神戶屋日韓放題

營業中

休息中

想去旺角食飯，又想食刺身又想食火鍋，揸唔定主意，同朋友一致決定去食放題。今次試下兆萬8樓既神戶屋，我地6點幾入到去，餐廳環境唔算大，人手都有6-8個，一排排梳化凳望落都幾舒服，由於時間尚早，所以我地揀到一張卡位坐。一坐低我地就二話不說去左攞野飲，因為一入門口就已經見到有荔枝紅茶，最令我意外既係佢地有takara荔枝酒！對於荔枝愛好者既我真係一大bonus，所以今次食飯我淨係飲左呢兩種野飲。點菜紙有火鍋、壽司刺身、串燒、沙律…想食既幾乎都有，每人仲可以點一份生蠔or海膽刺身or韓國雪條，本來我就對兩樣生野都麻麻地，但佢列明係空運直送，我同朋友起初都有啲懷疑，所以就每樣點一份試試去。好快就送左上嚟，色水望落都不錯，生蠔係真心覺得甜，同埋都好滑，意外地新鮮，對於唔係太好生蠔既我嚟講已係滿分！火鍋方面我地揀左壽喜燒，夠味得來不會咸，細細地一鍋已經滿足左我朋友想打邊爐既慾望。刺身方面亦有齊我想食既野，大粒帶子、松葉蟹柳、象拔蚌…蝦仲要有甜蝦巨赤蝦天使蝦同泰式生蝦四種咁多，對於愛好食蝦刺身既我真係覺得好爽～第二樣令我覺得意外既係佢有幾樣小菜簡直係直迫大排檔，非常有大排檔避風塘既味道，啲蒜香同辣椒…

朋友生日話想食放題，一個禮拜前book好晒位，唔駛等就可以入座啦～小妹第一次食同時有日式同韓式嘅放題，估唔到真係有好多唔同種類嘅嘢食選擇，除咗大路嘅日式韓式料理之外，仲有啲自選嘅菜式同埋特色料理。一開波梗係一口氣揀晒啲想食嘅刺身之後就狗衝去拎嘢飲啦～除咗啲大路嘅嘢飲之外仲有啲係來自韓國嘅酒精飲品，滿足唔同人士需求。刺身拼盤到～個刺身拼盤一嚟到嘅時候o左咀，心諗我啲朋友仔會唔會太喉禽，嗌得太多，點知我哋最後竟然食得晒喎～冇計，放工就會變飢民～有驚喜嘅係個生蠔， 好大隻同埋好鮮甜，呢個係店家送嘅，所以如果要再嗌嘅話就要加錢啦。另外海膽都係好鮮甜，同生蠔一樣再嗌要俾錢。不過其他任食嘅刺身都好新鮮，三文魚腩肥美，甜蝦大大隻，！我哋9秒9砌完個拼盤之後就開始食其他熟食啦～招牌炒蜆：蜆肉新鮮冇沙，份量都好多，惹味！韓國蜂蜜芥末炸雞：係韓式炸單邊雞翼黎，上面淋左好多蜜糖芥茉醬，又香又甜好好味！日式汁燒雞肉串：好濃燒汁味，雞肉燒得啱啱好，唔會太熟變到硬晒，呢個好味到我哋都encore左幾輪～鐵板馬拉盞炒通菜：成日出街食飯冇得食菜，於是一見到有菜就即刻想食！炒通菜好惹味，辣辣地咁，d通菜亦唔會老。食到滯

神戶屋，之前聽朋友介紹過，佢地話呢間野唔單止得日本野食，仲有多款韓國料理。同一價錢既放題，當然係愈多款野食愈好🥰。食完覺得出品理實唔錯，朋友確實冇介紹錯。我同朋友預先訂左星期六午餐，大約1點半左右，當時人都唔算太多，唔洗等就即刻有位。👍🏻門口擺住雪糕櫃，入面款式都算幾多，望落好吸引，好想即刻攞條食tim。飲品櫃選擇都算幾多，詳情可以睇圖，基本上平時放題個堆都齊曬。坐低就緊係試下刺身同壽司先，因為呢兩樣係反映放題質素既標準。意想不到既係，佢既刺身都幾好食，油甘魚、鮑片同蝦三種特別出色，食落新鮮。而壽司方面，卷物配答得幾好，壽司飯又唔會話太大舊，份量剛剛好。熟食正如店面咁講，確實有好多款選擇，包括好多韓國野食同日本野食。串燒都係即燒，熱辣辣，好正啊。另外見到隔黎枱都有叫壽喜燒鍋物，睇落好吸引。不過友人話驚太飽就冇試到。下次大家有機會經過旺角，不坊試試呢間，野食多選擇，出品質素好！

終於到星期六有假期放了，今日相約左一個好朋友一齊去食放題。由於之後要係旺角買野，所以我地就揀左係兆萬度食，見openrice都幾多好評呀。一入去就已經見到門口有個雪糕櫃，裝左唔同款式既雪條，都算幾多種類。友人忍唔住手，即刻拎翻條朱古力雪條食左先🤣。環境都算唔錯，我地兩個人佢地比左個四人座位我地，夠曬位擺野食。跟住佢比左張紙仔我地，有三款野係限定叫的，每人限叫一款：海膽、生蠔或者韓國雪條。由於我地兩個都係海膽忠實fans, 所以就決定揀海膽了，估唔到都算幾鮮甜，完全唔會腥同臭，可惜係限量啦！🤣刺身都幾出色，一般黎講都算鮮甜。想特別一讚係佢有好多款唔同既蝦，好似玻璃蝦、大蝦、甜蝦等等，全部食落都幾有海水味，蝦既水準比一般放題好食呀！其他熟食都唔錯，好似天婦羅咁，佢又唔會話太厚粉，係新鮮炸出黎的。類型都算幾多，除左日本野之外，都有唔少韓國野食，例如炒粉絲。總既黎講，熟食質素良好，刺身出品新鮮。係兆萬咁多間放題/任食裹面，呢間都叫做數一數二，可以一試。🥰

週末，想同好耐冇見嘅朋友食飯餐好，去咗旺角覓食，噴完西洋菜街之後，就去咗兆萬中心覓食，咁啱得咁橋，當朋友想食日本野嘅時候，神户屋就出現咗係我地面前。Round1我哋一坐低就帶咗一大盤刺身，一睇三文魚啲文就知道佢很新鮮，同埋係厚切，真係唔錯！其次就嗌左帶子、甜蝦、厚燒玉子、象拔蚌...味道都唔錯！Round2當刺身就嚟食完嘅時候，我嗌咗啲壽司，有燒三文魚腩壽司，燒三文魚腩芝士壽司，黑松露三文魚腩壽司，不過因為覺得個壽司飯麻麻哋就冇再嗌啦！三舊壽司仔又點夠填飽個肚呢，所以我哋就帶咗其他嘅小食啦，由於口乾又唔想飲果汁嘅關係，就嗌咗碗人蔘雞湯，點知未到出乎意料嘅好，人蔘雞湯帶點甘甜同埋有雞味，Max埋一齊好正！特別要介紹一下韓國炸鮮奶，如果你係一個好鍾意食甜嘅人，你一定會愛上佢，鮮奶嘅香味再加外面熱辣辣嘅脆皮，外脆內軟嘅感覺真係令人一試難忘！不過建議最後先嗌，因為其實都幾滯！Round 3最後我哋就嗌咗個日本壽喜燒牛肉鍋，再加埋少少火鍋配菜，打埋隻蛋落去，撈一撈，就可以起筷啦！服務質素:服務大致上來講都算係幾好，店員會主動埋嚟收食完嘅碟同埋垃圾，同埋最後有個哥哥仔，仲送咗支雪條俾我，可見佢哋服

已經是第二次來印象中是座位比較闊落而且服務超級好食物其實不用特別好 不最差就合格了如常是平日才會吃放題比較人少舒服今天發現比較多家庭來也對 一家大小日韓泰都吃得到又比酒店自助餐自在今天經理不在超級好服務自己消失了但店員還是正常的沒有特別變差食物也如上次一樣不過點的份量有些出入還是擺盤精美的入座時經電話訂座送出海膽或生蠔 另外可選壽喜燒或韓式部隊鍋三文魚有點小片幾款蝦卻也頗有蝦味其他刺身都不俗海膽有點硬但味道濃郁的記得芝麻雞翼點過數遍今次也一樣好味芝士年糕 一口芝士等炸物都正常平常不試的壽司及炒飯今天也試過鰻魚炒飯適合大食朋友份量頗多 炒飯鰻魚雖然不多還是色香味俱全花之戀及其他壽司都新鮮製作的少不了點天婦羅 蕃薯 海老 南瓜炸粉不多 好味壽喜燒鍋牛肉很多看上去肉質不錯韓式人蔘雞湯 小小一碗蔘味濃第二輪刺身比較像樣覺得還是性價比高的群體比較推薦

好耐無食過神户屋，今次帶朋友上去一齊食！例牌一去到兆萬樓下，就見到好多人派緊傳單，提前有bk, 上到去唔洗等就有得食！神户屋d嘢食豐富咗，有埋鍋物，任揀配料，打埋邊爐都仲得!唔理咁多，即刻嗌晒d刺身，食一round 先，因為提前bk, 送埋海膽同生蠔！刺身新鮮，種類又多，實搵到啱食嘅嘢！壽司都非常多選擇，最推介就係火炙三文魚腩，好味！熟食方面都唔差，選擇好多，最推介牛柏葉，牛油粟米同網紙蝦，仲有燒茄菠蘿同炸芋丸都係必叫！甜品都有好多，布甸啫喱都有好多款，仲有豆腐花添！食得涷嘢，都唔好錯過d雪條雪糕杯，有好多日韓貴價牌子添！總括黎講，神户屋好抵食，質素唔差，又多選擇，服務態度都超級好，間唔時都會有侍應行過黎follow 有無漏單，有無嘢未到等等！一定會再幫襯！

雖說是神戶屋但放題包羅萬有泰韓日都可吃得到樓下都是神戶屋的宣傳見網上好評聚多也就選了這家座位算大，都是梳化卡位坐得尚算舒服一家大小來也適合店員遞上2張點餐紙以外的點餐紙原來電話訂座會有優惠可3選一的生蠔，海膽，還有一款已忘了直接點了海膽另外也可點點壽喜燒火鍋或芝士部隊鍋芝士鍋吃下去應該再吃不下點了壽喜燒火鍋第一輪點刺身是常識吧因為非常喜歡蝦 於是每款都點了10件但上刺身時份量有減少了只好下輪再點但刺身質素還好 蝦的質素很不錯三文魚最近還是不多吃好其餘象拔蚌刺身也是新鮮的韓式人蔘雞湯確實有人蔘及雞在內，蔘味也突出小碗喝了也不會太飽炸物及燒物也非常出色天婦羅，一口芝士，芝士年糕都是必吃牛舌質素及燒的程度剛剛好芝麻雞翼超級香脆 必點很少點壽司但味道也不錯吞拿魚蓉，辣味八爪魚及花之戀鰻魚炒飯 炒得很美味每粒米都充滿魚香其實對放題已不大期望只要刺身新鮮覺得也可以神戶屋刺身及其他炸物也很不錯重要是價錢相宜反而覺得一家大小來放題大家都很滿足群體更適合呢

難得齊腳臨時經open rice book位同朋友洗塵兼聚餐,因為留言有兩個小朋友,職員仲好細心幫我安排左房,👍相隔半年再來仍然保持到質素。師父砌嘅大刺身并盤好靚,好新鮮又好味。😍今次最多人讚嘅係羊架,order左兩三次. 我就最鐘意榴蓮波波,正😋講完好嘅當然唔少得做得唔係咁好嘅啦,燒菠蘿唔係咪多人叫,未燒熟就上碟,好酸,好酸。😰解茶多人飲,加唔切,不過啲哥哥都好樂意幫手入房拎。👍甜品方面就少得可憐,需然無咩要求,希望可以增加多啲款式啦!仲有,店主好好,送左張95折券俾我,一個月內再來就可用。總體來講都幾滿意今次聚會同野食,好飽。下次再搞聚會都會優先考慮呢度!

超過70款美食任君選擇，包括中日韓泰等多款各國美食，除了一般日本刺身，壽司，冷面烏冬，及串燒外，還有生新鮮生蠔，海膽，壽喜燒煱，可以享受日本食物時亦可以烚下烚下打邊爐。刺身上碟時擺盤精美，而且有冰底雪住，影耐左相都唔怕唔新鮮。味道亦好好，尤其是有頭甜蝦及鮮帶子，味道鮮甜而且口感厚實。另外還有多款地道食物如豉椒炒硯，椒鹽鮮魷，麻辣豆腐，一口牛柳，椒鹽雞軟骨等惹味小菜。極力推介豉椒炒硯，可以媲美大排擋既鑊氣，而且唔會淨係有殻無肉，非常足料。飲品選擇有數款比較特別的口味，例如荔枝紅茶 荔枝酒及提子酒，亦有提供其他飲品如汽水啤酒，除了免費飲品外，更可額外追加真露燒灼，波子汽水，有汽清酒，喜歡清酒梅酒既更可以加購任飲。至於甜品方面，除左超過10款不同口味雪條外，更可額外加配Haagen daze 和movenpick 雪糕。

食過返尋味指數：🌕🌕🌕🌗🌑放題都真係食過唔少間，不過近排越食越少可能年紀大，食量細左好多選擇又多左，大家都開始揀擇左，齋量多真係完全唔OK陰差陽錯黎左兆萬，揀左哩間放題非常非常surprise 今次竟然唔洗等lift可能係因為閒日，唔洗排隊都有得入座環境正正常常，D位安排都OK，好多卡位，傾計安全感都OK佢D落單紙係一格格分開擺嘅，所以拎得好方便比起其他果D成本要自己撕落黎嘅，哩間咁樣開心D選擇都多嘅D刺身都算幾新鮮wor，有驚喜除左刺身，都仲有小邊邊爐食壽司D款色都好多哩個牛舌真係冇得彈...真係因為太飽如果唔係我應該可以食到10件最抵讚係有Hoegaarden吖！真係好開心！一人仲可以送一隻生蠔或者海膽服務質素都可以比個B+好快手，而且都有禮貌，冇見到黑口黑面嘅出到黎見到咁多雪條有得揀，其實真係好心動咁嘅價錢，有咁嘅質素，都真係好抵食我真係食得好辛苦，爬牆出去整體experience好開心

放題的選擇真的很多，質素參差不齊。最近都唔夠膽食太多，人易越來越揀擇。畢竟試過太多次，味道麻麻地，不過又唔想浪費金錢就起勢食，食到傷傷地。但在朋友的慫恿下，我和她一齊嘗試下旺角兆萬的神戶屋日韓放題。啊哈~ 感覺又唔錯wor！有驚喜！首先見到D放題紙，都算多選擇喇，一個人送一個生蠔或者海膽，我肯定揀生蠔架！一黎先點左個牛舌先，好味道呢！熟度啱啱好，唔會太過硬，不過啱啱D肉都夠彈牙。鹽粒係牛舌上吊吊味，真係希望不斷encore刺身都好新鮮，可惜我唔係刺身控，而係壽司控！D壽司我都食曬！真係好難得野飲竟然有我中意嘅“減肥可樂”，真係食放題都覺得冇咁罪惡。 哈哈哈Overall真係抵食到飛天，如果下次想食放題我應該都會選擇哩度，價錢抵得黎D質素都物有所值！

一黎到就見到個雪櫃裝住好多韓國雪條, 好多種係便利店賣十幾數一條, 原來訂左位都可以簡返款~個場好熱鬧地方, 有D紙仔比你填係期間限定既食物我當然簡壽喜燒, 襯返日本風味呀麻😚不同種類刺身蝦既種類做得出色, 仲有埋泰國生蝦, 物超所值👍不過本人最鐘意食有頭甜蝦, 好新鮮甜 不會腥每人可選一款(海膽/生蠔)海膽is a must😍夾埋青瓜無得頂呢個松葉蟹棒刺身出色⭐熟食, 豉椒炒魷魚穌好希大排檔風味, 推介💗壽喜燒湯底好正好過牛可能我滾太耐, 有D硬

同同事返大陸出差幾日，返到香港最想食日式放題，想搵間性價比比較高嘅餐廳盡情咁食，上網見到神戶屋咁多好評，加上假日lunch time 放題勁平，只需$199， 所以一於試下先！一坐低即刻剔左好多刺身，上菜速度好快 ，侍應態度又好， 滿面笑容，相當滿意。講返啲食物先，刺身好正，三文魚夠肥味，最怕食到瘦猛猛嘅三文魚，冇魚油嘅香味。另外，好驚喜呢度有原粒帶子，唔係出面嘅柱貝扮帶子，好高質，encore左好幾次。坐低之後侍應話可以揀牛肉火鍋或者部隊鍋，我哋揀左牛肉鍋，牛肉都幾正，雖然唔係雪花肥牛，但好有牛味，加埋辛辣麵一齊食，超級享受。熟食方面都唔錯，最好食有芝麻炸雞翼，芝士年糕， 溫泉蛋同韓式牛肋骨，調味好好味，熱辣辣上枱，實在大滿足，$199實在太抵食，短期內會再約friend食多次。

好同事生日，佢話想食放題。。於是上網搵啦！見呢間評語唔錯而且仲有嘢送。。。就試試啦！我地bk咗八點，但遲咗。。。但意外佢安排間獨立房比1我地因為限食兩個鍾，所以快速點嘢食。。。以我地食放題嘅經驗，佢嘅款式唔多，飲料款太少！而且雪糕雪條無任食。。。呢幾方面比較遜色！響旺角咁多選擇嘅地區，真係要再落多少少心思先可以再引到d客喇！