2
4
2
港鐵北角站 A1 出口, 步行約3分鐘 繼續閱讀
所有分店 (2)
付款方式
現金
食評 (10)
等級3 2019-10-02
26 瀏覽
行山前要醫飽肚才有力走,又不能吃得太多但太少又不可以。經過糖水道這間食店,見到有炒麵兼且$12一碟,便試一試。炒的是油麵,配料有椰菜芽菜但真的很少很少。油麵炒得很淡味,可能因為加熱太久,以油麵來說麵質過軟,沒有嚼口。炒麵的份量雖足夠但味道及材料則不太吸引,普通飽肚可以,回味欠奉。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-03-21
724 瀏覽
紫米粢飯🕺🏿✨-宜家粢飯買少見少🙁對粢飯一直都好喜歡!🤤一定要有油炸鬼 炸菜 多肉鬆!!經過一間小店見到有紫米同糙米粢飯擺係門口好次好特別咁 就買左黎試下🤘🏿粢飯一真係蒸爐入面拎上手熱辣辣✨紫米口感好痴 不過硬左少少感覺好健康哈哈🤘🏿😆入面餡料都幾多下加埋肉鬆炸菜 正🤤🤘🏿$8睇落細細地但幾飽飽做下午茶一流🤤❤️見到仲有蒸中式包點價錢都好貼地好親民下次一於試下!!最愛發掘小店👅小店的滿足❤️ 繼續閱讀
(以上食評乃用戶個人意見 , 並不代表OpenRice之觀點。)
等級2 2014-03-10
860 瀏覽
嗰日口淡淡,走左入去食粥,點知食到一肚氣入到去坐低……侍應大嬸:「食咩呀?」我:「一碗白粥呀,唔該!」大嬸即黑面:「白粥咋?」我:「係禁多!」佢即刻唔理我走左入廚房。當日好凍,見大嬸拎住碗粥出黎,大大碗,滿心歡喜,以為好好食,點知……白粥:一望落去,只見到白色嘅水,好似洗米水咁嘅樣,用羮撈起,先見到米飯,名符其實嘅「水浸飯」,絕對稱唔上甚麼「明火白粥」!咁稀嘅白粥就梗係唔多夠啦!所以叫多左個麥饅頭,唸住間間嘅饅頭都係差唔多,實冇衰啦……麥饅頭:賣相唔錯,漲卜卜,但一咬落去,又實又硬,要多幾個真係可以打死隻狗!!!呢個都唔係死因,main point係「凍冰冰」,饅頭最忌就係唔熱,擺過夜都蒸下佢呀,唔該! 繼續閱讀
(以上食評乃用戶個人意見 , 並不代表OpenRice之觀點。)
等級4 2010-05-09
399 瀏覽
尋日(8-5-2010 Sat)晏晝同男友’見’完我媽媽後,就搭車返佢屋企買o野畀佢媽媽食,男友話佢媽媽應該會食糯米雞,都接近5點幾,o係邊o度搵到呀?落o左車行經呢o度,竟然見到有,而且有其他點心,男友就揀o左$9.00o既糯米雞,$2.50o既馬拉糕同$3.00o既白糖糕.返到去,男友先試白糖糕,佢話好食,我又試吓,唔,甜度幾夠,口感正常啦.而馬拉糕就畀o左佢侄仔食,冇問佢好唔食,不過我見唔係好大件.而糯米雞呢,佢媽媽竟然話飽唔食,男友蒸返熱分四份,我食o左一個角落,啲糯米竟然好濕,唔夠乾身但仍粘粘地,餡呢?我o個件o岩o岩只在冬菇,冇乜味. 繼續閱讀
(以上食評乃用戶個人意見 , 並不代表OpenRice之觀點。)
等級4 2008-11-27
348 瀏覽
(我不懂打個字, 所以用"痴"來代表。 希望大家明白)11月27號 - 夜晚6點左右今日行過糖水道見到真正豆腐坊。 見沒有試過就幫親他們la。 最後買左個"痴"飯食。 他們的"痴"飯好熱。 因為在個爐拿出來的。 但是食入口有點凍的感覺。 甚至有點硬的感覺。 不過裡面好多野。 所以最終都覺得好好味。 而6蚊都覺得合理。 繼續閱讀
(以上食評乃用戶個人意見 , 並不代表OpenRice之觀點。)