石屋咖啡冰室

營業中

休息中

♨️石屋咖啡冰室九龍城聯合道133號石屋家園@stonehousescafe 💜地點少少吊腳，造就左比較寧靜舒適，尤其坐戶外👍🏻，食物質素唔錯，性價比高。🔷Jumbo all day breakfast 煎蛋2、煙肉2、大啡菇，薯餅、豬柳、窩夫2、三文魚、沙律菜、腸2、茄汁豆、牛角包⋯⋯真係超級大份的adb，一個人食晒都比較吃力🤣，質素唔錯，最後全碟清哂👍🏻🔷煙火腿三文魚班尼狄蛋煙火腿配上三文魚，再加English muffin包，夠晒飽🔷意式辣肉腸薄pizza皮薄餡靚，芝士同茄汁絕不手軟，餅底做得好香脆🔷柚子有氣咖啡柚子味好濃蓋過咖啡味🔷凍薄荷朱古力🔷冷泡咖啡🔷藍莓紅莓芝士蛋糕酸酸微的蛋糕，一D都漏👍🏻食物：8/10抵食：8.5/10環境：8/10。。。#食在九龍城 #九龍城美食 #美食推薦 #美食日記 #美食分享 #香港美食指南 #香港美食日記 #香港美食 #hkcafe #alldaybreakfast #pizza #coffeetime #coffeeholic #coffeelover #coldbrewcoffee #柚子咖啡 #benedict #hkig #hkfood

見到環境咁靚就入去坐吓，點知咁難食，碟breakfasts 同意粉咸到不得了，價錢仲要唔平，一個早餐差唔多$60，佢嘅擺盤同份量完全唔同價錢唔成正比，我自己煮都好食過佢，超級失望，而且等咗勁耐先有得食唯一優點係杯出面買嘅橙汁。。。完全係食個環境，店員服務態度都唔係幾好😂幫襯過一次都唔會想再去，石屋家園點解會租比呢啲難食餐廳？完全係浪費晒。。。咁靚嘅環境搞到好似檢測站咁，完全唔知喺度做乜😑唔會想再嚟囉

石屋係一間活化嘅建築物，有一部份擺放香港以前嘅用品。座位有大部份在室外露天地方 ，比較開揚👍🏻。疫情關係，比較少外出用餐，已經幾個月無過嚟開餐，原來食物種類多咗選擇，另外點餐已經可以用qr code自助下單，非常方便！今次點咗雞肉腸反蛋多士加skim milk latte 同豬柳蛋漢堡👍🏻豬柳蛋漢堡第一次試，不錯,薯餅香脆，double cheese 豬柳蛋，值得一試👍🏻雞肉腸反蛋多士餐可以楝焗豆或粟米，蛋可以揀大陽，炒蛋同埋反蛋，今次揀咗反蛋，剛剛好，不太生不太熟，麵包亦可以揀多士或牛角包🥐。咖啡師會為咖啡拉唔同嘅花，亦有動物造型啊！今次係🐱！😃早餐包奶茶、咖啡，如果要轉latte,cappuccino 之類加$10，如要加大只係另加$5，性價比算高！

職員話因為疫情，竟然全部用晒膠盒膠餐具同紙杯，冇哂cafe風格，又唔環保！餐廳價錢，外賣質量，好失望！而且餐廳室外佈置好似檢測站，用咗好似醫院用嘅枱同膠椅，不會想留多陣！

終於去了 bookmark 好耐的石屋咖啡冰室 ~~好好彩呀! 週末 3 點去到等了一陣就有位 ~~石屋咖啡冰室位於九龍城的三級歷史建築物石屋內原為侯王廟新村 31-35 號，建於 1945-1947 年間現在活化為『石屋家園』，以懷舊冰室為主題，並以社會企業形式營運也設有文物探知中心和旅遊資訊中心食飽飽可以去睇吓展覽，認識一下九龍城的歷史 ~~除了室內座位，也可以選擇石屋外的露天雅座店內以懷舊為主題保留了一些香港文化古蹟，可以感受昔日舊香港的情懷 ...室內保留了花紋方地磚，牆上掛滿懷舊裝飾 ...也有六、七十年代的舊式電話、舊式唱機、電影掛畫、舊皮喼 ...以社會企業形式營運，無另收加一服務費 ~~儍媽的 ... ● 蜜糖芥茉熱狗拼迷你沙律 HK$52● 凍即磨咖啡 (大) +HK$10儍爸的●  雞肉蘑菇批 HK$33●  凍伯爵茶 (大) +HK$5食飽飽就上了樓上睇吓展覽，認識一下九龍城的歷史 ~~** 以上分享是以我的口味、體質和情況作出分享及感受，一試 / 合用與否請自行決定

係一間做石棺材既石屋，一半做博物館，另一半做cafe，石屋出面仲有一大片空地。環境無敵。食物就好一般，不過價錢超平，一杯cappuccino 加一個egg benedict 只需70蚊，朋友叫左三文魚，話三文魚吾新鮮，有腥味。食環境同chill下，支持下社企。同埋叫野食之前要選定枱講枱號落單，會送餐的，決定左坐邊張枱就吾可以轉，咪送餐會好混亂

因家住附近, 假日都會到九龍城石屋家園用餐, 小朋友甚為喜歡。坐在室外茶座, 感受涼風很舒服。最喜歡吃招牌菜班尼迪克蛋(EGG BENEDICT)蛋王流心恰到好處, 吃完很滿足。再點一份全日早餐, 配牛角包+薯餅, 小朋友吃得很滋味。用餐不限時, 大家都過了一個悠閒的下午。

經過有間咖啡店，就坐下休息一下見到咖啡店係喺教會隔離，聖誕期間有好多聖誕歌聽，價錢比較平民化。自己坐低咗，喺枱面掃二維碼落單俾錢，店員會送嘢食餐飲過嚟。全部自動化，都幾方便快捷。唯一唔好係餐具要喺店內自取，如果你喺戶外。最好攞晒餐具先落單等佢送嘢過嚟食。要咗一般愛爾蘭咖啡$32， 糖漿另上。奶味好香，好滑，唔使落糖，都好夠味值得推介呢間咖啡嘅係因為佢有唔同嘅座位樓上- 大概可以坐15至20人，比較擠迫，空氣唔太流通。如果你有一大班朋友或親戚，想大家一齊食Cafe，可以選擇嗰度。戶外- 每一個戶外都有一個簷蓬遮住，所以空氣好流通，唔會太曬。側邊有少少植物，有啲似露營或者picnic嘅感覺。總結：雖然地方有啲唔就腳，搭完地鐵要行15分鐘先到。不過有時間，可以休閒過一日。

跟女朋友在影藝戲院看梅艷芳，未睇之前一於決定食個下午茶先。女朋友以前居住在九龍的時候會經常來這裡吃早餐，今天一於決定來這裡淺嚐。點了一個全日早餐+兩隻雞膇。全日早餐包括了煙肉、德國腸、三文魚，茄汁豆、牛角包等，加一杯飲品，以這個價錢能夠吃到一個滿滿的全日早餐，實在是超值。雞膇由於是水牛成的關係，辣辣的，不錯，很是開胃。這裡需要自行找位置坐，我認為要看看自己有無彩數，不然會沒有位置坐的。日期：2021.11.28

呢間食過3次！佢位置真係好格涉😅今次終於唔係食ᴀʟʟ ᴅᴀʏ ʙʀᴇᴀᴋғᴀsᴛ 週三的ʟᴜɴᴄʜ ᴛɪᴍᴇ都要排隊點餐喔室內無位了 幸好天朗氣清 坐室外別有一番景象🌳🍃🌞點了2個sᴇᴛ ʟᴜɴᴄʜ ✨班尼迪蛋🍳早餐 $72：配煙三文魚+英式鬆餅 有沙律菜拌碟 個蛋都幾流心 純粹好耐無食口癢癢👅 ✨蒜香菠菜蘑菇意粉(微辣) $62：食唔到辣嘅朋友表示唔辣 仲落埋ᴛᴀʙᴀsᴄᴏ🌶 ✨蘋果金寶批配雪糕 $58：雪糕係自家製的 有3款口味可選👉🏻雲呢拿/朱古力/另外一隻味忘記了🤣今日之綴係個蘋果批！粒粒半溶口感的🍎微溫食好正呀！個批邊焗得脆脆的✨棒子鮮奶：我要熱 友人要凍 佢話好似奶水 飲唔出棒子味 我個杯又好ᴏᴋ啵😛佢有其他飲品跟餐都係+$5-$10咋環境食物ᴏᴠᴇʀᴀʟʟ都不錯 不過坐室外有2個缺點❗️食食下大黃蜂🐝來襲+風大會吹起啲紙巾🤣人均~💲100

今個週日來到位於樂富附近既石屋家園行下，順道係裡面既石屋咖啡冰室食lunch，石屋家園係喺九龍城同樂富中間，李兆基創意學院隔離，都算易搵。下午兩、三點來到，cafe室外位置已經坐滿人：我地最後係室內二樓搵到位；叫野食可以scan台上的QR code，如果到櫃台叫野食，要記住自己既台號講比店員知，才能送餐。水和餐具是自助的：先來咖啡，叫野食加$10就有，好抵～因為人很多但只有幾位店員，食物大約要等15-20分鐘。石屋全日早餐，其實仲有塊薯餅同兩塊窩夫喺底，不過俾個牛角包遮住影唔到相：奄列餐～呢度食嘢都算幾抵。食完再行埋係cafe右邊既石屋家園博物館，度過左一個悠閒嘅下午～

是日有活動嚟《石屋家園》，尋找附近有咩餐廳，因而發現。天雨關係未能坐室外，冰室內見滿坐，職員叫我哋上角樓，超級懷舊。。。似去咗六、七十年代咁☺️珍寶全日早餐 手撕豬肉漢堡🍔配薯條🍟唔記得咗係冬蔭公乜東東⋯⋯咖啡拉花☕️肥嘟嘟面🐱同瘦面🐱

🌹近來天氣涼了，可以去一些有戶外座位的Cafe吃早餐，今次去了九龍城《石屋咖啡室》。我們選擇由宋王臺站行過去，行了大約十多分鐘便到，當運動一下，估不到9時多，已有八成滿座。🌹食店有室內室外位置，我們選擇了戶外座位，餐廳可用Barcode點餐及付款，準備好後由服務員送上枱面。在等待期間，四圍去影相，入到室內，一張相也影不到，環境比較雜亂，而且坐滿了人不方便；再轉戶外，環境較好，在秋季天氣坐在樹陰下嘆個早餐，不失為一個好去處。點餐🍴石屋全日早餐⭐️⭐️⭐️豐富組合，飽肚石屋精選早餐⭐️⭐️⭐️牛角包鬆脆，抵吃凍咖啡⭐️⭐️⭐️凍摩卡⭐️⭐️⭐️個人評分食物味道飲品服務環境（戶外什物清理一下會更好）衛生抵食回頭率

去完格仔山落山見到有個極具特色的石屋咖啡店，入去幫襯誰不知換來一肚氣。由於第一次嚟所以對餐廳的環境落單方式不太熟悉，以為侍應見到客人會先打招呼，在門口等待了許久，沒有任何侍應理踩，即使見到客人在門口亦視若無睹⋯⋯於是我上前向侍應問，樓上是否有位，對方竟然說唔知，你自己上去睇下啦，我都打左個突，竟然如此無禮。都算啦…上樓上攞左位，朋友落樓下叫餐，又被問幾號枱，朋友話唔知，對方竟然叫我朋友自己上返去睇枱號，語氣態度均極度無禮貌⋯⋯我哋初次到餐廳唔熟運作，都不能這般無禮對待，是否因為太忙而要向客人黑面呢？這樣的待客之道不敢苟同。縱使餐廳環境或食物更好，係咪服務態度可以不重視呢？

屯馬線開通後🚇我地就立定決心要黎試試呢間石屋冰室出乎意料 星期六下午既時間 食客唔多 室外同室內都有好多位置可以選擇! 我地叫完野食 就攞住號碼牌坐到室外 店家很好 知道你坐室外時會主動詢問會否需要蚊怕水 但可惜大部分都見底 店家可能要再購入新既 因為室外的蚊蟲真的較多 影相過後 我地都係即刻衝返入室內 嘆住冷氣享用食物🤣🤣我地要左個芝士火腿牛角包🥐沙律作伴菜🥗另加左兩隻水牛城雞膇🍗而及一位latte☕️呢度既食物攞盤令我一時感覺置身cafe 一時置身茶餐廳 飲品美觀但食物質素就有啲普通 價錢亦偏貴 不過食完再上一層 可以看到有關石屋及九龍城寨既歷史 當做假日一個小活動 懷舊一下都唔錯💁🏻‍♀️