石鍋堂

營業中

休息中

星期一lunch time 去咗食bookmark左好耐嘅石鍋堂✨上級肩胛牛肉烏冬(6/10)牛肉質素唔錯，牛肉味濃厚，但係份量較少。烏冬份量太多，如果可以更吸汁入味就好。但整體係ok👌✨照燒汁雞扒蛋包飯(7/10)雞肉大份，肉質又嫩，加埋照燒汁好好味😋成個餐嘅份量都好大份，絕對夠飽，建議女仔叫少飯。蛋都好厚，但唔係滑蛋嘅質感，不過依個價錢冇得輸😋🔥如果係旺角返工，lunch time 可以考慮吓黎依到食！

熱鬧的通菜街（女人街）隱藏了這間人氣食店，主打石鍋手打烏冬，還有石鍋飯、蛋包飯和一些日式料理。我們選了烏冬和茶漬飯。厚切豚肉石燒手打烏冬 $74選了黑松露香菇湯，石鍋上枱時滾到起泡泡，湯底非常香，菌味香濃，黑松露份量不吝嗇，豚肉厚切，入味而且軟腍。烏冬亦出色，盡吸湯的味道。熱石海鮮茶漬飯 $88茶漬飯亦是石鍋上，連一壺魚介昆布湯，昆布湯香濃，海鮮有蠔、蜆、蝦、帆立貝，鮮甜無沙，未加茶的飯已經吸收海鮮的味道，然後發現有香脆飯焦，食得好滿足除了食物，連杯焦糖朱古力都好好飲。雖然店面比較細，我們常常不自覺避開經過的人，但食物質素蓋過一切，我們還會再來的😋

石鍋飯好正話說今日和靜靜去了旺角食晚餐，哈哈，太久沒見，真的要一起食個飯，休息一番。這間餐廳在女人街附近，叫做石鍋堂。一聽餐廳名字就感覺到食石鍋一定最有特色，所以我和她都分別叫了石鍋飯。我就叫了帶廣十勝豚肉石鍋飯，75元，再加桂圓紅棗茶，就加8元。這個帶廣十勝豚肉石鍋飯，餐名十分長，哈哈，侍應送到上面前，賣相十分吸引。豚肉目測已經見到十分厚，蒸氣又不停向上升，石鍋實在太熱，整餐飯大概一小時，全程都好熱，我指飯，而且熱到不停食到有飯蕉，硬香的 飯蕉，的確令人幾回味。豚肉數目都不小，食完一塊又一塊。有西蘭花和車厘茄等配菜。對這個飯十分滿意。石鍋飯，的確跟平時食的炒飯或者白飯分別好大，好食好多。而桂圓紅棗茶，不算太甜 ，一邊飲都一邊食到有桂圓紅棗肉。至於她就叫了蒲燒鰻魚雞扒食鍋飯，82元。沒叫餐飲，反而叫了一個粟米粒，加8元。鰻魚和雞扒的份量都幾多，醬汁好惹味，加上石鍋飯的飯焦好香口，令人有一種食過返尋味嘅感覺。雞扒和醬汁的配搭好夾，肉質有咬口又不硬，煮得時間剛剛好。鰻魚更加是這個飯的精髓，個人覺得都好好味。埋單兩人大概198元，平均每人99元。就快食完石鍋飯的時候，侍應有送上每人一粒甜品

《照燒雞扒石燒手打烏冬-魚介豚骨濃湯》當日walk in大約等左45分鐘先要有位，入到去位置唔多，位同位都比較逼夾，不過小店有小店獨有既風味。照燒雞扒最緊要係照燒汁，覺得佢都做得唔錯，雞扒唔算好juicy但都唔會好乾。黎依到食重點係個石鍋上既烏冬，烏冬煙韌彈牙，個湯熱辣辣，湯底有五款選擇：咖喱，黑松露，魚介，黑蒜油，辛辣。我揀左魚介湯，魚介湯比較淡味，如果鍾意食開濃味就唔好揀魚介湯，整體依間野唔係話超級驚豔，但係小店值得支持，值得一睇佢服務好好有人情味，免切餅費。

星期日為尋找家電傢俬來到旺角走一趟，晚飯時間肚餓起上來變周圍找東西吃，由於疫情很多在女人街上的街邊檔都很早關門，因為這樣發現了石鍋堂這間餐廳門外等了很多人！自古以來多人排隊的餐廳都應該十分好吃，所以便排隊輪候，同時拿了排隊籌號，店員便先遞上點餐紙給我們在等候時先考慮點什麼食物！其實餐廳輪轉得很快我們還未考慮完已經安排入座！餐廳不算很大，但坐滿所有客人，而且餐廳也有少許裝潢令人感覺置身於日本小店！吃牛的我看了網上推介的食物便決定選擇燒牛仔骨牛舌石鍋飯！在小店的石鍋意想不到的居然熱度十足，石鍋飯淋上獨家醬油後飯焦便結焦起來！完全做到很像煲仔飯或鍋巴的效果，裏面的飯軟硬適中，鐵鍋下的飯飯焦亦很香脆而且一點也不硬！特別需要提醒由於石鍋熱到十分高，牛舌必須先吃，否則放得太久牛舌便會開始變老，但出奇地牛仔骨放到最尾亦沒有很硬，而且亦很鮮嫩所以次序不能調轉！這個牛舌牛仔骨石鍋飯絕對不能錯過！不愛吃牛的女友便選擇吉列豬扒石燒手打烏冬，搭配和風架呢用湯！這個真的不得了，首先要一提一提，這個石鍋同樣熱度十足，當店員端上手打烏冬來的時間，湯汁仍然在滾動中！令我們驚喜萬分！當初選擇吃吉列豬扒的原因是目的為了配

作為烏冬控既我發現左呢間餐廳即刻叫小黃子帶我去食我叫左個地獄辣湯烏冬小黃子叫左個黑蒜油湯烏冬omg!!! 個烏冬黎到真係熱辣辣個石鍋仲滾緊😍😍😍烏冬好食！！係我最鐘意既滑嘟嘟烏冬有得encore呀！

雖然餐廳仲有好多其他飯類同手打烏冬, 但黎到緊係要試招牌既石鍋烏冬啦!🍴上級肩胛牛肉配黑蒜油豚骨湯手打烏冬 hkd 73用石鍋上, D湯沸騰熱辣辣! 生牛肩胛肉都大片, 而且好嫩好有肉味, 浸落湯一陣就食得唔會過熟岩岩好。手打烏冬非常滑溜彈牙, 黑蒜油豚骨湯非常濃郁又帶點蒜味好香。🍴鮮活蜆配地獄辛辣湯手打烏冬 hkd77好足料好多隻蜆又大大隻, 但略嫌地獄辛辣湯比較似韓式泡菜湯唔夠辣。 🍴關西風石燒流煎餃子 hkd 35餃子上檯只是微暖同唔脆, 味道普通。🍴炸芝士年糕 hkd22芝士年糕就炸得香脆, 好食!

今日約了朋友去旺角食飯，到達的時候已經見有人排隊等入座用餐。剛好上一輪的人結帳，不用等太久就能入座。餐廳主打石鍋餐，於是我們就分別叫了一個黑松露香菇湯的安格斯牛肉石燒手打烏冬和一個燒牛仔骨牛舌石鍋飯，再加上一個炸芝士年糕小食。首先上的是烏冬，一上來的時候湯還是滾燙，中間可以見到一堆黑松露。把黑松露同湯攪拌後，入口後整個菌香味都佈滿口腔，而且湯本身都帶牛肉的鮮甜味，非常美味。而烏冬的麵質不會太軟身，我個人就十分喜歡。接住上的係炸芝士年糕，年糕炸到外脆內軟，內有芝心，但並不感到油膩。再來的是石鍋飯，鍋飯𥚃面有牛仔骨同牛舌，其中我個人覺得牛仔骨做得幾出色，主要原因是牛仔骨很軟，又有牛味。我很怕有些牛仔骨要咀嚼太耐，但這個牛仔骨就沒有這個問題。整體而言，我個人覺得很好。一來今天天氣寒冷，石鍋餐食到最後都依然能保持食物的熱度。二來價錢親民又不會太貴。三來最後還有一個甜品送。

好耐冇食石鍋堂了，今晚再和朋友來食門口還是要排隊先能入座，都開了一段時間了，還能保持人氣，應有佢嘅過人之處😋今次再食，覺得味道比之前更好，有進步，怪不得還有人追捧。桂圓紅棗茶，蜂蜜柚子蜜都好飲，不會太淡，濃點會更好朋友本身想點的燒牛仔骨牛舌石鍋飯已沽清，就點了帶廣十勝豚肉石鍋飯。賣相都好吸引。我就點了厚切豚肉石燒手打烏冬，湯底係魚介豚骨濃湯。上枱的時候，湯還在熱石鍋裏沸騰，熱辣辣，小心燙口呀。豚肉真係好厚切，軟嫩帶甘香，入口即溶，烏冬煙韌，吸收了濃湯的精華，真係好正。還送兩粒紅豆麻糬作為甜品添

同朋友係旺角食lunch,見到呢間就二話不說入左去～叫左佢地既鮮活蜆石燒手打烏冬同安格斯牛肉石燒手打烏冬,兩個都好正,蜆全部都大大隻,啖啖肉,牛肉質地唔鞋有牛味,烏冬幾有咬口,值得一試！小食好推介個芝士年糕,熱辣辣处脆內軟。

12/3/2021 晚市堂食1. 安格斯牛肉石鍋手打烏冬-黑蒜豚骨湯2. 燒鰻魚石鍋手打烏冬-黑松露香菇湯3.餃子不推薦，但值得支持-精簡食評：兩款烏冬湯底味道偏淡，手打烏冬麵質偏軟1.豚骨湯太多油，牛肉普通2.聞落有黑松露香味，但食落完全無味，但勝在鰻魚份量足夠。3.似章魚小丸子嘅餃子，微熱。值得欣賞嘅地方：店員態度友善，落單後會問清楚邊位食邊款，方便送餐。石鍋溫度足夠，冬天用餐可能會更合適，用膳後店員都會主動詢問是否需要甜品。

真係好耐冇出街食飯了。。。今日出左旺角行街，肚餓就求其入左間石鍋舖頭，入去發現原來都幾多人食喎。而家雖然個位置都算偏僻，但食完出去發現好多人排隊，先知原來揀咗間好食嘅店舖。叫左一個鰻魚石頭鍋烏冬，同埋牛舌牛仔骨石頭鍋飯，我覺得兩個都好好食。介紹吓鰻魚石頭鍋度先，佢條鰻魚咩係一整條嘅，佢嘅汁都好好味，而且魚質地都唔錯，唔會太冧，又冇魚腥味。至於另外牛舌牛仔骨石頭鍋飯，我一開始都冇諗過佢係有咁多餸俾我食，尤其是而家又咁貴，有時呢就雖然薄薄地，但都好有好感，以牛仔骨就好冧，一啲都唔硬，比大家睇吓幅圖就知。加埋燒汁都正而家既然有得食飯堂食，大家就好好咁樣爭取出街食飯嘅機會，而且依間餐廳嘅消毒程序都做得足，又有消毒搓手液提供，幾好

十分忙碌的一天，趁著中午午飯時間的空檔，想吃頓好的，但又不想吃得太貴。無意中上網看見這間店子的石鍋烏冬似乎不錯，適值這天翻起了季候風，街上有點涼意，便決定來試試它。雖然這裡的午餐也有烏冬和其他菜式，而且價錢也頗為廉宜，不過一心來試石鍋烏冬的我，還是試了這裡多款石鍋烏冬中的「上級肩胛牛肉石鍋烏冬」（$70），配以這裡四款湯底中的「黑蒜油豚骨湯」。另外，還加了三元點了少甜的「青蘋果綠茶」做餐飲。等了十分鐘左右，一鍋熱氣騰騰，冒著縷縷白煙的「黑蒜油豚骨湯上級肩胛牛肉石鍋烏冬」便由侍應送上。看著它，嗅著豚骨湯的香氣，真的感到十分療癒。富有肉味，切得十分大件，雖然只得五片，其實可分成十片的牛肩胛肉、超濃郁的黑蒜油豚骨湯、索滿湯汁，滑溜又有點兒煙韌的烏冬，三者匯聚成美味的來源，如果牛肉可以嫩滑些，那便真的無懈可擊了。「青蘋果綠茶」味道也不錯，少甜的綠茶，適中的甜味，比正常的還要好喝。這裡的石鍋烏冬確是好吃，我，會再來的。

旺角通菜街真係美食街，去左咁多次都未食哂每間餐廳🤣 今次去左石鍋堂 @ishinabecafe ，主打日式石鍋手打烏冬🍲 點都要叫碗烏冬來食，見到有5款湯底，分別係黑松露香菇湯、魚介豚骨濃湯、和風咖哩濃湯、山地獄辛辣湯同黑蒜油豚骨湯! 好特別好想試哂佢！今次點左:..🥩安格斯牛肉石燒手打烏冬配黑松露香菇湯石鍋一來到，睇住D煙同湯滾到be le ba la，好治癒! 湯碗上已經見到一大pat黑松露！先飲啖湯~ 好濃既黑松露味啊!!! 好香!! 再食啖手打烏冬，不得了，好入味，好好味啊!! 再食塊熱辣辣既安格斯牛肉，好正!!!..🍗唐楊炸雞炸雞皮薄肉嫩，好juicy，好香，幾好食..🧀吉列芝士豬扒大大塊吉列豬扒，裡面夾心係溶左既芝士，好邪惡!! 炸得好香脆，加左芝士真係口感一流!..🐟岩鹽燒鯖魚賣相幾靚，成條魚楠上，煎得香脆，魚肉鮮而嫩！..🍹凍桂圓紅棗茶比想像中大杯，有驚喜! 紅棗味好濃，加埋桂圓，好好飲! 而且又養生又健康..雖然係小店，空間不大，位置不多，但呢度真係好旺場呀!! 當晚去食都好多客，證明食物堅得!! 而且價錢唔貴，性價比高啊!! 下次試埋其他湯先

天氣凍除了可以吃中式的煲仔飯， 還可以吃韓式的石鍋飯， 原來而家更加有石鍋手打烏冬。 今次來到 於旺角的石鍋堂， 他可以同時滿足想吃石鍋飯和試石鍋手打烏冬的願望。想捉緊冬天的尾巴而且今日剛好天氣稍凉， 正好試試這裏， 今次點了 燒牛仔骨牛舌石鍋飯 和 燒鰻魚石燒手打烏冬。燒牛仔骨牛舌石鍋飯用料和份量都十足。 牛仔骨炆得非常軟淋， 選取了半肥瘦的牛仔骨， 甘香非常， 配上少少黑胡椒調味 令牛味更加突出。 牛舌切得非常薄身， 爽口而且不會黐牙， 個人覺得比出色的牛仔骨更加出色。 飯面看來有心思的加了一點飯素， 增加滋味。石鍋保熱度十足， 吃到後段依然冒煙。 喜歡吃飯焦的朋友， 可以加點醬油在石鍋與飯之間的位置， 很容易做出好吃的飯焦。 燒鰻魚石燒手打烏冬震憾的出場畫面。 石鍋內的湯依然非常沸騰， 未吃已經暖入心， 而且魚介香味非常濃郁。 烏冬完全吃得出是手打， 非常彈牙， 而且保留了只有鮮製才有的一種鮮嫩度和粉香。 價錢雖然不算貴， 但提供的鰻魚卻比預期更加出色， 不但完全沒有腥味， 甚至吃到坊間已經少有的魚香味， 非常不錯。隨餐亦附送煙韌的晶瑩豆沙餅， 不太甜幾好。以為只有下年冬天才再回