磊犇 (已結業)

用石頭來煮東西食,之前已經聽過,但真正食就真的是第一次,在旺角發現有一家新開的餐廳叫做磊犇,又有石又有牛?立即八掛的走過去看了一下,真的是這樣的用石頭燒牛扒,看了一下價錢又不貴,所以就進去食人生第一次.原來裡面是這樣,門口有個買票機,上面有3款牛肉,每一款都可以選擇200-400g,在進去最最最裡面有兩個位置,一個時有白飯跟麵豉湯,一個是放沙拉跟飲料,飲料都有三款冰的,一款熱的,買完票後就可以找位置坐,等拿牛的時間就可以去拿想要的配菜.買完票的時間,店員會給你一個圓形的機,你的牛可以拿的時候,這個機就會響,今天我叫了一個肩肉扒300g,都算大份,一條直直的肉,第一下切開裡面全部都是紅紅的生肉,等時間慢慢燒一下就會變熟,我在想同白飯放上去吸走全部流出來的牛汁,這樣就可以食到最完美的時刻,老闆看到我這樣做在笑我^^"因為我是第一個.牛肉有咬口,肉汁豐富,牛味都濃郁,要有多熟在自己手中控制,好爽呀!!!如果不夠飽,其實外面的白飯等等都是無限食的,還有醬料可以配,好捧!!!

自從係一個地方發起有可以用一舊石一直熱住件牛扒黎慢慢食，我就喜歡左呢樣野，今日行旺角先發現，原來旺角都開左一間咁既方法食牛既餐廳，二話不說即刻入去試下佢有冇比我其他餐廳既好食。睇個價錢比較起上黎係算平既，最平75蚊都可以有一舊200g，身為一個肥婆，緊係要食最大份既130蚊400g既磊牛啦。買完先慢慢入搵位坐，環境算唔錯，坐位都好闊，仲好乾淨。等牛之前可以出去拎其他配菜，佢地有珍珠米飯，麵豉湯，沙津，飲品，另外仲好貼心有圍裙，我真心覺得呢樣野好重要，好鐘意著白衫既我次次都食到一點點，仲有餐具等等都係自己係出面拎嫁，話口未完牛已經可以拎啦。其實我都唔係好知磊牛姐係邊一個部位，我只睇到價錢400g先130蚊咁平，所以先叫，拎個時有張紙蓋住，怕你彈到，枱前面仲有好多調味料可以選擇，我發覺燒汁係最夾牛肉，磊牛偏向有筋既部位，但肉質非常嫩滑，我煮耐左都唔太好硬，食落仲要牛味勁重，牛汁又多，又平又好味。

收工想据扒，上網見到旺角都有呢間石板牛扒，一直想試呢種牛扒，今日一於試試佢。呢間基本上都係自助形式嘅，由入門口起姐姐會叫你喺門口部機自己落單，然後去收銀俾錢，姐姐會叫你自己搵位同埋俾個機你，個機一響你就可以去攞你塊扒架啦！除左牛扒，仲有白飯，麵豉湯，沙律同飲品都係任食任飲，自己搞掂。同埋因爲石板好熱，啲油會係咁彈，所以啲姐姐一見你冇戴圍裙就會係咁提你攞圍裙，其實都好窩心🤣至於牛扒，佢得三種俾你揀，就係磊扒，肩肉，同西冷。我地揀左個肩肉同磊扒嚟試（第一張牛竹係磊扒，第二張係肩肉），因為自己煎自己控制幾多成熟，所以其實兩隻都好腍。咁牛扒本身佢冇同你調味，所以檯面會有三種品同嘅汁同埋海鹽黑椒俾你自己調味，絕對係甜酸苦辣 任君選擇。

近日香港越嚟越多石燒牛餐廳，今日嚟到比較平民價嘅「磊犇」。呢間餐廳採用自助點餐，點餐後再去counter付款，店員會俾個pager，提示顧客餐點已經準備好。同男朋友分別點咗「200g 西冷牛扒」同埋「300g 牛肩肉」。沙律菜、麵豉湯、白飯，同埋飲品都係任食任飲。夾完沙律，裝完湯，牛扒好快就準備好。冇估到200g 西冷牛扒都好多，對女仔嚟講好夠食，飯都食唔落。至於300g 牛肩肉都足夠男仔食，不過食肉獸可能會想食多啲。兩塊牛扒肉味都算濃，質素比想像中好，以價錢嚟講係超值。一般嚟講西冷扒比起牛肩肉有更高嘅脂肪比例，但反而牛肩肉食落去比較腍，口感更好。另外值得一讚係沙律菜新鮮，意想不到地高質！

近半年係香港都開左唔少石燒牛既店舖，呢日我都終於有個初體驗🤓六點幾到已經見到餐廳差唔多爆滿，不過流動率都算高🙃一入門口就已經係落單機，三款牛分別係西冷牛扒、牛肩肉、磊牛扒，仲有得選擇重量添🥩唔食牛既都可以揀平民價既石鍋拌飯餐😏入座後等機仔響既期間，可以攞定任食既沙律、麵豉湯、白飯，沙律比客人消耗速度頗快，好彩店員一直refill，另外碗仔細唔夠食就要行多幾轉，不過每次少少地都可以避免浪費☺️同埋仲有三種飲品，包括洛神花山楂茶、菊花茶、綠茶，淡淡地既菊花茶可以清熱解毒，綠茶就比較甜🍵機仔響就可以自己出去攞石燒牛，油濺得比較厲害，店員見狀提議我穿著一次性圍裙🙈石板燒得好勁既關係，塊牛熟得幾快，要儘快加入調味料，切開放入碗先，再蘸上胡麻醬、照燒汁或者黑椒汁就食得▪️ 牛肩肉（7/10）💲110（300g）我叫左個牛肩肉，賣相都厚實，口感偏向有嚼勁，中間難免會有筋位，但係牛味頗香濃😳▪️ 西冷牛扒（7/10）💲120（200g）友人點左個西冷牛扒，入口都唔會好韌，比起牛肩肉腍身一點，不過感覺上牛味就無牛肩肉咁重了🤔🔎 整體評分（7/10）

一份西冷牛扒300g，一份磊牛扒200g，足夠四人份量。牛扒一上枱有一成熟，然後自己慢慢stonegrill。 其實又唔可以太慢，因為如果係食medium red或者medium, 好快就已經達標。 西冷牛扒因為佢有脂肪比較香，比較滑。磊牛扒就好有牛味，yummy。 個人認為200g細件啲，容易調控到自己想要嘅熟度。沙律、飯、麵豉湯同埋飲品可隨意refill。我建議牛扒一定要同飯一齊食，可减少肥膩感。 我就不停refill佢哋嘅菊花茶，因為可以消除熱氣。

咁岩同朋友行完街經過呢間食牛，又唔太貴就想試下佢係自助形式，一入到鋪頭就有部機點想食咩，跟住比錢等拎野食我地就簡左西冷牛扒300g同埋牛展石頭飯🤭佢仲有得自助比你拎沙律、野飲、飯同埋湯🥰西冷牛扒好大份，自己燒既感覺好正👅雖然肉汁唔算好多，但味道好香，好有牛味！🤤（因為有時出面食完d肉都冇味）300g真係2個人share都得🤭 佢有幾款醬汁比你簡，有黑淑汁，燒汁同芝麻醬，我自己幾鐘意燒汁，好夾！另外個牛展石頭飯好驚喜，估唔到50幾蚊但竟然咁足料～牛展好多塊，好好味🤤🤤🤤我覺得石頭飯都係必點，食哂冇剩Overall，cp值真係好高，呢個價錢食到咁多野，仲要每樣都好食 ☺️下次再黎

自問無肉不歡,喜歡嚴選嚐品牛既部位的我絕不手軟，吃出個味蕾己不同變化所在吸引能力，對食材打造有一個完美的句號 內裏自助點餐機方便又快捷一覽無遺所供應免費沙律/白飯/湯補給量非凡，能按照個人喜好份量奉上多元化的選擇完美呈現三款牛部位質量分別有誘人滋味，高温膨拜石板熱力生熟程度自由掌握煎熟( 牛肩肉400g )DIY方式自由主導切開肉香與脂香鬆軟融合為一，牛肩肉400g細緻滋香這般熱氣更昇華，享受原汁原味匯聚，而旁邊旁所放置醬汁徹底把牛迷控人士投降的原因

這天跟朋友在太子、旺角附近見面，心思思想食牛扒，所以便到這裏。找到位置後，便可以到位於門口的自助點餐機點餐。這裏的牛扒種類不算繁多，但亦算是提供了足夠的選擇！我點了300克的磊牛扒。價格親民，質量挺不錯！牛扒只是煎封了表面，生熟程度全靠自己控制！牛扒放置在加熱後的石板上，石板熱度足夠，所以吃到最後牛扒還是熱騰騰的！不過，如果吃200克肉的話，可能牛扒會容易過熟。餐廳還提供飲品/飯及湯，是自助自取形式，變相是半自助餐！

旺角太子開咗間石燒牛扒，一入到舖頭就有部自助售賣機，你可以喺嗰度自己點餐，好方便。點餐後就等叫你拎個餐。我叫咗西冷200 gram，牛肩肉300 gram，所有套餐都包自助麵豉湯、白飯、沙律及飲品。你可以自己去拎。鐵板好熱，可以按照自己喜好控制熟度。切記一路食一路切，如果一次切哂一小件會好快老。西冷幾厚，肉味比牛肩肉重。肉質都唔錯，切開幾juicy!餐廳仲帶自助醬汁，好方便，食物黎得快，趕時間就岩哂。

近來越開越多石燒牛店，感覺佢哋嘅牛扒質素一定唔會差，果然冇令人失望。先喺入口㩒螢幕落單，然後揾個位座，等個牌響，就可以去取餐。自助式嘅食店：自己準備調味料，取餐具，圍裙，裝珍珠飯，裝麵豉湯，飲品，沙律(什菜), 全部都喺自己嚟。西冷扒200g冇筋位，厚身，自己切件燒，要幾熟自己話事。好鮮嘅牛肉味，一d 都唔韌，點黑椒汁食好正！肩肉扒400g🥩個人鐘意肩肉扒多過西冷扒，雖然肩肉有咬唔爛嘅筋位，但肉質再鮮味d! 400g大大件都係$140, 好抵食！有夠洒凍嘅綠茶，洛神花山楂茶及菊花茶。日本料理店一般都係跟綠茶。山楂茶酸甜開胃。菊花茶清熱解暑，唔太甜，飲落好舒服！都幾多食客幫襯~ 抵食又好味嘅石燒牛專門店，唔錯喔！

上次喺佐敦食完石版燒今次喺旺角又搵到一間石板燒！不過今次同上次「秘」唔同，「磊犇」係原塊牛扒放在極高溫的石塊上燒熟！呢度都係自助點餐，我同女朋友點了「300g 牛肩肉」以及「400g 磊牛扒」另外餐廳亦有用完即棄圍裙提供，對防油濺非常之有用😂 點完大概10分鐘左右，就自己自行到取餐處度取餐了🤣🤣而係等候嘅同時，亦都可以裝白飯，湯以及飲品，都係跟餐任添的😛😛 由於係用非常高溫嘅石塊燒熟牛扒，所以餐廳亦好細心睇牛扒嘅上方鋪了一張廚紙，以減低被油脂彈到👍🏽👍🏽 ✅300g 牛肩肉✅400g 磊牛扒喺餐枱上亦放咗三款味道嘅醬油俾大家點👍🏽👍🏽 我個人就覺得會照燒汁嘅味道最正！☺️總結來計，無論以價錢同埋份量來計都非常足料！其實300g牛嘅份量都非常之多，都已經食唔落飯。所以大家唔係非常非常非常之肚餓嘅話其實都唔使叫到400g。而且生熟可以自行決定，唔想太生嘅話可以放喺石板上燒多一陣先食。不過我覺得三至五成嘅肉質同埋感覺係最好🤪 —————————— 食物質素：7/10 環境衛生：7/10 舒適度：6.5/10 服務：6/10 性價比：7.5/10 總評分：6.8/10 ——————————#f

話說最近好想增磅，又好想食肉朋友知我心意，就帶咗我嚟依間磊犇～原來係石板燒牛，入面主要有三種石燒牛，分別係西冷、牛肩同佢自家嘅磊牛扒。我地就揀咗牛肩肉（300g)同磊牛扒（400g)依度主要係自助形式，自己order完自己拎，有少少似food court，連飯都嘢飲都係自助嘅等咗幾分鐘就有得拎喇。原來所有牛扒上枱時都係一成熟，之後想食幾熟就自己煎！依個就係牛肩肉，食落好有牛味，但就少少un,算係幾有咬口另一個就係磊牛扒，食落雖然冇咁有牛味，但就淋身啲，易咬啲！依度白飯任裝，而就咁叫300g嘅牛都有兩中塊，可以送幾碗飯，真係好啱食肉獸朋友同埋要增磅嘅人！

上次食過一次熱石牛扒後，成日心思思想再去食😋今次嚟到呢間磊犇，價錢同樣不會太貴，但味道係咪一樣好食呢🤨——————————🔸沙律🥗這裏的沙律是任食，有生菜丶紅蘿蔔絲和番茄仔，所有都很新鮮乾淨，客人亦可加入芝麻醬，啱晒想食得健康嘅朋友～另外，白飯丶麵豉湯和飲品都是任食任飲的，大食嘅朋友唔洗擔心👍🏼🔹西冷牛排🥩 200g $120這間店主要有三大類牛排，分別是西冷牛扒丶牛肩肉和磊牛扒。今次叫了價錢最貴的西冷牛扒，肉的大小適中，但相當厚身👍🏼 本身食開七成熟，而熱石就能自己控制熟度～西冷牛扒的肉質結實，但咬落去充滿肉汁和油脂香氣，配上甜甜的照燒汁，肉味更突出，正👅👍🏼👍🏼

今日黎左"磊犇"食,, 呢到有牛扒同石鍋飯, 白飯,沙律任食! 最後我地點左餐, 坐底, 之後等野食中既同時.. 我去左拎沙律, 白飯, 麵豉湯, 飲品有洛神茶同菊花茶, 野食都好快上, 個"鐘"仔響的話, 拎住個"鐘"仔去拎就可以了,, 石頭鍋雞肉飯 (燒汁) 超多飯, 超多汁, 材料好足, 有栗米, 蘿蔔絲, 青瓜絲, 雞肉都好多，超嫩滑。底部既飯焦都好脆好好味。之後叫左個西冷牛扒，勁大塊成300g，用熱石板既熱力去煎熟牛肉，睇下自己想要幾多成熟，肉質好嫩亦好多汁，有牛味，我地仲落左黑胡椒，同黑椒汁，令牛既味道更豐富。