神戶屋日韓放題

營業中

休息中

放題黎講，呢間都算小人，但佢有比到房仔我地十幾個人，所以最後都去咗呢間食2個鐘頭放題，有好多唔同種類嘅野食，又唔係話真係咁難食嘅啲食物刺身果啲都算新鮮，係上菜比較慢，同埋可能係因為房仔入面，所以無乜人會理你同埋出到去諗住叫服務員，啲態度真係令人有啲失望。刺身方面每次黎都岩數嘅唔會比小，可能見到我地多人，我地都食得晒！而我最中意係食雞翼，佢嘅雞翼嘅味道就真係唔錯嘅芝士蠔都唔錯！熟食方面就可以叫小啲都得整體黎講都唔係好差，但對比其他嘅放題同價錢黎講，可以比貴小小或者去下其他地方食會更好。

今日夜晚約左一班朋友食飯，每當諗食咩野都有排諗，呢個時候黎食放題就最適合喇。 一入到去我地勁肚餓， 即刻叫咗個刺身拼盤， 個拼盤食得又睇得， 排到好整齊好靚， 搞到我地唔捨得食， 係咁打卡。 刺身款式包羅萬有，有成十幾款咁多， 天使蝦 、甜蝦 、泰式生蝦、 珍寶帶子、 海膽 ，樣樣都鮮味十足。松葉蟹棒、北海道角螺、 八爪魚，仲有我最仲意食嘅松葉蝦鉗， 款款都鮮香四溢， 肉質鮮嫩十足，好正丫！！呢度啲海膽好好食，鮮甜細滑到好似奶油咁，贊👍呢款松葉蟹鉗簡直好食到冇得頂，蟹肉細滑， 蟹香鮮甜吮指回味！尼款三文魚非常新鮮，而且係厚切，每一口都好軟嫩， 值得畀個like！八爪魚刺身大大片， 口感Q彈有咬勁，好爽口丫！ 隻生蠔有我半隻手掌咁大隻， 好難一下子成隻擺落口，堅係要要慢慢咁吮吸， 嘩 ！真係好肥美丫， 鍾意食蠔嘅朋友，一定要黎試下勒！食完個刺身拼盤 其實我哋已經半飽啦😂， 跟住我哋仲叫咗啲炸物嚟食。 呢度啲炸物種類都算幾多有成二十幾種， 有日式又有韓式 ， 可以任君選擇 。例如有沖繩網子蝦卷，日本芝麻雞翼， 日本芝士年糕 ，韓國蜜蜂芥末炸雞 ，韓國芝士炸雞，吉列廣島蠔，海老天婦

兆萬中心已經係放題餐廳集中地，今次試下哩間神戶屋。之前未食過日韓放題，都係食日式既。今次見到有韓式粉絲、人參雞哩D。 仲有邊爐可以打，有d驚喜，感覺好似咩都有得食咁 XD 燈登~刺身拼盤~食放題首先梗係點刺身先啦D刺身都好新鮮，帶子係大粒一整粒果種，唔係細細粒果種珍珠帶子；甜蝦都好甜同新鮮，最鐘意食甜蝦既我覺得幸福感滿滿重點係 有象拔蚌！好似第一次食放題見有象拔蚌，幾清甜既海膽--一人一份，有得揀海膽或者生蠔，我地就揀左海膽，無伏，可放心食用 XD日本和牛壽喜燒--哩個係入座就會有既，另一款選擇就係部隊鍋第一次食放題哩D鍋，係有埋個爐仔，一般都係直接一鍋拎出來。而且哩個食完之後，可以加餸，就好似出面D一人邊爐仔咁樣，可以淥D菜啊，大量菇類、肥牛哩D。而且湯都有幾款，味曾湯、麻辣、豬骨等湯底揀，好豐富。同埋估唔到有得打邊爐，哈哈壽司--火炙三文魚 同 軟殼蟹牛油果卷都唔錯，推薦~羊架--燒得幾靚，啱啱好，竟然系搭配蜜糖芥末醬，都ok夾，哩個搭配幾新鮮招牌炒蜆--几惹味，同埋辣辣地D位普遍都係四人位，我地兩個都有得坐四人，就唔怕D野無位放了^^原來佢做緊promotion，加錢可以食生蠔或

位於旺角既神户屋排隊排到出lift口野食選擇都幾多刺身炸物鍋都有齊一開始會送三選一比我地揀我就揀左生蠔！超正又大隻又juicy只可惜每人只可選一樣雞軟骨即叫即炸 夠哂脆口 邊食邊飲野邊吹水真係勁爽刺身拼盤真係叫幾多就上幾多超快送到我最鐘意就係個甜蝦同蟹肉夠哂爽口同鮮味十足！帆立貝壽司云云壽司之中最愛就係佢大大隻既帆立貝超juicy最後甜品必食就係呢個榴連雪條好香既榴連味出面買都要十幾蚊！愛榴連人士必食

成日經過兆萬都會有好多人派放題傳單，今次見到佢平平哋就同朋友夜晚試咗神戶屋嘅放題。上到去職員都盡快幫我地安排座位整體望落去成個場都幾full,雖然呢度嘅地方唔算太大，但坐落都幾舒服， 而且呢度會播下唔同歌氣氛都算唔錯落左單之後職員就擺咗一啲小菜同埋幾款醬料比我的每次放題都必定會試牛油粟米，份量都幾足而且牛油都幾入味叫咗幾款唔同嘅壽司，面頭芝士味偏鹹，但食落去味道都唔錯，而且冇乜漏單壽司都比得好足呢度嘅炸雞亦都好好味，而且炸得啱啱好唔會太乾醃得好入味炸鮮奶好特別，而且大大舊咬落去牛奶味好重，上粉易都唔會太厚香港好少地方食到炸鮮奶，值得一贊呢度嘅其他小炒扇貝就比較細份，扇貝嘅芝士好香濃，而且中間有大大粒扇貝好抵食。 雞軟骨炸到好鬆脆，辣辣地好惹味最特別嘅係甜品有心太軟，咬落去d朱古力即刻流晒出嚟,食落唔太膩呢度嘅飲品種類雪糕都有好多唔同款，而且又有啤酒可以任飲， 好多雪糕都係韓國牌子，咩味都有整體來講價錢十分之實惠，款式多，味道唔錯，同朋友嚟一路傾計一路食放題唔錯

終於有時間同男朋友食放題啦😍 今次係同事介紹我黎食，地點好就腳，就係兆萬😙野食又好掂，按性價比好高，真心幾好，好值得推介俾大家！一入到去，職員就好熱情介紹俾我地知有咩特別推介。第一樣放題必食嘅就當然係刺身啦。呢到嘅刺身又新鮮又夠曬凍，唔會有好重魚腥嘅味。三文魚好肥美，帶子又大粒又夠冰凍，赤貝好夠滑！佢嘅蝦又大隻，真係相當了面食4x 一隻嘅大蝦！最特別係有蠔同海膽，好少放題有架！當然，刺身最好係佢份量俾得多又上得快。壽司方面叫咗火炙三文魚，呢個真係入即溶 好好食呀😆😆😆 我地仲叫咗黑松露帶子，好少係放題有得食，仲要整得好好食架🙊當然火炙蝦都好正啦🤤另外想介紹嘅就係佢嘅壽喜鍋，裏面好多牛肉，加上有我至愛嘅生菜、菇同生蛋 真係perfect !!! 佢嘅湯好鮮甜我差不多飲曬成碗。其他小菜都好正，我最推介就係馬拉盞炒通菜，炒得又香又夠鑊氣，同泰國食嘅差不多！😋😋😋 我男朋友就覺得最好食係煮蜆，因為冇咩沙，又大隻加上份量都好好！另外佢亦都推介芝麻雞翼 因為炸得好香好好咬口！

今日同朋友去旺角行街, 見兆萬樓下好多放題宣傳, 我地又好耐冇食, 見佢都係二百幾一位, 賣相都唔錯就揀左神戶屋七點左右到已經高朋滿座, 我地相信呢間既食物質素應該不錯, 睇睇點菜紙都幾多選擇~ 一坐低我地就即刻落單叫左一個刺身拼盆, 有三文魚, 魷魚, 帶子, 北奇貝, 醋青魚等等…好多款刺身, 而且仲好新鮮肥美~ 只係食刺身都抵呀另外再叫多幾款壽司, 帶子, 蔥拖羅同鰻魚, 刺身已經唔洗再讚~ 但飯既質感真係做得唔錯, 一粒一粒又夠酸~ 但我地都係唔會叫太多, 因為要繼續留肚食其他~第一輪食完刺身同壽司已經好滿足, 由於桌面位置有限, 所以食到一大半刺身左右先叫熱食, 放題最好既特色係每樣都份量少又可以每樣都試D, 日本食物方面我地先黎叫左一個清酒煮蜆, 蜆肉加湯底煮埋好清甜~ 另外仲有流心蛋, 配以日式芝麻醬, 味道出奇地夾~ 天婦羅亦炸得非常脆口, 每一款都係熱辣辣, 我最鍾意食紫薯, 入口好甜又細細粒唔會太飽, 好食到我一共叫左兩次, 哈哈由於呢間係日韓放題, 所以會有夾雜左韓國既特色美食, 我地叫左人參雞湯好入味, 完全飲到人參味, 雞湯底好清, 呢個必叫~ 韓式炒粉絲亦係

本人好少寫食評，今次忍吾住！一行4人同朋有慶生，見OpenRice 6 百幾個like 就去試下。一去到坐得好逼，吾緊要預左。重點 叫第一轉，個事應叫我地第一轉寫多d ,心知不妙，已點照入單，俾左5-6張單餸紙。等到第一轉野食黎，黎得2張紙的野食，仲要吾齊，得2張的一半野食，先吾講食物質素。好啦，再叫入單，入左5 張，黎得兩樣野食。漏左9成野食無黎，同左事應講，俾張入單紙一睇，一半以上點左的食物無入單，入左單既得一半有。個經理話有咩未有圈住 話5 分鐘到，等等等 等左25分鐘都無野黎過，太失望 埋單走人。好，講下食物質田，明明熱食 可以完全吾熱，魚生 下面的冰 用水浸住。對吾住，一台朋友同聲 未食過甘差的放題。漏單不單止漏到無人有，野食無一樣可取。最好果樣係辛辣麵，超市買到果隻辛辣麵。太過份 ！ 俾埋錢我 我都吾會再去食

呢期減緊肥, 但為食既我一個星期都會出去同下朋友去食下飯既, 日本野係減肥期間出街食飯既好選擇, 所以‪今晚‬揀左去食放題~ 第一時間諗起係兆萬樓上有好多間選擇, 朋友亦推介過幾間, 今日就選擇左去神戶屋試一試~ 可能剛剛只係放工時間‪6:30pm‬左右, 所以唔洗等位, 但坐左無耐都開始滿座了, 原來呢間都算幾受歡迎~ 希望我地都冇選擇錯~入場會先送海膽或生蠔, 而我地就揀左海膽, 睇落賣相好新鮮, 入口原來都唔錯呀~ 好甜好鮮, 平時朋友都唔係好食海膽, 但一遇到新鮮既就唔同講法啦~而放題必定先叫刺身, 當然我地都唔例外啦~ 刺身有好多選擇, 三文魚, 珍寶帆立貝, 甜蝦, 生蝦, 松葉蟹棒, 厚燒玉子等等…只係睇個賣相已經好吸引~ 全部都好鮮甜, 當中我最愛既帆立貝真係超大超甜呀~ 所以之後我再叫多左兩次~我地都唔係叫左好多壽司, 因為唔想太飽食唔到其他, 但就叫左四款share一人一件, 有最愛既帆立貝, 海膽蝦, 油甘魚同灸燒三文魚, 一定要叫油甘魚壽司, 真係又新鮮又厚切, 口感一流, 而且冇根感覺好滑, 搞到明明話唔叫咁多壽司既我地又叫多左每人兩件~另外我地有叫炸物同燒物

有朋友係澳洲番黎香港，話想食放題，記得之前食過神戶屋唔錯，所以就帶佢黎試下啦。先黎一輪刺身。三文魚刺身勁厚切, 入口肥美。 有頭大蝦大大隻夠哂鮮甜，鮑片刺身夠爽口，蟹腳都夠粗夠鮮甜，整體鮮度十足，不錯。壽司做得唔錯，炙壽司幾好味，三文魚有入口即溶感覺。黑松露帶子味道好香，好夾。帆立貝北海道燒必食，大大隻好厚肉，帆立貝鮮甜，酸酸甜甜沙律醬加埋芝士，非常惹味我地起碼叫左3-4round😆羊架好入味，肉質嫩滑又吾羶之後再叫d炸物，芝士年糕、榴連炸蛋等。芝士年糕唔錯，好煙韌，芝士多又香，唔會成舊粉。榴連炸蛋熱辣辣，榴連愛好者必食，芝麻雞翼夠哂入味！

我地兩位，店員都比咗個細卡位，坐得舒舒服服咁食。有齊日式、韓式放題嚟講佢嘅價錢唔算貴，一坐低仲會見到like facebook／follow ig就減$10，相當優惠！一坐低當然先叫刺生，賣相同質素都唔hea！個人最推薦三文魚、北海道角螺同海膽（需加錢）唯獨蟹柳同玉子雪得硬咗少少，一舊起兩舊止～ 平時日式放題款式已經多，呢度加埋韓式就更多！除咗基本放題都有嘅刺生壽司、炸物鍋物燒物之外，佢仲有日式壽喜燒同韓式芝士部隊鍋，更可以之後加料！我地叫咗個部隊鍋，湯底夠味辣辣地，料都比較多，2個人食會比較多，所以3人以上食會好啲。對於炸物愛好者嘅我嚟講，呢到絕對係天堂！其中最最最推薦係炸牛奶！真係勁好食！一個人食咗6條（好似太過份了哈哈）其次係一口芝士同吉列蝦（同天婦羅蝦唔同的！）反而我最愛嘅芝士年糕厚粉咗少少，會重mochi口感多啲～飲品方面選擇唔算多，不過都好大路，有汽水、果汁、荳奶、雀檸… 甜品有牛奶樂、杯裝雪糕同雪米糍免費添食 又或者可以選擇其他 有movepick添！整體食物水平可以、店員服務態度唔錯、坐得舒服

一家人去旺角行下街到差唔多時間諗住搵d 野食下。行到去間鋪樓下有個staff 比左一堆leaflet 我地，又話唔洗訂座，開一開openrice 見都多like 就上黎試下。上到黎環境有d 暗，座位之間好窄，咁香港地方，鋪租貴呢d 就算啦。一開始上左輪刺身，老實講，第一輪嘅刺身d 蝦係唔差嘅，但係八爪魚刺身衰過擦紙膠。第二輪全部刺身都係垃圾，真係停曬手天婦羅個炸粉做得差，又厚，入面舊野係完全冇味，不論係蝦，南瓜，定冬菇都係完全冇味！個邊爐湯底同水冇分別，邊爐d 野食不論寫幾多，寫左咩野，出到黎都係三片牛一堆唔新鮮嘅菜。見有茶碗蒸就試一試，點知好似發現新世界咁，原來蛋係可以有咁高嘅密度，超硬！個羊架落d 唔知咩垃圾汁，勁難食。燒蝦係梅嘅。整體黎講，佢比番錢我都唔黎食。

呢日心癮又起，好想食放題，於是又約齊班朋友去狂食先! 食放題就緊係要食刺身啦! 先嚟一個海膽刺身，海膽都幾鮮味，放入口中溶化晒，刺身類別都有很多種，有三文魚、甜蝦、松葉蟹鉗、泰式生蝦、松葉蟹棒、厚燒玉子、珍寶帶子、象拔蚌、天使蝦、有頭甜蝦、希靈魚、鮑片、激巨赤蝦、迷你北寄貝同八爪魚刺身。刺身類別都算新鮮好味，而上桌時間也很快，我同朋友食咗幾轉!清酒煮蜆味道都唔錯，清清地之餘帶有少量酒香。炒蜆夠晒入味，豉汁好惹味，亦帶出蜆肉嘅鮮味。牛肉鍋嘅牛肉肥美， 牛味香濃，一啲都不肥膩燒蝦食落有蝦味，質素都唔錯天婦羅唔會好油，薄薄一層粉漿剛好食完咁多肉，就食返啲沙律中和吓。一次愉快既用餐體驗。

今日黎開呢附近番工，所以個lunch自然都會係番呢邊，就諗住求求其其搵一間,填飽個肚就算數啦,所以經過見到呢間，就直接入坐環境都唔錯，寬闊，服務都幾好，多耶選，刺身類別都有很多種，有三文魚、甜蝦、松葉蟹鉗、生蝦、蟹棒、厚燒玉子、帶子、象拔蚌、天使蝦、有頭甜蝦、希靈魚、鮑片、激巨赤蝦、迷你北寄貝同八爪魚刺身等等。我選左壽司卷：蟹柳，和牛，牛油果軟殻蟹同炸蝦。整體味道都唔錯，而當中和牛就特別出色，因為佢味道相對比較重，唔會比白飯遮蓋。一間都算係水平上，而且上菜速度快，職員態度都幾有善，如果甜品種類再多啲就好啦

見做緊優惠，而且見咁 多 好 評，所以約埋班friends來這裡食（8/F）。首先環境非常擠迫，椅背與椅背之間都大慨有一隻手掌既空間。香港人善於利用空間、加上租金高昂，也不奢求有舒適的空間，7人坐6人枱 (沒有主席位) 也都勉強接受，心想只要食物好就得了。一來叫了刺身、壽司等，見很多人都讚佢地既刺身新鮮，所以都選了不同款式的，誰知甜蝦不甜，是腥的，象拔蚌、帶子、蝦也不鮮甜。另外忘了叫了那款蝦壽司，也是腥的，超級腥，忍不住吐了出來。熟食方面所有熱炒都只有一種味，就是咸，唔知廚師有沒有試過味調過味，重味到難以接受，幸好多款飲品都是任飲，緩解一下。天婦羅...第一轉正常，是正常，沒有特別想讚的地方，唔....如要說的話，唯一要讚佢唔咸囉，同埋佢地都好識趣，唔上天婦羅汁，驚我地又覺得咸掛。第2轉天婦羅，南瓜好油，其他都正常。朋友點了生果，食了西瓜，咬了一口臉色突變，立刻吐了出來，嗯...可以不用再點了。甜品方面，我們坐得好入，我地以為只有一個雪櫃有甜品，見有獨立包裝單粒雪米糍，豆腐花，同幾款自家製的啫喱杯仔，只食了雪米糍之後走了，去到門口才知道有雪條櫃，店員好好咁俾我地每人拎一條，雪條櫃大多都