神虎麺商店

營業中

休息中

喺灣仔食中午真係好多時都要排隊呢間拉麵我見好多人排隊，所以就入去試吓滿心歡喜，叫個神虎精選拉麵、炸雞塊、日式餃子嚟到個湯都夠熱，但係味道好一般，湯底唔夠濃郁有啲淡，可能個人口味啦但係炸雞最容易控制最容易煮嘅嘢都炸得油冧冧，好明顯火唔夠大油溫唔夠熱，所以一咬落去件炸雞爆晒啲油出嚟😮‍💨日式神虎餃子正常，所以碗拉麵我都想食晒，但係冇食到放棄了，希望佢有改善啦，其實炸雞個味道係好味，但奈何真係好多油😭😭

首先，前菜係叫左芽菜，小食叫左炸雞，炸雞好食！炸粉唔厚，啲雞肉依然好多汁！仲另外叫多左個煎餃，香口得嚟入邊鎖到d汁 ，係好味嘅！拉麵，分別叫左兩碗，紅色叫赤虎，白色叫神虎。湯好濃，但又唔會太鹹！好出色！好好食！赤虎都唔算太辣，味道岩岩好👍🏻👍🏻

拉麵水準未見驚艷，要回頭就要看服務，但答案是🙅🏻‍♂️和友人兩點幾入座，點一個拉麵和一個叉燒飯，飯很快到，麵則等了廿分鐘。許多客都在等，不知廚房有什麼問題。入店前已check過店家落場收三點半，但15:10才上拉麵，大家都倒落去。店員已陸續清潔和落場，友人吃得慢成了最後一枱客，香港人其實都好識做，已經盡快食，阿姐此時印單催走！其實也不過快一兩分鐘，真係咁阻你..我地又唔係要嘆啡咁坐..雖然明，但附近咁多選擇，無下次。

今晚黎個拉麵夜•黑虎以黑蒜油拉麵做湯底濃濃既黑蒜爭香濃 加埋麵質唔硬唔軟 叉燒片林而入味 加埋手打丸同溏心蛋 成碗整體上都唔錯 •神虎精選以伊比利亞豬腩肉 肉質都係偏林加埋同黑虎一樣有既叉燒片手打丸同溏心蛋成碗好豐富 湯亦清而甜 黎到灣仔想食拉麵要黎食下🍜

呢幾日喺附近Staycation晚上突然想食拉麵就上Openrice睇下有咩餐廳又近又多好評.見有人評價話呢間d伊比利亞豬腩肉入口即溶即刻想試因為之前日本食過入口即溶嘅叉燒真係好正一直心思思想再食但香港都無遇過.行去餐廳期間途經附近餐廳幾乎無人偏偏得呢間拉麵要排隊當時都諗應該無揀錯.後來坐低就order左神虎精選拉麵 $135 x1 想試佢個伊比利亞豬蝦老虎拉麵 $103 x1炸蠔 $88 x1.炸蠔外脆內嫩唔錯唔錯.拉麵2款湯底都有試但掛住食唔記得影相.湯底方面蝦湯蝦味好濃，啱晒我重口味神虎都好好味不過食到底有d咸.配料方面伊比利亞豬腩肉味道好好雖然未至於入口即溶但都煮得好淋好好味.而d叉燒亦十分出色味道好又嫩又淋.豚肉丸我就麻麻地軟身唔彈牙可能食慣香港d肉丸始終prefer佢係彈牙但朋友就覺得唔錯.木耳係成塊上自己prefer切絲多d.整體黎講十分唔錯一定會再食

🌸神虎沾麵｜$122拉麵質地系屬於中等粗度，口感彈牙，麵身掛汁。沾麵湯一路食都keep到溫度唔會好快凍哂。兩块薄叉燒味道中規中矩，偏瘦，勝在夠大塊。沾麵湯不嬲都偏重口味～所以可能食到一半就會覺得‘漏’，佢哋會提供醋比你加入湯中和番油膩感。🌸赤虎精選 ｜$142中意食辣既一定系叫赤虎！強烈建議食呢度既拉麵既話一定要食精選～精選既配料豐富好多。當中既伊比利亞豬腩肉極奇出色！肥膏佔7成瘦肉佔3成，入口即溶，滿滿既油脂感，超幸福。兩粒肉丸好juicy～🌸炸雞塊｜$55雞塊好大塊，外皮脆卜卜，一咬開就有汁流出黎，完全唔乾身！雞肉滑嫩唔會鞋。

拉麵在香港對好多思鄉病的香港人，可以話係一解思鄉之苦。隨著有利可圖眾多商人爭先開店，拉麵店質素參差不一，有好多標榜自己正宗口味，但材料、調味、成本、師傅經驗、客人口味，令到好多拉麵香港化。點為止一碗正宗拉麵？坦白講不知道🫡。點為止一碗好吃的拉麵？呢個就易點😂。 今次就首次試左呢間灣仔三大排長龍拉麵之一，麵味道質素都可以，但個人口味覺得小食比拉麵更加出色，炸雞同魚餃無得輸。嗯～或者佢係一間炸雞店😐。 神虎精選拉麵：精選有齊伊比阿豬腩肉、豚肉丸、叉燒、糖心蛋、味筍、木耳、洋蔥絲。豬腩肉的肉質柔軟，但豬騷味重，少許影響到整碗拉麵的質素。拉麵偏粗身，掛湯可以，湯汁濃味。豚肉丸淋身，有少許豬軟骨在內，缺乏少許結實。木耳如果切埋絲會好點，其他都正合格。 神虎餃子：size比一般拉麵店大，juice。 炸雞塊：出色之作，炸粉薄，外脆內嫩，雞肉滑唔鞋口，肉汁多，份量亦十足，可以講係入店必點之作。 炸魚鮫：同樣出色，為限定餐單，食唔食到要講緣份。香脆肉質滑嫩，每啖充滿魚油甘香，少食魚的我徹底迷上，火喉生熟控制得剛好，調味以七味粉等香料為主。

樓面員工做野無咩效率，高大啲嗰個廚師揗嚟揗去，唔知佢負責乜；另一個就好忙，淥麵切肉一腳踢。6:45落好單，7:10先有得食，未見過拉麵店可以咁慢。終於有得食啦，湯好，但唔係話有驚喜嗰隻。麵無得選軟硬度，個人認為比較軟。叉燒沒有upgrade，非常靭。湯好，但未有回頭的必要。

趁開會前快食個lunch，好多時夜晚經過呢間拉麵店🍜都排晒長龍，所以趁3點後無咩人即刻試吓😁🍜神虎精選一碗有齊豚腩肉、叉燒、豚肉丸、溏心蛋🥚、味付筍、木耳…湯底好夠味，濃而不膩，豚腩肉好嫩，完全唔鞋口，溏心蛋都恰到好處，我好欣賞佢嘅豚肉丸，好彈牙，仲要有2粒，一碗已經好夠飽👍🏼🍜黑虎精選同事叫呢個，配料係一樣，只係湯底加咗黑蒜油，但我反而一般，個人口味問題，我唔太鍾意入口有油膩嘅感覺，只可以怪佢太足料喇😎🦪吉列蠔叫個小食share，呢個夠晒脆口，炸得好乾身，如果可以叫杯酒送吓真係一流😝店員都好nice，整體感覺唔錯，不過要提一提呢度只收現金，去食之前要撳定錢呀😝

我未夠12點就去到，得一個阿姐做侍應，根本冇乜客人，但係佢好似完全應付唔到。比點餐紙佢，佢好似覺得我煩咁。上拉麵嚟嘅時候，竟然掂我個膊頭，叫我謝開。對其他客人亦都好冇禮貌，講嘢大大聲。拉麵普普通通，略嫌肥膩。返到屋企非常口渴，可能有味精。盛惠百幾蚊，俾錢買難受。

其實幾年前食過一次，覺得冇乜特別，但身邊一直有朋友食，又話好好食，所以決定俾多次機會，試多次😂1️⃣赤虎今晚凍凍地，又鍾意食辣，所以就叫個辣味拉麵試下先。2️⃣海老虎香港限定嘅蝦味，湯底仲有櫻花蝦拉麵overall：湯底濃度：⭐️⭐️⭐️⭐️拉麵硬度：⭐️⭐️⭐️⭐️**Menu係冇得圈架，會按照師傅手勢比你其實咁先好，真正試到師傅嘅味道3️⃣炸雞戲肉終於到，冇諗過有咁好食嘅炸雞即叫即炸，超薄炸粉，雞肉超嫩滑，就咁睇個樣真係睇唔出😂正😍😍

因為分店兩間都在推出限定醬油白湯以雞骨作為主要湯底 添上少許醬油湯有少許醬油香湯底質地偏濃稠 順滑的質感廚房會先把表面打成奶泡狀 綿密感增強麵條細麵 掛湯能力不錯雞蛋也呈流心狀 以往水準相若但配合奶感十足的湯頭 更有協調感覺有兩塊雞肉 肉質嫩滑 相信是雞腿肉部份 有相當厚度慢煮叉燒 偏厚但有少少韌性對比下有少許失色神虎精選豐富擺盤 已經令人賞心悅目濃郁豚骨湯頭 沒有奶泡表面依然有綿密感很多的蛋白膠原 細蘊在湯肉有此油脂浮原 真的香肥厚的腩肉 慢煮豚叉燒 嫩度有對比不過豚味也充斥着自家豬肉丸子 也是特色之一筍和木耳有解膩之用 帶出爽度兩款湯頭各有千秋 但濃郁度和香氣都有選擇在於豚骨或雞隻簡單的豆芽菜 帶辛辣味可以刺激味蕾 值得一試

見到評分咁高便想試試，吃後覺得品質與價錢不符，拉麵碗湯係最重要，可惜湯味偏鹹，吃不出材料的味道，有點失望。肉丸有D驚喜，好好似好少有見其它拉麵店有呢種肉丸。其它食材亦算中規中矩。

📍神虎麵商店 𝑲𝒂𝒎𝒊𝒕𝒐𝒓𝒂 𝑻𝒐𝒏𝒌𝒐𝒕𝒔𝒖🧭 灣仔大王東街6-16號安東大廈地舖💰人均消費: HKD117繼續拉麵癮起，今次試下 #神虎麵商店 @kamitora_tonkotsu ⭐️ 神虎 $103 𝑲𝒂𝒎𝒊𝒕𝒐𝒓𝒂 𝑹𝒂𝒎𝒐𝒏 湯底唔算超濃，少少厚，食得出熬左好耐，十分掛湯，加埋洋蔥絲同蔥好好味！麵好香，口感好好，同個湯好夾！流心蛋好好味，蛋黃醬勁香甜，叉燒可以，但唔算太特別！豚肉丸麻麻地，口感散！木耳同筍都好爽，如果覺得膩，食啲木耳好解膩整體唔錯，下次再試其他 ✅#MFJ灣仔 #MFJ日本菜 #mfoodjournal #foodie #hkfoodie #foodblog #hkfoodblog #japanesefood #japanesecuisine #ramen #noodles #japanesenoodles #相機食先 #灣仔美食 #日本菜 #拉麵

神虎麺商店地址 : 灣仔大王東街6-16號安東大廈地舖作為港島美食集中地之一，當然有唔少出名嘅日式拉麵店進注啦😌，呢間「神虎麵商店」見到佢係OP排首幾位，當然要去try try 啦🤩~海老虎 Shrimp Miso Ramen 🍜 $98識叫一定會叫餐廳推介，蝦湯味噌湯底好濃郁啖啖都有好香嘅蝦味😍，係精華呀~拉麺面上舖滿滿櫻花蝦作為點綴，而且叉燒🐷肉質鮮嫩非常有彈性，不錯，加上拉麵仲會配上手打肉丸; 雲耳; 竹筍同糖心蛋，真係好豐富食到好飽好滿足😙。神虎餃子🥟$45神虎餃子味道正正常常，只係比其他拉麵店大隻多少少😋~