真正豆腐坊 (已結業)

行山前要醫飽肚才有力走，又不能吃得太多但太少又不可以。經過糖水道這間食店，見到有炒麵兼且$12一碟，便試一試。炒的是油麵，配料有椰菜芽菜但真的很少很少。油麵炒得很淡味，可能因為加熱太久，以油麵來說麵質過軟，沒有嚼口。炒麵的份量雖足夠但味道及材料則不太吸引，普通飽肚可以，回味欠奉。

紫米粢飯🕺🏿✨-宜家粢飯買少見少🙁對粢飯一直都好喜歡!🤤一定要有油炸鬼 炸菜 多肉鬆!!經過一間小店見到有紫米同糙米粢飯擺係門口好次好特別咁 就買左黎試下🤘🏿粢飯一真係蒸爐入面拎上手熱辣辣✨紫米口感好痴 不過硬左少少感覺好健康哈哈🤘🏿😆入面餡料都幾多下加埋肉鬆炸菜 正🤤🤘🏿$8睇落細細地但幾飽飽做下午茶一流🤤❤️見到仲有蒸中式包點價錢都好貼地好親民下次一於試下！！最愛發掘小店👅小店的滿足❤️

嗰日口淡淡，走左入去食粥，點知食到一肚氣入到去坐低……侍應大嬸：「食咩呀？」我：「一碗白粥呀，唔該！」大嬸即黑面：「白粥咋？」我：「係禁多！」佢即刻唔理我走左入廚房。當日好凍，見大嬸拎住碗粥出黎，大大碗，滿心歡喜，以為好好食，點知……白粥：一望落去，只見到白色嘅水，好似洗米水咁嘅樣，用羮撈起，先見到米飯，名符其實嘅「水浸飯」，絕對稱唔上甚麼「明火白粥」！咁稀嘅白粥就梗係唔多夠啦！所以叫多左個麥饅頭，唸住間間嘅饅頭都係差唔多，實冇衰啦……麥饅頭：賣相唔錯，漲卜卜，但一咬落去，又實又硬，要多幾個真係可以打死隻狗！！！呢個都唔係死因，main point係「凍冰冰」，饅頭最忌就係唔熱，擺過夜都蒸下佢呀，唔該！

尋日(8-5-2010 Sat)晏晝同男友’見’完我媽媽後,就搭車返佢屋企買o野畀佢媽媽食,男友話佢媽媽應該會食糯米雞,都接近5點幾,o係邊o度搵到呀?落o左車行經呢o度,竟然見到有,而且有其他點心,男友就揀o左$9.00o既糯米雞,$2.50o既馬拉糕同$3.00o既白糖糕.返到去,男友先試白糖糕,佢話好食,我又試吓,唔,甜度幾夠,口感正常啦.而馬拉糕就畀o左佢侄仔食,冇問佢好唔食,不過我見唔係好大件.而糯米雞呢,佢媽媽竟然話飽唔食,男友蒸返熱分四份,我食o左一個角落,啲糯米竟然好濕,唔夠乾身但仍粘粘地,餡呢?我o個件o岩o岩只在冬菇,冇乜味.

(我不懂打個字, 所以用"痴"來代表。 希望大家明白)11月27號 - 夜晚6點左右今日行過糖水道見到真正豆腐坊。 見沒有試過就幫親他們la。 最後買左個"痴"飯食。 他們的"痴"飯好熱。 因為在個爐拿出來的。 但是食入口有點凍的感覺。 甚至有點硬的感覺。 不過裡面好多野。 所以最終都覺得好好味。 而6蚊都覺得合理。

而家Ｄ酒樓一係就唔整馬拉糕，一係就整得好難食，無諗過原來整馬拉糕的技術去左呢Ｄ民間包點店，今日食左馬拉糕，又幾好味喎！這裏馬拉糕整得比較稔身，又比較黏，唔似酒樓整得咁乾身，亦比酒樓甜Ｄ，而且一直用蒸籠蒸住，拎到返屋企仲係熱辣辣的，冒住煙架！我覺得幾好味，又唔貴($4)，下次都會再買黎食架！

上星期在澳門吃過榮記的超滑豆腐花後，念念不忘，更不時有豆花癮發作。今天下午，在未想到 lunch 吃甚麼以前，硬拉男友來這兒吃豆腐花。要了一熱一凍，豆花挺滑 (當然不及榮記)，但豆味不足。

行經馬寶道，想吃碗豆腐花，原本馬寶道德興隆是不二之選，但是日突然想試新店，來了這裡，咁就出事。這裡以「豆腐花」為名，當然立即吃碗凍豆腐花，看對不對辦才吃其他食物。碗豆腐花幾夠份量，但一放匙羹下去就知不對頭，質地是非常之實，用匙羹盛起，更是一舊舊如石頭般﹝如圖示﹞，相當有質感。吃落也全不意外的非常之鞋口及「實淨」，雖然說凍豆腐花是比較結實一點的，但也不至於如此厲害吧！結果吃了半碗也放棄了，放下五蚊，去隔離街再食過。希望是一時失手，如果不是，來這裡也是吃其他小吃好了，不要吃豆腐花。

早2 日系度買左杯熱豆漿$5,味道吾錯!無渣且有豆香!但$5杯系北角算貴.

6月5日19:00路經這裡無數次，沒有留意到這小店，門外賣的是豆漿、粢飯和各種油炸小食。這次是給她的白底紅字招牌(文革時代的草書)，吸引住了。要了最貴的粥(一笑)，HK$13.- 蠔仔粥。粥底：一般師父碎米粥。料：蠔仔和薑絲極多。粥用沙碢盛載，沙碢有十數處磞口，幾出位。食粥時，店長和伙計在填統計表，向總店回報那種出品最受歡迎，嘩！好現代化的管理。