石牆道韓國餐廳

營業中

休息中

上星期剛從美國公幹回來，非常掛住我至愛韓菜，所以前天就去左尖沙咀金巴利道嘅“石牆道”，嘆下美味韓國菜。我最愛食韓式炸鮮人參，用天扶良做法，炸得鬆脆，鮮人參好爽口，甘中带甜，幾好食，值得介紹俾大家

This restaurant was recommended by my sister's friend so I brought my coworkers here. The atmosphere is amazing. They took us upstairs and the decor is beautiful. I was greeted by one of the Korean ladies and I took the opportunity to practice my Korean. The food was amazing and delicious. The taste and flavour was authentic and reminded me of my mom's Korean homecooked meals. The staff are friendly and nice, the dining experience is just amazing. I highly recommend this place to anyone!

噚日朋友生日，佢最鍾意食韓菜，所以我地就去左尖沙咀金巴利道嘅“石牆道”。佢地地方都幾寬敞，我點左個鮮牛肉，完全唔腥，仲好有牛肉味，配埋梨絲，鮮中帶爽，口感唔錯，值得一試

剛從日本回來，我就同D friend急不及待去左尖東石牆道嘆下韓菜。牛肉刺身配梨絲，啖啖牛肉，口感十足，一D都唔會覺得腥，配埋清新梨絲仲有就係水冷麵，嘆定韓燒食就一流，透心涼，麵亦爽滑，且彈牙，幾好食。整體水準唔錯，值得推介

上網見到餐廳好多正評所以四位朋友去試，openrice訂位好方便，好鐘意值得讚，全程唔使打電話預約。醬油蟹，泡菜煎餅，牛肉炒年糕，八碟小碟都好食。特別推薦沙蔘，係得呢間餐廳有，用沙蔘奄完上味後，配豬肉同葱食，煎板咁樣上，好好食。不過部落鍋就價錢貴左啲350一個得午餐肉同腸仔，叫海鮮鍋會好啲。價錢都算中上，老闆好親切，係佢介紹沙蔘俾我地食。

上星期同舊同學聚會，大家都不约宜同都話食韓燒，所以我地就去左尖沙咀嘅“石牆道”牛肉肥瘦一致，燒上黎牛味十足燻肉眼，好軟腍，好有口感雞蛋卷，好有特色，好香蛋香味牛肉薄切，有咬口，唔會韌煎薯餅，少少油腻，但都幾好食好大塊牛扒，肉質鮮嫩，medium rate最正

我平時通常鍾意食日本菜，泰國菜，韓國菜則好少食，所以印象唔深。但上星期有朋友請我去左尖沙咀金巴利道嘅石牆道，令我一試難忘。韓式鮮牛肉，起初有D抗拒，因為未食過全生，但試過後，原來何其鮮味，一D都唔腥，再配埋梨絲一齊食，又鮮味又清甜韓式醬油蟹，佢地用秘制醬油從韓國醃制空運過來，肉質仍然保持鮮嫩，D膏橙紅色，確實啖啖口感，再配埋紫菜飯，一流。原來韓國都有黃花魚，但就無廣東菜煮得好食，但都煎得幾香，肉質尚鮮甜！！整體都唔錯，令我對韓菜改觀，下次會再試

早幾日去左尖沙咀金巴利道嘅“石牆道”，食下韓菜，平時去開果D都係新派韓菜，但食來食去都係炸雞，今次就去嘆下正宗韓菜。韓式海鮮葱餅，煎得好香口，葱亦好多，再加埋海鲜，好似墨魚仔，蝦等，份外脆口。:白蘿蔔炆牛肋骨，蘿蔔炆得好腍，而牛肋骨亦好有牛味，好軟腍且入味。韓式蛋包蝦，我亦都幾欣賞，蛋味好香，有滑，蝦亦保留原有鮮甜味，肉質也挺彈牙，不過價錢就貴左少少，大眾化D就perfect！！食物:價錢:環境:

最近經常食廣東菜，因為新年呀嗎！！好耐都無嘆過韓國菜啦，所以，早兩日我同左我嘅Best Friend 又去左"石牆道",朝拜下佢地嘅正宗韓菜。餐廳裝潢依舊，但多了些桃花，桔等，好似有D中韓fusion先嚟個韓式煎葱餅，煎得好香口，無過火，但葱就依舊太多，可以減少D，有待改善，但配埋D墨魚仔一齊食，爽口彈牙，唔錯。食韓菜就少不免要燒肉，就算熱氣都要食左先，一粒粒帶子燒到金黃色，彈牙，幾有口感；而中蝦好新鮮，蝦肉唔會霉，燒上黎仍保留鮮味整體水準:繼續保持水準，保留原有風味。

農曆新年假期又完结了，又要返工，收工後就同D同事團拜，我地大家都鍾意食韓菜，所以我地就去左尖沙咀金巴利道嘅“石牆道”韓國餐廳。我地當晚叫左好多美食，其中蛋包蝦我就最欣賞：D蝦係用新鲜蝦，肉質好鮮甜，再以蛋槳一併煎熟，蛋香四溢，且香口，蝦肉煎完又唔會太熟，因為如果太熟就會變得硬。-另外，泡菜餅本人亦非常欣賞，泡菜味濃，且香口，非常脆，鍾意食泡菜嘅朋友就一定要點呢款石牆道D菜式非常正宗，大家不妨可以一試。

第一次寫食評，昨天在石牆道食晚飯團年，我多次在韓國食店食飯，每次都有泡菜，但在石牆道叫了十款主菜，包括海鲜煎餅，旦包蝦，石頭窩飯，兩個湯，猪手，魚，粉絲等，我們多次催促伙記，話無泡菜，伙記只是聽，但無跟進，前後不下十次，主菜陸續到，最後，我們發脾氣，泡菜先上枱，到了泡菜上枱，我明白為什麼泡菜遲遲未来，因佢有十多碟，如果先來泡菜，我們会叫少其它主菜，主菜普通，全餐飯$1969，平均每人$330，其实这个價錢也不便宜

岀尖沙咀令人太累。尖沙咀真係好難搵位食飯，行左半個鐘，終於搵到間唔洗等位，但價錢有點貴。以下都係前菜小吃。媽，有很多呀，放到成枱都係。有成11款。仲可以不停添加的。我地一行六人。點了一個3-4餐$1600。還可以由海鮮餅轉泡菜餅。(因為同價)套餐有很多東西吃，下面呢個燒既牛，豬，雞，一個炒粉絲，一個豬骨薯仔煲，一個魷魚米腸。係飽到嘔。餐廳好多呀豬媽，個個都好熱情。食物一到上枱俾你影一下相，之後會一次幫你過倒落去燒，不停幫你燒。夾哂一碟等你地慢慢食。但燒到上枱感得好少咁。牛肉炒粉絲，牛肉很多，粉絲太少，但煙煙unun 。呢個骨鍋，佢會等你燒哂肉就上，但其實已經飽到嘔。所以大家唔係食左好多。佢係用豬骨，菜乾同薯仔煮。薯仔唔太稔，好惹味，幾飽都飲左兩碗。魷魚米腸，配上wasabi鼓油，有點新鮮感。但單點的話就不建議了。忘記拍下泡菜餅。不知如何形容，與其他韓國餐廳有點不同。好像無什麼咬口，還是沒有大塊泡菜？味道一般。豬手！一打開menu見到已經即刻要點！因為係韓國食過豬腳小姐真係好懷念。食物上枱，有點失望，顏色不是想像中鮮鮮紅紅。但也有很多肉，也算是好吃。女士必點，骨膠原

第二次造訪呢間韓國餐廳。第一次嚟係因為佢有15碟小菜好吸引，而今次係因為覺得佢d嘢幾好食所以嚟。餐廳位置喺大廈入面，唔係好起眼，揾嘅時候要要留意下d招牌。喺大廈門口有個counter接待客人，個姐姐好熱情，食完走嘅時候仲會問你覺得d食物好唔好食。七點左右嚟到，冇乜人，walk-in輕輕鬆鬆。啱啱坐低就有侍應嚟介紹嗰日有咩新鮮食材，或者suggest我哋可以叫咩食。我哋得2個人，叫咗一個土豆脊骨鍋。15碟小菜！係咪好壯觀呢！估唔到佢d小菜會轉下花款，有幾碟小菜同上個月嚟唔同咗。我最中意係黑豆，甜甜地，空口食/餸飯都好食。其他小菜味道都唔錯。主角土豆脊骨鍋，有6－7舊豬骨，薯仔同埋菜。微辣，個人認為可以再整辣d。D豬肉幾淋，唔"un"。不過主要材料就只有豬同薯仔，略嫌有d單調。(喺韓國都食過呢道菜，係有粉絲同埋小麵團，建議店方可以加呢2兩食材落去)結賬時餐廳仲會奉上一杯小甜品，上次係類似綠豆沙嘅糖水，今次係乳酸冰。兩個都好好味！

最近實在是太愛韓國菜啦上次食完無耐立即又心掛掛啦，所以，我又黎呢度大拆一餐今次食咩呢？🤔多春魚，金菇肥牛，韭菜餅.....上兩樣就普普通通啦，無咩特別第三樣韭菜餅我覺得幾正，好香韭菜味，脆脆地好香口再有既是，更正既醬油蟹，好多膏啊啊啊！特製醬油配新鮮蟹，好鮮甜跟著仲有個綠色的雞蛋卷，好軟滑，仲有層層口感最後奉上一張大合照

過多二個星期就到聖誕，心情特別興奮。所以早兩日就约左幾個同事去左金巴利道嘅“石牆道”嘆下地道韓菜。步入餐廳，已經深深感受到那種節日氣氛。當日我地叫左我至愛嘅燻肉眼，肉質軟腍，香氣四溢；另外仲有韓食必食嘅韓式石頭鍋飯，飯香撲鼻，再將雞蛋攪勻，蛋香四射，可謂完美配搭。當晚大家都食得相當開心盡興，仲希望聖誕可以再黎一次