神戶屋日韓放題

營業中

休息中

一大班friend約星期五晚7:30pm食，收209加一。地方尚細，通道有時擠逼，有時去領飲品同去廁所要經重重難關。刺身盤尚可，班friend鐘意佢地D三文魚刺魚，其他食品average，如果芝士生蠔D蠔大隻D同焗得耐D就好啦。好在間野有啤酒

識左成十年的一班老朋友，今晚就腳去左兆萬食放題，一去到餐廳好full, 要係平日去食都要早D訂檯一入到餐廳坐位寬敞，餐廳設有Wi-Fi上網，充電設備提供呢！食物首選係剌身拼盤有大大件三文魚，日本空運到港海膽，北寄貝，甜蝦等，非常新鮮，我地不停追加鍋物我地點叫雪花肥牛鍋呢個鍋非常足料，除左頂級肥牛，還有金菇和生菜，湯底選用燒汁味湯呢炸物有款係餐廳首創香蕉朱古力炸脆條，呢款係特式，裏面原條香蕉，玩味之選飲品同甜品都以韓國為主打，成個櫃任拎呢，下次會再考慮同fd 聚舊慶生日😊

其實一食放題或自助餐，我通常都蝕底，因為喂雞仔胃，食唔到幾多野。首先一開始就即刻點了個日式壽喜燒，雖然麻雀雖小，但五臟俱全，都有幾塊大牛肉，伴生蛋黃進食，但我拖左好耐先食，所以塊牛肉偏老，但口感都幾好，唔會話好大雪味，起碼一過口癮了！吃日式放題走不了海產刺身，都是叫了常見的三文魚、北寄貝、甜蝦、帶子，中規中矩同一般放題餐廳差不多啦。不過首次嚐了厚燒玉子刺身，原來係甜甜地，口感好特別比較腍，同想像中平時食開既蛋好唔同，其實都可以做甜品既哈哈，呢個推介！另外佢仲有泰式生蝦刺身，但依家有d後悔無點到試下。熟食就叫炸蝦天婦羅，都幾大隻，鬆脆金黃。鐵板一口和牛粒炒得幾好，有d似中式既炒牛柳粒，都幾好味。芝麻雞翼就一般般啦，普通炸雞翼咁，食不出芝麻味。榴連炸彈幾好食，幾香榴連味，同炸得剛剛好，不會厚粉。特別推介迷你炸雪糕，這個比較少見，傳說中的冰火兩重天，但敏感牙齒請注意。記得留返個肚食雪條，呢隻韓國雪條幾好食，幾有果味又creamy!

相約朋友到前的一間放題，這間放題位於旺角，非常近一來到就是以韓式風味的前菜為主打，特別在於一般放題沒有小食，而這間歺廳係精選韓式呢！刺身的確係新鮮，三文魚，大蝦，長蟹柳，北寄貝，甜蛋，海膽，好大盤，賣相非常吸引鰻魚壽司不得了，一口饅魚不會太膩，細口咀嚼細味非凡芝士焗帶子，這個是非常特式，芝士裡面有火腿同粟米，帶子大大粒非常鮮甜，入味香濃，要趁熱食，熱烘烘才滋味難忘芝士煱大甜蝦，非常鮮甜上菜以錫紙keep 住溫度進食係好味好多，泰式風味呢

今日朋友生日，佢又想食放題於是去左旺角神户屋試下，因為之前同事食過都唔錯所以今次去試下，一去到待應服務態度好好，解釋有乜野點食我地4個人點會放過魚生丫，食落好正好新鮮，海膽無聲未，上枱攞得好靚，真似好唔捨得想食我地叫左海膽，三文魚腩，生蝦，油甘魚，生蠔，帶子，泰式山蝦等第一輪食完我地就叫左d熟食試下鹽燒大蝦，食落唔錯燒得岩岩好👍🏻我朋友就叫左冰鎮菠蘿同沙律食下，個菠蘿超甜超好食搞到我後尾都叫左多碟黎食下😅😅😅壽司食得多，今次第一次是火焰蟹柳壽司，食落幾得意幾特別😊由放叫左好多野食，食食下都不經不覺食左個幾中，食埋雪糕就埋單走人，每人都係百幾蚊，都唔係好貴

兆萬好多放題選擇 今日行旺角想食放題就嚟神戶屋試下啦 入到嚟個裝修好舒服 主要以綠色為主 座位都好闊落。一坐低我地就嗌左刺身，刺身選擇有好多，我地每樣都嗌左嚟試 有三文魚、甜蝦、帶子等等之外。仲有角螺、生蠔、泰式生蝦同松葉蟹鉗。呢啲其他放題好少有既刺身，放題嚟講都算新鮮。茶碗蒸蛋--蒸得夠滑，入邊有蔥，冬菇同蜆肉。好鮮味。芝麻雞翼--即炸熱辣辣，唔會太油同厚粉，都好入味。雞肉都好嫩。鐵板紐西蘭羊架--唔會好重羊騷味 食落去香料味好香，唔會烤得太老。芝士部隊鍋--平時都幾好辣，呢個湯底夠辣，啲配料索晒啲湯。好夠味同辣！入邊有唔同既茹類、豆腐、腸仔、午餐肉等等。火炙三文魚腩壽司--呢個幾好食 算係幾驚喜，上面有沙律醬。魚腩唔會太肥都燒得好香 。韓國薯仔蝦--個皮食落有d薯片既味道入邊包住隻蝦飲品同甜品既選擇都足夠 下次想食放題都會再嚟食

呢到好寬敞好舒適，我地雖然兩個人去食，冇好似成班人去有大枱坐，但係佢地俾我地張枱依然夠大，放得曬我地叫既野食一去到我地就叫咗甜品--迷你心太軟，一咬落去，熱辣辣既朱古力醬喺口裏面流曬出黎，又滑又可口，拍得上甜品鋪叫既心太軟另外，我地仲叫咗個牛油果軟殻蟹壽司同芝士鰻魚壽司。牛油果好香，軟殼蟹又好脆，佢地放埋一齊咁食好夾芝士鹹鹹地加上甜甜地既鰻魚汁食起黎味道都好和諧見呢到啲壽司咁好味，我地再叫火炎芝士三文魚腩壽司、炎燒赤海蝦壽司同芝士熟蝦壽司。三文魚腩壽司超好味，啲魚油流曬落啲飯到，好軟好香！蝦都好彈牙，好爽口去放題點少得刺生！哇，真係要讚下呢到既生蠔，好鮮甜，唔會話有海水好鹹，又冇沙，準備得好好帆立貝又大隻又甜又爽口！總括而言，呢間放題好抵食，我一定會推介俾我其他朋友黎

今次見到呢間餐廳有日式又有韓式嘅放題，而且晚市黎講價錢唔貴，所以決定入去一試。一入去就見到好多飲品選擇，紙包同罐裝都有，而且仲有韓式可樂揀添!我地兩個人食就可以有一個部隊鍋，個湯底芝士味濃郁而且帶點辣味，食極都好開胃喲~~呢個刺身真係好多種類，每樣都四塊以上，剩係計蝦都有三種，仲有三文魚， 希靈魚，鮑魚，生蠔...全部刺身都好鮮甜，個生蠔帶點海水味但係一d都唔腥!我地特登叫咗d特別嘅壽司食，有軟殼蟹有炸蝦有芝士燒三文魚...賣相已經好吸引，食落去好有層次感，壽司飯嘅軟硬度適中，加埋醬汁可以話係完美我地之後仲叫咗好多好多野，我最欣賞嘅就係有芝士嘅野，有芝士焗蠔，芝士焗元貝，仲有芝士焗開邊蝦，d野食一黎到我已經聞到濃濃嘅芝士味，望落去就已經好想食，食落去d芝士一d都唔油膩仲好香，而且唔蘇添😋甜品有奶凍同雪糕等等，職員見到我地係情侶仲送咗朱古力macaron，外脆內軟仲有好濃嘅朱古力味，可以話為呢餐放題畫上完美嘅句號!餐廳環境方面，座位都好寬敞好舒服，兩個人可以坐到兩張枱，好多碟野食都擺得晒。今次兩個鐘放題可以話係好充足，因為d野食黎得好快，以我地普通嘅食野速度，未到兩個鐘已經差唔多飽嚕~職

放題成日漏單都算，d北寄貝食入口有沙的！野飲少選擇，啤酒得一隻；雞湯清到加左成碗水！無肉無料淡無無～ 位置坐得好迫，未入到去已經係門口塞爆，入到去位與位間太迫，7人坐6人位，無地方放袋子，地下清潔有欠乾淨

第一次嘅食評就獻咗畀神戶屋，因為實在太差， 初時因為見openrice極多好評， 就嚟試一試，點知非常失望!首先訂座送嘅海膽，18:45入座已經無哂，話無送到貨， 逼我要生蠔， 但係我唔食嘅，唯有讓另外兩位朋友食，但係生蠔唔新鮮 ，食完今天有位朋友仲肚痛及肚疴添沙律同刺身都係室溫， 感覺唔新鮮!人參雞湯冇人參及雞味， 炸物等咗好耐都未嚟， 第一次食放題係喺度食曬等嘢上，仲係超過兩次， 搞到要去甜品櫃食甜品先! 但係甜品都冇乜好選擇焗蠔搵唔到隻蠔，因為太細隻， 焗扇貝都係又細又唔新鮮， 芝士焗開邊蝦， 係一隻熟嘅蝦放塊芝士既面， 再焗一焗就上枱可能因為座位問題， 我清楚見到廚房又濕又亂， 啲員工喺廚房好嘈， 都唔知想點Last order之後，D食物等極都唔上， 有個靚仔哥哥幫我地跟進咗幾次先至到! 搞到過咗交枱時間， 我哋唯有急急食完就走!我們一行3人昨晚食完後，到現在仲係非常口渴!!!總之冇下次，完。

見好耐無同男朋友食放題，今日就畀佢放下監啦xd係openrice碌左好耐，見呢間d評價唔錯，就諗住黎試下。呢度d野食算多款，我地差唔多樣樣試下。首先當然係刺身壽司類！刺身除左帶子好霉之外，其他都係正常質素。當然你唔好期待放題會有極高質刺身啦，但整體黎講都可接受既。至於熟食，我覺得佢d食材係對得住個價錢的，但我同男朋友都覺得大部分食物偏鹹，比較濃味，浪費左d食材😢 而且炸物太油，滴出黎咁滯，好可惜。反而甜品方面有小驚喜，叫左個心太軟，但其實係唔軟既🙈 不過個味道好好呀！好濃的朱古力味，又唔會過甜，好想食多幾舊😋值得一提既係，呢度d人服務態度好好！見住佢地雖然好忙，但完全無黑面無扮睇你唔到，相反重會主動問你d野黎齊未，有無野要幫你👍🏻👍🏻總括黎講，我覺得呢間係可以一試，但就無其他食評講得咁好。記住要叫燒菠蘿同心太軟！openrice訂位有優惠，大家記得訂位先

朋友為我慶生，我就是但見招牌廣告揀咗呢間。唔知點解同樣係兩個人位，會比排我後面嘅2個人入先，都算。唔夠人手，我明，所以我都自己將啲碟放去污盤度，我估無幾多客會好似我咁呱？但係我入三次紙，次次都有一半嘢無嚟。。。仲等到火滾先嚟一碟仔，完全唔係路！食物質素呢？一個字: 差！我最後要食佢12粒雪米糕塞飽自己！我從未食過咁差勁嘅放題，真係無下次！唯一可取嘅係服務生無論男女都態度好好，除咗收錢嗰個疑似老闆娘。我唔明一大堆好評係點嚟嘅，所以決定登入講事實！

老老實實，講起日式放題，通常都唔會有好好嘅經歷。食物質素奇差係大眾經歷。網上見到神戶屋好多好評，所以就試吓啦，點知質素真係唔錯。好彩有訂枱，未夠七點，已經座無虛席。一坐低就點左刺身拼盤，我哋喺網上訂座仲會送生蠔/海膽。不得了，一共13種刺身，全部都高質。先講，海膽，唔腥好甜。幾款甜蝦都好新鮮，生蠔都鮮，唔似係開左擺左好耐果隻。貴價海鮮仲有帶子，象拔蚌，北海道海螺刺身，松葉蟹棒，一個字講晒，以放題來講超有水準。其實我唔係食到好多野所以食放題都會針對性食啲貴同埋自己鍾意食嘅嘢。我發現呢度都幾多海鮮揀喎，除咗啱啱刺身之外，仲有炸蠔，焗蠔，炸大蝦，燒扇貝，燒開邊蝦。（因為呢度只可放12張相我只可選擇性upload)好啦！唔想每款食物講，大路食物你都唔使我講啦！所以我只會將一啲，我覺得特別的食物又或者好有驚喜喺度同大家分享。蝦肉秋葵我自己就未喺其他放題入邊食過呢味菜，蝦滑好滑，釀喺秋葵便攞去炸，香香脆脆唔係太油，好食。豉椒魷魚，我哋兩個人都俾咁大碟出嚟，果汁有啲泰式辣醬感覺，勁惹味！有一種食物特別需要講，就係壽司。本身對所有放題入邊嘅壽司都唔會有太大期望，但呢度嘅壽司係拍得住元X壽司的！真係堅好

同事生日想食放題，時下年青人唔係打邊爐就韓燒，唔係韓燒就放題啦，即刻search下openrice有咩好食，有成247個哈哈笑，就呢間啦！我地book左18:30，黎到已經好多人，入座率100%！先叫左麵豉湯，一口豆腐是常識吧？不過不失。入座送火鍋，我當然是揀壽喜燒肥牛鍋，配料很多，送既都咁足料！肥牛肉與雪花參半，不太靭，鍋內有金菇，菜，豆腐，全部都好入味，湯底夠味功勞最大！壽喜燒偏向甜味較大！韓國五花腩串，之前係韓國食過一次，回味無窮，呢串五花腩肥瘦適中，仲有啲椒鹽味，好惹味！未食時覺得佢會好硬，但都唔係，屬於軟身。韓式雞軟骨，究竟同平日的有咩唔同？呢串雞軟骨除左有平日的七味粉味之外，仲有少許泡菜味，製作認真，都幾特別。一口和牛粒，和牛好林，唔需要咀嚼太耐，個feel有點似中式牛柳粒。壽司當然都係必叫架啦，先叫左啲普通壽司，花之戀絕對係可以叫完又叫，三文魚切得肥美，緊緊咁包住件壽司，連埋面頭的蟹籽同沙律醬，一咬開既時候，三文魚同沙律醬交溶既味道好好味，仲有增加口感既蟹籽！火灸壽司比起普通壽司好味，火灸三文魚融既程度剛好，又唔會即融，保留左少少咬口，入口已經咬到三文魚味再而融化，味道岩

又黎到食放題嘅時候啦，同朋友一早book定左位，所以就有海膽送，而且份量都唔少添。海膽食落都幾鮮甜，好味道，食完海膽咁就開始食刺身我哋每樣刺身都叫咗啲，最令我驚喜嘅就係佢嘅三文魚，好肥美同新鮮，每一舊都係好厚架，另外仲有帶子同埋其他刺身，帶子都大大粒之後就開始食啲熟食啦，叫咗個焗蠔同埋焗帶子，上邊鋪左啲芝士同埋其他配料，好惹味，我哋仲一人食咗幾隻添，本身以為焗嘅依啲海鮮會好細粒啦，但係佢嘅份量都OK架火炙三文魚，有入口即溶嘅感覺，而且舊飯都唔會太大炸物都有幾多選擇，我哋就每款天婦羅都叫左少少黎試，粉漿唔會話太厚。炸蠔都做到好鬆脆，唔會話太油膩再嚟一個牛肉鍋，勁足料呀，大大舊牛肉，湯底偏少少甜，啱晒我口味