石牆道韓國餐廳

營業中

休息中

嬲到要寫第一個review...如果想生日食得開心要考慮下轉第2間食🙁因為慶祝朋友生日，已經早幾日打去訂位，訂位時話唔收切餅費，去到拎檯時交蛋糕都無話收費。當食完飯要上蛋糕時，店員竟然話唔知我地有蛋糕keep起😞 我地等左45分鐘，一直未有蛋糕，然後上左個海帶湯，話係生日就會送。仲飲緊個海帶湯，蛋糕都未上，就叫我地埋單先。然後帳單上有$100切餅費，好彩即時發現問店員，店員話不嬲都有切餅費，堅持要收費。我地問既然蛋糕未上，咁我地拎走唔係到食，但店員竟然話個海帶湯係值$150蚊，我地都飲左所以要比切餅費🤯 當時海帶湯佢係話送嘅，仲問左幾次都話唔洗收切餅費，最後竟然話要收！同佢爭論左一陣佢話問老細先決定唔收我地錢。😓過左差唔多成粒鐘，錢都比埋，最後蛋糕上時，發現成個千層蛋糕結左冰，表面仲有好多水珠🤬一問之下佢話因為當時係比左啲低級啲嘅店員，啲店員是但放左係放泡菜嘅雪櫃到，而個泡菜櫃係極凍，佢都有即刻話唔好意思，但我地成個蛋糕已經硬到唔食得，個蛋糕仲買左好大個，成400幾蚊...😥臨走時同佢老細反映，係一個中文唔太好嘅白髮女士，個老細仲話：喔！係咩。一啲悔意都無，真係食到食肚氣...😩我地7

點左泡菜豚肉飯，都幾辣，份量都多，加上有12款前菜，覺得好豐富，道道前菜都有水準，真係食前菜都食到飽，完左仲有甜品送，係一杯湯丸子，都幾特別。中午埋單85折（加一服務費），除番都算抵食

 韓式豬手, 比較味淡 但都能做到入口即溶好清香的人蔘雞湯牛肋骨石蠔鍋飯,一般般必食海鮮餅特色配菜好多好味餐廳環境好舒服,好乾淨食飽飽出門口行個桃花運先有室外枱吸煙人士最好

lunch去左石牆道食野，呢到既午餐價錢由$70至$100不等，雖然價格係貴少少，但勝在位置方便，有無限添加的前菜，而主菜也非常好味。前菜有十多款，我覺得泡菜、甜薯仔和魚乾比較好食。泡菜微甜微辣，甜薯仔只甜不辣，而魚乾就微鹹。我叫了炆牛肋骨配飯餐（$90, 要加一），韓國店員用韓國湯碗送上餐，湯碗內有4~5舊牛肋骨，每舊的骨都很大，但肉卻更多！肉質有點似牛展肉，每一口都有肉和肋，牛肉吸盡湯汁精華，很入味，冬天吃下去全身都暖起來午餐很多時都爆滿，要吃就要快點到！

眨下眼又快到聖誕，今年發展麻麻,唯有明年繼續努力，上星期二我约埋表哥－家人中午去食韓燒,因為夜晚怕太凍我地去了尖沙咀石牆道韓國餐廳，因為佢地有個戶外燒烤場，出面仲有個好大聖誕老人,所以特別好氣氛我地order左好多燒肉，有牛肋骨，韓牛同海鮮，份量好足,尤其牛肋骨好大塊,燒上黎肉汁四射,唔韌;另海鮮有蝦,带子,Ｄ蝦起埋殼,即燒即食,十分方便，最重要全部都好鮮甜我地燒到成三點，老板娘都無催我地,埋單仲送我地Ｄ韓式飲品,＋分好客

三五知己聚一聚，大家想食韓國嘢，友人網上見到環境都唔錯，一於去試下。冷麵夠爽口又彈牙。炆牛肋骨，牛肉夠入味，又夠淋，湯汁好濃郁。人參雞湯材料足，雞用嫩滑，湯底唔多油，參味夠，正。醬油蟹，夠多膏，又新鮮，夠鮮甜。

朋友想食🦀🦀又唔想去食開果d 食店想試新野，佢知我鍾意試新野就叫我搵吓上網搵到呢間👉🏻見佢好似幾傳統嘅韓國餐廳又見到有🦀🦀就book 位去到唔洗等，可以都比嘅晏😅星期三嚟講都算多人,差不多滿座心諗應該唔差😬叫咗🦀🦀 & 生牛肉(香港都好少餐廳有呢個食)🦀🦀👍🏻味道唔過咸有鮮味🐂🐂👉🏻朋友話切得太粗(味道可以嘅)最唔好係冇紫菜麻油飯👎🏻得白飯👉🏻但侍應姐姐好好幫我加d 紫菜👍🏻但都係冇正宗好味最不得了係前菜kimchi 勁多，啱啱好圍住張枱👍🏻總結：味道👍🏻服務👍🏻

下星期我地放國慶假幾日，所以我家人帶了我去到這間店舖吃韓國料理---石牆道今天首先試了一整盤的燒肉我是正宗的食肉獸所以看到那麼多的肉類固然非常與奮若然你也是食肉獸的話,看見呢碟牛肋骨定能夠滿足你胃口。看到相片已經很吸引了吧!視覺藝術一流，韓席店員先將不同的肉類分門別類，讓我們自己選擇喜歡吃邊聞到香味已經很肚餓了,吃了覺得完全沒有雪藏味，肉質軟腍;另外,離蔔炆牛肋骨,牛肋骨好有牛味,韓牛確係唔同,下飯－流

今年到宜家都好忙,所以無乜時間出去食番餐,啱啱project完左就去左尖沙咀石牆道嘆下韓菜,我點左石頭鍋飯,好香口且飯香四溢,飯焦夠脆口山;另外鲜牛肉就不可缺少,完全唔腥好香牛味,真係要生食先可以嘆到真正牛肉味可能太耐無食,所以特别有癮,下次會再來

由2018年食到現在，水準一直都好好，係韓國既味道。有次食左個醬油蟹，超好味！前菜一直都做到足，非常有誠意，樣樣都好味，又擺得靚🤩🙏🏻我自己就最喜歡石鍋伴飯，真係好好味！好似去左韓國咁🤣👍🏻一定會繼續光顧❤️

地點方便，靜中帶旺，豆腐海鮮湯真材實料，各款前菜都好好味，有起碼十種，雖然價錢略高，但食物有質素亦有服務，物有所值!今次2人同行食左燒肉加海鮮湯加米酒一枝，6周年慶85折後人均消費約$450，坐得舒服亦冇限時，很好!下次想試試醬油蟹

生日飯不停食，食食食今晚輪到食韓國🇰🇷菜我揀左位於金巴利道既哩間傳統韓國餐廳哩度既呀豬媽好有禮貌呀，服務好好因為我地一早去到只係嗌左野飲等埋朋友先嗌野食，呀豬媽就不停fill啲「前菜」俾我地，無托手爭既哩度既裝修好有韓國既味道呀，全部都係木系既枱終於等齊人嚕，不停嗌嗌嗌「人參雞湯」「豬腩肉」「牛肩肉」「豚肉拼盤」「海藻雞蛋捲」「蒸蛋」「招牌豬手」「蛋捲」「燒銀雪魚」無限既「真露」同啤酒🍻首先「海藻雞蛋捲」黎先，平時食開既蛋捲都係黃色既，哩碟用左海藻汁黎煎，感覺好特別呀「蒸蛋」蒸到脹卜卜，熱辣辣既「招牌豬手」豬手一啲都唔腿，略嚴細盤左啲啲燒銀雪魚，煎得岩岩好，魚肉仲係好滑人參雞湯，好耐先黎，哩碗湯有啲結身，不過真係好足料既「豚肉拼盤」由於同行朋友一半都唔食牛，所以嗌左豚肉，哩度既豬係高質喎，由其係啲護心肉「牛肩肉」嗌左一盤牛肉，不過牛味好一般「真露」不醉無歸既晚上梗係要源源不絕的真露喔生日仲有送海帶湯，成件事好窩心呢😍

同朋友食飯 佢想食呢間餐廳於是就第一次黎到呢度餐廳有室外地方 去既時候正值新年 有桃花擺出黎 都好靚景 但可能有d凍叫左唔多野食 可能因為無咩岩選擇唔多 但味道都幾好 叫左個炒肉就辣得濟 唔太食得辣要小心冷麵就幾好食

日前睇到openrice一篇飲食誌介紹呢度，入去睇到d食評也不賴，見到星期六都仲有午餐供應，一於就試試，食過好就可以試埋晚餐。步入店，面積細少，但未有人客，職員隨即引領上二樓，二樓面積較大，及坐位也鬆動的。一坐低即拿淋睇下餐牌先，午餐款式也多，由$75-100不等，比起同類的韓國餐館來說不算貴，仲要在尖沙咀呢，鋪租都要啦。一行二人，叫左兩個午餐 ，要試係咪好食，梗係黎個試牛肋骨最實際，再加個牛肉湯咁就知有無下。未講主菜先講下前菜先，12小碟-上枱果下真係心花怒放，味道每碟也有特色不算差，只煎餅有糊口。飯 - 有乜好講呢？我個人就是飯桶黎，對飯既質素有少少要求，一般韓食店用的應該是珍珠米，但這裡是溝米，故少了一點口感，可惜。主菜1 -牛肋骨煲 $90,4大舊骨連肉配紅蘿蔔/白蘿蔔各一仲有半邊冬菇。味道偏甜，牛肋肉不夠淋，還有點硬添，睇d汁好似水咁稀，應該唔係炆，只可以話係浸熟主菜2 -牛肉湯 $80,有韓式粉絲，好多葱同洋葱，牛肉也不少，加隻蛋花咁。先喝啖湯，味道怎形容好呢?!應該是有落調味的水，因沒飲到辣，沒飲到有湯的感覺，連肉味都無，牛切得較厚，像是把原本用來燒的肉放左湯咁囉。兩個主

今晚兩姊妹睇完戲去咗尖沙咀撐枱腳，妹妹好鐘意食韓燒，所以去咗金巴利道食烤肉。呢兩日天氣涼咗所以我哋揀咗樓上露天嘅坐位。一邊食燒肉一邊傾計呢度嘅二人韓式套餐大概$1000兩位。由於份量頗多，所以我哋散叫就算。原味牛肋排同牛肋骨肉質地都不錯炒粉絲加配菜食啱啱好。兩姊妹食得好開心