石鍋堂

營業中

休息中

見食評寫味道不錯，於是來試。我哋一行四人，不用等馬上有坐位，阿姐強調要齊人先準入，我話齊人，佢都唔信，都要睇清楚先俾入，okay ,坐位緊張，我明白的。 一坐低已經即刻睇餐牌, 我哋第一次嚟，其實真係有d心大心細，好多都想試。我哋用咗6分鐘tick 紙仔，每人各點了一個烏冬和一杯飲品。阿姐極不禮貌地講，「你哋未落單，得60分鐘咋，由坐低開始計，要快d……」我哋打咗個突。吓!!入嚟時，阿姐你無同我哋講過60分鐘限時喎……就算限時都可以禮貌d講吖，我哋無在門口tick 紙仔，入嚟先tick ，點樣快d呀？食物:豬手好味、入口即溶又大份，一個人食唔哂。但烏冬太淋了。食物好食又大份，服務態度極度、極度、極度、差差差。見 隔離枱個女仔 未食完，淨係放低咗對筷子飲緊嘢，阿姐想收咗佢個碗…… 其實要唔要咁趕呢？？我哋由入門口到埋單只用咗50分鐘。最後，應該幾重味精，已經飲咗杯凍飲，番到屋企飲咗好多杯水。呢間嘢不會再幫襯，因為成肚氣，食物再好食都無用，留不住客人。永遠blacklist 。

味道幾好 料幾足不過大食既人未必夠飽麵比較少。但熱度足夠，價錢偏貴少少。排隊好耐 趕時間要預留些少時間（特別晚上）但我當日去就覺得個安排坐位個姐姐有點態度好差。所以呢到我會比低分。位置有點迫，但可接受既。

小店主打石鍋料理🍲, 手打烏冬有5款湯底選擇, 包括有黑松露香菇湯、魚介豚骨濃湯、和風咖喱濃湯、山地獄辛辣湯、黑蒜油豚骨湯。我揀咗魚介豚骨濃湯配安格斯牛肉石燒手打烏冬, 烏冬以300度石鍋呈上, 讓湯底保持熱度, 上枱時熱辣辣, 湯底愈滾愈香, 食到最後一啖, 烏冬都保持住熱嘅溫度。豚骨湯好香好濃厚, 湯底creamy, 牛肉份量多, 肥瘦分明, 夠入味。手打烏冬有煙韌、彈牙嘅口感, 充分吸收到湯底嘅味道, 加上櫻花蝦及粟米粒, 層次豐富~燒牛仔骨牛舌石鍋飯 - 牛仔骨份量多, 舖滿成個石鍋, 幾豐富, 底下仲有飯焦。

「石鍋堂」店鋪雖小但五臟俱全，雖然每次要排隊等位，但因人流快，所以也不用等上很久。差不多可入座時，店家會給予點菜紙，入座即上單，等候不到十分鐘即上菜。客人到店大多點石鍋烏冬或石頭飯，烏冬還有五款湯底可選。黑蒜油豚骨湯安格斯牛肉石燒手打烏冬牛肉薄滑肥美、湯燙一下半熟柔滑，肉香油嫩。黑蒜油豚骨湯骨香不油，烏冬軟硬適中。山地獄辛辣湯燒鰻魚石燒手打烏冬鰻魚原條超大份量，肉質厚度適中，鰻魚入口軟熟柔軟帶魚香，油潤而香滑。整體來說，爽快吃上一餐好味便宜的豐富烏冬，「石鍋堂」是好選擇。

依家D天氣又熱又焗，成咩都想搵凍野食。不知那來既勇氣🥲同男友子衝左入石鍋堂食石鍋烏冬個烏冬上枱仲係滾緊架😂😂睇見佢就熱。but好彩係幾好味既😆醬油豬手石燒手打烏冬(黑蒜油豚骨湯)一上枱比佢赫親😂估唔到豬手竟然有手掌咁大🤙🏻🤙🏻以日式醬油炆煮既豬手色水好靚好夠肉地，層皮食多又無覺得好膩🤤唯一少少失色既地方係煮得唔夠入味！照燒雞扒石燒手打烏冬(黑蒜油豚骨湯)雞扒略嫌dry🤏🏻但味道唔錯都幾厚身咬落都係啖啖肉十分欣賞佢既手打烏冬同湯底👍🏻烏冬好彈牙口感十足！相比坊間既“手打烏冬”佢贏幾條街😎而湯底就煮得比較濃稠亦有濃郁蒜香🧄整體又彈牙又掛湯非常好味😋

熱辣辣又暖胃達至最高境界，滿足一眾用餐者的味蕾，餐單上款式琳瑯滿目、選擇性極多以熱石鍋既組合伴上配菜呈上，慢慢地燒熟讓人吃得滋味無窮以「燒牛仔骨牛舌石鍋飯」夠香口淋上獨有秘製醬汁帶出經典好味道，無論保温、蓄熱、份量十足陣陣熱呼呼吃進口裡微帶焦香，鐵鍋下爽彈細緻之餘主食牛舌、惹味富質感牛仔骨令人回味 !「照燒雞扒咖哩濃湯」滾滾香濃味鮮吸哂湯底精華夠原汁原味，厚厚的雞扒切成醃得味可口，用來伴烏冬掛湯加埋小食，一班朋友共膳且划算

女人街好多野食。今日介紹一曙不錯烏冬石頭鍋😍😍有蛋包飯。石🪨鍋飯及烏冬。正😄多野想食點了吉列豬扒黑松露烏冬。豬扒厚切，加上黑芝麻已經香噴噴。咬口非常好。肉汁豐富，熱辣辣嘅黑松露烏冬黑松露味好香石頭鍋燒滾滾的超爽感覺。烏冬彈牙湯底超香超濃。加上吉列豬合拍呀👍🏻👍🏻👍🏻🤫🙏加了10蚊泡菜。比想像大碟。泡菜超正。味道香濃。抵食加了15蚊點咸零7。吃完吉豬。再飲咸零七簡直完美牛仔骨石頭鍋。首先香噴噴咁送上來，喺邊邊淋上燒汁。香噴噴飯味。牛仔骨煮得剛剛好。飯都有牛仔骨肉汁。一啖一啖咁真係超正。再點了流心蛋，簡直一流。回味中☺️☺️☺️☺️😍送上甜品。簡直攬住肚仔走正

同朋友放工喺旺角見面見到呢間都有啲人等位，應該好好食，我哋等咗一陣就可以入啦，都幾好彩入邊個裝修都幾有特色，我同朋友坐二人枱，有少少迫不過都OK👍🏻我哋一人嗌咗一碗烏冬同埋嗌咗個🥢牛舌牛舌超級厚切，而且燒得好好味，唔會好油膩，超級有牛味❤️👍🏻👍🏻朋友叫咗🥢黑松露香菇湯烏冬配照燒雞扒個湯一上到嚟真係超級滾熱辣，仲有好大pat黑松露醬喺度,個湯飲落好creamy和濃郁，菇味都好香，呢個湯食落好有西式意粉嘅味道，不過都好match雞扒都幾大嚿，而且多汁🤩🤩我就叫咗🥢魚芥豬骨濃湯，係傳統日式拉麵嘅味道，另外我揀咗鰻魚魚湯都係一樣好濃，襯埋烏冬食真係好有日式嘅感覺，湯上面仲有少少櫻花蝦同鳴門卷鰻魚超級大條， $100來講性價比真係好高！🤤食晒個烏冬都未食晒鰻魚另外我仲叫咗一個🥢溫泉蛋配落個烏冬度，蛋汁流晒出嚟配烏冬好正🤩🤩食到最後，店員仲送咗一粒甜品俾我哋抵食，又好味，性價比好高。而且地點位置好方便，一定會再嚟

今晚約個朋友去旺角石鍋堂食飯，帶過唔同嘅朋友去，就好似我嘅飯堂一樣。同平時一樣，今晚我都係例牌叫厚切鵝肝惹菌石鍋飯。原因好簡單，可以去邊度用呢一個咁街坊嘅價錢，食到咁厚切嘅鵝肝，配以用石鍋燒出嚟嘅飯焦。一啖鵝肝，一啖飯，感覺已經一流，但其實仲有好多蘑菇，再加一啲herbs ，製造出清新嘅草清味。咁熱嘅天氣，配石頭鍋飯，當然要飲冰凍嘅嘢飲啦，今晚就叫咗蜂蜜柚子蜜，係大熱天時嘅解藥。朋友就叫咗個石鍋堂海鮮石燒手打烏冬，配以黑蒜油豚骨湯，因為佢鍾意煙煙銀銀嘅烏冬。我眼見確實係一個好足料嘅烏冬，有蝦，有帶子，有蜆肉，有蟹柳等等。而佢就嗌左一杯凍朱古力。最後仲有一人一件和果子做甜品，總算係唔錯嘅一晚。

今天去旺角逛街，晚餐選了石鍋堂這間以石鍋美食為主的小店飽餐一頓。汁燒帆立貝雞扒石鍋飯賣相吸引，香味誘人。店員送上飯的時候，提醒枱上有樽燒汁，可以跟據個人喜好添加。燒汁加入了白芝麻調製，所以淋上飯時特別香。帆立貝兩大粒，彈牙鮮美，味道鹹香。雞扒表面燒至脆身，灑上芝麻，更添風味。食到最後，碗底形成了一層飯焦，很脆口，咬起來會發出像食厚身薯片的「沙沙」聲音。安格斯牛肉烏冬熱騰騰地送上。豚骨魚介湯呈現好看的奶白色，湯底不斷「滾動」，冒出很多氣泡。喝一口，味道很濃郁，看來是用了很多魚乾熬製。再加上櫻花蝦點綴，湯底更鮮了。烏冬軟硬適中，滑口並且吸收了湯底精華。牛肉的油脂豐富，肉味香濃。凍檸茶食完熱食，最好就是飲一杯凍飲，冰凍解渴。最後，店員送上2粒和菓子，說是贈送的，令人覺得開心啊。和菓子表面是黑糖味，口感煙韌，像是珍珠奶茶中的珍珠。餡料是紅豆蓉，甜甜的，味道不錯。

夜晚收工，同朋友到旺角行街，順便一試。之前在食評覺得湯烏冬幾吸引，所以一行兩人都order了湯烏冬，湯底濃郁，海鮮都算新鮮，硯比較細肉，有2隻蝦，2硯，一扇貝肉，一蟹柳，一蠔肉。最後還有甜品送，是2塊水晶皮紅豆陷的麻薯。 不過，店鋪確實需要改善服務，我比較早食完，食緊甜品，朋友還有2/3烏冬，因為湯都比較熱，所以朋友食得慢少少，店員見我已經食完，就急急收起餐具，還擺抵了單據😢朋友已經覺得，好像趕住叫我地叫檯🤣 最後，朋友食完，我地傾了2/3分鐘，店員已經出聲，叫我地交檯，最後我地埋單走人，成餐飯，食了約50分鐘，其實連普通/60/90分鐘用膳時間都沒，店鋪服務有待大大提升。💪🏻 不好因為想做多幾檯生意，而失去了某些應該有嘅嘢，有時顧客嘅感受都好需要重視

晚上7:30 ，門口都站滿人， 不過客人流轉很快，不用等太久就可以入座。這裏有名的石燒烏冬一定要試， 選了照燒雞扒石燒手打烏冬配黑松露香菇湯$74。烏冬遞上枱時， 湯底仍然十分沸騰，一陣陣香濃的黑松露香味撲鼻。湯底亦有少許粟米，紅蘿蔔和竹輪相伴。手打烏冬口感煙韌， 沾滿香濃黑松路湯底，每一啖到齒頰留香。伴隨着烏冬還有照燒雞扒，雞扒十分厚實， 燒汁味道香口，份量亦都很大。另一份主餐點了燒牛仔骨牛舌石鍋飯$78分量很多，牛舌牛仔骨都非常入味- 濃郁的BBQ醬油。配有少許西蘭花， 店員建議沾上秘製醬油，份外滋味。小食方面： 一份兩串的岩燒牛舌$48分量很大，等如其他餐廳八件的份量。我們沾了他們的秘製醬汁及檸檬汁，味道不錯。不過覺得如果時間少夠一點，表面乾身一點，口感會更加好。另一款燒物是鹽燒鯖魚$32放上的時候已經沒有魚骨，所以吃得十分方便。鯖魚腥味不太濃， 很適合額加來當小食或送飯。就差不多吃完的時候，店員送上日本果子作甜品，是紫薯味，淡淡的甜味， 軟懦的口感。飲料方面，加了$15點了凍柚子蜜。總括而言， 美味的石鍋烏冬， 值得再去。兩人合共吃了$273。

石鍋飯已是常便飯，石鍋烏冬市面罕有而呢間石鍋堂其實已經細細個就開始幫襯一段時間無食，估唔到味道依舊之外價格都無怎麼加過，非常難得！今晚與朋友再度光顧，朋友首次接觸都讚不絕口雖然石鍋堂的食物品種有很多，但每次都被 石鍋烏冬吸引住，而且有多款湯底選擇，根本冇機會試其他菜式！🍄黑松露香菇湯🐟魚介豚骨濃湯🍲和風咖哩濃湯🌶️山地獄辛辣湯🧄黑蒜油豚骨湯今次點選<安格斯牛肉咖哩烏冬>及<照燒雞扒黑松露烏冬>兩者各有千秋，前者安格斯牛肉在未熟的情況下放在鍋面慢慢浸熟，烏冬沾滿咖喱湯，非常惹味；後者照燒雞扒另上有誠意，煎得好香口又唔乾身，松露湯底味濃！另外多叫一份餃子，白菜肉餃加上大板燒汁醬，好味有水準！

可能早黎七點鍾就黎到唔駛等位呀點左~大蜆辛辣湯烏冬佢個辛辣係泡菜味底雖然我唔好泡菜但都接受到佢個湯底唔算好重泡菜味但就辣得黎幾惹味蜆肉不得不讚真係大大隻蜆好肥美~安格斯牛肉魚介豚肉湯烏冬試左一件牛肉都OKAY至少無我討厭既牛肉蘇味豚肉湯底好濃又重既魚介湯味整體都幾好呀

📍石鍋堂旺角通菜街2A-2P號鴻光大廈地下D號舖.🤢燒鰻魚石燒手打烏冬配黑松露香菇湯Stone Pot Udon with Braised Eet in Black Truffle and Shiitake Mushroom Soup💰$98.旺角真係劣食地獄黎幾乎無喺旺角食過好食嘅餐廳大部分都唔好食/好難食/好鬼難食由我個friend揀呢間located喺通菜街嘅餐廳我都估到係伏不過凡事都比一次機會佢 試下囉n̶e̶v̶e̶r̶ ̶t̶r̶y̶ ̶n̶e̶v̶e̶r̶ ̶k̶n̶o̶w̶ok果然in expectation地難食.聞到好香松露味一食落口 嘩 咸到要洗腎但我睇人地啲食評已經話菇湯算淡⋯.主打手打烏冬 但烏冬完全唔掂淋batbat完全唔彈牙我唔知佢係overcooked定本身整得差.鰻魚 原條上 算抵食但個汁好奇怪唔係平時食開嘅鰻魚汁反而有種說不出嘅膠味食得落口嘅 但唔好食囉.座位安排得好cap4人枱拆2人坐 中間隔塊黑色版但係唔係打直劏 係打橫劏 姐係同朋友會平排坐而唔係面對面坐咁樣劏 張枱會勁細 所以張相先咁 點影都唔靚.超級多人排隊 理解唔到好彩我地去嗰陣早 唔駛等如果唔係等勁耐之後食啲咁嘅嘢 我應該會躁