神戶屋日韓放題

營業中

休息中

神戶屋日韓放題  (旺角) 地址: 旺角西洋菜街1號兆萬中心8樓朋友話呢間放題都多選擇, 今日同朋友行經附近, 就一於去睇下我朋友有冇呃我。見到佢menu 就知我朋友冇講大話, menu上款式選擇好多，有刺身、壽司、小食、串燒同火鍋etc。 真係99%放題食品都包括晒, 朋友話想叫打邊爐, 我就想食刺身，兩個都食到自己想食ge 野。個刺身盆黎到之後,，估唔到佢賣相會幾靚，影相可以打卡呃下like, 幾正, 刺身方面都幾新鮮, 唔係得個樣。之後叫咗好多串燒，feel 到全部都即叫即整，熱辣辣, 幾好食飲品方面都有好多選擇 唔似有D 其他放題咁百冇。最尾食埋甜品，我就食芒果雪條，印象中好似係韓國黎, 佢果味好重，但味道又唔會太甜, 好正好值得推廣。

今日和朋友去咗旺角行街，疫情放緩條街多咗好多人，而且又通關返大陸免隔離。心情都好D，心情好食量大，當然去食放題，這間日，韓放題最啱我，裝修得很有日本色彩，而且放滿動漫主角，細看餐牌有很多選擇，刺身點可以少，三文魚，元貝，海膽，赤蝦，泰式生蝦，甜蝦，北寄貝，蟹棒，螺片，鮑魚片，八爪魚，魷魚片，生蠔，玉子等。赤蝦好大隻，肉質爽甜，而且蝦頭啲蝦膏甘香，正！三文魚油脂分布平均，入口有口感，肉厚而且肥美，十分新鮮。海膽也不得了，入口即化，滿口甘香鮮甜。生蠔新鮮肥美。黃金芝士燒廣島蠔，面層是香氣迫人芝士，入口有煙肉火腿和廣島蠔，原來加埋一齊食十分夾。鹽燒活海蝦，蝦十分新鮮，蝦肉結實爽口，表面加上少許鹽，好好味。紐西紐羊架，肉味香濃，肉質爽滑有口感，無羶味。粉絲蒜蓉蒸扇貝用咗大量嘅蒜蓉同小小辣椒絲來煮成，精華俾粉絲吸收晒，真不錯。今日非常滿足，款式多，又有質素

辛苦工作過後，梗係要行街，食下好嘢獎勵下自己，去到旺角兆萬樓下，好多放題可以揀，同朋友都鍾意食日本野，揀左呢間神戶屋試一試！一出𨋢，就見到好多男仔都好鍾意的日本漫畫海賊王的拼圖，充滿日本的感覺一坐低，店員便講解，我地點餐可以用QR,同埋幫我地落第一單刺身叫左個和牛壽喜燒轉眼刺身已經來了，三文魚好大塊好厚，好鮮甜赤蝦刺身同埋泰式生蝦刺身也好爽口赤貝同北寄貝好新鮮成個刺身擺盤都好靚仲有海膽或生蠔送，我同朋友都揀左海膽，叫左啲壽司和卷物吞拿魚蓉軍艦，花之戀，牛油果軟殼蟹卷好多不同炸物，鍾意食榴連的朋友，一定要食榴連炸彈，超好食，encore 左飲品方面，有的特式飲品，呢個椰汁紅豆冰都唔錯，入面真係有紅豆，幾特別，仲有啤酒飲甜品櫃有奶凍，泡芙而係門口位的雪糕櫃都有好多款，仲要係韓國雪糕雪條，外面買一條都唔平，十分有誠意服務方面，食物都上得快，服務員經常過來收碟，又問我地有無野未上齊，讚

今日去咗旺角通常搵放題食我都會去兆萬中心，今日就試咗呢間神戶屋嘅日式放題，好彩我早嚟，6:00已經到步到，七點嘅時候已經坐滿人，環境佈置到色彩繽紛見到有好多海賊王作為裝飾呢度有好多唔同嘅選擇，仲有雞煲食添一坐低當然要叫大量嘅刺身我食放題都係最想可以瘋狂地食刺身這個刺身拼盤包括了海膽，珍寶帶子，蟹柳，鮑片，三文魚，甜蝦，螺肉，生蠔， 赤🦐，這裏的海膽很新鮮，入口鮮甜，一啲都唔腥，很甘香。甜蝦也不錯，甜蝦蝦肉細緻品嚐，慢慢食會帶出甜味，三文魚也很厚身，食入口魚油甘香，越食越好味，食才很新鮮。最大驚喜嘅係壽喜燒職員一放低枱面，牛肉仲係鮮紅色，排得非常靚，牛肉食落夠牛味，配埋甜甜地嘅湯，味道更加出眾，入面仲有好多配菜其實火鍋湯底都有幾款，例如有牛肉豚肉等等，唔夠食仲可以用QR code叫其他嘅配料有菜，有菇，有牛柏葉燒物有很多選擇，有燒菠蘿、燒牛舌、燒羊假，燒菠蘿香甜又多汁，好好食。燒羊架入口，肉質細嫩，滿口油脂甘香，並不腥，值得一讚。日本番薯細細粒，一口一啖，番薯軟糯又甜，真係好好味。蒜蓉粉絲蒸扇貝，扇貝同樣以蒜蓉辣椒調味，有超多蒜蓉，重口味啱晒我，粉絲吸收晒啲精華，食入口好好味，扇貝肉鮮甜

好正又唔貴！仲可以任飲任食三個鐘！好耐冇食過放題！今日就同朋友去旺角兆萬中心試吓依個神戶屋日韓放題，貪佢可以只係收百零蚊二百蚊一位就可以任飲任食三個鐘！我哋唔洗食到趕頭趕命！仲可以除咗食刺身壽司炸物一般日式放題野外，仲可以食埋火鍋添！餐廳上菜速度好快！我地一開始梗係食刺身先啦叫咗好多款式！我地最鐘意係生蠔和有頭赤蝦 餐廳仲會主動送上前菜同醬汁可以一邊食一邊再睇下有咩其他野食叫我地叫咗日本和牛壽喜燒 好多和牛呀😍😍和牛真係靚野！ 唔係普通貨色既肥牛片我地食完和牛後就再叫咗一啲菜和日本年糕打下邊爐！餐廳既炸物都好出色！新鮮熱辣，即叫即整我推介炸蝦🍤俾大家最重要一提就係呢度既雪糕雪條都係任食嫁好多款式既韓式雪糕雪條揀，大人細路見到都會心心眼

好耐無約朋友仔食放題，今日放肆一下去食個放題，揀左呢個幾多好評既日韓放題。入到去好多動漫既擺設🤭🤭個放題都有唔同類型既食物，有刺身、壽司、炸物、日式料理等等。真係好耐無食放題，仲記得以前係用紙仔落單，而家用手機落單真係方便好多。飲品類型都有唔少，有汽水、啤酒、茶類，任君選擇。一黎到就整返個刺身拼盤，各款刺身都有，d蝦都大大隻，刺身厚度岩岩好。 仲有個打邊爐，肥牛壽喜鍋，有得烚下烚下都幾開心。仲叫左d熟食，例如牛舌、羊架、燒蝦等等，味道都唔錯。壽司就細細件，咁可以試多啲唔同既款式。仲甜品時間，叫左個榴彈炸彈，好香既榴連味，yummy😆食得落仲可以去拎雪條食😁😁但已經好飽無食到…滿足既一餐

Vivian已經n年冇黎過兆萬食野，屎忽痕想挑戰下，係openrice見到好似唔錯就幫襯下啦，出乎意料地唔伏，仲要幾抵食Menu有海量食物可以揀即刻叫個刺身食睇下伏唔伏先排得好靚，廚房好有心機🥹仲要整左個乾冰噴煙🥹好正，講返d刺身又真係唔差喎，最鐘意蝦，食左咁多刺身，即刻叫個火鍋暖下肚先～叫左日本和牛壽喜燒，最癲係仲可以叫埋配料打邊爐😳全部任點任食，好抵呀🥹之後叫左個粉絲蒸帶子，超級推薦食呢個，同大排檔一樣咁好食嘅水準，本身想叫多碟，但係太飽野飲任飲～最後食埋雪糕收尾，每人一杯only，完美～（仲要係movenpick😍)真心推呢間，少見到火鍋任食之餘，仲要有日式放題，水準仲要唔錯，最後埋單加一每人$314，其他火鍋放題都差唔多價錢，比較之下呢間好抵食

今日同朋友去旺角行街睇戲,每次我哋睇完戲都係搵啲嘢食下,近排經常都會幫襯旺角一間日式放題,因為性價比又高,食物質素又好,好值得喺度推介一下。神戶屋日韓放題,地址喺兆萬中心8樓,餐廳地方唔算太大,全部都係卡位坐得幾舒適,裝修得好整潔,好適合一班朋友喺度食飯傾計。坐低即刻出去揀返罐嘢飲,無論汽水,茶,啤酒都係任飲，好多放題都冇啤酒，但係呢一間有最適合我呢啲鍾意飲啤酒嘅人一嚟到即刻點返個刺身拼盤,刺身拼盤有三文魚,油甘魚,北寄貝,甜蝦,生蠔,帶子, 三文魚好肥美入口味道鮮甜,有少少油脂食落去特別香。帶子厚切食落去有口感味道鮮甜,生蠔嘅size雖然唔算大,好新鮮有海水味試咗幾樣刺身非常好味,好有水準，最重要係全部嘢都非常新鮮，夠晒凍另外必食嘅推介就係粉絲蒸帶子,帶子size都算大隻,粉絲吸收咗鮮味蒜蓉嘅香味,食落去味道好有層次,粉絲又香又滑 ,真係好正。另一款有驚喜嘅熟食鐵板紐西蘭羊架,羊架嘅size都好大隻燒到啱啱好,肉質仲係好嫩滑,加上邊位有少少焦香,食落去嫩滑多汁味道又香。炸物方面我鐘意食榴槤炸彈,炸芝士,炸鮮奶,全部都炸到金黃色外脆內熱,香口惹味。清酒煮蜆,蜆嘅分量好多而且好鮮甜,有啲

中午心血來潮想食個放題，見到呢間裝修幾好門口個牌寫179起，入到去話要289都算，坐低叫野食除左頭輪刺身上得快少少(有頭赤蝦叫左又冇黎)，上網見話有羊架黎到又冇得叫，上左頭兩碟餸，中午冇乜人都可以坐左成個鐘都冇上過野，本身都冇乜款野食款式可以選擇，食物質素又差，泡菜就成棵梅菜咁，睇見都唔想放入口，叫人蔘雞湯好似飲粟米滾水湯咁，枱上面d碟唔叫真係冇人會埋黎收，兩個人食中午加埋六百蚊，食完唔知食左乜，忟到一肚氣，嬲到坐左一個鐘多啲就走左，請我都唔再黎！

某日心血來潮，好想食下放題。跟住上網睇下旺角區有D咩好選擇，見到神戶屋呢一間好似都幾多人推介，就同女朋友book 左夜晚時間黎食。黎到既時侯，當時好似冇乜人咁，個心離左一離，心諗唔通今次中伏？好在，原來係因為時間尚早既關係，我地叫完野食大概半個鐘頭到，個場已經滿得7788.講下D 食物，根據以往既經驗，放題一開始一定係先食生野，然黎先食熟既。如果唔係，食左熟野再食返生野，會覺得個味道好腥咁。神戶屋既刺身選擇都算幾多下，特別係蝦既刺身，足足有4-5款。當D 刺身拎到上黎既時侯，完全係久違既感覺，精緻既擺盤，襯托住顏色鮮艷既刺身，未食都開始想流口水。賣相睇落唔錯，不過係唔係真材實料就真係要食落先知。一食，果然冇令我失望，刺身都係新鮮既，特別係三文魚，真係好有滿足既感覺。同埋比起其他一般既放題，呢到既刺身蝦都真係幾有驚喜，大家真係可以不妨黎試試。好啦，食完刺身之後，就點返D 熟野。呢到食放題有個好處，就係可以一個鍋一個鍋咁點，好似打邊爐咁。我地點左個壽喜燒鍋，味道黎講不過不失啦，但係冬天黎講，食返D 熱野暖下個胃都幾唔錯。係食緊個鍋既同時，仲點左D 串燒同炸物。個人幾中意個牛舌，燒到岩岩好，

平時兆萬入邊係放題嘅集中地，今次去咗慶祝生日，搵咗間有超級多好評嘅放題，起碼會有質素保證。放題刺身款式超級多，有三文魚帶子甜蝦帆立貝背等等，美食應有盡有，刺身肥美新鮮，最令人驚喜嘅係呢間放題竟然有無限生蠔任食，仲要大大隻好鮮甜。值得推介嘅係佢係有得俾你打邊爐又可以食放題一次過滿足晒兩個願望。個壽喜燒我哋要咗個牛肉鍋仲可以無限添加日本肥牛，啱晒食肉獸。除咗刺身之外，又有好多唔同嘅炸物小食，好似有雞軟骨、炒金菇、黃金蝦，各種小食都係新鮮出爐，10分美味。食得放題之餘當然佢啲飲品同雪糕甜品都係任食的，雪糕仲要有好多特別嘅韓國牌子唔係度度都有，飲飽食醉之後仲可以食返幾支雪條真係一流享受。價錢方面仲要唔貴勝在選擇多質素唔錯，10分推介。

兆萬一向多日式放題，最近冇乜心水，朋友推介呢間神戶屋俾我，試一試佢嘅晚餐放題。首先餐廳套餐會送雞煲或者壽喜燒，我哋選咗後者，壽喜燒湯底濃郁，有少少甜味，都唔錯。至於放題嘅重頭戲刺身，亦都不負所望。每款刺身識落都好新鮮甜美，而且每件都大大件，特別係三文魚，食落仲有油香添。新鮮生蠔都好大件，唔會太腥，讚！海膽好香，唔係霉嗰啲。壽司都好有心機整，細細件，少食多滋味，可以就住個人份量逐次點。燒雞軟骨同炒通菜都好唔錯，估唔到熟食都一樣有驚喜。總括嚟講呢個價錢食到高質素嘅食物，性價比十分之高，值得推介。

同幾個friend係旺角行完街，即興想食放題見佢招牌裝修都好似ok，咁就一於試下啦。諗住佢收得三百幾蚊再加一 質素都唔會差啩服務員質素都好嘅，食物都嚟得好快。但食物質素真係非常差，所有野乜都冇味。清酒煮蜆直頭殼都冇埋 非常貼心 荒死唔知係急凍。

以前食高好多間兆萬中心嘅放題都好中伏，怕左唔敢再食，直到朋友約我食神戶屋，比我發現到原來兆萬都有好質素嘅日式放題。一坐低，店員就拎調味碟比我地，唔洗自己出去拎。飲品櫃嘅飲品任君選擇，仲有好少見嘅果汁，唔使成日飲嚟飲去都係汽水同茶。而且某幾款啤酒都可以任飲。甜品好食，十分精緻。刺身拼盤10分吸睛，刺身非常新鮮美味，沒有雪藏味，三文魚十分肥美，生蠔好鬼大隻，而且仲有海膽！套餐送嘅壽喜燒鍋，一啲都唔輸蝕，湯底濃郁，非常惹味。另外呢度嘅談食都好出色，例如一口椒鹽炸豆腐，豆腐外脆內滑；炒通菜都好惹味，10分出色！

訂位在八點入座後，到了九點仍然不能入座。如果不能預估入座率得話，不應該開放大量位置給人預訂，入座後能夠下訂的食物屈指可數。基本上只能吃少數食物和刺身，體驗非常差。