祥仔辣辣 (雅蘭中心) (已結業)

係尖沙咀食過兩次，都好好食。 諗住係旺角試吓，唉😮‍💨⋯⋯酸菜魚啲魚又鞋又唔滑又老；個碟炒拉面啲面又硬又生又炒得唔好食；仲有碟 我都唔記得個名，鱔片咬落去有陣味，即刻吐出來。早知排隊都去翻尖沙咀食😞😞😞

我好鐘意食水煮魚，但有骨同太鞋既都麻麻地。今次黎試祥仔，見過好多次有好多分店，但一直郁未試過。入到去岩岩開門，無客，但係就唔比我揀位坐，只可以坐最出面門口位。本身以為佢好麻辣派對果類會類似，有得揀下配料，但原來係無，佢水煮魚無得加料，收2xx一盤。仲要無跟薯粉/寬粉。一上台，我有啲呆左，因為原來份量都幾小，得幾塊魚，水煮又唔係好夠味。係啲魚就都算滑，唔太難食。整體黎講，以2xx 一盤黎講，有啲失望。未試過食水煮魚無跟粉，而且仲要份量咁少。結果我地兩個人食，食左個魚要再叫多個粉+個小菜先夠食。反而個粉都算幾好食仲要係平。

前一排經開尖沙咀，就好想食酸菜魚，結果朋友就推薦左呢一間餐廳，味道、環境、服務都令到我哋有驚喜，下次一定會再嚟食海南雞飯呢個海南雞飯份量超大，而且雞件入味，而且10分滑，可以話令我哋食極唔停口😍😍😍😍😍😍😍😍酸菜魚呢一盤係一盤新式嘅酸菜魚，配合左香港人嘅口味，味道唔算太辣，而且魚塊好鮮嫩，湯底超級惹味，令人越食越想食❤️❤️❤️❤️❤️❤️飲品方面同樣特別，大大杯亦都唔會過甜，啱晒食辣野既時候飲😍😍😍配米線嘅小食都有4款，睇得出餐廳做得好有心機😍😍😍

呢間成日都有人話唔錯 今次🧜🏻‍♀️同朋友就叫左個四人套餐食 多野揀食咩之餘 個餐份量都已經多到成枱都係 豐富得黎都幾抵食🤩 記得即做會員就可以減價再送HKD200現金券啊‼️另外每枱仲送左撙搓手液連皮製鎖匙扣 無常貼心🥰(圖10)-🍴 四人套餐 HKD938 -> HKD758 🌶️前菜(尖椒黃金皮蛋 酸辣紅海蜇頭 麻辣豬耳 夫妻肺片)皮蛋有流心嘅感覺 配埋少少辣椒食都唔錯 同埋啲青椒幾好食🙈海蜇頭比平時食嘅海蜇硬身少少 不過非常爽口 酸酸辣辣咁好開胃😋而豬耳同夫妻肺片就無乜特別 正常水準👅🌶️招牌菜(招牌祥仔酸菜魚 成都水煮牛肉)酸菜魚酸度唔算重 辣味比較出 值得一讚嘅係魚片非常嫩滑而且無骨🐟水煮牛肉 牛肉都好嫩 但就無乜麻味 不過不失啦😚兩款份量都夠4個人食嘅🥰🌶️主菜(宮保蝦仁 絕味辣子雞 香辣孜然一字骨 海鮮炒拉麵)🧜🏻‍♀️推薦宮保蝦仁同辣子雞🤩蝦仁有微微酸辣 但係啲蝦超級嫩滑有蝦味 🧜🏻‍♀️食多碟都得🙈而辣子雞份量唔多 都唔係好辣 但勝在夠惹味🤪一字骨雖然話香辣 但感覺似係炸完豬肋骨再滲鹽咁 完全無辣味🤣海鮮拉麵就正常啦 有蝦仁魷魚咁 偏咸左啲🤭🌶️甜品(仙草凍 酒釀桂花湯圓)

之前兩星期同朋友去尖沙咀食過覺得好不錯，所以今天晚上提議朋友試試但試的是雅蘭這店，叫了辣辣香鍋（超班咸），絕味辣子雞（非常咸），水晶酸辣粉（冇味得辣）。上碟是比尖沙咀賣相較濕潤，但食幾口後真的太太太咸了，要裝茶過一過才勉強可食，職員添茶時向佢反映，聽完走左好似唔識反應所以俾唔到反應...我只係反映下都咁驚！又冇話退唔俾錢...俾錢前我先登記做會員（好似有coupon可以減番一啲錢）因為實在唔想咁難食仲俾足。埋單時發現佢哋都有比返兩碟超咸餸折扣，所以都唔知做會員平定佢俾折平。但接受意見好難？我又唔係冇禮貌咁講！哩間應該唔會再幫襯，因為叫三樣其實都真係好唔合格，有時分店太多品質好參差

員工服務好好，感覺到員工既誠意，每位員工對食物好熟悉，好清楚建議我哋order幾辣，我哋食到食物入面一粒粒脆卜卜好好食係乜，員工好快答到我哋係黃豆，乾燒辣鍋必食，夠香夠辣。用膳期間，員工會關心我哋食物如何，上菜時間不太快不慢，剛好，唔會趕住上枱催你食完走。好耐無食過食物同服務都咁高質既中菜，a lovely dinner .

Ricky San開左個新brand，終於試左！當然，食得川菜成枱辣椒係個must 😛🔥酸菜魚係Signature 之一，佢加左 Rosemary喺面，所以浸左落去會有一陣陣Rosemary香氣，係同平時食有芫茜香最大分別，鍾唔鍾意就見仁見智啦😛魚片好鮮又足料，酸菜好味又唔會太咸☺️不過如果有埋闊粉就仲好😚（人總係貪心😂）毛血旺又係好足料，唔止有豬紅牛柏葉，有水魷同我唔記得咗嘅嘢😂😂香鍋可以揀五款配料，肥腸同雲南菜花又係must嗌，肥腸處理得好乾淨👍🏻（好食到再嗌左干鍋肥腸）朋友想試出前一丁，又出奇地夾，索晒啲味！😍值得一提嘅係佢嘅櫻花蝦炒飯，炒得粒粒分明，又有鑊氣！除咗有蝦肉同蛋基本野之外，加咗啲四季豆粒炒，增加口感！我都忍唔住食咗一碗！前菜有...（口水雞，尖椒皮蛋，水晶粉）都正常發揮，性價比都唔錯，大家都可以去試吓~

一行五人慶祝生日飯，我哋便book 左呢間「祥仔辣辣」食晚飯。當日叫左：招牌祥仔酸菜魚、辣辣香鍋（鱔片、五花腩片、豬耳、茄子及炸枝竹）、乾煸四季豆及招牌櫻花蝦炒飯。整體來說，呢間餐廳野食係吾錯，食物質素及服務等都是做得很好，會不斷地留意你個枱所需，好似斟茶、收碟等。咁相對地價錢人均大概都$200至$250一位，雖然是略貴，但佢服務態度搭夠，環境亦夠寬躺，咁多人一齊坐低食嘢傾計非常舒服，所以係一間值得再來既餐廳。

經常路過這店在尖沙嘴的分店，可是一直沒機會光顧，今天去旺角辦完事，晚上發現雅蘭中心有家分店，就來探索一下。服務：由於晚市繁忙時段，打算先拿號再去逛。與很多香港商場的店不同，這家祥仔辣辣分店門口有個玄關，很大氣。眼鏡女店員態度積極和善，感覺蠻好，留下電話號碼，有座位致電給我們。於是我們先去逛逛，十分鐘不到便致電通知我們有座位了。環境：店內裝潢設計不錯，空間感夠寬，不用像區內小店與陌生人擠在一起。香港的小店和同類餐廳很多都是擠得滿滿的，缺點是說話聲音要壓低，桌子上的菜不夠放那種，所以很難得找到這家店空間舒適，桌子夠寬可以點多些菜。先來了份夫妻肺片，碟份量有點小，雖然醬汁很美味，肉質較硬和冷，有冷藏櫃拿出來的感覺；辣辣雞很香，不同款的乾脆辣椒和炸雞混在一起，十分入味。籽然蒜茸茄子，就是內地燒烤常吃的烤茄子，香港地方小美食選擇種類不及內地多，所以很難吃得到。炒辣肉、椒鹽排骨（可選不辣）肉質口感細膩滲透出香辣味，也是值得推薦。

3個人嗌左4碟嘢食 招牌酸菜魚 $248個樣好似好好食咁，但唔辣唔酸(我地嗌嘅係小辣)，淡而無味，我真係唔知自己食梗乜，成堆芽菜墊底，酸菜又無乜，辣椒好多，但無辣味，唯獨算好嘅係魚夠滑 麻辣紅燒牛腩 $188收我$188,畀我台灣紅燒牛肉嘅享受 清炒萵筍 $88呢樣最高分，因為真係清炒，可以有幾難食呢？ 燈籠椒爆鱔片 $188鱔片ok, 但唔知係咪我對燈籠椒嘅味道記憶錯左？一咬落去酸到不行，真係食唔落… 總結：本身覺得食嘢價錢貴都唔緊要，好食就得，但呢度完全唔值完全唔係對得住佢個價錢，啲嘢食不知所謂，要辣嘅唔辣，要酸嘅唔酸，麻辣嘅又唔麻，每樣嘢食都好油，我真係唔知想點

水煮海鱸魚片 / 288魚片又滑又彈牙 十分鮮甜 份量滿足雖然可以揀辣度 但係唔好睇小佢我同朋友揀最小辣都辣到飛天辣辣雞煲 / 268呢個辣度相對少好多 更為惹味雞肉嫩滑 配菜又多又入味肉骨茶 / 38藥材味重 飲完成個人暖晒黃金南瓜露 / 18清甜可口 好滑食落好舒服另外第一次食亞塔子 以為佢煙韌原來比較軟身 幾得意——————————————————推介度: 7.5/10——————————————————

叫咗酸菜魚同口水雞外賣拎果時都都d嚇親個酸菜魚極細夠辣唔夠酸d魚只夠兩個人食打開個口水雞仲驚個口水雞得6舊70幾蚊得6舊，10幾蚊一舊 ？ ？好似廚房偷食咁唔會再食第二次大把地方好食過佢

味道一般，冇咩驚喜！散叫嘅前菜偏細碟，所以都算貴。叫左個2人餐+幾個前菜同炒萵筍，3個人食左$900。環境ok 嘅～都坐得舒服，不過就唔夠店員，好似得3個人走勻全場。

最近香港好濕決定食下辣問幾個friend 都介紹我試試祥仔辣辣於是一一試試佢究竟如何招牌酸菜魚味道算比較清新難得有一點嘛可惜湯底有蓮藕個人不太喜歡整體來說給人一種魚和湯底是分開的感覺分開來說兩樣都還可以一合在一起有點格格不入招牌麻辣櫻花蝦撈丁視覺效果很好但吃的時候完全不覺得蛋的存在櫻花蝦的香氣和脆度算可以整體就一普通的撈丁吧要說優點就是份量很足飽肚孜然牛肉孜然味偏淡洋蔥與花椒的想起爸孜然都改過了總體來說試試就好

喺社交媒體見到個二人餐又好想食酸菜魚就黎試下，坐得舒服，唔會好迫。所有菜式都可以揀唔辣、微、中或大辣，怕辣得滯試吓微辣先個set有兩個頭盤1️⃣酸辣紅海蜇花 - 呢個完全無酸辣味，冇咩特別，開胃小菜2️⃣口水雞 - 呢個幾惹味，頭盤黎講份量唔細然後有4個signature dishes 3️⃣酸菜魚 - 食落都唔錯，但唔夠酸菜，有魚亦有少少骨，最正係d入曬味嘅大豆芽，正過d魚🤣4️⃣宮保蝦仁 - 個酸味唔錯，不過食唔到鮮蝦味5️⃣炒椰菜花 - 最簡單嘅菜式反而出奇地好食😋6️⃣呢個我真係一般，d肉好鞋，個皮有啲厚其實overall都唔差，微辣原來真係幾唔辣下🙈food story member discount成個set連加一都只係$460。最後仲有7️⃣ 甜品，我哋選擇takeaway。咁樣睇好多野食😆☕️ 讚讚個茶好好飲，回甘的，茶具好靚。黎飲杯茶傾下計係幾唔錯嘅😎