石磨樂豆 (啟德零售館1)

營業中

休息中

之前喺九龍灣德福已經食過呢間，留下深刻的印象，今次發現原來九龍城啟德承啟道啟德體育園啟德零售館12樓美食廣場food court入面都有呢間，就即刻過嚟睇吓。呢度周不時都會有季節或者期間限定嘅款式，例如鹹蛋黃碎蛋吐司、蝶豆花茉莉豆乳凍、川貝枇杷膏豆腐花等等真係好多選擇，而飲品方便亦都由熱飲供應，啱晒秋冬季節飲，就算晏晝行過嚟都可以大把選擇！今日要左個咖喱雞肉吐司 $35，即叫即做，相當新鮮，而且內餡都好多，好飽滿，吐司外面會烤得好香脆！因為今日返到公司之後要開會，所以預早幫自己叫定下午茶，就係要過黑白芝麻豆腐花 $28，真係超大碗，食落去好滑，好香豆味，黑芝麻更加係好濃郁。最後都叫咗兩杯嘢飲，一杯俾自己，一杯俾同事，我自己就要咗焙茶豆乳 $35，兩個味道唔會互相搶咗大家嘅風頭，都幾搭。同事都話佢個杯抹茶紅豆小丸子豆乳 $48 好出色，小丸子嘅口感都好好！

終於食呢間新加坡過江龍Jollibean! 見啟德體育園的foodcourt 新開特登來試下必試佢的豆乳系列奶蓋芋泥小丸子($39): 好足料，一支靚靚的粉紫色，多芋泥，多小丸子，唔會太甜。木瓜雪耳雪梨豆乳（$36）：而家咁乾燥的天氣飲好適合，好滋潤，木瓜雪梨好清甜，估唔到又幾襯豆乳。三色芋圓西米露（$39）：好大一碗，滿滿的芋圓同西米露！芋圓唔止三色，有四隻色，橙，淺紫，深紫，綠，芋圓煙煙靱靭，食得出的芋頭，蕃薯味，高質！鹹蛋黃碎蛋吐司（$33）：見到季節限定幾特別，就試下。吐司新鮮出爐，四邊脆脆的，內裏有滿滿的鹹蛋黃拼碎雞蛋，味道調得幾好。

之前喺其他地方開左已經想試，最近知道佢地啟德零售館開分店，就路過試下喇，佢哋就開喺2樓既Food court！聽店員介紹佢地間中會出季節/期間限定款，例如鹹蛋黃碎蛋吐司、蝶豆花茉莉豆乳凍 、川貝枇杷膏豆腐花！咖喱雞肉吐司 $35細細一份，店家建議兩個鐘頭內食用，雞肉混雜咖喱醬，唔算好辣，食落幾惹味三色芋圓西米露 $39三色芋圓西米露係新品，芋圓加西米露呢個組合其實冇得輸，口感軟軟糯糯，每一啖都食到啲西米粒粒，作為飯後甜品一流好立克豆乳(熱)-500ml $26店鋪有3款熱飲供應，包括好立克豆乳 、即磨咖啡豆乳 /同9 °微甜濃豆乳，幾啱秋冬飲架！呢款就啱晒鍾意好立克嘅人，飲落去暖胃！抹茶紅豆小丸子豆乳-700ml $49700 ml真係唔惹少，大大杯飲完好飽。入邊有好多小丸子同紅豆，飲落唔會太甜，豆乳質地濃，抹茶微微回甘，整體唔錯

🌸田園慢煮雞扒吐司 即叫即製作！暖暖嘅吐司好香脆，吐司夾住入面嘅食材仲好豐富，啖啖都食到新鮮嘅蕃茄蔬菜，配埋慢煮雞扒，肉質一啲都唔嚡，嫩滑又入味，整體口感層次好豐富，食落口仲好清新🌸三色芋圓西米露，三色芋圓份量都好多，夠哂彈牙煙韌！豆乳味好濃郁，配埋西米露一齊食，甜度啱啱好，幾好味🌸熱好立克豆乳，啱晒秋冬呢個季節飲，飲落口真係暖笠笠！平時飲好立克就飲得多，第一次好立克配埋豆乳一齊飲，香香嘅豆乳味，仲帶有淡淡嘅好立克甜味，估唔到味道係咁夾🌸凍即磨咖啡豆乳，同樣都係啱晒秋冬季節飲嘅飲品，咖啡味都好濃郁，口感順滑店員仲向我地推介9 °微甜濃豆乳都係好適合秋冬季節飲用，下次再飲先餐廳主打石磨鮮製豆乳產品，原來間中都會出季節期間限定款式，等我下次同老公都試吓佢哋嘅鹹蛋黃碎蛋吐司蝶豆花茉莉豆乳凍先

啟德food gala開左jollibean la~估唔到有爆餡芋泥吐司🍞toast脹卜卜 切半後見到滿滿既芋泥同肉鬆麵包皮夾到好香脆 食到邊邊都仲有餡食完都飽肚 幾滿足😌飲品店食到依個質素既toast有誠意👍🏻⭕️ 三色芋圓西米露用磨砂圓筒裝住 包裝好靚🤩成碗勁多芋圓 三色選擇 煙靭味濃base唔會好甜 好似微甜豆乳咁 西米露煮到恰到好處做甜品一流😌另外叫左⭕️即磨咖啡豆乳平時唔太鍾意鮮奶 用豆乳撞咖啡效果又幾好🤤第一啖入口未太慣 始終味道同普通latte有明顯分別豆乳味既存在有一定分量 但搶唔走咖啡味 亦唔會有違和感反而愈飲愈上癮⭕️ 奶蓋芋泥小丸子之前一直好鍾意依款飲品😍懷住期待既心情去試 果然冇令我失望😋濃濃芋泥mix埋豆乳base 口感好醇厚丸子增加口感同飽肚感數量都比得多👏🏻 必嗌item💕一路食一路睇佢menu間中都有啲季節款 好似鹹蛋黃碎蛋吐司/ 蝶豆花茉莉豆乳凍 / 川貝枇杷膏豆腐花咁仲有下次要試埋佢個好立克豆乳