石亭居酒屋

營業中

休息中

✔️日本室津蠔(四隻）$180每隻蠔都勁厚肉🥰 佢嘅海水味唔算重 餐廳就加咗酸汁同埋蘿蔔蓉係面作調味 食落十分之開胃😍近期做緊周年限定嘅優惠 都幾抵食😝✔️三文魚腩刺身 $58每件都超級肥美 油脂感Max‼️ 完全冇雪藏味 好推薦😋✔️柚子鹽燒自鱔 $68講唔停覺得呢個係全晚最好食嘅😝 白鱔外皮燒到香脆 而下層嘅肉有彈性🤩 柚子味就唔係太重 不過已經係超級好食‼️✔️北海道海膽壽司 $178海膽份量超級慷慨 味道十分之鮮甜😋 完全唔會有異味或者苦味 如果個紫菜脆身啲就perfect 啦～✔️佐賀和牛壽司 $128食落唔會有血腥味☺️ 不過講唔停覺得和牛生食始終少咗d油脂 燒咗嘅應該會更加好食🙈✔️牛舌串 $38呢款性價比幾高 牛舌唔會太薄😚 燒到好香 口感爽彈唔韌😛✔️和牛串 $98呢款和牛屬於係比較重肉味🥩 質地唔係入口即融嗰款所以唔會話太油膩🙆🏻‍♀️✔️帆立貝壽司 $88✔️牡丹蝦壽司 $88

石亭居酒屋位於赫德道的日式居酒屋，門面裝潢甚為獨特，而內裡設計亦採用了日式小店風格，牆上貼滿各式各樣的食物介紹，甚有日本居酒屋的風味，食材時令新鮮，配合師傅的烹調技術與態度均一絲不茍，友善的店員細心介紹菜式，誠意推介非常值得一試😋🐠▪️店長精選時令刺身 （上）$ 398刺身拼盤一共有八款刺身，用當日最新鮮的食材，所以有機會每一次都會有少少唔同，首先師傅賣相擺盤一流，令人食慾大增，刺身每款新鮮而且厚切，而且這個價錢真的性價比超高👍🏻牡丹蝦，八爪魚，三文魚腩，吞拿魚腩油金魚腩，帆立貝，墨魚卷，深海池魚🔥不得不提這裏的串燒和燒物，全部即叫即燒，尤其係雞類嘅串燒，全部用上新鮮貨，非常有誠意🥩▪️網燒牛小排 $ 128牛小排肉味香濃，而且燒至六成熟，肉質粉嫩軟淋，帶少少脂肪，配合芝麻和燒汁，非常好食🐟▪️西京銀鱈魚 $ 238必食推介，銀鱈魚非常入味充滿味噌香，燒到魚皮香脆，魚肉非常嫩滑，就咁食已經好好食，當然也可以配銀鱈魚嘅最佳拍檔沙律醬🐷▪️蘆筍豚肉卷 $ 28薄薄既豚肉肥美肉質Juicy 配合蘆筍嘅清甜爽脆，好食🔥重點推介必食雞類串燒🐔▪️雞皮 $ 38新鮮雞皮，外層香脆，中間部份仍然保留脂肪的口感

好多新派居酒屋都鍾意整色整水，搞好多gimmick，但係呢間居酒屋反其道而行，正正還原咗舊式居酒屋🏮 原來佢哋已經開業21週年，所以室內時間嘅痕跡一啲都唔突兀，完全感受到傳統老派居酒屋嘅味道🍶整體嚟講，當日道道菜都好新鮮，日本室津時令活石蠔 ($180/4) 夠鮮甜，食落去口感偏爽口🦪時令刺身薄切 ($198)當日係深海池魚薄切，食落去同樣新鮮，店家仲提供酸汁、蒜、蔥，更加吊起個鮮味🥳 特選花之魚生飯 ($198)有吞拿魚、海膽同油甘魚，海膽夠鮮甜完全唔腥，油甘魚同吞拿魚都新鮮，特別鍾意佢個飯底有超～多芝麻同紫菜，撈起上嚟特別香(❛◡❛✿)除咗刺身，同朋友都叫咗啲串燒同燒物試吓～蒲燒鰻魚 ($118)係最驚豔🫶🏻因為夠肥美，魚皮仲燒到微微焦脆，放落口真心超幸福🧡 牛舌 ($38)都好唔錯，夠厚切食落有口感👍🏻網燒牛小排 ($128) 燒到粉嫩，本身用咗燒汁調味，所以唔洗點鹽食都已經好夠味🥳總括嚟講，呢到食物質素相當唔錯，雖然環境冇新派嘅fancy，但係價錢都唔算貴，明白點解可以係競爭激烈嘅尖沙咀區屹立不倒🙌🏻

餐廳在尖沙咀赫德道不經不覺屹立 21年了， 佈置以純樸木色為主調， 小店面積雖然不大， 充滿懷舊簡樸風格，製作保持傳統日式風味， 深受粉絲們愛戴， 支持到現在。龍蝦沙律 $88清新軟綿沙律， 放上鮮味的蟹籽， 還吃到粒粒爽彈的龍蝦肉，夠曬真材實料， 是滋味的開端。蒲燒鰻魚飯 $128肥美的蒲燒鰻魚，舖在熱燙燙白飯上面， 令人垂涎， 輕輕叉開柔軟 鰻魚肉， 香甜的鰻魚醬汁，滲入米飯中， 份外惹味，鰻魚肉細滑軟嫰， 拌飯一流。咖哩烏冬 $68熱湯湯冒著煙的咖哩烏冬， 香氣十足，濃稠的咖哩汁， 比想像中更加惹味， 香而不辣， 煙韌滑溜的烏冬， 掛滿惹味的咖哩汁， 滋味滿分。鹽燒青魚 $88青魚魚皮燒到香脆帶微微焦香，用筷子輕輕叉出， 看見雪白的魚肉， 入口嫩滑柔潤， 再唧上酸酸檸檬汁， 令魚肉鮮味加倍提升， 滋味滿分。燒白鱔 $68燒白鱔外皮燒到微微焦脆 ， 香氣十足， 肉質鮮味大嚼勁， 口感一流。燒鵝肝 $128燒鵝肝，質感細滑柔軟， 有綿化的口感， 充滿油香，又不會有油膩感。燒三文魚頭 $98原隻三文魚頭 ，魚皮燒至香脆，雪白的魚肉，油潤滑溜， 咀嚼時， 慢慢滲出甘香的魚油， 讓人食指大

💭呢間居酒屋腦海中好似係尖沙嘴開左好多年，從來都無黎試過呢間餐廳，原來唔經唔覺呢間餐廳已經開左21年🌺🌺👀餐牌發現都好抵食wor～呢度d 串燒燒得好香好好味👍🏻牛舌同d 豚肉卷都好juicy 好好味😋d 壽司都好新鮮,壽司上面既材料好足料大份！！！180蚊4 隻價錢都ok🥰我覺得個蠔都好吸引呀🙋🏻‍♀️食落覺得好新鮮添😋🌸蒲燒鰻魚飯 HKD128 🌸自家制厚燒玉子 HKD 58🌸牛舌 HKD38🌸蕃茄豚肉卷 HKD 28🌸雞軟骨 HKD 18🌸一口蕃薯 HKD 18🌸露荀豚肉卷 HKD28🌸三文魚籽壽司 HKD 68🌸赤貝 HKD78🌸牡丹蝦 HKD 88🌸日本枝豆 HKD 48🌸日本蠔 HKD 180/4 pieces

成日係尖沙咀搵食，今日就同朋友專程黎到宜間好有feel既居酒屋食晚餐。餐廳日日都有幾款特別推介，數量好少，見到岩食既記得唔好錯過。黎到居酒屋點可以唔食串燒，見隔離枱既刺身都好正咁，我地又叫左個拼盤。雞泡魚乾68一大塊雞泡魚乾切成一條條，搽左d甜甜地既醬汁燒到微脆食落好惹味，仲可以點蛋黃醬食，送酒之選。龍蝦沙律 88入口啖啖小龍蝦肉，仲有d蟹籽，口感豐富。石亭刺身拼盤（上）398有齊 鯛魚，吞拿魚，魷魚，八爪魚，牡丹蝦，三文魚，油甘魚，鮮帆立貝。款款刺身都厚切又新鮮，牡丹蝦大隻又鮮甜，吞拿魚油潤香味濃厚，八爪魚彈牙，鮮帆立貝肉厚帶甜，款款刺身都相當好味。牛舌串38牛舌厚身，食落牛味香濃，口感煙韌爽口。柚子鹽燒白鱔68必食呀😋白鱔既皮燒到好脆身，魚肉厚身又彈牙，咬落勁香口。露筍豚肉串28新鮮爽脆既露筍，配上燒過既豚肉，充滿油脂香既香味同咸味。蒲燒鰻魚118鰻魚既皮燒到微微脆，魚肉冇骨質感軟綿綿香滑，加埋甜甜既鰻魚汁真係不得了。炸雞68新鮮滾熱辣咁炸起，食落仲熱辣辣，炸皮好薄，咬落去雞肉十分juicy又香口，邪惡之選。。。石亭居酒屋尖沙咀赫德道地下11C號舖。。

終於都到左老婆嘅生日週😂尋晚食完燒肉，今晚第二擊就壽到尖沙咀食好嘢😬餐廳叫「石亭居酒屋」香箱蟹 $280非常多膏，蟹肉亦好鮮甜😋師父好細心地拆哂啲肉同膏出黎😊小編呢啲又想食又懶嘅人就岩哂啦😂啖啖肉🤤青鯛魚刺身 $380肉質好彈牙！食得出好鮮！原來呢個係2食架，食完刺身餐廳仲會將魚骨用黎煲湯😋個湯煲得好鮮甜！仲有啲奶白色🤤日本室津蠔 $180/4隻漲卜卜肥嘟嘟😂一啖食落口好滿足呀😋特選花之魚生飯 $198有多款魚生，好新鮮！仲有海膽😍撈飯真係一流🤣柚子鹽燒白鱔 $68燒得好香，個皮好脆😊啲肉質好彈牙😋牛舌串 $38外層煙韌，內層軟稔，爽口彈牙😋Suntory生啤 $78/2杯P.S 店員服務又友善又親切😊店內一半客都係熟客，可見回頭率高😬

座位不多，勝在環境有和風格調，而且食物質素好，非常喜歡！👉🏻青鯛 $380薄切爽口，肉質細嫩！好喜歡薑蔥蓉+酸汁，更清新的口感！👉🏻香箱蟹 $280時令推介！香箱蟹其實係松葉蟹的雌蟹，師傅好細心拆蟹膏、蟹子同蟹肉，然後放係蟹蓋上，啱哂想食蟹又唔識拆肉的我！蟹肉好鮮甜，多膏，賣相又靚，一流！👉🏻燒牛小排 $128粉嫩色，牛味濃，不會過膩，完全唔韌，口感幼嫩！👉🏻石亭魚生飯 $148賣相好吸引，有唔同嘅刺身，例如吞拿魚、三文魚同魷魚等，食材真係好新鮮！👉🏻鮮魚奶湯好香，好濃郁，有豆腐粒，海帶同櫻花蝦，味道鮮甜！

Drinking good wine with good food in good company is one of life's most civilized pleasures 最高興節目莫過於食日本菜，食好西係我同朋友嘅共同嗜好！今次到呢間屹立於赫德道足足有21年的居酒屋、一內進已見有熟客用餐；店子不大所以book定位最穩陣小食 Squid Cartilage > 魷魚軟骨：爽脆煙韌味鮮帶點辣、唔錯秋刀魚刺身Mackerel Pike Sashimi > 見牆上推介“秋刀魚刺身”，此魚入秋時分最為當造，不時不食即刻點！個擺盤幾有心機、‘一葉知秋’形神俱全有意境！時令秋刀魚肉質彈牙肥美兼魚脂香潤，點蒜香醬油入口甘甜時令空運魚薄切Shima Aji Sashimi > 表皮散發著亮銀光澤的深海池魚、肉質結實爽口油香出衆，點柚子醋混合蔥花令鮮味更突出特選花魚生飯Special Sashimi Rice ▪︎Tuna, Yellow Tail, Snapper, Sea Urchin > 有我最鍾意食嘅鮮甜海膽、甘甜嘅油甘魚、吞拿魚和脆脆蟹籽，撈埋香口紫菜

平時經過呢間居酒屋門口已經覺得石牆設計好有日本feel，見到佢呢家做緊21周年優惠就嚟試下！💎 $180 日本室津蠔（4隻）大大隻生蠔好肥美鮮甜，食落口啖啖肉，無渣亦唔會有海鮮腥味😋.💎 $180 日本深海池魚薄切太耐無去日本，見到有呢個時令空運過嚟嘅池魚就即刻嗌咗！相比一般刺身，深海池魚更鮮甜爽口，配wasabi食口感豐富，配醋食可以提升鮮味，兩種醬料都好夾。.💎$380 真鯛首先一上枱已經覺得刺身賣相好靚，呢個季節正當季，真鯛極為肥美、細膩油脂食落甘爽鮮甜，基本上無咩刺，食落好滿足！.另外，真鯛唔能夠做刺身嘅部份，餐廳用咗嚟整鮮魚湯。湯面呈奶白色，飲落清甜香滑，可以減退肚脹飽滯的感覺！.💎 $148 鵝肝石鍋燒飯一開頭見到咁大舊鵝肝已經覺得好吸引🤤估唔到呢度熟食水準都好高！石鍋飯熟度啱啱好，飯焦脆口惹味，配上黃蘿蔔中和油膩感，份量足夠！.💎 $48 巨峰乳酸梳打飲落唔會過甜過酸，好岩一路食嘢一路飲，十分開胃😋

💛好味指數:4.7/5💛💜回頭指數:4.7/5💜呢排沉迷上清酒之後成日都好想飲，咁就搵個藉口話食居酒屋😙可以飲清酒之餘又可以食吓串燒傾下計🗣✅蒜頭漬$48食Omakase常常都會有，估唔到居酒屋都有，做佐酒小食好唔錯👍🏻✅清酒煮大蜆$98蜆肉好大隻無沙，用清酒煮過味道好清甜😋個湯好飲到停唔到🤣✅自家製厚燒玉子$$58玉子燒充滿蛋香，旁邊有蘿蔔蓉可以加埋玉子一齊食，幾有趣嘅配搭😍✅串燒雞皮串：雞皮燒到好脆好香口，佐酒非常好👍🏻冬菇串；冬菇好香，仲加咗啲鏗魚片蕃茄豚肉卷串：番茄好多汁，食之前記得要攤凍柚子鹽燒白鱔：魚皮燒得好脆，不過有小小骨要小心✅熱稻庭烏冬$$68店員會落單個陣幫我地份好兩碗，唔洗我地額外再分，估唔到有呢啲服務😙烏冬嘅湯底同清酒煮蜆有啲相似，都係咁好飲😆✅獺祭45 純米大吟釀300ml $260係獺祭嘅入門款，口感順滑，容易入口，帶獨特嘅甘甜味☺️好喜歡呢個牌子嘅清酒💛而且店員會準備冰桶，可以保持清酒最佳嘅溫度🍶🐻總結食物質素唔錯嘅居酒屋，座位唔算好多，人多記得訂位。📍石亭居酒屋 (尖沙咀)尖沙咀赫德道地下11C號舖

位於方便嘅尖沙咀石亭居洒屋主要菜式包括刺身、壽司、串燒、時令海鮮，內裡設計採用左一般日式小店風格，只有大約20個座位。時令系列：香箱蟹即是雌性松葉蟹，佢嘅精髓就係蟹籽同蟹膏，通常每年11月開始就係最佳食香箱蟹時侯，師傅會拆蟹肉同蟹籽放上蟹蓋上，甘香嘅蟹籽同蟹膏配上超級鮮甜蟹肉，垂涎欲滴。三色飯可以一次滿足三個願望滿足三個願望有海膽、蟹膏同帶子，鮮味十足！深海池魚刺身同賴尿蝦干串燒都唔錯，推介柚子鹽燒白鰻，好肥美，燒得非常香脆，我幾鍾意。

尖沙咀呢間居酒屋，鋪仔細細但具人情味，有吧枱又有卡位🦀香箱蟹 $380-時令蟹 非常鮮甜味美 -將拆蟹肉放滿蟹蓋上 旁邊為內子 底部再有蟹膏 完全能夠享受盡全隻蟹嘅鮮味-蟹肉拆得乾淨 唔會有碎殼👍🏻🐟燒西京銀鱈魚 $238-西京燒醬汁調得剛好 鹹甜互補-銀鱈魚一梳梳魚肉 結實有魚油香🐠燒油甘魚頭 $168-份量好大 魚頭再加魚胶-魚外皮好脆好香 油甘魚相對魚油香味較重 魚肉嫩滑 多肉🐡鰻魚飯 $128-鰻魚好香 甜蜜味再加上綿完嫩軟口感 好食🧀燒芝土年糕 $58-熱辣辣 流心芝士 軟熟滋味總體嚟講，呢間居酒屋食物質素有保證，美味👍🏻

// 𝙅𝙖𝙥𝙖𝙣𝙚𝙨𝙚 𝙄𝙯𝙖𝙠𝙖𝙮𝙖 𝙃𝙞𝙙𝙙𝙚𝙣 𝙂𝙚𝙢 - 𝙎𝙚𝙠𝙞 𝙏𝙚𝙞 𝙅𝙖𝙥𝙖𝙣𝙚𝙨𝙚 𝙍𝙚𝙨𝙩𝙖𝙪𝙧𝙖𝙣𝙩 🥢 //-Hidden in a small alley behind K11 at Tsim Sha Tsui, 𝐒𝐞𝐤𝐢 𝐓𝐞𝐢 𝐉𝐚𝐩𝐚𝐧𝐞𝐬𝐞 𝐑𝐞𝐬𝐭𝐚𝐮𝐫𝐚𝐧𝐭 is an aesthetic small-sized Izakaya that offers an array of freshly imported sushi, sashimi, donburi, and even a wide-ranging menu of sake; bringing authentic Japanese flavors to all diners.-Highlighting their time-limited four pieces of Rock Oysters offer for only HK$180, which were fresh and briny and tasted with very subtle fish flavor along with

This blink-and-you-’ll-miss-it spot sits along Hart Avenue where plenty of bars and restaurants are situated. From the storefront to the interior, the decor and ambiance make me feel like I was transported straight to Japan. Bringing the vibes of a traditional Japanese Izakaya with its retro look, the place extrudes a kind of cozy and intimate feeling, it’s perfect for unwinding the day over some drinks and food with friends.精選時令刺身 ($398)Speaking of freshness, this sashimi platter is super fre