神戶屋日韓放題

營業中

休息中

夏日炎炎，相約朋友去旺角逛街，他們跟我説旺角有一間平民價錢又十分好吃的放題地方，於是就跟他們到了兆萬8樓一家神戶屋，到步後，店內十分多客人，座無虛席，肯好朋友已留座，不然要等很長時間。入座後，一般點紙都是刺生、壽司、熟食等。刺生拼盤，一般都是三文魚、角螺、鮑片、北寄貝等等，但是很少地方有得吃蟹鉗及象拔蚌刺生，十分落本，味道很鮮甜，沒有雪藏味，值得推薦。生蠔當然是另一主打的食品，雖然要額外收費但是蠔十分鮮甜，沒有細沙石以及其他物質，本人喜歡用檸檬作調味;另外芝士焗生蠔都是必點之一，喜歡吃蠔必點喔。和牛火鍋是另一推薦食物，湯底用上味噌湯配上什菜，當然主打是牛肉，肉質一流，吃下去吃不岀有雪藏的味道，什菜吸收牛肉的味道，果然真的不得了。日式天婦羅即叫即炸，有別於其他店舖預先炸好，上台時油脂不多，十分落功夫。熟食是最考功夫的一環，此店的師傅十分有水準，譬如一口牛，口感一流，很容易吃下，有別於其他店舖。一人平均約200元左右，這個價錢值得再次回來吃。

冇嚟差不多一年,今晚再嚟食居然有驚喜!店員有禮,座位舒適,刺身食材新鲜,我推介有頭甜虾及象拔蚌!炸物脆酱夠薄唔油腻又夠熱,鷄軟骨配清酒一绝(每位加$40可任食清/梅酒)

今日得閒就約朋友嚟到兆萬中心呢間神戶屋試下因為我哋訂咗位嘅關係所以佢有三選一嘅優惠每人分別可以揀生蠔，海膽或者韓國雪條其中一樣。雖然唔係十分鐘意食海膽，但難得免費就梗係要試下佢！食放題首先要回本先嘛！飲品係出邊雪櫃自己攞嘅估唔到有呢隻最新出嘅 plus可樂，減慢脂肪吸收啱晒食放題呀。值得一提嘅係依度係有玩首輪刺身呢樣嘢嘅，雖然紙仔上面嘅食物同普通嘅完全一模一樣，但點算都有介紹過係會”靚仔”啲嘅！驟眼所見唔單只係靚仔啲而且份量都仲好足同埋好快黎到！始終啱啱坐低第一輪嘢食就梗係越快黎到越好㗎喇！抵讚！見到刺身每樣都好新鮮，唔會有未解凍嘅情況出現，推薦大粒帶子刺身，其他同價位放題店係少有既！燒牛舌，焗蠔，焗等等都會用一個錫紙兜裝住一份一份咁，味道不錯，尤其係燒牛舌淋得黎仲有d爽口，Encore咗幾次。燒羊扒好大份有少少騷味幾好食！可以配佢個薄荷沙律醬一齊食更加fresh,講真食羊但又唔鐘意啲騷味嘅咁不如食牛肉啦！呢個茶碗蒸就比較普通同埋可能落得太多麻油感覺有啲似中式嘅蒸水蛋多過日式嘅茶碗蒸，有進步嘅空間。應該叫左幾件平時食放題好少食嘅壽司，好彩佢嘅壽司比較細件食多兩件都唔會太飽好似呢件芝士鰻

我和先生經常到旺角，見到旺角眾多的美食，我們已一早將神戶屋日韓放題放在首選，今日終於有時間，可以一嚐神戶屋日韓放題。神戶屋位於旺角兆萬，旺角最旺的地段。座位都是整齊的卡位，餐廳內充滿著日本的情調。放題任食任飲。$229/位。加一服務。真是十分期待哦。我和先生都非常喜歡食刺身，當然首先點刺身了。刺身上埸啦，嘩，刺身顏色非常亮麗。粉紅色的甜蝦，見到已令人垂涎欲滴。粉紅帶白相間的三文魚入口香濃，嫩嫩滑滑，點上鼓油介辣，更增三文魚的鮮味。還有我最喜歡的海膽，嘩，一整排的海膽，見到已令我歡欣雀躍，海膽香濃滿口，真是十分推薦哦。鮮魷十分爽口。鮑魚片帶著少少𡁻口，十分清甜。北寄貝夠爽口，味清甜。蟹柳滿透著的粉紅，真是一見已愛上，入口已覺鮮甜滿口腔。韓式料理的韓國人參雞湯。是女士們的至愛，人參及雞的味道非常濃郁。鐵板紐西蘭羊架。羊架十分大件，十分入味香濃，平時食扒餐羊架一般保守金額都需$80-$150。真是食2件已值回票價啦。非常推薦這個羊架哦。黃金芝士燒廣島蠔。芝士的焦香味令廣島蠔更加惹味。天婦羅，日式串燒，清新鮮甜的刺身，火炙壽司，黑鬆露壽司，迷你手捲，手提壽司軍艦，韓國料理，韓式炸物，日本和食，

今日來到旺角，抬頭見到兆萬中心外面的招牌廣告，日式放題，日韓放題，嘩，真是太多選擇了，有㸃花多眼亂呢。最後與先生決定食神戶屋日韓放題。神戶屋座位都是整齊的卡位，非常寛敞整潔。湖水藍𤔡主調。任食刺身，壽司韓國料理，韓式炸物，日本和食，一品料理，唐楊炸物........等，十多款飲品，任食任飲。$252/位。真是見到已令我垂涎欲滴啦。其中最推薦的有:刺身拼盤。顏色非常亮麗吸引，見到也令人垂涎欲滴，十分鮮甜又香口的三文魚嫩嫩滑滑，有甜蝦，鮑魚片，鮮魷十分爽口，還有鮮甜的蟹柳，新鮮爽甜的北寄貝，及有我最喜歡的柔軟甘香的海膽。鐵板紐西蘭羊架。羊架大大件，煎到金金黃黃的顏色，見到已令人垂涎三尺，帶著羊特濃的香，滋補又惹味。韓國人參雞湯。奶白的人參雞湯，非常足料，人參及雞的味道令湯十分清甜滋補。蟹子軍艦。點上日本介辣，蟹子卜卜脆，與煙煙韌韌的飯斉食，口感味道都正呀。嘩，放題 任飲任食真是太令人興奮了，與先生都食得非常飽，盡興而歸。

今日約左朋友出旺角食放題, 朋友揀左依間叫神戶屋嘅餐廳, 話之前食過ok, 特別係刺身, 咁我當然要試一試啦！咁啱我地做嘢嘅地方離依度唔遠, 所以我地趕得切食頭場, 可以揀佢嘅特價時段食!上到餐廳, 侍應就安排我地坐左係近門口窗邊既卡位。 見一切準備就緒, 係時候開始戰鬥了!快速剔完第一疊點餐紙之後, 我地就飲下嘢吹下水咁等, 唔駛五分鐘, 頭盤刺身就上場啦！ 先講三文魚, 真係必食之選, 厚切且見得到係魚腩位, 直情係睇見都流口水果隻! 跟住試帶子, 大大粒, 食落鮮甜肥美。蝦就真係有好多款揀, 不過我個人就鍾情甜蝦多啲, 因為又好食又方便。 其他刺身都唔錯, 我同朋友都有再追加。仲有要提一提係依度食係有海膽刺身送架,  所以記得落order呀!食完刺身, 再轉戰壽司, 當然火灸三文魚係必食之選, 好juicy。另外我哋點左蔥吞拿同芥末八爪魚壽司, 兩隻都好好食, 如果唔係要留肚食其他嘢, 我真係會再追加都似。之後都有叫左其他回本嘢, 包括焗芝士大蝦, 炸天婦羅蝦, 兩隻都係邪惡之物, 女士食之前要諗下。覺得太滯嘅話, 可以試下有泰菜feel嘅飛天通菜, 另外有茶碗蒸蛋同冷麵都係唔錯

之前訂了位，不用等就立刻安排到位置，安排得好好，因為好多食店訂了位，也要等，安排好差的只看環境都很優美，竟然有好多卡位，相信每個人到餐廳都喜歡選卡位，感到好舒服，裝修也好特別，員工的服務態度很好，wifi竟然是快速，一邊玩一邊食都無問題首先當然是食刺身，有很多種類，我們只選擇了其中一半，特別喜歡象拔蚌、螺肉及鮑片，好有驚喜，好鮮甜好煙韌其次，天婦羅，特別要一提，冬菇口感好特別，外脆內軟，D汁仲要好鮮甜然後，想說說熟食，種類很多，其中不得不提就是雞翼，不嬲都喜歡吃雞翼但這個必食，雞全翼已經少見，雞翼內外都好甜，醬料配搭恰到好處，口感又好正好好味，難而用文字形容，總知一定要試！最後，想說野食多到不夠時間影，圖中只是其中的相片，我們仲有好多未試

今次我同朋友一行兩個人，見有啲肚餓，決定食放題食到飽。黎到兆萬中心樓下，都未決定食邊間就有好多放題店職員派傳單。攞起手見到呢間神戶屋比較多款式而且又係日韓主題，所以決定幫襯。上到8樓唔算非常多人，可能係平日嘅關係，等咗幾分鐘就入座啦。座位寬闊，啱啱有個卡位，坐落幾舒服。環境方面，比較寧靜，可以同朋友傾計，私隱度高。畀個 menu大家睇睇。見到有十款，包括火鍋等等，另外每一枱送壽喜燒或者部隊鍋，算係surprise，因為甚少有火鍋店有得食部隊鍋。 1) 刺身三文魚 (⭐⭐⭐⭐⭐)首先當然要介紹刺身，身為三文魚同埋甜蝦迷，去親放題店都係第一時間食呢兩樣。呢間餐廳冇令我失望，三文魚新鮮，大大塊，色澤吸引。 至於蝦嘅款式都幾多，有甜蝦、泰式生蝦、巨蝦等等，味道鮮甜爽口，刺身賣相吸引，打卡一流。2) 黑松露壽司 (⭐⭐⭐⭐⭐)云云壽司之中見到黑松露壽司最特別，於是清一色叫黑松露壽司。黑松露壽司可以揀配蝦、三文魚或者帶子等等，每款點咗兩件。壽司唔會一夾起黎啲飯就分開。3) 炸物 (⭐⭐⭐⭐⭐)海老天婦羅永遠都係我嘅至愛，炸得嚟唔會好油膩，感覺相對出面食到嘅健康。另外有幾款都值得推介嘅，包括吉烈蝦、

食放題真心講句真係最鍾意神戶屋日韓放題，可能自己比較鍾意食日本嘢同埋韓國嘢 ，呢間就可以完全滿足曬我兩個願望 ，佢除咗係放題之外，亦都可以打邊爐，絕對係一舉三得。 我次次都會叫部隊鍋然後再加打邊爐嘅配料。食放題梗係唔少得食三文魚啦，呢度嘅三文魚係俾魚腩位你， 三文魚腩好肥美啖啖肉，仲要厚切添，咁樣價錢咁高質素都唔知可以去邊度搵。個蒸蛋以為會平平無奇 ，但係估唔到非常滑，蒸蛋好似好易，但係蒸得好食真係好考功夫，估唔到放題都可以食到咁好食嘅蒸蛋。鰻魚炒飯亦係令到我好surprise ，以為佢會炒得好hea,得一兩粒鰻魚 估唔到佢個飯炒得好入味,仲要好多鰻魚 ，一啲都唔孤寒，上邊仲淋咗鰻魚汁， 估唔到連個炒飯都咁有質素。

為左慶祝母親節，臨急臨忙搵有得訂位既放題或者自助餐，雖然早左一個星期，但選擇都唔多，已經唔期望有咩優惠，但求時間地方價錢合理，最後揀左兆萬呢間放題，時間未俾人book哂。confirm booking既時候，店家話價錢會有調整，心諗唔過份都算，反正當初都唔知收幾錢，open rice從來都冇實價睇,全部估估下，所以算吧啦。到左當日，到左等幾分鐘都好快安排到坐位，地方淺窄不過坐得唔算辛苦，食物種類應有既都有得揀，唯一想提係有真正細隻甜蝦食，出面有啲店唔知點解搵啲大蝦叫甜蝦咁俾人，完全唔係我想要，所以呢個位我係開心既，除左熟食同刺身，有火鍋俾人揀，算係咁，另外每位有海膽或生蠔一客，最後俾錢兩個人5百4十，拎埋支韓國雪條走，完成整個母親節。最後想講，如果點左野食冇到，記住捉住經理問，因為太忙了

6月18日 訂了位 7:45pm 4位7:35分上到去已經好多人 我既booking前面仲有3張枱未入去，等左15分鐘 都未有位就問員工，就話等多陣有人埋緊單等多15分鐘 有一班walk in既8人行員工放左walk in 8人入去 我就問點解吾比有booking 既入？員工表示係一張大枱，但個前題係員工可以問地介吾介意share table？（我吾介意share 因為星期五預左忙）我再問要等幾耐？其實book位有咩意思？員工答我 確實等幾耐答我吾到，最少都15分鐘 人流管制同時間控制咁差 都應該好快接埋嫁啦

日式放題就食得多，但係日式加韓式放題我就未試過。有一個鍾意食韓國野嘅朋友就帶我幫襯呢間放題。餐廳位於旺角中心地鐵站出口行五分鐘，十分方便。好彩有預先訂位，等大概十分鐘就有卡位坐喇！喺等緊嘅時候，侍應好貼心咁準備一疊訂好嘅菜單，咁我哋可以一路等，一路望吓有咩嘢食，真係望到都流晒口水。原來讚好Facebook 同instagram 專頁會有生蠔或者海膽送。我哋當然唔會執輸啦但係如果想encore，就要再加錢㗎啦！食得放題，就梗係要食刺身啦，提供多款刺身，連蝦都有成四款選擇。我對呢個咁靚嘅刺身掛住影相，都唔記得咗食野。我最鍾意就係三文魚，新鮮得嚟有口感，生蠔充滿海水味，海膽尚算新鮮，唔會有苦味。另外我哋仲叫咗好多天婦羅同炸物，全部食物新鮮炸起，熱辣辣，個人最推介海老天婦羅同炸雞翼！另外餐廳亦提供咗唔少韓國料理。我哋就做咗好少食頭都係買少少泡菜嘅辣味，唔錯唔錯。食咗咁多野，當然要飲野解渴啦！最正嘅係佢新出加咗膳食纖維的零系可樂都有，即刻覺得食多咗都唔會肥。另外餐廳提供壽喜燒或者部隊鍋，但係我哋實在食得太飽喇，下次再幫襯一定會試下！

餐廳地理位置佳，喺旺角區兆萬樓上，非常方便，但注意係3樓再上升降機的，整體服務員服務態度好，親切友善，裝修全部卡位，舒服每張枱都細心提示有wifi，而且速度很快入座已有2種特別食品附上，仲勁細心有首輪刺身嘅特別服務。來放題梗係要先食刺身啦，其他餐廳通常都係好hea，但呢個有驚喜，刺身盤夠凍、有擺設、而且好味，加分！特別鐘意佢地嘅激巨赤蝦，大隻又新鮮，必食唐揚及韓式炸物中，推薦日本芝士年糕及韓國一口芝士，鐘意芝士嘅人一定唔會失望而 一品料理中，朱古力心太軟本身諗住叫黎睇睇，點知又唔伏，係有水準麵類，胡麻冷烏冬， 配菜景蓉蟹棒，但蟹棒有鮮味，正！建議一定要成班黎食，一齊食，每人食少少，因為真係好多款， 我兩個人大半都無試唔到，太飽了

最近發現兆萬愈來愈多餐廳唔錯今晚想食韓風 ～～就上左8/f神户屋日韓放題一上到去等枱位置唔算大 但都已經坐滿左等食既人～～等位時間 店員已經比定紙仔我地寫要落咩雖然好多人等 大約20分鐘就入到座坐底後店員都好窩心話我地知 有啲咩推介同話最後會有個火鍋食又提我地雪糕雪條送返 記得拎魚生刺身真係落幾多比幾多要讚下佢個海膽 好鮮甜出面好多時都好腥仲配有青瓜片同紫菜夾住食三文魚肥厚夠滑除左日式蝦剌身呢度仲有泰式生蝦 好彈牙 配返泰式辣汁好正除左刺身仲有飛天通菜都好食 夠惹味炸物有炸雪糕同炸鮮奶！比較少見 外熱內凍!清酒煮蜆好清甜 完全冇哂酒既苦味而且份量唔少 啖啖肉溫泉蛋好滑溜配芝麻漿一絕仲有個燉蛋都好正有啲菇係上面 呢度啲飲料同雪條好多都係貴價韓國野 好正 一次過食得三個國家既食物！最後要講下呢度啲員工個個都係後生仔女 但出奇的有禮貌到一個點！真係好抵讚^^今時今日有咁既服務態度好難得!!

是日母親節飯局。當日下午收到一店員打嚟confirm booking，特別講明果日係母親節所以價錢係比平時貴啲，$219加一。之後隔咗一陣，有個電話打嚟又話係confirm booking，仲要用手機打嚟，都有啲奇怪但照聽。點知呢個電話就話因為母親節關係會貴啲$249加一。呢一刻我係覺得奇怪但就無即時同佢再確認淨係答佢好啊，因為以為自己第一個電話果陣我聽錯。收咗線後再諗返第一個電話嘅內容又真係好似係$219加一喎，就再打多次去問究竟幾多錢。我都清楚母親節其實會貴咁第三個電話果個人再三答我係$219加一，同埋如果最後係6點半後先入場會貴啲。咁得啦無問題！點知最後入咗座就有店員同我地講話係$249加一因為母親節。咁我當然抗議啦，明明再三確認係$219加一㗎嘛，因乜解究一坐低又加咗價先得㗎。最後店員請示個上頭話可以畀返$219加一我地喎。其實都已經扣咗分，即係如果我唔出聲，你當我水魚咩。同埋如果你係要收貴啲嘅，口供夾好啲啦。講返嘢食，頭一輪都好快，但部分刺身無又唔通知。之後就開始漏單，然後未夠80分鐘就幫你清曬檯。位比較窄，4人位根本坐唔到5個人