真味鮮廚

營業中

休息中

冬至快到，提早和朋友飯聚，因要就朋友小孩們，所以選了她家附近這間真味鮮廚，原來是海港旗下。一行十人叫左套餐再点幾個小菜，非常豐富，尤其招牌燒鵝皇，肉嫩多汁。瑶柱又多，味道不馬虎。

咁岩係坑口到行街，住係果頭既friend就推薦左我食尼間酒樓，作為雞煲愛好者既我，就即時二話不說入左去尼間酒樓食！一入到去，望到雞煲既價錢真係好抵，88蚊咋！冇錯，係88蚊！本身以為個雞煲會係好細份，點知一上菜，竟然係成個鍋咁大，d雞煮多10分鐘後，已經好香，忍唔住食入口，真係幾好食，再加埋煮好左既洋蔥，真係好入味又好甜。除左雞煲，仲叫左碟肥牛尼食，牛肉唔會好瘦，食得過架，仲有蝦滑都唔錯我諗下次我會再尼食，等再冬d既時候

今日一家人去左飲茶平是去開東港城飲 今日就黎左依邊佢依間酒樓d位好迫 帶bb就唔係咁方便喇但腸粉好滑好好味服務就一般般啦 算係喇仲叫左知豬仔包包比囡囡食其他野食都唔錯 佢仲有儲分 可以用黎換野

難得請了假帶大小姐去N班面試，可以同我自己父母去「飲個茶，食個包」先。大小姐睡足的話，面試表演會很好，剛剛簡直100分，非常滿意！平日早上的人流不是很多，等了10分鐘便有位了。可以「搭枱」坐，不用等很久，枱跟地下尚算乾淨。我們點了6點心，1個盎飯。⭐️小籠包Ok,皮可以再簿一點，包內的湯汁還足夠。⭐️燒賣老婆不太喜歡吃，因為她的脷「feel」到有肥豬肉。⭐️蝦餃啖啖蝦肉，好吃！⭐️叉燒包⭐️鮮竹卷⭐️櫻花蝦薄罉餡料少了一點⋯

耐不耐都要做下考順仔同媽媽飲下茶。今日黎左坑口真味鮮廚飲茶，好好彩，12點半黎到， 不過唔駛等位。如果遲多2個字既話就有排等了。呢度飲茶既一d都唔貴， 而且價錢仲好親民😉，我欣賞呢一度午市都有做孖寶優惠，好多出面既茶樓都一定唔會有，所以入面都座無虛😏。我地叫左2個孖寶食，每份都係$34.8鳳瓜排骨飯飯粒唔會太淋，而且好好大碗， 鳳爪同排骨都好入味👍🏾👍🏾👍🏾👍🏾👍🏾蟹粉小籠包一籠入面有3粒，蟹粉味唔算好重， 但皮夠簿，但咬去粒粒都好juicy，d汁流哂落個口度，但就要小心睇熱🔥🔥🔥櫻花蝦煎簿撐簿撐煎得好夠香，只係櫻花蝦份量好少， 食落無乜櫻花蝦味擂沙煎推仔煎推仔大概好似乒乓波咁大粒，但有d油，但食落好煙韌，幾有口感👍🏾👍🏾👍🏾

中秋去左真味做節叫左隻長腳蟹出場時真係要嘩幾聲六斤幾既大概千零蚊（$188/斤）蟹腳勁多蟹肉多肉到似平時食緊蟹鉗咁好新鮮好鮮甜燒豬皮脆翡翠炒龍躉球大大舊好抵食蒜蓉粉絲蒸波士頓龍蝦都好出色松露醬焗軟殻蟹幾有特色好香口、食完想再食欖豉蒸龍躉頭腩燒雞好滑皮都好脆鮮竹魚腐浸時蔬魚腐好好食濕濕地湯地唔錯仲有12個粉紅大pat pat 🍑濃湯花膠煲螺頭勁多花膠配料唔係味精湯真材實料抵我平日成日來飲茶晚飯做節一流之選侍應服務非常貼心

平時呢間酒樓飲茶都幾多人，今日做嘢做到好晏，睇睇時間都兩點幾，飲茶應該唔係咁多人啩，於是同另外兩位勤奮同事歎三點三下午茶。嚟到大概三點二，知客睇睇錶伸身指向入面，我哋揀咗卡位就座。我哋三個點咗九個點心一碟炒飯，除咗下午茶優惠嘅點心外，星期一至五下午茶大中小點全部以小點計，都幾抵，食物味道亦唔錯，間唔中做吓工作狂晏啲食晏都唔錯。翡翠筍蝦餃皇普通，皮較厚。蟹籽燒賣皇有少少冬菇粒，肉質幾彈牙。香茜牛肉腸都可以，餡少咗啲。金紗米網腸，裏面好脆，好新鮮，料亦足。鮮竹牛肉球，唔會太淋，鹼水味唔重，幾好。咸水角微熱，仲係脆嘅。流沙煎堆仔，新鮮熱辣辣，流沙效果亦唔錯。養生棉花雞，加埋紅棗係顏色係好睇啲，養唔養生我唔知，不過第一次食有骨嘅棉花雞。黑金流沙包，上面嘅金粉都好足吓，包嘅味道同普通包一樣，流沙效果亦一樣唔錯。日式燒汁三文魚炒飯，原本係點嘅乾炒牛河賣晒，呢個亦唔錯，唔太油，飯亦粒粒分明，三文魚好多，啖啖都有，而且魚肉唔鞋，分量滿意。

無唸過呢間嘢選擇甘多，小菜，蒸氣火鍋，海鮮為主，好唔錯！仲要唔貴！早D去無甘多人，到6:30已經開始多人！一家大細12人，叫左個4寶+近7斤阿拉斯加長腳蟹+1湯+2小菜+壽包，3千多小小，其實幾抵食，只蟹係亮點，超鮮味

阿媽生日，全家人到阿媽屋企附近的真味鮮廚食飯慶生，因為就老人家吾想行甘遠，而且尼間酒樓平時我們都會去飲茶，之前亦有到食晚餐多次，一直都幾好，但最近一次食到好激氣，因為我們人多，每次都會叫12人一圍的全包宴，今次亦不例外，但侍應告知燒鵝賣曬，要轉雞，錢一定冇得減，我話雞百多元一隻，鵝差不多4百，侍應即話；你地食就食，吾食可以走。嘩！乜態度？我真的不敢相信我的耳朵聽到這些話。我只是同佢計下數，但是我家人説只有照叫啦！甘夜吾通叫阿媽走來走去咩！上枱d乳豬重肥過我，乳豬當堂變片皮鴨，個個將皮片出，去除肥膏先敢食。蒜蓉粉絲蒸波士頓龍蝦，食不到有鮮甜味，只食到蒜蓉味，粉絲吸收到豉油熟油和蒜蓉味，佢哋食曬d粉絲先食龍蝦😅麵醬紫薑蒸龍躉頭腩：魚都好滑，但味道偏淡，如果醬汁多一點就好了！濃湯花膠煲螺頭：個湯一擺上枱，我女兒大叫，甘肥！又肥？原來是話湯面果d油，可惜我冇带屋企枝隔油用具，唯有用匙慢慢將油but走，除了有油，個湯都吾錯，夠濃有鮮味！本來我去食嘢，好食就同大家分享一下心得，食得吾好就算，但今日我睇到其他人也同我有點相同，在這酒樓食這全包宴同樣冇鵝，有冇甘岩？我都有諗過，又龍蝦（雖然是波士頓平價

上個星期日, 我地一班同事去左將軍澳東港城賀一位同事新居入伙, 屋主非常好客, 預早兩日去附近酒樓book定位。呢間酒樓晚市入座時段分為兩場, 分別係6:30同埋8:30, 其實入座時間毫無彈性, 但沒辦法, 假日唯獨得呢間酒樓未full, 對於附近酒樓黎講, 價錢算最平！我地一行10人準時8:30入座, 諗住唔洗煩揀個「全包宴」包茶芥加一, 價錢係抵食既～點知落order時部長告知套餐中既燒鵝已經賣哂, 只可以轉雞！（雞平過鵝一倍）但酒樓話套餐價set左, 所以冇得減。正當我地考慮緊照唔照食時, 部長即時黑面講「食唔食？！唔食你地冇得食！」即時轉身走人, 真係O哂咀...我地係冇權考慮嗎？但最實惠都係呢個套餐, 無奈地要接受啦！乳豬全體：隻乳豬係咪有縮骨功？份量少, 而且乳豬皮烤到燶燶地, 賣相完全唔吸引, 一夾起, 嘩！肥油層厚過肉, 皮係脆, 但每件肥膏命厚過肉, 食左真係會血管塞！蒜蓉粉絲蒜龍蝦: 龍蝦開邊, 食得方便, 大量蒜蓉令味道偏鹹左少少, 龍蝦肉肉質煤煤地, 冇鮮味, 難道是死蝦所以加咁多蒜去除腥味？翡翠炒龍躉球: 成個套餐最好食呢款, 龍躉嫩滑有鮮味, 實肉, 幾有

今晚約齊人 慶祝親戚生日， 一行 14人 近近哋就在屋企附近酒樓真味。 因為就各人放工，選了食八點半時段。另外有個$1998 全包宴好抵食， 有全體乳豬龍蝦和燒鵝。 但我们坐低點菜時侍應已經話燒鵝售罄， 價錢冇得減只能夠用一隻燒雞代替。 冇辦法唯有照叫因為 一心想食依個餐。 但真心覺得有啲唔抵。乳豬上枱乳豬皮脆卜卜仲係好鬆化， 但係就偏肥， 每舊乳豬除咗皮之外好似只有肥膏。。 食咗一件已經封住個喉。。 與此同時我們發現枱面的轉盤是壞了， 完全不能旋轉但又不能移走， 侍應話冇得整又冇得換枱。。( 明明有吉枱)。。 咁我哋成晚就將啲餸移來移去不停咁幫對面嘅人夾餸。。 好唔方便。 啲餸冇咩太大問題， 個燉湯唔錯足料有花膠，雞腳。 最後個紅豆沙因為冇曬只有最後幾碗。。 因為係last 所以碗紅豆沙唔熟但又唔凍咗。。 猶疑咗一陣糖水唔凍唔熱真係唔敢亂食。。 食到壽包時發現牆壁有迷你小強。。 大家立刻緊急撤退。。很失望因為這間食肆是我們常常光顧的， 服務越來越差， 可能人多真係唔憂做。 奉勸食客冇咩必要就唔好食尾圍。

火煱吃得多，有時都轉吓花款，蒸氣煱都吸引好多人去食，特別係海鲜，用蒸氣就最啱啦，可以吃其鮮味，昨晚同朋友去左將軍澳鮮味鮮廚，叫左個阿拉斯加長腳蟹海鮮套餐，食到個個流晒口水，味味都鲜，特別係隻五斤長腳蟹，又夠厚肉另外還有鮮牛厚切，大大隻海蝦都好有口感再加上無沙蜆和聖子都鮮甜，好快就食到底嘅粥，甜到不得了，重吃左幾碗

5個金花媽媽，玩完濟州島之旅！相約相聚飲茶又吹吹水了，去邊間可以坐得耐又有茶水飲！原來呢間下午茶我未食過，於是大家就下我來飲了，下午茶不太多人就最好不過了，等了兩個字就有位，太好了，坐低吹一論都未叫茶飲哈！大家都係講緊濟州島之旅嘢！C9就係咁喇😂😂都係介紹下點左咩點心先😀櫻花蝦煎薄撑夠香口鮑汁鳳爪賣相有點驚嚇味道一般豉蒜煎釀孖寶青辣椒有點辣黑金流沙包嘩，呢個正黑松露野菌餃呢個豉汁蒸排骨/潮式糯米卷一般般香煎蝦米腸有點硬千層薑汁糕薑味太濃銀蘿千絲酥/紫心香芋丸千絲酥太鹹紫心香芋丸好鬆口重有5粒添每人一粒鮮竹牛肉球

爸爸平時星期六日都要返工，於是我地一家四口提早星期四就慶祝父親節，本身一入到去見到全院滿左，又近父親節，都抱住俾餐廳湯嘅心態，但坐低睇menu竟然無加價，謝天謝地！我地叫左個抵玩套餐，$288包粉絲蒸貴妃蚌，燒鵝同翡翠螺片炒帶子。諗住套餐都應該唔會太大份，所以我地再叫多左乳香八寶齋、 啫啫通菜煲同花膠螺頭湯。第一個登場係八寶齋，不得了，即刻後悔頭先除左叫套餐，仲要加兩個菜同湯！事關好大煲！！！味道還好，勝左大煲。之後，通菜煲同翡翠螺片炒帶子上檯啦，通菜煲辣辣地，同好多蒜味，非常好食。 炒帶子如果唔放芹菜改放瓜炒會加分，因為有d芹菜好老，同我唔鐘意夾出黎陣味，但海鮮份量非常夠，廚房師傅夠哂大方。之後再上左燒鵝同螺片，鵝非常嫩同夠juicy, 蒸粉絲同蒸得剛好又夠味。至於果湯呢，真係不得了，非非非常足料，媽媽養顏mode on，狂食花膠，總要食極都仲有，媽媽最後鯨吞所有花膠，放棄哂d雞腳，笑死我！呢個價位食到呢個水平嫁菜，真心唔錯，而且仲要上菜超快。埋單都係700蚊鬆d，人均200蚊，岩哂一家大細去。

今天鬱悶都極，於是 去食個海鮮蒸鍋沖喜一下。叫咗長腳蟹套餐、貴妃蚌，肥牛双寶，班頭腩，红棗糕，諗住食完海鮮食埋個鮮甜海鮮粥底就可以停平衡返一日嘅鬱悶。 今次粥底稀傑剛剛好，但陣味好怪~~極酸。 硬著頭皮試一口，😱 酸到爆炸! 即時叫經理過嚟，佢當時嘅反應係:「 啊！唔好意思喎，壞咗唔好食啦咁你兩個茶錢啦!」 我當時呆左， 食粥底蒸鍋食唔到粥底，等於咩呀?等於冇食過。黐線，壞咗畀人食!😡過咗幾分鐘佢調查完返嚟報告，話個鍋消毒完冇清洗乾淨，所以啲粥唔食得唔好意思。😥好恐怖 ，希望 唔會肚痾就好了! 好餓,好似乜都無食過。😣