真‧章魚無雙 (已搬遷) 新店位置

葵芳咁多間小食鋪頭, 我有幾間係特別鍾意, 每隔一排就自自然想返去食一食, 呢真章魚無雙都係其中一間。今次叫左明太子味, 佢啲小丸子唔會好厚粉, 薄薄一層好煙un, 而且啲章魚都好大粒, 一啲都唔慳皮, 最後係啲醬汁好多好豐富, 加埋啲木魚一齊食, 口感好有層次, 真心比起大阪好多間章魚燒, 呢間嘅質素都拍得住什至更好。近年葵涌廣場嘅小食店越嚟越難做, 有好多間我好鍾意食嘅店都先後換左手, 希望呢間鋪頭可以長仲長有, 等我可以成日去食啦!

行下葵芳 等男朋友。行個圈發覺多左好多小食鋪，咩片皮鴨，西式，日或，糖水鋪都有。知佢喜歡食章魚丸，諗住買比佢食，搵到呢一間好食，行過來排隊比錢。由於唔算太肚餓，仲要一陣食飯，簡左黑松露章魚燒。等左10分鐘左右到手了，熱乎乎，都大粒章魚加佢沙律醬 好好味。唔大唔細 岩岩好，一口章魚燒。

約咗係葵芳交收，諗起好耐冇去葵廣掃街，就特登早小小嚟行個圈🤤自己一個掃街真係好慘，想拎起粒小丸子影相又拎唔到，冇人share嘢食勁快飽🙄呢度嘅章魚燒都有幾多選擇， 咖哩、明太子、芝士同蟹膏等等😚#黑松露章魚燒 (六粒 $33)😋好味指數：(7/10)一拎手見到好多醬同黑松露係面😙食落去都幾香🤤咬開一半發現原來有成隻🐙仔係入面😳不過美中不足嘅地方係外皮唔夠脆🤷🏻‍♀如果可以改善到就更加好味😋.⭐溫馨小提示📌 膠袋需加一蚊，雙拼需加兩蚊，芝士味無法雙拼📌憑章魚無雙之即日購物單據，可於小雄批發當$5現金券使用📌憑章魚無雙之單據到3tea買茶可減$5

[ #葵廣掃街系列 | 十款口味選擇章魚燒🐙]••上次去葵涌廣場又點止食手抓餅😋其實葵廣真係個好地方，可以涼住冷氣掃街，勁多唔同種類選擇🍡最重要係可以邊行邊掃貨🛍(買衫是重點😚)⋆ ⋆ ⋆ ⋆ ⋆🔹真·章魚燒 雙拼($37/8粒)⭐️8/10原來有成11款口味😱 男朋友一睇就即刻揀到，有選擇困難症既我，都諗左好耐🤯▫️激葱 + 蜜糖芥末🍯即叫即整，我淨係食左蜜糖芥末😋比起平時落既醬汁同沙津醬，呢度比較特別，味道都唔錯👍🏻每粒入面都有大大舊八爪魚🐙-🔺因為即叫即整，所以都要耐心等候💁🏻‍♀️-

一場黎到葵涌廣場掃街，呢個章魚燒真係不得不試呢間主打賣章魚燒既食店略有名氣，黎排隊買既人絡繹不絕，而多款口味章魚燒任你揀，總有一款會岩你口味最後我揀左“真.黑松露章魚燒”落左單攞飛，等店員叫號碼就ok，雖然等買既人都唔少，但只係等左約幾分鐘就攞得，一攞上手feel到熱辣辣，再聞一聞，香味撲鼻而來，入口後，黑松露香味濃郁停留係口腔入面，粒丸外面塊皮好脆，入面仲有原隻章魚，章魚咬落爽口彈牙，再配埋醬汁，食完都想再食

葵涌廣場嘅小食店開到成行成市，講真好多間都普普通通，冇乜水準。唯獨呢一間章魚丸專門店我覺得係水準一直都保持到，至少食過三四次都仲係好好味。今次點左個明太子章魚燒，即點即整，大概等左10分鐘，因為都幾多人排隊，點左六粒裝， 30元正。講真呢個價錢我覺得中規中矩，未係好平，又唔算太貴。章魚丸燒到外脆內軟林，中間有隻八爪魚。最好味係佢嘅明太子醬，絕對唔少了，大方地淋滿明太子醬。明太子鹹鹹地咁，而且粒粒有口感，配上章魚丸一齊食真係人間極品！

次次去葵廣掃街，我都會有幾間小店要encore！其中一間就係呢間章魚燒，可能係我食過最好食既章魚燒，一定好食過日船！不過等候需要d時間，因為真係即叫即整！要第二十分鐘左右，所以最好落左order先，然後慢慢行下商場先去攞。同埋好熱，要咬左一半，吹下先好再食真材實料既良心小店！每粒章魚丸子入面都會有粒爽口彈牙既章魚起入面仲要係鮮味既！個粉醬調得岩岩好唔會好痴牙。個黑松露醬冇得輸，配住食有幸福既感覺好想再食呀！

其實我並不太喜歡章魚燒，不過有一次因為十分肚餓，剛巧經這個食店，就點了一個黑松露章魚燒來吃。這個黑松露章魚燒吃起來與我自己過往吃的很不同，黑松露味十分突出，香味濃郁，而且章魚燒燒得恰到好處，非常好吃。

葵芳葵涌廣場真係好鬼多嘢食又班戟又手卷又手撕雞又雪糕又豆腐花又重慶酸辣麵又手搖飲品又燒賣又甜品真心講句要分好多日先食得曬所有美食！行街經過呢間 真章魚小丸子店，見有好多客人圍住間鋪等食，於是叫咗明太子章魚燒八粒。食後感:我覺得明太子小丸子味道香口帶咸辣配上軟熟的章魚燒，咬開粒粒飽滿的章魚，整個感覺都好豐富好夠汁料，好耐未食過好食既章魚燒，呢間真係唔錯！可惜離我屋企太遠！有機會要在黎試吓其他口味嘅小丸子！

嚮葵廣掃街又點會少得章魚燒呢？呢間章魚燒店其實都嚮葵廣開左好耐下，所以都有啲名氣，特別係佢既巨大章魚燒，嚮其他店真係好少見～不過平心而論，我就覺得正常size嘅章魚燒會好食啲，因為佢個皮實在係太厚，所以咬起上嚟，口感無細size既咁好咬，同埋佢面頭啲醬都落得幾重手，搞到成件章魚燒食落都幾鹹。總括嚟講，呢件砲彈章魚燒其實係一個唔錯既噱頭，但味道就普普通通，無乜特別，所以下次都係食返正常szie既章魚燒好啲。

呢到既章魚燒係我成日都會黎食既，價錢適中，我通常食黑松露，蜜糖芥末味，當佢即整即食真係會有好幸福既感覺，木魚絲係上面跳舞，好浪漫啊💕，外脆內軟同friends一齊share最正！

話說，好多人介紹過呢間章魚燒，係人都知佢入面有原隻小章魚🐙，但無乜人介紹呢個超～～～～～多蔥嘅口味，等我嚟挑戰下！章魚燒本身都好食，唔易爛，可以完整咁篤到成粒上嚟食，但重點係喺啲蔥到！因為單睇粒章魚燒真係未及我喺太古城間心中摯愛。鍾意食蔥嘅人應該都明，無論幾鍾意食都好，蔥食得多係會反胃嘅，但係我想講，呢個配搭令我一粒不剩咁食晒所有蔥。首先，每一粒蔥都係立體、3D、空心嘅，唔係扁晒果啲；而且綠油油一片，完全無蔥白。味道上平衡返晒本身就比較漏嘅章魚燒同醬汁，一個人啪晒六粒真係不是夢。現真身

葵芳一向多小食，這間章魚燒一向想試好耐當日人唔多，大概等8分鐘就有得食我點的是明太子章魚燒（6粒）章魚燒面很多醬汁，木魚味好香重點是每一粒章魚燒都會有原隻小八爪魚，好足料！下次再經過應該都會再買第二隻味來試

呢間既章魚丸好保持到水準第一次食既時候真係幾驚喜~每一粒都有一隻小章魚係入面！-唔似得出面其他間只係一小舊章魚呢間既款式選擇都唔算少 有櫻花蝦 芥末蜜糖 明太子口味等等....不過最鐘意都係食佢個蟹籽口味～蟹籽好鮮甜 小章魚都好新鮮一盒有6-8粒揀~~-不過想掃街就食6粒好啦 太飽就食唔到其他美食啦>w<

琴日行葵廣掃街，買咗呢間真章魚無雙 嘅小丸子！我個人本身就好鐘意食小丸子所以都會去唔同賣小丸子嘅店食下佢地嘅章魚小丸子我叫咗一份6粒（可選8粒）真黑松露章魚燒 33蚊 ，我比完錢之後就超快有得拎 。見到佢都幾多醬 同個邊有好多木魚碎 而佢嘅醬主要有2種 第一種係沙津醬，上面有d海苔粉。而第二種就係平時食深色果種醬 應該係醬油吧～不過呢間個醬油偏咸 而黑松露味方面呢就都幾乎冇，可能係d醬cover 咗 個黑松露味。不過食落有驚喜，就係每一粒裡面都有原隻小章魚所以好有咬口呢個抵讚。我覺得佢可以再燒耐d 因爲食果陣就唔係話熱辣辣果種，而係暖暖地我個人覺得熱少少會好d 同埋如果外皮有少少脆仲好！