磊犇 (已結業)

自從係一個地方發起有可以用一舊石一直熱住件牛扒黎慢慢食，我就喜歡左呢樣野，今日行旺角先發現，原來旺角都開左一間咁既方法食牛既餐廳，二話不說即刻入去試下佢有冇比我其他餐廳既好食。睇個價錢比較起上黎係算平既，最平75蚊都可以有一舊200g，身為一個肥婆，緊係要食最大份既130蚊400g既磊牛啦。買完先慢慢入搵位坐，環境算唔錯，坐位都好闊，仲好乾淨。等牛之前可以出去拎其他配菜，佢地有珍珠米飯，麵豉湯，沙津，飲品，另外仲好貼心有圍裙，我真心覺得呢樣野好重要，好鐘意著白衫既我次次都食到一點點，仲有餐具等等都係自己係出面拎嫁，話口未完牛已經可以拎啦。其實我都唔係好知磊牛姐係邊一個部位，我只睇到價錢400g先130蚊咁平，所以先叫，拎個時有張紙蓋住，怕你彈到，枱前面仲有好多調味料可以選擇，我發覺燒汁係最夾牛肉，磊牛偏向有筋既部位，但肉質非常嫩滑，我煮耐左都唔太好硬，食落仲要牛味勁重，牛汁又多，又平又好味。