石鍋堂

營業中

休息中

上網見到好多食評推薦，同朋友收工就腳揀咗食佢，大概7點鐘門口有幾個人等位，我哋大概等15分鐘左右就入到去。但我同朋友都覺得如果入之前望過裏面，我哋應該唔會食佢，4人枱對半分開2枱，但隔板較細，會望到對面，張櫈拉開小小又會撞到後面，稍為肥少少都坐唔落。我叫咗辛辣湯海鮮烏冬，有2隻大大嘅蜆，味道正常嘅帶子同蟹柳，2隻蝦肉霉霉哋同一隻非常腥嘅蠔仔。友人嘅魚介湯牛肉烏冬就正正常常。店員非常友善有禮拜，但亦有好多坐得舒服，食物品質差唔多嘅選擇，應該不會再有下次。

旺角人氣熱辣辣石鍋飯/烏冬🔥呢間餐廳喺女人街都屹立咗好耐😌成日經過都好多人排 閒日lunch 想食下烏冬就去左——————————————————————————————🌚男友評價：🍥🍲鮮活蜆石鍋烏冬 $75好彩今日係平日晏晝嚟到我哋兩丁友都唔使派隊 但係舖頭裏面都坐滿晒人 我睇相見到佢個石鍋烏冬大大碗熱辣辣好似幾好食 就叫咗個鮮活蜆石鍋烏冬 上菜嘅速度都幾快 唔洗等好耐就到 上到枱係好滾🫣（幾驚佢滾瀉）喺個面頭鋪滿晒蜆肉 個份量勁多絕不孤寒🤩而且每一隻都好大隻好鮮甜 而且都算幾乾淨 食咁多隻淨係得女朋友食到嗰隻有沙 呢個價錢嚟講比到咁嘅質素絕對收貨👌🏿揀咗黑蒜油豚骨湯 都真係幾香而且熱辣辣 但係食食下就覺得好咸🥲感覺唔到佢喺牆上面嘅簡介所講飲到獨有自家製嘅濃厚豚骨湯 同埋冇所講嘅黑蒜油嘅酸甜味道 食完餐之後好口渴😖而且個烏冬好普通 口感唔次手打 不過整體嚟講可以試一次🌝女友評價:🐃🍥上級肩胛肉石鍋烏冬 $75整體嚟講一般 塊牛肉則比較失望 標榜為上級肩胛肉 但係就冇乜味有d un 同普通牛肉片冇分別😟份量明顯比男朋友碗蜆少 烏冬同埋個湯底都好普通 豬骨湯味偏鹹 （好似好耐以前食吉邊嘅

石鍋呢兩個字真係無得輸，放工後同朋友食餐飯，行過女人街搵食，見到有好多餐廳，一見石鍋堂三隻字即刻被吸引到，六點半左右去到餐廳好彩未係好多人，被安排左坐二人枱佢有石鍋飯，石鍋烏冬，熱石湯飯等等，烏冬有五款湯底，我今次就揀咗鰻魚石鍋烏冬，湯底係魚介豚骨濃湯，朋友就叫咗安格斯牛肉石鍋烏冬，湯底揀咗黑蒜油豚骨湯落單後好快就上菜，鰻魚係另外上，好多上枱嘅時候啲湯仲係一路滾緊，夠晒熱，大家食嗰時要小心呀魚介豚骨湯湯底好濃，配上本身無咩味既烏冬啱啱好，烏冬煙煙韌韌好好味，鰻魚大大條，厚肉肥美，配上燒汁甜甜哋，個皮燒到煙煙韌韌好好味有咬口👍🏻朋友叫既安格斯牛肉石鍋烏冬都好好食，試左兩片牛肉好有牛味，一啲都唔肥，個湯底都好有黑蒜味唔錯👍🏻下次一定要試下個300度熱石湯飯，好似好得意咁兩個人連加一食左$207

好耐冇食過烏冬，呢間烏冬都算出名，經過去試下！！ 烏冬可以自選湯底，包括黑松露香菇湯、魚介豚骨濃湯、和風咖哩濃湯、山地獄辛辣湯同黑蒜油豚骨湯！😋 安格斯牛肉石燒手打烏冬（黑松露香菇湯） $84小好好欣賞餐廳係用石窩上菜！ 食物上到枱係見啲湯係滾架！ 就算15分鐘後都仲係熱，冬天食一定好正😂 聞到黑松露既香味，不過食落吾算太濃，湯底亦鮮甜，不過食完會有少少口渴。肥牛原本係生既等熱湯滾熟，所以食落係好滑😊 鮮活硯石燒手打烏冬（山地獄辛辣湯底）$78活硯係超大粒，份量都算多，建議快食硯因為熟得濟會硬。不過食落有少少腥，都尚可接受。烏冬浸左好耐都仲係好煙韌，手打係吾同啲！ 雖然湯底係地獄辣，不過都吾算太辣，辣辣地幾開胃😋 芝麻雞翼$45/3隻呢款小食通常係日式餐廳都會嗌嚟食，最中意雞翼上有好多芝麻粒，令雞翼多添種香味！ 食落甜甜地，亦煮得岩岩好P.S. 地方比較擠迫，位置都比較少，建議大家早少少去排隊哦抵食程度：⭐️⭐️⭐️食物質素：⭐️⭐️⭐️⭐️員工態度：⭐️⭐️⭐️⭐️環境裝飾：⭐️⭐️⭐️衛生情況：⭐️⭐️⭐️食過返尋味：⭐️⭐️⭐️⭐️（滿分：⭐️⭐️⭐️⭐️⭐️）

大家都知道旺角通菜街係聚集咗好多唔同菜式嘅餐廳，但係呢間係專門食石鍋烏冬同埋石鍋飯。有時過咗晚上七點，門口外面都會有好多人喺出面燈位，所以今次專登避開人群，我哋六點就入呢間石鍋堂食手打烏冬啦！💗💗💗雖然呢度地方淺窄，但係石鍋堂又樣我最鍾意嘅服務係每張凳下面都會有個籃，可以比客人放佢哋嘅個人物品，又唔會阻住侍應行出行入。手打烏冬總共有五隻湯底，但係我最鍾意食嘅都係黑蒜油豚骨湯。每碗石鍋烏冬都係冒着煙，湯底就好似水滾咁沸騰，每次我都要等到湯底唔再沸騰我先可以開餐，同時等待既呢幾分鐘入面，黑蒜油嘅香味就會湧入個鼻度。手打烏冬嘅質地都係特別煙韌，我更加鍾意呢種口感！我特別推薦吉列豬扒，厚切豚肉，同埋燒鰻魚石燒手打烏冬。

之前有食開尖沙咀一間石門烏冬同呢間都好相似🙃不過個名唔同諗返起都好多年冇食過！最近因為喺旺角做瑜伽，所以會成日喺旺角搵食😋俾我發現到石鍋堂😎我哋六點幾去到，已經坐滿好多人，好彩啱啱有位！唔使等！而我朋友都好鍾意食呢啲熱辣辣嘅湯烏冬，所以我哋都好期待🥰我哋不約而同都揀咗鮮活蜆燒湯烏冬🤣而我揀咗黑松露香菇湯，香濃嘅黑松露味同埋鮮甜嘅香菇味！非常滿足！而朋友揀咗魚芥豚肉濃湯🤣🤣兩個湯都唔錯又好味😆飲品方面我哋兩個都嗌咗凍檸樂做完瑜伽爽一爽總結：地點就腳價格，價格實惠，鍾意食石鍋烏冬嘅你一定要試吓💋

我2個人感我1個到左話唔比入 咩叫做半數可入你又唔係冇位問我第二個幾時到 我話10分鐘內到佢就高高在上感叫我你等下先跟住就關門 傻 咩態度我黎消費唔係受你氣你想點 我唔會再黎

早排有幾日微微雨凍咗少少 想食啲嘢暖暖胃 於是就揀咗呢間石鍋烏冬門口個姐姐見我哋拎住遮 一臉狼狽都好友善咁同我哋講聲 佢哋執埋枱就可以入去🍲海鮮石燒手打烏冬 HKD84湯底共有五款 今次揀咗黑蒜豚骨湯上枱嘅時候湯仲係bulu bulu 滾緊海鮮比想像中有誠意 有新鮮蠔仔 蜆 帆立貝 蝦 另外除咗海鮮仲有牛肉 吉列豬扒 雞扒等選擇🥗日式炒野菜 HKD38都係一般嘅炒椰菜 粟米 雜菌 等價錢平得嚟又夠大碗🍢絕味燒雞翼 HKD38/2串雞翼表面燒得夠乾身 雞肉夠Juicy 🍢蜜蜜芥末籽牛 HKD45/2串每串四粒牛 牛柳粒夠冧同Juicy 係冇乜牛味 不過都算唔錯~💬Overall嚟講都算係價錢同食物質素成正比嘅小店 串燒質素一定冇串燒店嘅好 但都有少驚喜✨💰人均消費$150/人🚩石鍋堂 旺角通菜街2A-2P號鴻光大廈地下D號舖

每次完成一個小挑戰，都會想食啲好嘢獎勵下自己，不過好嘢又唔一定係貴嘢，最緊要係好味，呢間就價錢公道兼食物質素好，性價比都算高❣️🤤😋上級肩胛牛肉石鍋烏冬 $75一直都好鍾意食烏冬，呢度嘅烏冬最吸引之處，係連石鍋一齊上，熱辣辣，睇住佢滾下滾下好治癒，自選湯底我揀咗豚骨湯，清清哋，烏冬嘅麵條好滑，而且好彈牙，真係冇諗過呢個價錢可以食到咁高質素嘅烏冬❤️值得一提嘅係，佢嘅牛用咗肩胛部份，所以食落去好滑同埋口感柔韌，上菜嘅時候喺半生熟狀態，睇住佢慢慢滾下滾下變熟，感覺好新鮮❣️😋😋炸芝士年糕 $22/2件另外都叫咗炸芝士年糕，好香濃嘅芝士味，食落又唔會太油膩，口感煙煙韌韌，好味❣️雖然環境好細，但服務員態度好好，知道冇咩地方擺袋，會提我地櫈下面有位可以放袋，又主動幫我地收走晒枱面多餘嘅嘢，抵讚☺️呢間一定會再encore❣️

我與家人到旺角購物經過女人街，中午時間街上攤檔尚未搭開，很清楚看到兩邊林林總總的食肆店鋪，行到接近登打士街的小店鋪「石鍋堂」，就看到有人龍排隊等候入座，我隨意在門口看了大餐牌，原來主打吃石鍋飯麵，我們繼續往購物後再折回享用午餐。避開繁忙午飯時間，我們携著大包小包來到地方狹小的「石鍋堂」，女侍應招呼安排我們安座四人座位，因此我的物品可以放得好，舒適地享用午餐。選擇兩款香口小食：芝麻燒雞翼表面金黃乾爽，皮脆肉汁美味，很棒！家人的至愛炸芝士年糕，我不喜芝士所以冇嘗味。令我很有驚喜的鮮活蜆石燒手打烏冬，冒著煙的石鍋燒，如騰雲駕霧般呈現，濃濃的豬骨湯還在不斷的騰沸著，卜通卜通的發出美妙音響，滿滿的視覺享受。像硬幣般大小的蜆肉味道鮮甜，爽滑中略帶綿糯的手打烏冬，令我吃得愜意！燒牛仔骨石鍋飯的飯焦香脆好吃，燒牛仔骨肉質軟滑配可口燒汁，下飯一流！家人選擇的凍香芒果綠茶，女侍應為我推介的熱紅棗水，清香微甜很合意。

疫情足足令到我地兩個幾月無乜點出去行街食飯，襯疫情緩和，拉埋老公出去旺角行街買野行到咁上下，周圍睇下食邊間tea好，老公想食烏冬，就入去石鍋堂一人一個烏冬餐，再加小食，唔錯選擇😋胡麻冷菠菜: 天氣熱左好多，點左呢個冷盤小食，開胃菜關西風煎餃子: 有驚喜👍🏻唔算好大隻，一口一隻岩岩好，煎餃入口時有少少脆口感，皮薄又足料，表面灑上木魚絲，好香口鹽燒鯖魚拼炸蝦手打烏冬: 鹽燒鯖魚外皮香酥😋啖啖肉，而手打烏冬配豚骨湯底，鮮甜爽滑上級肩胛牛肉石鍋烏冬: 呢度最出名係石鍋，我地都唔例外點左呢個肩胛牛肉，店員將石鍋烏冬遞過來時，仲係滾下滾下，而店員提議我地揀黑蒜油豚骨湯底，無介紹錯呀，老公話好香濃，肩胛牛口感夠彈性👍🏻套餐配埋飲品，天氣熱最岩飲青蘋果綠茶，唔太甜又解渴😋

旺角通菜街頭嘅石鍋堂， 雖然舖仔細細，但係人流不少。我今日同朋友幫襯佢嘅時候已經係下午兩點鐘但仍然座無虛席，相信是因為他的食物質素好;而價錢公道，所以幫襯的人很多。它大部分的午餐都奉送飲品一杯。這裏出名的是石鍋， 所以我便叫了一個上級牛肩胛烏冬石鍋加上一個咖哩湯底。其實這裏可揀的石鍋烏冬有數款，亦可隨意配搭數個湯底;而我選擇了日式和風咖哩湯。朋友則要了個野菌牛肉粒炒拉麵。先說這個上肩胛牛肉烏冬，一如其名用上牛的肩胛部位故帶韌性，加上侍應端上檯時牛肉是半浸在湯裏;所以形成半生熟的牛肉，吃落口時很嫩滑得嚟又帶柔韌嘅感覺。因石鍋夠熱 而烏冬很彈牙;咖哩湯汁甜中亦不帶辛辣，一句講哂好味。至於野菌牛肉拉麵，野菌份量足夠有數款不同的品種。拉麵粗幼適中，入口爽而不膩。另外我們也叫了兩款小食，關西風煎餃子和吉列生蠔，兩款小食口感味道都不錯。結帳時都不用200元 真是一個經濟而不錯的選擇。

每次想吃「石鍋烏冬」的時候，我第一時間想起的一定是這間交通方便，十分就腳的「石鍋堂」，雖然我不算太常吃，但偶然來吃一個熱氣騰騰，香氣撲鼻的「石鍋烏冬」，實在不錯。食「石鍋烏冬」的最佳時候雖然是天寒地凍的冬天，但即使在天時暑熱的夏天，因為這店子的冷氣開得甚大，所以也不會一邊吃，一邊冒汗。而這一天，我又在這裡吃了一個美味的午餐。因為這次我吃的是午市石鍋，烏冬材料和湯底的選擇都沒有晚市那麼多，但現在晚上六時後不能堂食的禁令既然還未解除，那也只好在較少的選擇中揀選我最喜歡的口味。我吃的是黑蒜油豚骨湯底的「上級肩胛牛肉石鍋烏冬」（$75），這烏冬的靈魂，根據店中牆上介紹所言，是以日本青森縣產的黑蒜，配上自家製的濃度豚骨湯底烹煮而成，帶有黑蒜獨特的酸甜味道，雖然我覺得這湯的酸甜味道不算太突出，但味道的確不錯，配以有彈力而不過軟的烏冬和肉質不差的牛肉片，確實能令人食欲大增。也叫了一個小食，是我與太太都喜歡吃的「炸芝士年糕」（$22/2件）。煙煙韌韌的炸年糕，鹹香的芝士味道，雖然只是每人一件，但小食多滋味，我倆都吃得頗為滿意。這裡的食物取價合理，味道也挺好，而且店舖的老闆娘待客態度甚佳，友善又好禮貌，

仲記得有一段時間成日都聽啲人講話呢一間餐廳好好食，不過我自己就未試過啦，難得今日去開呢一邊所以就去食下啦！叫咗一個照燒雞扒手打烏冬，呢一度嘅烏冬份量好多，而且雞扒嘅份量亦都十足有好多件，烏冬嘅質感亦都好好，非常之煙銀蛋牙嘅讚岐烏冬！

呢間石鍋烏冬真係極力推介食石鍋烏冬一定想熱辣辣咁食，呢間餐廳用石鍋上嘅烏冬食到最尾都仲係熱架今次叫咗吉列豬扒石燒黑松露香菇湯手打烏冬，一上枱就聞到好香嘅黑松露味，啲烏冬好熱，每條都食到菇香味吉列豬扒炸到好香脆，配埋個黑松露湯一齊食更加好食另外叫咗個兩餸雪國冷手打烏冬(冷麵汁)，配牛仔骨及芝麻雞翼，冷麵汁配手打烏冬呢個組合唔會有錯，牛仔骨煮得好入味好淋芝麻雞翼都炸到外脆內軟！份量亦都好多，依家一定會再encore提提大家夜晚先會有石鍋烏冬