祥仔 (K11購物藝術館)

營業中

休息中

有時想食吓港式茶餐廳野食，但又想啲環境好少少嘅，好推介可以去K11間祥仔，本身喺餐廳門口見到有大電視機影住大廚張錦祥Ricky Sir介紹，先知道原來係佢主理嘅餐廳，食物水準一定有保證，晚飯時間超多客人，到我哋臨走先唔使等位，入面坐得舒服之餘，套餐亦都包埋餐湯同飲品，性價比高。我同朋友喺招牌排行榜同埋鐵板系列入邊各選一款。〈澳洲西冷牛扒配燒汁〉🥩牛扒預設嘅熟度煎得啱啱好，唔會過熟或者過生，保持到肉質嫩滑嘅同時亦都有好濃嘅牛味。薯菜份量亦都好有誠意，有洋蔥、薯條、西蘭花、椰菜花、蕃茄仔同粟米。〈鴛鴦叉燒煎蛋飯〉🐷🍳🍚果然係餐廳招牌，叉燒分咗兩款，包括有肉質嫩滑梅頭同油脂豐富五花腩，一次過食晒兩款嘅唔同叉燒品種，而且仲要係燶邊叉燒，再配埋蔥油同煎蛋，係超高水準嘅叉燒煎蛋飯。〈鹹檸七梳打〉 🍸〈黑牛〉🍫🍨杯梳打唔會落糖水，啱晒健康人士。而想邪惡嘅梗係要嗌黑牛，朱古力雪糕再配上可樂，好多餐廳而家都冇得飲㗎啦。

平時lunch有時都會去祥仔辣辣食lunch覺得質素都幾好，知道同一個集團有西餐，今日經過K11見到大廚張錦祥張相就諗住試一試佢🤪入面簡單裝修夠光猛寬敞❤️-套餐包括有埋餐湯同飲品餐湯蘑菇湯好多蘑菇🍄‍🟫💗-澳洲西冷牛扒🥩黑椒汁 $198冇諗過佢哋嘅西冷牛扒質素都幾唔錯大概五六成熟左右熟度真係啱啱好仲好多好多肉汁肉質有少少咬口又唔會起渣👍🏻切到細細嚿咁食好滋味非常之香肉味😝黑椒汁味道調得啱啱好食得出質素薯條大大條無論配合蕃茄醬或者黑椒汁都唔錯配埋蕃茄粟米仲有少少菜整體好滿意👍🏻-牛油果柚子藜麥鮮果沙律 $128另外一個餐就健康少少特別要求咗想牛油果轉其他生果店員好好幫我轉左除咗有啲沙律菜之外仲有菠蘿、柚子、紅菜頭、哈密瓜、蕃茄仔酸酸地好開胃🤤-咸青檸梳打 $14鹹青檸大大粒☺️-新鮮菠蘿冰 $28超多菠蘿好解渴😉

祥仔Ricky’s Kitchen 今日放假經過K11見到門口廣告先知原來由經驗名廚Ricky 主理即刻入咗去試吓。坐低睇吓menu 招牌排行榜同鐵板系列都好吸引。兩款系列都配是日餐湯及咖啡/茶。我哋叫咗兩款餐各一個仲加$3升級左兩日兩夜羅宋湯個湯好好味加$3絕對值得升級。美國安格斯牛柳粒配秘製黑椒汁 意粉牛柳粒肉嫩稔口，牛味香濃，意粉配上秘製黑椒汁好惹味。澳洲西冷牛扒•黑椒汁西冷牛扒厚身牛味濃肉質鮮嫩多汁。餐飲叫咗凍檸茶同雪糕紅豆冰

經過K11見到樓下開咗間祥仔，一直都知大廚張錦祥嘅大名，所以就行咗入嚟試下。澳洲西冷牛扒🥩 $198嗌咗黑椒汁、七分熟嘅西冷，上嘅時候仲熱辣辣沸騰緊，配菜就有粟米🌽薯條🍟西蘭花🥦番茄🍅，牛扒煎的啱啱好，好多肉汁脆脆豬扒飯🍚 $138勁厚一塊吉列豬扒，炸的好有鍋氣。配菜望落去都好有食慾，煎過嘅菠蘿圈菠蘿，鮮茄醬。為之瘋狂菠蘿冰🍍跟餐$28有好多菠蘿粒，蘇打水溝上酸酸甜甜的菠蘿汁，解暑又解渴😋黑牛🥤跟餐$14最經典嘅黑牛，黑朱古力雪糕再加上冰可樂🧊冰冰涼涼非常解暑staff服務態度好，上菜都好快，😋果然係大廚推薦👨🏻‍🍳

尖沙咀祥仔冰室位於尖沙咀K11 地點何其方便😍以其懷舊裝潢同傳統港式茶餐廳菜式聞名🌟冰室提供各種經典港式美食 奶茶🧋菠蘿包🥯燒臘飯🍚炒麵等走唔甩❤️==============================𝐅𝐨𝐨𝐝 𝐋𝐢𝐬𝐭📌🥩澳洲西冷牛扒配黑椒汁 神燈黑椒汁簡直係濃厚既港式茶餐廳文化😍🐷爆脆豬扒傳說 招牌菜式之一🥰豬扒表面炸得酥脆 口感香脆 肉質嫩滑🤩加埋菠蘿同蕃茄醬 酸酸地咁樣食又幾開胃減低咗炸豬扒嘅油膩👍🏻餐飲蕎麥凍檸茶同埋凍咖啡簡直係滿足港式餐廳嘅慾望😍 環境同食物質素相當優質既餐廳🥰梗係要介紹一下👏🏻 💁🏻‍♀️

由荔枝角店開始幫襯記得杯茶走用玻璃杯裝住飲埋嗰三日三夜羅宋湯真係好好食 印象深刻 當時成日都幫襯可惜生意難做 而家得返一間分店 咁啱行過尖沙咀K11, 就8pm 晚市幫襯未入去之前都見到評價話差咗起初都唔信 點知係真嘅 今晚食個新出嘅叉燒蛋飯期待啲叉燒梅頭點出色點好食點知成碗由叉燒、飯、蔥 連隻煎蛋！都係常溫偏凍 一d冇熱氣埋單$108 未加一其實覺得好可惜 因為除咗碗飯，個羅宋湯同埋杯茶走 都明顯差咗應該冇下次👋希望佢有心做返以前嗰個水準

由TST地鐵行入K11, 見到li間開左好耐嘅餐廳就係祥仔, 門口同餐廳入面都見到間唔史喺電視都會亮相飲食節目嘅大廚Ricky Sir廣告牌, 就吸引左我屋企人話去li度食晚餐😂😂.🍴鴛鴦叉燒煎蛋飯Menu有多款中, 西式美食, 習慣睇圖嗌嘢食嘅我梗係睇店家嘅招牌排行榜: no.1 鴛鴦叉燒煎蛋飯. 一邊係肉質嫩滑嘅梅頭肉, 啖啖肉, 每一塊叉燒邊都有閃令令又濃稠嘅醬, 我鐘意師傅每塊叉燒都厚切! 另一邊係滿佈油脂嘅五花腩; 好juicy亦唔使用力咬, 係高質嘅叉燒👍🏻. 推介li個no.1!🍴澳洲西冷牛扒另外食左鐵板系列嘅西冷牛扒, 脂肪量有返一定級數份量, 喺鐵板上jaja聲嘅西冷牛勁易切開無乜筋, 肉質非常細膩, 值得一讚係牛扒🥩勁厚身, 唔會太生唔會過熟, 都見到有幾枱人同我食一樣😌. 🥄兩日兩夜羅宋湯隨餐送餐湯同飲品好抵食, 加3蚊upgrade煲左48小時嘅羅宋湯會唔會太吸引🤩？濃稠度適中, 味道豐富, 湯料又多完全唔hea架. 今日送嘅餐湯係南瓜湯, 原個南瓜打成夠哂濃好味道.🧋港式奶茶甜度茶味都啱我心水.

走到尖沙咀訂蛋糕…突然看到餐廳門外有名廚 Ricky Sir 張錦祥的照片, 那怎能不試試呢! 餐廳內坐位寬闊, 滿滿的綠植及不同立體腦圖案裝飾牆身, 及利用光線折射, 太空感滿滿! 這裡有鐵板餐, 還真用鐵板上桌, 選了澳洲西冷牛扒配燒汁, 還附送是日餐湯及飲品!肉味香濃, 油花雖不算多, 但分佈平均, 肉質緊緻嫩滑有彈性, 口感豐潤! 配菜有香脆薯條、蕃茄及蔬菜等, 很豐富! 最重要是配有一份白飯, 男仕吃絶對也大滿足! 脆脆豬扒飯 ~ 用上 1” 特厚巨型美國豬扒, 即叫即炸, 外皮超級超級香脆, 這麼厚的豬扒熟度剛剛好, 一口下去肉汁爆滿, 肉質超嫩滑, 完全沒有豬腥味道! 配上整片新鮮菠蘿解膩, 大愛啦!點了 “為之瘋狂菠蘿冰” 及 “黑牛”! 這也太讚了, 菠蘿冰不會太甜, 用上大量新鮮菠蘿, 超香甜! 經典黑牛不用多說了, 直接點便是!還提供一次性圍裙, 超貼心! 

係K11 搵野食見到Ricky Sir 大大個招牌間餐廳叫祥仔，甘應該係佢開用自己做生招牌應該質素唔差黎到梗係要食佢招牌菜同港式鐵板已經包埋餐湯同野飲🔹兩日兩夜羅宋湯餐湯可以+$3 升級依款湯夠足料湯料都好入味🔹南瓜忌廉湯依款係是日餐湯湯都幾creamy唔會好似水旺旺甘🔹澳洲西冷牛扒西冷好厚切所以可以因應自己想要熟度黎係塊鐵板上面煎淋上黑椒汁時"喳" 一聲就係港式鐵板精萃可以揀飯或者薯菜添我地鐘意無甘熟，入面會無甘韌🔹巨型吉列魚柳滑蛋飯配青咖喱汁魚柳好大塊！！外脆內軟，唔會太乾配青咖喱汁幾新穎但又幾夾滑蛋炒得唔錯🔹雪糕與紅豆仔之轉角相遇加$28 可以轉紅豆冰好多紅豆又夠粉面頭仲有雲尼拿雪糕🔹為之瘋狂菠蘿冰上面有三分一都係新鮮菠蘿夠哂甜，配埋下面菠蘿汁真係做得唔錯

去尖沙咀行街，行到攰見到大廚張錦祥嘅介紹，所以想試下✅鴛鴦叉燒煎蛋飯五花腩太多人揀好快就賣曬，轉咗叉燒配煎蛋，叉燒肥瘦均勻，唔食煎蛋仲可以轉太陽蛋/溫泉蛋🥚✅澳洲西冷牛扒· 黑椒汁西冷牛扒揀咗三成熟，牛味濃郁，仲有配料薯角同番茄🍅✅雪糕紅豆冰&雙檸檸檬茶🍋食西餐配紅豆冰，上面仲有雪糕🍦💛好味指數:4.4/5 💜回頭指數:4.2/5📍祥仔 (K11購物藝術館) (尖沙咀)尖沙咀河內道18號K11購物藝術館B2樓B233A號鋪

今日行過尖沙咀見到平時睇開嘅YouTuber Ricky San開嘅餐廳即時口水都流埋入去食飯晚飯時間好多人 好彩早少少排隊叫咗每日限售的招牌排行榜第一位 - 爆蔥鴛鴦叉燒煎蛋飯當日五花腩缺貨 所以轉哂做梅頭肉對我來說反而更好 冇咁多肥肉餐廳選用咗肉質嫩滑嘅梅頭肉咬落軟淋好味道小朋友都一定中意自家製嘅特濃蔥油濃郁飄香加埋流心蛋撈飯食正到飛起澳洲西冷牛扒原鐵板上黑椒汁淋上西冷及香草牛油肉質結實餐廳仲好貼心咁送上圍裙跟餐仲附送是日餐湯及咖啡或茶蘑菇湯好好味仲有陣陣黑松露香感覺好高級+$3仲可以升級至兩日兩夜羅宋湯職員話兩日兩夜係指更濃郁更足料的意思細細碗嘅羅宋湯的確好足料

佢剛開業時試食過一次，上年有外賣過一次，覺得都唔太差。所以兩點幾入去食個lunch。餐廳都有1/3嘅枱有客，生意都唔錯。見餐牌有下午茶餐就叫左個芝士漢堡， $78包一個飲品。黎到見到感覺唔太有好感，因為個包望落好乾身，兩片芝士硬晒咁係包入面…唔熱嘅唔溶嘅！佢個樣似港式但又想似西式。放啲沙律菜係隔離咁，但都挽救唔到個賣相。個包烤到似奶油豬又脆又硬又乾，入面揸滿牛油沙律醬，但無茄醬無酸瓜…個漢堡扒都okay, 但完全同個包/汁醬唔夾…食左啖，算啦，剩係食個漢堡同芝士。其實我坐低時見隔離枱成碟炸豬排飯只食左1/3就唔要…心諗有無咁差？真心係差左好多，咁嘅價錢去食老麥好過…

第一次去Ricky San間餐廳食飯。成日經過K11地下，見到餐廳Ricky個樣，係電視就成日見佢煮野食，咁究竟係咪真係好食呢？餐廳主要食港式美食，粗菜貴做，另有一番風味。今晚叫咗個脆脆豬扒飯同埋鐵板什扒試吓。主菜跟餐湯飲品。＿般係忌廉湯，我就加三蚊升級做兩日兩夜羅宋湯。羅宋湯果然要放過夜先至夠入味，湯入面仲有啲牛肉粒，幾濃味。脆脆豬扒飯塊豬扒成吋咁厚，原來唔使去日本都食到超厚豬扒。另外仲有沙律醬可以點，本身就係蕃茄汁加飯，仲有塊烤菠蘿，酸酸地解到油膩。鐵板什扒就一定要襯熱倒汁，「渣」一聲咁先至有feel,什扒有牛柳、雞扒、法蘭克福腸、煎蛋等等。扒類唔會醃到死實實，都幾好食。最後我仲叫咗杯混合檸檬茶，係香水檸檬加檸檬茶。埋單三百幾，係K11尚算合理。

行完K11順道在附近食嘢，行到B2樓見到間祥仔，食物都啱晒我哋心水，便進入開餐囉。點了招牌排行榜的蔥油叉燒煎蛋飯，（原本是鴛鴦-叉燒拼五花腩肉，但當晚腩肉沽清了🥺），隻太陽🌞蛋煎得好靚，叉燒份量多但比較瘦，拌勻好香的蔥油一併食，更加惹味。鐵板西冷牛扒🥩配黑椒汁，牛扒熟度剛剛好，入口軟淋有嚼勁，牛味濃郁，油脂含量較少，質素很好，配料的薯條亦炸到香脆可口。餐湯的羅宋湯味道濃郁菜亦充足，飲品叫了檸檬兄弟之茶館冒險，青檸跟檸檬很多，大杯又解渴，老友則點了雪糕與紅豆🫘仔之轉角相遇，有球雲尼拿雪糕🍧，好正😊，下回我都要叫佢黎飲至得。

昨晚同老公諗住帶從加拿大回來的奶奶去試試唯一僅存於尖沙咀K11的祥仔，我們滿載期望的去出發!我們分別order了招牌羅宋湯，牛油果雜莱沙律，鮮茄吉列豬扒飯，咖哩炸魚柳滑蛋飯，一杯凍奶茶，兩杯熱奶茶。**兩日兩夜羅宋湯：味道偏咸，而且濃度稀，唔覺得餚左兩日兩夜囉! **魔法神秘花園(牛油果雜菜沙律)：蔬果材料係好新鮮的，但係好似沒有落dressing咁，無乜味!**滑蛋仔與吉列魚柳之星際冒險記(咖哩炸魚柳滑蛋飯)：啲咖哩汁傑撻撻而且極少，明顯唔夠汁撈；炸魚柳尚可以，牛乳滑蛋就好一般，沒有什麼特別!**爆脆豬扒傳説(鮮茄吉列豬扒飯)： 蕃茄汁無蕃茄味，塊炸豬外表望落OK, 但咬落去就淋曬，而且完全無醃過，無味!**凍奶茶 & 熱奶茶：茶底很濃澀，水吧落左好少奶，本人因為飲開多奶，所以order前已經叫左多奶，但杯奶茶來到仲係好深色!唯一一樣我覺得OK, 就係個side dish 炸薯條!總括而言，祥仔令我們好失望，希望有關人仕可以正視下啦! Good luck! 🙏🏻🙏🏻