神座ラーメン (已結業)

週末中午在大圍要找地方吃飯可真不易, 見到神戶人不多, 門口個餐牌都幾吸引(我最仲意食糖心蛋), 同老公試下啦.我點左豬軟骨拉面, 老公點左雞扒飯. 我叫左走蔥, 但碗面都係有蔥, 有D傷心 豬軟骨比其他店既份量少一D, 不過食少D肉都OK既. 拉面味道一般.奇怪既係, 門口同店內牆上貼左豬軟骨拉面既相, 都有隻糖心蛋係度, 但我碗面冇既? 我問返個侍應, 佢話原來我選呢個面底(面豉)係冇蛋既, 其他兩個面底就有. (如果佢張餐紙有寫, 或者佢早D講我知, 我係唔會點呢個面底, 所以有D失望)以這個價錢, 我覺得有點點貴 (個人認為如果加返隻蛋就比較合理既, 因為份蛋都成10蚊架).

大圍有兩至三間日本小店係主要食拉麵，神座ラーメン是其中一間。它最令我驚喜的地方是湯底可以選擇濃度，拉麵可以選擇軟硬，轉烏冬＋$６，正所謂有得簡你先係老闆！我同朋友都喜歡吃神座的豬軟骨拉麵，但我們分別叫了醬油和豬骨湯底去比較一下。醬油湯底比較清，豬骨湯底很濃又有豬骨味，值得一試！豬軟骨拉麵醬油湯底(HK＄56)－入口即溶豬軟骨，肉質鬆化，拉麵爽口再加半隻流心蛋，正！豬軟骨拉麵豬骨湯底(HK＄56)－新鮮的豬骨湯底味道又香又濃，正得一試！日式炒菜HK$28香煎义燒 HK＄34- 肉質鬆化，不過切得太厚了。評分：（以5個＊為滿分）食物：＊＊＊＊服務：＊＊＊環境：＊＊＊大圍積富街57至69號積富樓地下G號舖星期一至日:12:00-22:30TEL： 2613 8819

今日食拉麵，很久沒有在香港食拉麵。今次叫了北海道蟹腳拉麵加鳴門卷，此處可自由選擇湯底、拉麵粗幼、拉麵軟硬程度、葱，自由度大，也比較有信心。但整體而言，質素只是中規中矩，不過幸好濃湯底也不是太咸。店舖比較小，不能久坐。

下午入大圍踩單車，諗住先醫下五臟六腑，因為吾係好熟大圍，行過一間門面ok的拉麵店，便入內試下，入面地方不大，但格局都ok,正值下午，叫了個套餐，點了個前菜炸豆腐，上面有些木魚碎，但炸豆腐前來已浸著醬油，炸豆腐本來不錯，但豆腐的炸皮不快點吃便會索了很多鹹是油，再來的是地獄拉麵中辣，湯底很一般，感覺沒有餚制，還有點四川麻辣風味，麵底有點像油麵，叉燒很一般，店中不見有吸引的招牌菜，純為醫肚份量又不夠，雖然價錢不貴，但愛吃拉麵的香港人要求很高，毫無特點去第二次都有難度

晚上來到大圍覓食 經過這間拉麵館看到它的拉麵價錢大概五十至六十元都很便宜 便進去一試店子很小 裝潢簡單點了炸餃子 味道跟外面的小食店沒分別 十分普通另外一個蟹棒拉面只是普通蟹柳 湯底沒有特別稍為有驚喜的是煎叉燒 可惜沒有拍照味道濃 上面灑上炸蒜蓉 很香伴着洋蔥絲吃 減低油膩感總括來說 食物味道非常普通 但不是難吃 以該價格來說 算是一分錢一分貨當然實在比不上對面的龍亭 湯底絕對下過功夫

千奇唔好試個炒菜，真係好難食，又乾真真飯既份量都好少d飯煮得太軟，冇曬口感同飯香。價錢又唔係平，啲飯絕對唔值咁既價錢地方又小，坐得又辛苦，真係冇野講😡唯一就係d小食都算ok

餐廳的 Logo　跟大阪的神座拉麵　非常相似原來都是掛羊頭賣狗肉　 叉燒拉麵賣相很港式，求其將配料放上麵上。叉燒拉麵卻只有兩三片的叉燒。第一啖先試試醬油湯底，味道很清淡。再試試拉麵，拉麵粗幼適中，但鹼水味太重，失敗。糖心蛋過熟，幸好是送的。叉燒太瘦而且過熟，偏韌。　 [(worried)]

正所謂明知山有虎，偏向虎山行，好奇也好，抱著冒險心態也好，來到這間在大圍的拉麵神座。其實，是因為對面的龍亭，原來不開午市，所以才來這裡，聽過身邊一些朋友，對神座的負面評價，再看看有關該店的食評，劣評多過好評，給予好評的人，不是非會員，就是一評人，大家心照吧。麵店內只能坐十多人，環境頗為狹窄。拉麵有醬油，地獄，Miso，還有以豚骨湯底為主的九州拉麵。午市有特價，賣四十多元一碗，拉麵店有別壽司店等其他日本料理，絕少在午市做特價的。另加數元，換來日式炸餃子，老實說，與我在某些三流店子，吃車仔麵時的炸餃子質素相若。九州拉麵的豚骨湯底，油光滿面，大家都知豚骨湯要油膩，像豚王，魂那一類才叫王道，但神座的油膩，完全是停於表面，沒有一點順滑的感覺，湯身味道偏鹹，豚骨的香，在那裡？叉燒太硬，肥膏位少得近乎沒有，欠了肥瘦兼備的層次感。半熟蛋很奇怪，連一部份蛋白都是流心的，不過都算入味。麵條非博多系一貫的幼身，而是帶點正方型，沒有鹼水味，質感爽滑，庸中佼佼，整碗拉麵之中，算是表現最好的一員。你可以說他很港式，價錢便宜，不能要求多多，我會反問：為何佐敦的品尚橫濱，同樣地價錢比那些名牌日本店便宜，但水準絕不比下

- 話說 前個幾日放左工去食飯- 所以周圍搵野食 - 去到大圍見到好多間食店- 但由於五多想食大排擋既關係所以決定食其他野- 行行下見到間新開既神座ラーメン - 想試下新野, 所以就入左去食- 個裝修都五錯, 有D木屋Feel - 一坐低第一件事就緊系睇餐牌, 個價錢都五系貴- 叫左個叉燒拉面同炸蝦- 原來仲有三隻湯底簡, 本先叫左味噌湯- 但後泥個waiter話味噌湯無蛋, 所以就轉左豬骨湯- 上菜速度都好快- 個樣超靚 隻蛋仲要系糖心蛋- 而家出面真系好少見到- 五理三七二十一, 食左先算 xD- 讚讚讚讚讚- D 叉燒仲甜甜地, 同埋D面又五林- 同埋個湯真系超正, 又五系好油- 平時系出面食拉面D豬骨湯好油的說- 但li到又五會, 岩岩好- 值得一試- 之後就試埋個炸蝦- 都五差, 五會全部系粉- 而且仲有埋沙津醬俾你點泥食- 個賣相都五差架 >.<- 擺得仲好靚 - 食完之後非常滿足,- 而且味道好, 價錢都五系貴- 上菜又快, 最岩d又趕時間但又想食好野既打工他同學生泥食- 極力推介未食過既快ddddddddddddddddddddd去

唔知道咩原因近年香港拉麵店咁盛行，我唔算拉麵癡但偶爾都會食下既，特別係鍾情豬骨湯底!!係同事度得知係大圍新開左間拉麵店,係沙田放工既我,就自己一個走左去試下,去到既時候大約7點30,一睇到佢門口既裝潢就知道佢係食日本野既,不過又唔知佢係食料理,壽司,定食拉麵,幸好我係門口望望下之制,有個店員就拉開道門同我講話呢度食拉麵架,我心諗應該係呢間啦!入到裹面坐低發覺比我既感覺好舒服第一感覺已經唔錯!好!講返食物先睇一睇個餐牌,有大約7-8樣拉麵,仲有10樣小食左右,食物種類都OK我就梗係食返我最鍾意既豬骨湯底試下先啦,叫左個豬軟骨豬骨湯既拉麵,等左4min左右碗拉麵就到啦,個師父都幾快手一黎到梗係好似d食家咁飲下個湯先啦,發覺個豬骨湯好重豬骨味,以又唔太咸,值得一讚\然後個豬軟骨好淋好好食,d 味道係好似d鹵肉咁幾正!個麵就不過不失啦!我覺得整體黎講都算係唔差!如果同又尖咀,銅鑼灣果d比梗係無得比架啦,但係唔想去咁遠又食到d有水準既拉麵呢,呢度都算係一個唔錯既抉擇

叉燒豬軟骨拉麵(味噌) + 蟹棒 + 叉燒 $75嚴重BLACK LIST!!!!!好耐未遇過咁差既餐廳!!!!D位窄...都算數...始終細舖...我都接受...服務差...D人叫十次都唔應一次...問佢呢個拉面係唔係有跟味蛋..佢話有...咁我地就一人叫一個..一個要豬骨湯...一個要味噌湯...點知黎到...我果碗係無蛋...咁問佢係唔係漏左啦...點知佢答我...係咁架..同一款麵...唔同湯底係配料唔同...我話..岩岩問你又唔講...佢然後無理我走左去!~無禮貌到爆~@@~講個麵...差過味千...個麵底普通貨..唔係特別既麵種...個湯只係粉開出黎...又唔熱...應該話勉強可以叫做暖...叉燒不知所謂...無LAYER...仲要涷既...其他配料亦無樣出色...唔會再幫襯!

入去大圍探朋友，朋友話近期開左間新野想試下，咁就冇所謂啦估唔到以家大圍都唔係剩係大排檔LU，裝修簡約但係都好有日式FEEL，雖然食野JE，但係我都要揀間乾乾淨淨座得舒服既食既。地方不算太大，但好在企禮。一座低唔理睇餐牌，點左個2個叉燒豬軟骨拉麵、豆腐、餃子。唔好意思，由於太香，一黎就食左先影相，好味到唔記得左影。首先黎左個拉麵，嘩,,,,,,竟然係糖心蛋!!!!!以家好少日本食店會整，竟然係一間唔多貴既日本野有得食，正！呢個豆腐係我勁勁勁推介，我建議大家佢一黎就食左先，因個皮真係好薄，豆腐好滑，加埋D汁....*v* !!! 如果耐左食個皮就冇咁脆...呢個係勁推介大家一定要試~~餃子不過不失，皮脆不多油，肉不太咸，剛好。

今天的我要進行例行檢查，中午下班後，最終的決定都是不與同事先食飯，我直接的來大圍食下野好。心目中就是大圍新開的拉麵店。在臉書打卡後，達人 "Kent" 同 "紅叮" 道出了一間好及一間不太好的。踏出火車站後，我依照目的地去找，可是事與願違，想試的拉麵店原來只開夜晚，失望之下看見曙光，他們說不太好的神座原來就在對面，為了近日的拉麵瘋，好不好食，的確係要試過見知。入來，因為開學了，提供了學生優惠同一般午市優惠的麵店，令我感覺似一個學生飯堂。而且，套餐也只是一般的九州拉麵。感覺，做得套餐，價錢上比起正式拉麵平一半 (加小食及飲品後)，令我覺得套餐都好極有限，於是我就叫下了最基本的一個叉燒豬軟骨豚骨湯拉麵。叉燒加豬軟骨，是拉麵配料中的常客，味道實際上是OK的，不過叉燒就比較上是硬身了少少，未夠肥嫩，而豬軟骨，味道像中式的鹵肉是正常，這一塊豬肉，倒是不錯。溏心蛋，過熟了，令人失望。麵條就可以算是不過不失，但是這一個豚骨湯底就令原本可以俾個OK的麵種下了禍根。這湯底，味濃不緊要，最重要的是絕對的鮮豚肉豚骨味，如果唔係追求呢一種味道，為何中、日、韓的湯都要以豬骨為主。骨髓的精華，鮮味，是能夠令普通的

又到左食LUNCH既時間~~見開左間新拉麵店~入去試下咁就叫左個豬軟骨拉麵試下~叫左5分鐘就到~此拉麵湯底濃厚~ 麵質一般~但配料足夠豬軟骨幾好食~口感幾好~夠淋最鍾意個豬骨湯同溏心旦~~個湯濃得黎又唔會漏~食完又唔會口乾乾~(唔同味精拉麵~食完要係咁飲野)

身為大圍人當然經常係大圍食野, 亦因屋企無人煮飯關係, 本人差不多每晚都要落街找野食. 最近發現大圍新開左好幾間食市真開心唔洗食來食去都係果幾間茶記或米線. 呢兩個星期都輪住試新野, 幸好, 新開的店都用心經營仲好好味. 實在令人我呢個大圍人感到興奮.但今日來到呢間新開日式拉麵舖令我有點失望. 野食種類不多只有拉麵及小食, 但呢個我理解因近期一股拉麵風襲港, 基本上去拉麵店一定預左只有數款拉麵及小食. 但令我失望的當然是品質, 打正旗號是日式拉麵, 而且價錢唔平成五六十蚊一碗, 點解唔比我食返五六十蚊一碗拉麵的質數??? 點解只是一碗比普通港式拉麵質數還要差還要貴的拉麵???我知, 我冇可能將佢同豚王一風堂等出名拉麵店比較, 但都唔好連我去開既車仔麵茶記米線都不如!! 我比貴左好幾十蚊架!!我選左最基本的x燒拉麵, 湯底選左豚骨, 因為豚骨湯底最可以看到質數. 湯底是拉麵的靈魂嘛....但呢間拉麵除了麵條粗大如食意粉米線外, 豚骨湯底亦沒有豬骨味...咁....呢間拉麵舖己沒有可取之處了. 大圍新開食店來說, 此店可說是差, 給其他優質食店比較下去了.....呢間舖頭我應該不會再來..