神座ラーメン (已結業)

小弟本來都好少去大圍覓食, 但見近期D報紙、雜誌都紛紛介紹大圍村的一家新進人龍拉麵店, 見今日得閑就過黎試試啦! 點知.....黎到竟然在門口見到張紙寫住逢星期一休息一天!!! 吓.....食市都會有休息一天架咩..... 超失望.. 一場黎到諗住食拉麵, 無理由空手而回的, 正想揾下左近有無食拉麵的好地方, 就比我見到對面有間門面幾有日本風的小店,就過去睇下有咩食先! 拉開店門, 我問店員呢度有咩食架, 店員話我地呢度係食拉麵架 (心諗: 正合我意... hehe! ), 然後比左張餐牌我睇, 有幾款拉麵、小食、飲品, OK就坐底試試!店內環境光線充足、冷氣夠晒凍, 店仔細細所以坐位不多, 大慨20個位左右, 包括小弟在內, 店內只有4個食客, 所以唔洗排隊就入得 點左個叉燒豬軟骨拉麵試下! 等食中..... 又影下枱面餐具先! 坐左一陣, 感覺有D凍凍地添.... 睇睇下....e.... 日式拉麵店點解有個神枱??? 睇真D, 好似係關2哥??? 怪怪的................ 等左4分鐘左右, 有麵食喇! 可能少人o既關係, 都算快喎 叉燒豬軟骨拉麵, 賣相一般,

之前黎開呢度食米線,點知執鬼左,開左呢間神座拉麵店,見食飯時間都唔洗等,所以試一試,我個人鍾意食辣野,所以叫左個地獄拉麵,呢度出菜都算快5分鐘就有啦,不過可能因為間鋪無乜人關系,個麵到左食第一啖,覺得真係好重味精味立即要飲野個麵好粗好難食,個湯又唔夠熱,簡直係我人生食過最差拉麵食完我立即走座耐d都費事,因為d服務人員,有幾個男仔都面目猙獰,又無笑容...

其實都食過咁多拉麵~個湯底好少做得到濃味得黎又唔會漏~湯底飲落似豚王咁..所以鍾意食拉麵既人..一定要試下~個炸餃子ok la~可以試下~因為有朋友陪食~所以可以叫多個煎叉燒味道唔錯~不過可以再肥d就完美la

本人一向都係日式拉麵喜愛者,食過好多間正宗拉麵鋪頭,我本身又係大圍工作收工後去左大圍後街搵野食,見到呢間新開拉麵店,所以當然要試試,去到門口見到有2個後生仔派傳單,2個超級MK仔feel....無乜笑容禮貌....一入門口...立即見到個關二哥....唔知重以為自已去左邊.....,呢間野唔算大大約有20個位,唔算太迫,之後我叫左個1.叉燒豬軟骨拉麵,豬骨湯底 $60 2.日式餃子 $26先講個拉麵可以講有點騙人收人成$60 完全唔係比番個d野你食,個湯用豬骨精煲,完全唔係豬骨湯,用豬骨精即係"味精拉麵"咁就唔應該收人收$60你d"味精拉麵"只值$40....,再食舊叉燒難食到嘔,同埋d麵質太粗,咁粗麵質用係東京拉麵上就可以,用落扮豬骨湯拉麵上,應該用d比較幼身拉麵上,成個配搭可以講真係錯晒好難食之後再食個餃子佢地用炸的方式去煮餃子,炸到過晒龍超級黑又苦呢間就難食拉麵店,我一路食一路後悔,我永遠都唔會再去呢間野食

溏心蛋幾好食, 叉燒呢我就鍾意食肥一點的. 呢度既叉燒淋身但調味太多，未至於咸既，但係又唔使咁多調味.湯既味道都甜既, 個感覺就似豚王個種，飲落有豬骨味又有點雞味的感覺，唔算太杰身，不會漏。不過奇怪既係個面竟然似意粉?? 哈~~ 就算係food court 食都未試過有拉面面質似意粉既?! 幾有趣.小店子一間, 如果大家想食碗面都可以試下既~~