石牆道韓國餐廳

營業中

休息中

係香港都較少餐廳係由正宗韓國人從侍應、廚師同老闆娘都係韓國人一腳踢，會即刻覺得加左分！😍每次啲friend 約食韓燒都好擔心食完會成身都係油煙味，但呢間韓燒餐廳嘅抽風系統都吾錯。餐廳嘅設計充滿韓式風味，再加上佢地嘅前菜款式多到令你不禁懷疑自己係咪置身係朝鮮時代嘅韓國。韓式海鮮葱餅除左好足料之外仲煎得十分香脆😋，仲有黎石墙道一定要食嘅牛肋骨，十分juicy吾會好乾，每次黎都必點，十分推薦！🤤🤤

五月一號勞動節撞正係我friend birthday. 其實一早提就係4月中期預訂左要係到食生日飯。因為之前其實都已經食過。我地班friend異口同聲決定再次番黎呢間餐廳，一黎老闆娘very nice，二來佢之前推薦比我地嘅菜式真係回味無窮。今次我地點左個鍋做湯底打邊爐，另外再on top加餐廳好出名嘅五花腩、人參雞湯等等......五花腩比我感覺係牛味濃郁，脂肪分佈好平均。厚薄一致，睇得出師傅刀功不俗。人蔘雞湯好滋補養生，雞肉燉到非常之軟腍。呢鍋人參湯雞油甚少，相信廚房係去油方面落左一定苦工。雞湯飲落人蔘雞嘅精華完完全全滲透入湯之中，亦係我最鐘意嘅菜式。

星期六係尖沙咀shopping完，經過尖沙咀金巴利道就見到呢間石牆道韓國餐廳。經過門口被一陣香味吸引，咁岩又到食飯時間，相信尖沙咀食飯亦較難搵位。為左慳番時間補充體力繼續shopping，於是乎就同朋友決定試下呢間餐廳。結果，一忘難忘！老闆娘推薦話呢到招牌靚湯就係人蔘雞湯，於是我地交俾佢發板。湯飲落清甜好好味而且好足料，而且去油做到好足。一般雞湯係成碗油，但係佢就與別不同。至於呢條烤魚睇落雖然睇落同其他魚相差無幾，不過配搭醬汁後出乎意料，更加帶出左魚本身嘅鮮味。我自己個人就最鐘意呢味菜式。

是日又落雨，又凍！ 好想吃熱食！ 燒肉同炸雞就免了。 揾吓openrice, 發現這間韓國菜。 又有牛肋骨，即刻book. 主打燉牛肋骨， 人蔘雞鍋。 其實它的menu 有其他菜式， 例如海鮮煎餅，煎牙帶魚， 羊肉， 泡菜湯，海帶湯同步隊鍋等。 今次叫埋個石頭鍋飯。上菜快， 2人叫3樣是正常份量，又夠飽！吃完 成身暖晒(星期日1930去都開始多人), 呀老闆娘好好， 話佢d人蔘雞鍋材料新鮮， 食落又真係好好味， 下次要再encore先得！！！！！

如果不是朋友帶我來， 也不知道在尖沙咀商廈有這間韓國餐廳。朋友說這裏的前菜有十多種，款式多樣化。 例如有必吃的kimchi 、蜜汁黑豆、 炆薯仔、 煎蛋餅、 小魚乾和各式蔬菜， 很是豐富！|今天是來慶生的， 必定先來個海帶湯！韓國人認為食海藻有助調理身體，因為海帶含有豐富的蛋白質、維生素A和礦物質，高纖成份也有助排毒! 這湯味道清甜，有着濃濃的海水味道，很滋潤！朋友知我愛吃牛, 所以也特別點了這道炆牛肋骨。牛肉炆得很淋甜，牛肋骨和蘿蔔是絕配，再添上栗子和紅蘿蔔，那鮮味可想而知! 超淋的牛肋骨還有豐富的骨膠質呢，好味有營養!我們再多叫一份海鲜煎餅，用料豐富，有鱿魚、蝦和青口。如果這餅多煎一會達至酥脆，口感會更佳!下次多邀幾個朋友，再來試試其他菜式!

前個排鍾情日菜,難得出尖沙咀食晚飯，所以就轉下囗味,揀左食韓國野!石牆道我已經食左幾次,每次帶朋友來都有正評!因為佢地小食真好多款,好多選擇不過午飯我就覺得有點趕,晚餐雖不便宜但係難得食一餐好的!因佢地都係貨真價實，所以就推薦由午餐俾大家因為我係好鐘食辣，所以就叫了一個辣海鮮豆腐鍋!熱辣辣得豆腐 一定好味!但略嫌海鮮小,只有一隻同三兩隻蜆肉同八爪魚』,不過味道搭夠!食飽飽後, waitress仲好細心咁送埋一份小小既甜品添!雖然不知道係咩,但好清甜!讚

農曆新年又過去,初四又要開工,拜年後大家就去石牆道食晚飯嘆韓菜,雖然老闆係韓國人但佈置充滿中國色彩當日我地叫左好多韓菜，但我特別想食部隊鍋，因為夠多料,暖笠笠,有韓式午餐肉,肉質甜，少防腐劑;蘿蔔好爽無渣另五花牛好有牛味,燒上黎好香

好耐無食韓菜，就快到農曆新年,所以去尖沙咀石牆道同家人嘆韓菜,我最鍾意食佢地人參燉雞,人參好凊甜,加埋雞肉唔韌,冬天必食另外，我最欣賞仲有鮮牛肉,唔腥,韓牛,牛味十足

是日同表妹食生日飯，石牆道是我在尖沙咀的韓燒首選，原因：餐廳樓上有室外座位，環境不錯又不會太焗促。三五好友🍻或一班人傾計都舒服。食物方面有質素，套餐選擇亦有好幾款，份量亦不少。喜愛韓國燒烤的朋友不妨試試😊

之前已經同家人幫櫬過，食物很正宗韓式味道，上次位(香港)女服務同老闆娘都好親切,今次同朋友慶祝生日再次幫襯 ， 我們叫了套餐 ， 韓式服務員幫我們放了雞肉落烤爐，過了一會令一服務員黎睇雞肉以燶 , 我們問男經理可否更換，他有換新的給我們,但是他不停說一啲令人不開心嘅說話 ，他說: 他也有出外消費不是飯來張口，食物應該自己處理，每次經過我們旁邊就同其他服務員講不要幫我們燒，免得我們話他們燒燶食物。因為之前嘅食物都是服務員幫我們燒， 我們是有手有腳的人,知道不是飯來張口，但佢的說話及服務態度很難令人下次再幫襯。

一行9人有4位小朋友，本人點4人套餐，再散叫其他食物，侍應話只上4人份量前菜，我話無所謂，但落單至上主菜都沒有茶和前菜，叫幾次先有，食烤肉沒有夾和較剪，食物一般沒有驚喜！而且價錢偏貴，每位$500，

新一年2019正式開始,所以我地一大班同事齊齊去左嘆韓菜我地去左尖沙咀金巴利道嘅石牆道韓國餐廳,由於係元旦,所以客人特别多,我地差唔多等左十五分鐘先有位,但一路傾下傾下好快又到我地今次我地order左石頭鍋飯,鍋巴相當卜卜脆,將蛋黃攪匀在飯內特别入味;另外,仲有炸蝦,有D似日式天婦羅,外脆內軟好彈牙;再加埋冬天必食嘅人參燉雞,雞肉好鮮甜,人參味濃,食完全身暖笠笠，因為人參有補中益氣嘅功效，對身體虛弱者最為有效

昨天和朋友去了這間韓國菜（地方很大）！價格尚可！四人共消費15XX！韓式小菜有10小碟都幾OK ! Kimchi 辣左D，炆牛肋骨好味！生𧐢仔都好新鮮（是老闆推介野生）不過冇問出自那𥚃！但鮮味！泡菜煎餅就普通可能泡菜太辣，其他調味烤牛肋骨和雞肉都好味！石鍋牛肉雜錦拌飯普通！

不經不覺又快到2019,又忙住準備新一年禮物, shopping左一日就去左尖沙咀附近嘅石牆道食正宗韓菜餐廳已佈置了很多聖誕裝飾,仲有個好巨型嘅聖誕老人係門口 ,入到去我地就叫侍應攞本Menu,準備點下菜醫好個胃首先点左個蘿蔔炆牛肋骨,肉汁好鮮甜同juicy,蘿蔔夠腍,無渣,有水準跟住就点個韓菜常食嘅人參雞湯，鲜人參算好甜,雞肉唔韌,好軟腍,湯亦好清甜無比,整體唔錯,有驚喜,保留傳統韓莱原有風味,為迎接2019，算係好開始

噚日就係boxing day,心情特別興奮 所以早幾日就约左幾個同事一齊折禮物，同埋去左金巴利道石牆道,嘆下地道韓菜步入餐廳,已經深深感受到那種節日氣氛,當日我地在我至愛燎肉眼,肉質軟,香氣四溢;另外,仲有韓食必吃嘅韓式石頭鍋飯,飯香撲鼻,再將雞蛋攪勻,蛋香四射,可謂完美配搭醬油蟹真係食極唔會厭,鹹香味鲜,古法確係唔同,海鮮煎葱餅,煎得好香,唔overcook但葱多左D,但都ok啦成晚都食得相當開心盡興,但客人太多,服務員有點應接不下,但都可以願諒