炸魚柳尚可以，牛乳滑蛋就好一般，沒有什麼特別!**爆脆豬扒傳説(鮮茄吉列豬扒飯)： 蕃茄汁無蕃茄味，塊炸豬外表望落OK, 但咬落去就淋曬，而且完全無醃過，無味!**凍奶茶 & 熱奶茶：茶底很濃澀，水吧落左好少奶，本人因為飲開多奶，所以order前已經叫左多奶，但杯奶茶來到仲係好深色!唯一一樣我覺得OK, 就係個side dish 炸薯條!總括而言，祥仔令我們好失望，希望有關人仕可以正視下啦! Good luck! 🙏🏻🙏🏻

🔸 #迷你豬扒 #炒蛋 #多士 #出前一丁 #阿華田 加$5出前一丁，嗰碟好大，好有儀式感😆🐖豬扒，用咗好多香草去醃製，好重香草味，豬扒質感亦都鬆軟🥚炒蛋，佢用粟米去炒可能我個女想食正常炒蛋，所以佢覺得麻麻地🍞多士，熱辣辣好鬆脆🍜出前一丁，好淡好淡，麵有煮得過分淋，唔值得加價錢食🔸 #吉列魚柳 #太陽蛋 #多士 #出前一丁 #奶茶 加$5出前一丁，嗰碟好大，好有儀式感😆🐟吉列魚柳，脆粉做到外皮鬆脆入邊嘅魚柳，係真係有皮嘅魚柳（正常只會用嚟煎）我又覺得幾特別幾好食，不過當然冇乜魚鮮味有少少腥味同埋鹹味😅🍳太陽蛋，廚房仍然俾咗炒蛋我，廚師話請我食服務生再送多隻太陽蛋嚟服務態度好嘅🍞多士 🍜出前一丁☕️奶茶 講明要少奶嚟到都係咁多奶，服務生好好幫我拎入加茶但加完我都係覺得咁多奶之後佢再分開比一杯茶我加落去全程服務生都非常之好👍

接完細路放學，阿仔想响呢度食完去Nintendo shop，就入咗去食，星期六晚飯都唔多客都奇怪坐低叫咗三個餐，先上餐湯～濕米（粟米）湯，粟米味鮮甜香濃，值得一讃👍之後再上埋個栗米鷄球飯，上枱嗰下都有啲期待，因為嗰湯不俗⋯⋯一咬落去，個汁無栗米嘅香同甜，亦唔食到有鮮同味，感覺好似食緊一pat 黃色汁水加栗米粒撈無味鷄球飯，同之前嘅粟米湯嘅味道一念天堂一念地獄，天氣就話不似預期啫⋯⋯點知，杯凍T上到枱，老婆問我做乜叫杯凍田？加咗糖水⋯一啖飲落去，好似飲緊杯色似華田實叫奶茶而無味嘅凍水咁🙄結後⋯⋯完全唔值咁嘅價位⋯ 一次今世無回頭⋯⋯🤦

呢次同班朋友嚟到呢間食肆，一入門口就聞到撲鼻而嚟嘅食物香氣，簡直心都荷唔住嘞👃！首先，慢煮牛舌鮮茄意粉，真係少見得咁有誠意。牛舌好過癮，外邊煎得啱啱好，入面殘存嘅滋味嘅唔係講笑，吃落去咀感係滑嘅、肉味又足，跟住個鮮茄汁添，真心講，微酸嘅茄汁湯底同牛舌嘅醇厚完美夾到一齊😋。至於招牌炸豬扒飯，話唔埋嘅份量真係夠曬飽，厚實嘅豬扒外層炸到金黃色，鬆脆又唔油膩，入口即溶，仲炸得啱啱好，跟住一啖飯一啖肉，啱哂！🤩而家講吓瑞士雞翼，咬落去嘅時候可以感受到啲肉真係緊緻多汁，個皮似乎都吸滿咗味，微微嘅麻香味，丫嘛唔係一般小店做得出嚟。尖沙咀呢間好似真係冇咁失望，大隻份，口感正，味道有驚喜，週末晚飯嘅選擇其中一間好地方！令人滿足到不得了。下次一定再黎試過其他嘢！🍽️😊 總之，祥仔出品，味道保証無憂！

前幾日去，叫左個鴛鴦叉燒煎蛋飯。味道同口感都唔錯，叉燒偏腍唔hi, 調味除左甜左少少都幾平衡，有油香。但係難以想像一間名廚開既餐廳竟然犯左個最基本既錯誤，就是叉燒唔熱，只是微暖，一邊食一邊覺得到喉唔到肺。一個食物就算幾好味都好，唔熱既話個味道會即時減50分。不如去敏華食。另外嗌左個羅宋湯，太酸，酸到拿喉。布丁一般，試一口無想再食既衝動，寧願出去旁邊甜品店買。唯服務態度不錯。可惜。

餐廳環境唔錯，相對寬落，枱面夠大，員工服務唔錯。跟住點了餐廳signature嘅炸豬排飯，先嚟個餐湯，唔熱只係和暖，凍奶茶，可以話係奶水，無茶味。到主菜，豬扒係厚切，但同啲飯和湯一樣，都係唔熱。味道一般般，完全唔值呢個價錢，個人决定只此一次，下不為例。

第一次與同事聚會覺得不錯於是再來上次吃不到的粟米星斑飯今次終於吃到以名廚作招徠，竟然水準差到一個點，失望而回。星斑 - 又乾又硬，明顯整定一盤等落單就夾上碟粟米汁 - 調味不足，一灘稠身白汁呢個價錢有更多好選擇，唔會再幫襯啦

第一次來的時候在7月份，店外有人龍，店內有一大幅老闆和食物嘅相片做生招牌作招徠；環境服務一般，但食物質素還可以。本來想試鎮店推介粟米星斑飯，可惜賣晒，唯有下次再試。過了三個月，上星期路過K11便入去試上次吃不到的推介星斑飯。今次店外冇人龍，店內老闆張相已經換了多個青年人嘅相片，唔知係咪轉咗手呢🧐今次終於吃到所謂「推介no.1」，咁嘅價錢做啲咁嘅質素俾客食，同樣價錢在外面有大把選擇，以後唔會再嚟啦！星斑👎🏻👎🏻👎🏻：唔新鮮，又乾又腥又有雪味粟米汁👎🏻👎🏻：冇調味，只係一灘濃稠冇味白汁

第一次來食k11 祥仔，因為身體唔太舒服，點下午茶餐想叫杯凍青檸梳打走冰，態度奇差地拒絕為客人走冰。。。還在高聲議論。。令人感覺很不舒服食物質素方面也是強差人意。。不會再來

餐廳環境一般，粟米黑豚肉粒飯味道ok，栗米星斑飯味道ok，焗海鮮意粉味道一般，瑞士雞翼味道一般，薯角一般，菠蘿特飲ok，檬茶一般，奶茶一般，服務員態度ok，全部ok

就算喺尖沙嘴，就算喺K11咁嘅價錢同質素擺明喺只想搵遊客錢食物質素之劣令人懷疑人生一個簡簡單單嘅叉燒碟頭飯佢賣過百都算但喺餐點居然唔喺即時整好懷疑個主理收咗錢已經乘黃鶴飛去上番地面大把茶記各位千祈唔好貪方便祝佢早日結業😊

在尖沙咀滿街遊客的地方，想食一個簡單好味的午飯不容易。三個人叫了三個午餐，兩個飯和一個意粉。carbonara 一如既往好味. 粟米雞球和黑椒牛肉，味道都可以，但是飯就煮爛了，一Pat Pat. 糊了。真的食不下去。我當時諗是否可以叫廚房換過碟飯，最後也只是吃完餸，白飯留低埋單就走.

2023.6.18 星期日 6:30pm 以前試過廚師推薦的鮮茄焗豬扒飯，不太合我們口味。今次想吃點簡單的港式餐，路經就再試一次。 •••••••••••••••••••• | 祥仔小食拼盤 | $128- 秘製瑞士汁雞翼, 零油感蝦多士, 煙三文魚酥盒, 薯仔蛋沙律 - 賣相一般，瑞士汁雞翼大隻，夠入味夠滑。不過我不太喜歡雞全翼，始終進食時不方便。 蝦多士真的不會有油感，蝦的大小剛好，上面有辣粉，整體都算香脆。 煙三文魚酥盒，三文魚味道口感不錯，酥盒是正常的脆度。 薯仔蛋沙律比較驚喜，薯蓉幼滑，充滿香濃蛋味。 | 滑雞球 • 鮮粟米汁 | $108多汁，粟米粒飽滿又甜，雞球夠滑，味道不會太濃，中規中矩。 | 兩日兩夜羅宋湯 | 餐湯升級+$3蔬菜足料，味道偏酸有香料味，都幾開胃。 凍飲 +$4 服務費 10%•••••••••••••••••••• 這裡可以舒服地吃個港式西餐，不過侍應態度有待改善。可能不同侍應負責不同位置，所以另一區的侍應見到我們在舉手，都當我們透明，完全不理，又不會提醒負責的侍應。結果等了很久才有侍應來。 

They have obviously read all the comments here. Corn soup was piping hot, with sweet fresh corn bits. Good. Grilled pork chop rice in tomato sauce was sumptuous. Tomato sauce was tangy, tart and savoury at the same time. Pork was well seasoned. 3 pieces of meat in total, would prefer one more piece and less rice, but not a showstopper.Lemon tea is at par of HK standard, nothing special. Big fresh lemon slices, chilled.It’s not fine dining, expect efficiency vs quality with the service. You get a

伏到懷疑人生...,先嚟唔好講邊位名廚主理,首先碗通粉細碗過大xx下午茶既通粉,瑞士雞翼冇瑞士味,只得花椒味,冇野食都唔會揀佢,唔再會有下次,仲要加一,真係比多佢,本人真唔識欣賞,