碧士文 (東利商業大廈)

營業中

休息中

✨豬榴彈份量都幾大，而且有兩塊豬柳好滿足！豬柳10分juicy !佢落咗有少少辣嘅沙律醬！感覺可以更加消除油膩感，同埋啲蕃茄同蔬菜一齊食好夾✨招牌威士忌bbq豬扒飯豬扒都幾好，而且好鬆軟！味道就係食得出經過醃製嘅，而且非常香甜！啲飯嘅質感偏硬身！食落都幾有口感！✨薯條薯條即叫即炸，而且夠晒熱！✨特務濃湯❤️蔬菜湯超級多餸菜，味道有一點辣味！❤️南瓜湯超級好飲，而且好厚身✨金手指（豬扒薯條）豬扒切到好似薯條一樣嘅大細！豬扒好鬆脆！即使係炸緊豬扒，一啲都唔油膩 ✨自家製薯蓉併肉丸肉丸非常有驚喜，因為佢加咗少少鯪魚肉，所以口感超級彈牙之餘又多汁！薯蓉都幾滑！呢個鋪位都幾大，坐得幾舒服！而且員工服務態度都好好，見到好多外籍人士都過嚟食香港嘅豬扒飯！呢間餐廳好有fushion 嘅精髓，而且價錢都幾相宜！

📍 Pigsman （上環）餐廳以電影皇家特工Kingsman為主題🤵🏻‍♂️由於係主打特色豬料理🐷所以叫做Pigsman😎 食物有質素👍🏻裝修至餐牌都放入左特工特務元素🎩組合任務=主食➕ 小食/湯➕飲品我地叫左2 Set😋✨Set1 主食:避風塘豬扒飯🐷 $92蒜蓉爆得好香😋辣辣地🌶️好惹味👍🏻 厚切豬扒飲嫩唔乾身✨Set1 小食: 手打豬肉丸（3粒）比預期中大粒🤩又好食🤤肉餡加咗洋蔥同香草🌿鮮嫩多汁😋✨Set1 飲品: 伯爵港式奶茶 +$22伯爵茶味香奶茶滑😋———————————-✨Set2 主食: 芝士蘋果焗豬扒飯🐷 $102呢個配搭幾新鮮😆加上左蘋果既酸甜🍎天開胃, 厚切豬扒飲嫩唔乾身✨Set2 湯: 雜菜湯好足料既雜菜湯👍🏻好多雜菜🥬🍅同薯仔粒🥔✨Set2 飲品: 無糖可樂📍 Pigsman(上環)上環蘇杭街93號東利商業大廈地下2號舖

開左幾個月叫做新新地，但已經儲咗好多熟客，之前經過都見到好多人食。主打外賣但都有位食，餐盒勁高級，食物都好多選擇，仲有特務主題套餐幾抵食🌟豬扒多士主要主要係豬扒飯，但原來多士都好正好大份。個包四四方方咁好厚身，做到外脆內軟，豬扒有少少沙律醬酸酸地，配埋蕃茄生菜好清新🌟蔥油豬扒飯配煎蛋當然都唔少得長方形盒既豬扒飯，今次揀左蔥油味，不得不讚個蔥油比好多港式冰室做得更香。單面煎蛋煎得岩岩好，個底脆脆的，上面蛋黃半熟流心。🌟金手指 (豬扒薯條)金手指超級特別! 係用豬扒做既薯條😍 一條條豬扒有少少味粉好惹味，比薯仔做既薯條多左肉汁好juicy🌟手打豬肉丸大大粒手打豬肉丸逼爆個盒了🤣 醃味香濃肉質嫩滑 🌟伯爵港式奶茶🌟烏龍茶

上環搵食，無意中係外賣平台搵到呢間有點玩味嘅Pigsman ，見d評語唔錯，即管試吓。先講包裝，由飯盒到紙袋全部有logo 一set，好靚。招牌威士忌bbq豬扒飯 - 個飯長方形細細盒，嫌細盒咗d。食落就係bbq汁，豬扒厚切冇骨，啖啖肉，好食。金手指 - 其實即係豬扒，但切成細細條薯條狀，都係俾一樣醬汁。OK嘅，純粹個名稱特別d；唔想食飯嘅可以揀呢個。惟一投訴亦都係關於呢個金手指 。平台落單時餐牌(見圖)係寫豬扒「及」薯條，但原來只係豬扒薯條(見圖)，並沒有薯條。希望有關單位盡快更正，實在太誤導喇；用平台訂餐嘅話唔去到現場根本唔會知道。

平日喺上環返工，OT放咗工，想食返餐好啲，唔想食茶餐廳或者連鎖快餐店，見到呢間餐廳主打食豬扒料理，就一於入咗嚟試吓餐廳裝修風格好特別，好似置身007電影場景咁，好多特務用嘅工具同槍械餐廳Menu都有好多選擇，有咖喱飯，卡邦尼飯，仲有漢堡包選擇✨豬榴彈（雙層手打豬柳芝士漢堡）Set $92個名超特別，對比連鎖快餐店嘅漢堡包高級好多，麵包非常鬆軟，漢堡扒好足料，有兩塊，而且肉汁豐富，配埋爽脆嘅生菜同芝士，真係超夾✨手打豬肉丸小食嘅選擇都好多，今日就揀咗平日少見嘅豬肉丸，有三粒大大粒，外皮焗到好香脆，裏面好Juicy，配埋燒汁一齊食一流✨Coke跟餐仲包汽水✨薯條$28最後我哋單點左個薯條🍟，薯條程波浪紋，係較粗身嘅薯條，炸到鬆脆

專門食雞食牛的餐廳見得多，專門食豬🐷既又真係好罕見，今次來到上環的碧士文🐷小店，一嚐食豬滋味。一來到餐廳小店，見到非一般既設計裝潢，就知呢間餐廳的水準一定唔簡單🤩呢度就是主題餐廳🍴有刀有槍特務🕵️電影🎬般出來的效果，就連擺係餐廳的裝潢都讓人目不轉霞，吸引極了🤩當然，呢度講求既係任務mission, 今日我們的任務就係來食好西，經過一番研究，選擇了任務B 同任務C😛任務B:芝士🧀️焗越式水咖喱豬排飯（豬排份量多，超香芝士🧀️味既咖喱豬排值得一試）小食： 手打豬肉丸（必食，超級好食😋）任務C: 豬榴彈（雙層手打豬柳芝士漢堡🍔）豬柳香脆，我更喜歡這個漢堡的漢堡皮，同樣香脆，非一般好食😋。小食： 自家製薯蓉配肉汁另外加埋野飲，埋單都係$200 到，上環來講真係抵玩抵食又好味😋

話說今日經過上環，簡左一間好chill既餐廳同朋友食下午茶，距離地鐵站都係3分鐘距離，所以都好易搵到，去到唔洗等位就入到去👍🏻so lucky ，餐廳裝修都好西式，絕對可以俾我地打卡，餐牌都好大塊🤣🤣🤣好易明，我同朋友就點左幾樣野👍🏻豬榴彈+薯條🍟+可樂（$92）聽個名好似好有霸氣咁，所以就叫左黎食😂大大個包😍係我平時食既一倍，絕對唔馬虎，而且料足，咬一啖d肉汁爆哂出黎🤩 配埋粗薯條食真係正🤪熱辣辣，香脆可口豬扒多士($63)豬扒多士有驚喜，厚厚既豬扒，加上個包皮用多士爐焗完有陣甜甜既蜜糖味👍🏻好岀色

Pigsman．「特務P」進駐上環呢間野犀利啦特工開架！講笑！食豬先係正經既！話說做野行過上環見到呢間小店，裝修設計吸引行入去見到唔少客人大家好中意望住個牆我都係因為好多特工裝備呀！餐牌有好多MISSION我都揀番2個同同事食先豬榴彈(雙層手打豬柳芝士漢堡)好多肉汁呀！爆激口感香軟的麵包，新鮮的番茄同生菜仲有多汁的豬肉口感非常好，滿足肚餓的打工仔手打豬肉丸又多汁，又有BBQ醬熱情的豬肉香彈入口中啖啖肉，係過癮既！芝士蘋果焗豬扒飯好香的芝士味更有蘋果甜香滲入令豬扒和飯都受到加持好味到一個點值得一吃自家製薯蓉配肉汁 Homemade Mashed Potatos好香滑，好薯仔，好肉汁三合一，味道一流跟餐的飲品水準都不錯伯爵奶茶前調是伯爵茶香後調直接是港式奶茶風味口感好，香滑，味道不錯Iced Latte咖啡豆好香用的奶亦夠滑是一杯有水準的LATTE天氣太熱飲番支 Coconut Water清涼一下，唔錯！碧士文 (東利商業大廈)上環蘇杭街93號東利商業大廈地下2號舖

特工主題嘅餐廳真係第一次見，裏面放滿西裝、槍特工用具，連Menu上面嘅名都係用特務嚟命名，好盞鬼！小店主打外賣，佢都有啲堂食座位，菜式主打豬肉料理，有好多唔同款式嘅豬扒焗飯，味道幾高質！佢全日都有combo set，跟埋小食同嘢飲，平時喺呢頭返工嗌個外賣返去，都幾正幾抵食！------------------------------🥘◖003 Agent Curry 越式水咖喱豬扒飯◗ $92呢個長條形嘅飯盒嘅設計真係第一次見，唔好睇小佢細細個，都幾足料幾飽！上面嘅豬扒淋上水咖喱去焗，帶少少香茅味，味道甜甜地咁。呢個醬汁同埋豬扒送飯真係唔錯，好鍾意佢豬扒嘅肉質焗得夠乾身，有啲脆身裏面又keep到啲肉汁，食到一絲絲嘅肉，口感味道都調和得幾好～🧆◖手打豬肉丸◗ 跟餐豬肉丸大大粒，有三大粒，外層有啲脆皮，裏面有肉味好juicy，脂肪同豬肉嘅比例啱啱好！有多款醬料可以揀，揀咗黑松露山葵醬，好香又唔會太嗆～🍔◖008 豬榴彈◗ $92呢個名改得幾有創意🤣，其實佢係雙層豬柳芝士漢堡，豬柳係手打，食到啲肉粒，幾遠軟腍有質感；麵包搽上牛油煎過，烘得幾香脆裏面又唔會濕淋淋咁，咬落去啲油脂香氣爆發，好食

今日唔做甜食家，化身成英國特務，去了上環一間「碧士文」的高級西服裁縫店。鋪面表面是賣西裝，內裡掛滿了特工裝備配件，但其實是一間專食豬的西餐廳。餐廳裝修參考了皇家特工的Kingsman服裝店，玩味十足。餐廳有堂食，亦主打外賣，所以食物外賣包裝花了不少心思，打卡影相一流。今次點了兩個套餐任務B$102芝士蘋果焗豬扒飯 配手打豬肉丸和伯爵港式奶茶（加$22）每份豬扒飯即叫即製，選用較有嚼頭的肉眼豬扒，自家醃製，堅持每塊足2cm厚，不加鬆肉粉，切件再密鋪整個外賣盒，炒飯底為西式做法，先煮融牛油，下蛋，然後才加入飯粒，兜勻快炒，時間要快，炒出來的飯粒才夠香口。坊間的焗豬，常以菠蘿入饌，芝士蘋果焗豬扒飯這個組合其實相對少見，焗飯面層加上蘋果片，上桌的時候都聞到果香，增添口感，果肉的甜中和芝士的膩。手打肉丸口感紮實不鬆散，一口咬下立即溢出香濃肉汁。奶茶是正宗港式凍奶茶，茶味香濃，入口細滑，加入了了伯爵茶葉，味道特別。任務C $92 豬榴彈（手打雙層豬枊芝士漢堡）配薯條和汽水漢堡包份量十足，層層疊起後確實是一口無法掌握，麵包烘焙出外層輕脆的口感，內裡鬆軟有彈性。雙層手打本地豬肉漢堡扒口感紮實多汁有咬口

呢間餐廳真係好有型啊！不論喺店內定係店外，都充斥住特工主題嘅裝飾！除咗特工嘅裝置同配件，仲有好多豬造型嘅裝飾物，例如豬嘅雕像同特工豬嘅海報！入到去之後，你會立即感受到特工同豬元素交融嘅獨特餐廳體驗！仲要菜單全部都係特別任務，超級有Gimmick!餐廳嘅招牌菜多不勝數。首先話南瓜湯，佢帶有獨特嘅南瓜風味，湯質滑順，色澤金黃，作為是日餐湯黎講，真係幾滿意接下嚟講豬扒沙律，性價比超高，超級足料！豬扒切片片，掂喺新鮮沙律菜上，帶嚟好多層次嘅口感。沙律菜都有唔同嘅菜底，有脆生菜、紅車厘茄同各款雜菜，顏色好靚好吸引。仲加埋啲堅果碎同提子乾，口感酥脆同甜味啱啱好。豬扒嘅肉質同埋醬汁嘅油醋風味同沙律菜嘅清新，再加埋啲堅果嘅香脆，真係好fresh！最後，我地要提到豬榴彈，一個雙層手打豬柳芝士漢堡，豬柳嫩滑多汁，芝士融化入口，每一口都帶來驚喜嘅滋味！呢間餐廳唔單止有獨特嘅裝飾，菜式亦非常出色。佢成功結合特工同豬元素，為你提供一個非凡嘅餐廳體驗。

近排分別喺上環同銅鑼灣都經過呢間餐廳佢哋主要做外賣今日經過上環就決定一試室內比較寬敞堂食或者外賣都得招牌威士忌BBQ豬扒🐷個豬扒預先切開咗一舊舊加埋啲燒汁一齊食簡直就係啖啖肉 油脂比例啱啱好完全唔會食倒好大舊肥膏另外仲叫咗手打豬肉丸一共有三粒每一粒都大大粒 可以分開幾啖食肉丸入邊仲加咗香草同黑椒同平時食開嘅豬肉丸好唔同豬榴彈呢個名聽落去好特別，原來係漢堡包😂其實係雙層手打豬柳芝士漢堡食落去幾特別個手打豬柳同個豬肉丸食得出其實係一樣做法但係個肉放咗喺個漢堡包到就別有一番風味再加埋啲新鮮嘅蔬菜喺個包度口感啱啱好另外亦欣賞佢哋嘅忌廉南瓜湯呢個南瓜湯係自家製嘅飲落去每一啖都好濃郁，超足料完全唔使加其他調味料已經好好味

今日去上環開完會路經蘇杭街，發現在東利商業大厦地下開了間Pigsman，之前在銅鑼灣糖街Pigsman吃過豬扒飯和豬肉丸，覺得有水準。正值午飯時段，便决定和朋友試下新店。新店裝飾採用特工主題，有玩味又可以打卡。套餐幾抵食($92至$102)，可以選一個豬扒飯/豬扒漢堡/豬扒多士，一個豬肉丸/薯條/餐湯/自家製薯蓉配肉汁和一罐汽水/水/熱茶。飲品可(+$10至$33)升级做伯爵港式奶茶/咖啡/啤酒/椰青水/紅牛/烏龍茶。招牌威士忌BBQ豬扒飯有水準，白飯軟硬適中，無骨豬扒幾厚身，大大塊切開一片片方便食，肉質調味佳，個威士忌BBQ汁又香又惹味，好食。配菜豆角番茄洋葱都夾味。葱油豬扒飯都好惹味，加埋煎蛋更滿足。手打豬肉丸一定要試，一份三粒大大粒，炸得香口，咬落去夠哂好味又juicy又有口感，不點醬都夠味。南瓜湯清甜濃郁，美味。打包了一份肉丸配自家製薯蓉配燒汁和金手指(豬扒薯條)返office俾同事食，他們都話好食。豬扒薯條好香口，形似薯條其實是炸豬扒條。肉汁薯蓉香滑。你鐘意食豬扒肉丸薯蓉要來試下。

Pigsman 碧士文 (東利商業大廈) (上環) 我點了三道菜品：招牌威士忌BBQ豬扒飯、手打豬肉丸和伯爵奶茶。招牌威士忌BBQ豬扒飯：這道菜絕對是豬肉愛好者的天堂。豬扒份量十分大，每一塊都肥嫩多汁。搭配威士忌BBQ醬，增添了獨特的風味，讓人垂涎欲滴。米飯煮得剛剛好，口感軟糯，完美地與豬肉搭配在一起。手打豬肉丸 : 這裡的肉丸真的好正。它們Q彈有嚼勁，每一口都散發著肉汁的鮮美。肉丸的味道濃郁，充滿深度，絕對是肉丸愛好者的極致享受。配上店家特調的醬汁，更是一絕。伯爵奶茶：這杯伯爵奶茶讓我驚喜不已。茶香濃郁，帶著淡淡的花香，喝起來十分舒爽。奶茶的口感順滑，奶香和茶香完美融合，給人一種愉悅的感覺。這杯伯爵奶茶絕對是炎炎夏日的最佳解渴選擇。Pigsman 碧士文的豬扒擁有大份量的豬肉和獨特的威士忌BBQ醬，絕對是豬肉愛好者的最愛。自家製肉丸的Q彈口感和肉汁豐富讓人一試難忘。而伯爵奶茶的濃郁茶香和清新口感是絕佳的解渴選擇。Pigsman 碧士文的菜品味道出眾，給人帶來滿足和愉悅的體驗。不要錯過這個舌尖上的美食寶藏！

之前已經去過Pigsman 係銅鑼灣嘅主店潮聖，銅鑼灣雖然都有少量堂食座位但主要以外賣為主，而上環新分店一樣保留特務🕵️主題元素外，餐廳空間大了許多更設有差唔多20多個堂食位置👍🏻門口位置仲有幾個打卡位📸可惜了今日整日都落大雨☔️，下次要搵日天晴再嚟過講番餐廳美食方面係只提拱以豬肉製成嘅美食料理，除咗聞名嘅豬扒飯外，輕食方面都有漢堡包🍔、三文治🥪等等，而且餐廳全日都有提供combo set ，可以加配小食同飲品🥤重點係唔收加一😳招牌威士忌🥃BBQ豬扒飯唔好以為佢個盒好似細細地咁，其實份量都夠一個人食嘅，加上面頭鋪滿了切成一口size 嘅豬扒，豬扒煎得剛好唔會柴，重點加上獨有嘅威士忌BBQ醬汁，醬汁唔辣但出奇惹味而且好醒胃豬榴彈 （手打雙層豬柳芝士漢堡）以黑色型格紙盒盛載，因為想同友人分享，所以係落單個陣已經remarks 要切開😎漢堡包，除咗有雙層手打豬柳外，仲有基本配料生菜、蕃茄芝士等，加上秘製醬汁超級好味🤤，份量亦絕不手軟，可能女孩們要一啖食哂都有啲困難😂Combo Set手打豬肉丸一盒有3大粒豬肉丸，粒粒新鮮製造同埋係全人手打嘅，唔怪之得口感咁彈牙，肉丸加入了洋蔥🧅、香蔥等令香味更突