石鍋堂

營業中

休息中

又到旺角食個快既時間，俗話有云，「一熱遮三醜」，難食既野只要熱都會變得好味點，更何況今次係已經好好味既烏冬？哩間石鍋堂成日都好多人排隊，12點半到都等左陣先入到去食。黎得「石鍋」堂，梗係叫佢個石鍋烏冬！我就叫左個上級肩胛牛肉配和風咖哩湯，朋友就揀左吉列豬扒配黑蒜油豚骨湯～上級肩胛牛肉配和風咖哩個石鍋烏冬黎到勁熱，你見到佢重係滾到起哂泡，所以真係唔洗驚牛肉唔熟，就算牛肉熟左仍然保持到嫩滑既口感。烏冬口感彈牙，配搭上日式咖哩湯，真係令人食指大動！吉列豬扒配黑蒜油豚骨湯比起咖哩，哩個黑蒜油湯更令我驚喜！黑蒜油配上濃濃的豚骨湯底，每啖烏冬都可以沾到黑蒜油味，完全解放左你的味蕾。 朋友最尾係飲哂成個湯，你話幾誇張先！而豬扒就炸得剛好，炸皮唔會太厚，配埋沙律醬，同樣野味～總結，雖然一開頭係熱到放唔到入口，但一路食一路有種想食落去既滿足感！唔知道係烏冬既澱粉質，定係咖哩湯頭既味道吸引到我呢？而且咁飽都係70蚊左右，好想快點再黎食多幾次！要挑剔就係佢可能太多人等位，侍應好快就清左你張枱等你快點走，扣少少分啦！餐廳：石鍋堂 ISHINABE CAFE地址：旺角通菜街2A-2P號鴻光大廈地下D號舖 Add

呢間石鍋堂一直係我自己既bookmark list好耐!但平時實在太多人排隊所以一直未有機會試到,今次難得早收工就約個朋友早少少黎試下.照燒雞扒石燒手打烏冬店內最出名既一定係佢地既招牌石鍋烏冬!以原個石鍋熱辣辣滾住送上,令湯底可以保持住熱度.湯烏既選擇亦都幾多,係5款湯底中我今次就揀左黑蒜油豚骨湯.奶白既豚骨湯濃厚,再配上黑蒜油香味濃郁鹹香.烏冬滑溜爽牙,就算浸左係鍋水既熱湯一陣都唔會變糊,仍然保持彈牙既口感同時亦吸晒豚骨湯既香味.照燒雞扒份量超級滿足!每件雞扒相當厚身又大件,入口又幾嫩唔會好乾.燒牛仔骨牛舌石鍋飯同樣以熱鍋送上,鍋邊既飯粒逐漸形成脆卜卜既飯焦,香口惹味.石鍋飯用上珍珠米,口感香脆之餘又軟綿煙韌.牛舌爽彈,加上惹味既牛仔骨帶有牛脂香得黎又唔會過韌.關西風石燒流煎餃子充滿關西風大阪燒既煎餃,煎餃上鋪滿木魚絲同照燒汁,味道鹹香又帶點甜味.餃子份量亦都幾豐富,餃子餡同樣豐滿.

負評/不推薦❌.第一啖個湯感覺唔錯幾舒服，但越食越鹹，食到最後唔飲水唔得。烏冬淋得濟；牛肉鞋口得黎無牛味，豬手大隻到2個人都食唔晒，應該要起menu提示番個份量。豬手好鹹，食落似煲完湯咁，每咬一啖啲肉都呈絲狀咁拉開，肉質好老又無味…食完勁口渴，應該落咗唔少味精，無下次🤐.鋪面空間有限，要有心理準備食食下有其他食客同你擦身而過，我埋單個陣仲比店員唔小心踩左下。如過想同朋友靜靜地傾計食飯，絕對唔建議呢度～.安格斯牛肉- 魚介豚骨濃湯$88醬油豬手- 魚介豚骨濃湯 $110另加一

同家人一齊食晚餐，見哩間店有好多好評先決定食等咗好耐，姨媽口渴去7-11買水時就有位了我們先入座，大概不超過2分鐘，姨媽就回來了不過當時店員一見5齊人態度超惡劣，叫人落單冇人理，黑口臉黑5知仲以為我地係做咩十惡不赦的事另外竟然仲要加一叫了3個烏冬照燒雞扒黑蒜汁豚骨湯和餃子3個都5同味1個勁鹹仲要D烏冬係燶晒1個同黑蒜味出XX丁一樣1個完全冇味餃子皮好厚味道完全5掂另外最重要嘅係間店環境真係好差啲枱好細同埋好逼坦白講一粒☆都5想俾

今日同屋企人喺旺角附近覓食，見近排天氣轉涼，就揀咗依間食石鍋嘅餐廳。最招牌嘅應該係石燒手打烏冬，湯底同配料都可以自由組合，價錢唔同。先點咗安格斯牛肉石燒手打烏冬 (山地獄辛辣湯）$80. 上菜嘅時候，d湯係熱到滾燙，感覺係即叫即做。牛肉上面落咗d配料做點綴，賣相唔錯。牛肉比想像中滑嫩有牛味。湯底雖然揀咗辛辣，但都唔會太辣。烏冬浸喺湯度偏軟身，亦都吸收到湯汁嘅味道。特別加咗隻溫泉蛋另外一個叫咗平日比較少食到嘅300度熱石魚介昆布鰻魚茶漬飯($105). 鰻魚飯同茶係分開上，慢慢將湯淋落去，然後鍋入面嘅湯會滾熱。有啲似食緊泡飯咁，雖然湯汁好快會比啲飯吸收晒，令到飯粒好入味，湯底亦都係食到淡淡嘅茶香同魚湯香。鰻魚有三塊，口感偏腍。

湯底有5款｜黑松露香菇湯、魚介豚骨濃湯、和風咖喱湯、山地獄辛辣湯、黑蒜油豚骨湯　係門口排緊隊既時候諗左好耐，因為款款湯底都好吸引😆用石鍋既好處係好易食到最後都仲保持住溫度，雖然夏天食但入面冷氣好足🌀唔會食到流汗～　♡ 吉列豬扒石燒手打烏冬 (黑松露香菇湯) $75手打烏冬口感彈牙食到最後都唔會過淋，上面黑松露醬有一大羹😍 湯底飲得出有菇味同黑松露味，味道好鮮甜；吉列豬扒係即炸👅上到黎仲好脆口，唔算好薄同唔會好乾身.♡ 醬油豬手石燒手打烏冬 (魚介豚骨濃湯) $110魚介豚骨湯底濃郁，多數食拉麵先會配呢個湯底😆估唔到同烏冬都幾夾；豬手有成隻手咁大🤤單點都要98蚊，所以友人果斷揀左呢個做主食；醬油咸味夠但味道唔算好突出🙈中規中規，不過呢個價錢算抵

同frd子一齊食dinner我就點牛舌牛仔骨石鍋飯$80 要比加一服務費但唔知服務左喺邊店員服務態度西石鍋飯本飯味道中上吧不算很好食雖然我就嫌佢唔夠味係咁落豉油會有飯焦係成個石鍋飯嘅唯一可取之處對我而言不值$80 起碼要低到$50我才有consumer surplus 另外好重要嘅係間店環境真係好差啲枱好細同埋好逼仲有繁忙時間會限人60min內要食完走人$88可以有其他更好的choice*補充 加左個filter新話我不是原圖 依家補返張原圖比你😅 通過我食評好嗎😓

這間挺熱鬧的，熱門時間全店都坐滿了，還有人在排隊，可能人氣真的十足！這就證明了這間的質素真的吸引到人才可以在旺角生存到了！醬油豬手石燒手打烏冬（１０４元）這個豬手雖然是價錢最貴的，但他是給你整個豬手，整個就突然有了很高的性價比了！單點一個豬手就要９８元，那烏冬不就跟送的一樣嗎！豬手煮得很軟嫩，吃起來還保留到不少的肉汁，肉質不會老，豬皮滑嫩帶點糯的口感，味道的鹹甜口味的，整體吃起來肥而不油膩！不過這份量真的挺多，可以單點這個再配合其他小吃的可能會更好！石燒手打烏冬來到還是非常滾燙的狀態，我選了山地獄辛辣湯，喝起來是泡菜湯的味道，辣度比較低，太能吃辣的也能吃到！烏冬吃起來挺滑嫩的！石鍋堂照燒雞扒（３５元）雞扒非常大的一塊，肉很厚，而煎得剛剛好，肉非常嫩，保留了很多肉汁，放久了碟上面都是肉汁，雞皮更是畫龍點精的地方！照燒汁的味道鹹鹹甜甜的，帶點焦香，調味剛好，不會太鹹！吉列芝士豬扒（２８元）這個炸得很香，而且除了豬扒和芝士，其中還有一層火腿的，感覺就有點像火腿芝士三文治將麵包換成了豬扒，再拿去油炸的感覺，吃起來豬扒帶點爽，中間軟糯，外層香脆，配上酸甜的沙律醬，更能解膩！飲品（１４元）除了平常

同事無意之中提起旺角石鍋堂，回味緊之前食過嘅石鍋烏冬，我都好耐冇食過，放工就約定去食返餐！餐廳地方不大，但都整潔乾淨。湯底有5款，包括：魚介豚骨濃湯、山地獄辛辣湯、黑蒜油豚骨湯等石鍋堂海鮮石燒手打烏冬：用石鍋熱辣辣上枱，湯內仲滾起泡泡，湯底係用鏗魚乾、小魚乾、柴魚乾、昆布、優質乾魚粉和乾貝粉等熬製起碼10小時以上製成，味道鮮甜，上枱時還加埋櫻花蝦, 更加提升了湯底鮮味，烏冬掛湯後食，彈牙又鮮味！海鮮都好新鮮，包括蝦、蜆、帶子，蜆無沙，蟹柳、蝦就好鮮甜，帶子都好大粒。加埋隻低溫慢煮流心蛋，又香又滑！咖喱汁吉列豬扒蛋包飯：豬扒厚切，外層香脆不油膩，另外滑嫩的蛋皮包住唔少飯，撈埋香噴噴嘅咖喱汁食，非常惹味！

放假行街去到旺角通菜街，兩旁有很多不同種類的食肆，朋友見到這店有很多人排隊。這裡雖然店舖比較小，但原來有著名的手打烏冬，而且有不同湯底任選，黑松露香菇湯，魚介豚骨濃湯，和風咖哩濃湯，山地獄辛辣湯，黑蒜油豚骨湯，每款都各有特色。還有每份都用熱辣辣的石鍋盛載烏冬，上枱時仍然在滾著，非常暖心，烏冬雖在熱鍋內，但質感仍然保持煙韌。安格斯牛肉石燒手打烏冬配黑蒜油豚骨湯，湯底很濃的豚骨味，加上肉質鮮嫩的牛肉，非常鮮甜可口。照燒雞扒石燒手打烏冬配黑松露香菇湯，照燒汁味道很好，不太甜，雞扒份量足，而湯底非常清甜，有很香的黑松露及鮮菇香味。

覺得呢個幾好食間中都會想食下今晚突然好想食就過咗嚟點左～厚切豚肉辛辣湯底嚟到先知原來辛辣湯係韓式泡菜湯底應該係小辣程度豚肉燒得幾香中間有少少肥肉嘅可以接受呀烏冬有少少偏淋我自己就好鍾意呀～吉列豬扒魚介豚骨湯感覺今次個魚介味唔算好重都ok ge吉列豬扒唔會整到好干肉質都幾鬆我覺得幾好嘅～胡椒湯蜆數量都幾多蜆肉幾飽滿個湯底幾香覺得佢落咗啲麻油胡椒味又反而唔算好重呀～蟹柳青瓜沙律加咗麻醬去調味蟹柳切咗絲份量正常反而青瓜絲唔算好多

雖然天氣好熱, 但無啦啦癮起突然想食石鍋烏冬。記得數月前幫襯過通菜街一間石鍋烏冬小店, 味道唔錯, 最緊要價錢唔貴, 今晚就同朋友再去encore。餐廳面積小, 座位唔算闊落, 不過食個烏冬唔係好長時間, 還可接受。除了石鍋手打烏冬, 更供應石鍋飯、冷麵, 仲可以追加配料, 仲有少量小食、罐裝飲品。8款石鍋手打烏冬選擇, 每款各有五個湯底自選, 價錢亦有些少分別。我地每人各揀咗一個烏冬, 石鍋熱辣辣滾住上檯, 【安格斯牛肉石燒手打烏冬】HK$82湯底選擇了和風咖哩濃湯, 上檯時, 散發陣陣咖哩香味,多片原本生嘅安格斯牛肉, 被熱辣辣湯底剛剛淥熟, 鮮嫩唔鞋, 烏冬軟林又滑, 配上甜甜地嘅咖哩湯底, 好惹味。【吉列豬扒石燒手打烏冬】HK$74黑松露香菇湯底充滿濃郁松露味, 吉列豬扒跟石鍋湯烏冬分開上, 吉列皮香脆不油, 豬扒稍有彈性, 沾上沙律醬食提升味道。另外+$10追加了一隻溫泉蛋, 半流心, 流出些少蛋汁。呢度沒有套餐供應, 所以飲品需額外散叫,每罐$14 

同朋友一齊食中學回憶，又貴又難食，叫咗個吉列豬扒魚介豚骨濃湯，啲豬扒薄切切，一啲肉汁都冇，勁乾同硬，食完feel到喉嚨開始痛😂一啲肉味都冇，同食微波爐波仔飯冇分別，嘢食難食都算，服務態度極之差，尤其係收銀嗰個，由入門一入嚟已經態度唔好，眼尾都冇望人嘅招呼態度，到買單嘅時候話趕住收工，朋友喺度睇單，佢一句趕住收工搶咗張單勁冇禮貌咁叫我哋比單上面嘅數就得，其實睇清楚要俾幾多錢都好正常姐，我懷疑佢淨係恰我哋，因為其他有男士嘅枱佢冇咁嘅態度，而且仲有好多人都食緊未走，見佢咁嘅態度我即刻講咗一句其實你態度好啲都得，佢先叫做態度好少少咁找錢俾我哋。成餐飯冇乜服務，態度又差竟然係有收加一服務費，波仔飯水平嘅嘢食接近成舊水一餐，呢間舖真係準備執笠都得。

旺角女人街嘅呢間餐廳 最出名就係食石鍋烏冬同埋有日式飯 呢一間我午餐都係經常會去嘅餐廳 👍🏻👍🏻👏🏻我最鍾意就係佢哋既石鍋手打烏冬 如果係冬天食更加正 個石錫一上到枱仲係熱辣辣咁 啲湯仲係滾下滾下 食完個人真係成身暖笠笠 🍲🍜今次我叫咗吉列炸豬扒 配豬骨湯烏冬 湯底本身都已經好夠味 如果覺得唔夠可以再加七味粉 烏冬口感亦都非常滑身 啲湯基本上大部份飲晒都絕對唔係問題🤭🤭炸豬扒都炸得非常香口 炸粉亦都唔會好厚炸肉質都可以保持肉質嫩滑 再配埋個沙律嘴簡直係Yummy😋😋🥩

這天晚上約了朋友到旺角吃晚餐，我們決定吃位於女人街的「石鍋堂」。餐廳地點方便，適合逛街逛累了想找地方吃飯的人。聽名字就知道這裡是吃石鍋的地方，我們已經打算每人叫一個石鍋美食。店面：裡面裝飾得不錯，牆上的壁畫很有特色：天花板懸掛的燈籠很有日本風：用點餐紙點餐：安格斯牛肉石燒手打烏冬配黑松露香菇湯$86上菜時正好是熱騰騰的，湯底在不斷翻滾。黑松露味道夠濃，看來店家沒少下功夫，喜歡濃味黑松露的人可點這個。香菇夠彈牙，味道十足。趁還有熱力，趕緊把牛肉煮熟，要注重火侯，不要煮得太久。牛肉肉質鮮嫩，有牛味。烏冬軟得來不痴牙，非常好！汁燒帆立貝雞扒石鍋飯$80這個在上菜後不久，就要加醬汁攪勻，否則飯會痴底。帆立貝大大隻，有咬口之餘不會太硬，也不會太痴牙。雞扒加上醬汁去燒，外皮還加上芝麻，很香口。可樂$14包裝是特別版本，我們剛好抽到「女神」，真是太幸運了！不知道還有什麼版本。埋單$198，平均每人$99，有加一服務費，這個價錢算是非常抵食。餐廳氣氛、食物和服務員質素都很高，我們有機會還要再來！