相馬日式火鍋 觀塘 (已結業)

呢排天氣變涼左，係開始打邊爐嘅季節啦～ 朋友搵到觀塘呢間相馬日式火鍋，性比價好高！一個人價錢都係$258，成120分鐘任食美國特選牛肩胛，豬肉，雞肉，海鮮，炸物，雞翼，串燒，仲有任飲及雪糕。真係好豐富。美國特選牛肩胛，牛肉雪花紋好靚，煮個10幾秒就已經食得，牛肉食落好有肉味，肉質正！豬肉都好新鮮，肉味重。雞翼有成六七款唔同味道嘅雞翼，當然要全部都要試試啦。最中意蒜蓉牛油雞翼同土匪雞翼同水牛城雞翼。雞都好嫩，醬汁真係好好食。呢個價錢有咁多野食，又有質素，真係好抵！CP值好高！

放咗工約咗朋友食飯，諗起前排同男朋友試咗相馬日式火鍋，覺得好正，所以今日就同埋朋友嚟食！餐廳真係好日式，環境都好靚又乾淨，放置火鍋調料同蔬果嘅區域，都好整齊。120分鐘任食火鍋，任食美國特選牛肩胛，豚肉同雞肉，海鮮，雞翼，串燒，炸物，任飲及雪糕，價錢$258, 真係好親民。牛肉雪花好靚，肉味好重都好嫩。豚肉都好新鮮，好正。黎得食放題，當然要食夠本啦，所以我地一人食左三盤肉 餐廳上菜好快，盤盤肉都咁靚，係出面餐廳食，一定過千蚊。呢度兩個人食6盤食都只係五百幾，真係好抵食。下次要再黎過！

難得放假，緊係約埋朋友一齊食餐飯啦，我哋係搵到呢間係西環既高質放題，120分鐘任食火鍋，可以任食美國牛肩胛，海鮮，串燒，炸物，雪糕。
我哋揀咗個蕃茄，清湯鴛鴦鍋，有好多配料可以選擇，火鍋配料種類都好多，醬汁都好多！嚟到放題，當然要食牛肉啦。佢哋嘅美國牛脂肪分布好靚，食落都非常嫩。海鮮方面，我哋每種都點左。廣島蠔，蝦，青口，蜆食落好新鮮。雞翼有好多種味道，蒜蓉牛油雞翼，水牛城雞翼，蜜糖雞翼，土匪雞翼都好好食。牛肉串，雞肉串，金菇肥牛卷，燒雞皮，粟米，翠玉瓜，調味岩岩好。 真係超級豐富！ CP值好高！

最近工作好順利決定獎勵吓自己～食下日式嘅放題😍慰勞一下自己。餐廳環境光亮～我地坐得好舒適。坐低當然揀咗個湯底先啦，有幾多嘅選擇，我哋就揀咗一個辣一個唔辣嘅鴛鴦鍋。辣湯方面，湯落咗唔同嘅辣椒同香料，小小辣，並易接受。朋友揀咗蕃茄湯底，蕃茄味好香好濃郁。牛肉一到，賣相同油脂花紋好靚，牛肉係薄切，肉質好嫩，肉味好濃。海鮮任食有帶子，廣島蠔，蟹棒，青口，蜆，虎蝦，螺，我哋每種都點左。廣島蠔，青口，蜆好有驚喜，完全唔似出面急凍左擺好耐個d，食落好新鮮。

今日難得公司放早，屋企人又唔煮飯，唯有自己解決啦。天氣又變凍左，好想食打邊爐，咁啱發現觀塘有相馬火鍋任食，啱晒一個人打邊爐。雖然話係任食，但係佢既牛嘅質素真係一D都唔差，脂肪分布均勻，食落口好正，牛肉好嫩。另外都點左雞肉都，食落好嫩滑👍 配麻醬一流！海鮮方面有蟹柳青口帶子等提供，樣樣都好新鮮。連蔬菜類都有好多選擇，打邊爐梗係要食生菜啦，唔會咁易煮爛，又爽口。一個人打邊爐任食，買單先至二百幾蚊，真係好抵，出面邊有可能。真係食多兩盤肉，兩盤海鮮，本都番曬黎😆

今日同屋企人食咗觀塘嘅相馬日式任食火鍋餐廳。餐廳非常乾淨，座位都好闊落。食物嘅種類真係有好多好多，連丸都有五六款，蔬菜方面都有好多選擇，樣樣都好新鮮，我哋攞咗蘿蔔啦，金針菇啦，雞髀菇，翠玉瓜，豆卜，魚蛋。我哋點左嘅牛肉同熱食都好快上菜，牛肉雪花好靚，食落好重牛味。雞翼方面我哋都點左唔同嘅口味，最鍾意係蒜蓉牛油雞翼，呢個配搭真係好香冇得輸。雞翼炸得啱啱好，食落都非常方便。總括而言，120分鐘任食火鍋，有肉有熟食，每人先至兩百幾，真係好抵食！特別佢地既食材又新鮮又有品質。推介！

又到左食大閘蟹既季節(其實開始左好耐😳)，一路都好想食，最近終於有時間去食🥲朋友介紹我地黎呢間相馬日式火鍋食大閘蟹放題，食之前上網睇過食評，都幾兩極🙊不過既然朋友都話唔錯，我地就一於試下火鍋店既大閘蟹質素又如何啦🤣3小時放題，第一輪係5點，我地放工去食，就揀左第工輪8:30-11:30pm😳平日收費$418/位再加一，包左任食自助火鍋吧、肉類、海鮮、雞翼炸物點心、飲品雪糕🍨同埋最緊要既大閘蟹🦀環境方面就係一般放題店既格局，少少迫夾😛不過我地平日2個人都有4人位坐😚火鍋本身質素竟然都唔差🤩牛肉算唔錯，肉質嫩滑，幾有肉味👍🏻最驚喜係有多款高質海鮮(sor唔記得左影相🥲)😍活刀貝非常大隻‼️爆汁鮮甜‼️女朋友超級鐘意😳仲有日本帶子、大頭蝦、廣島蠔、蜆等等🥰另外即叫即整既炸物亦相當有誠意，熱辣辣，最推薦蝦多士同蝦春卷🍤點心、雞翼就普通，雪糕有milktop 同大量雪條選擇🍦真心就算無蟹食都係一個唔錯既火鍋放題 👍🏻講返正題，呢度既玩法係一開始每人會有2隻蟹🦀食完就可以叫店員再上蟹，每次每人2隻，當晚全部係3-4兩既公蟹🤤最欣賞餐廳係完全唔會拖你時間，每次叫蟹都好快上台，講緊係一分鐘左右👍🏻質素方面

話咁快又到冬天啦，終於可以食我最鍾意嘅打邊爐。今次同男朋友去咗觀塘嘅相馬日式任食餐廳。環境同網上睇嘅一樣，感覺好乾淨，裝修都好有日本風味。火鍋配料方面餐廳都提供咗好多款，可以自己自由搭配. 火鍋都有好多唔同湯底選擇，我就揀咗最愛嘅辣湯。呢間嘅辣湯放咗唔同嘅辣椒加埋香料，辣度好適合我。男朋友就揀咗蕃茄湯底，蕃茄味都好濃郁。肉既賣相已經好靚，牛肉同豬肉都非常好食。我哋一人食咗四五盤肉，真係好滿足呀。上菜都好快，唔洗等好耐。環境好，食物又新鮮，推薦比大家！

我同朋友係出咗名嘅食肉獸，次次約食飯都一定要食肉，食到都就快破產。 所以朋友今次就特意帶我去食放題餐廳。一到餐廳，當然係快啲嗌晒啲食物先啦，我哋嗌左好幾款嘅牛肉同雞肉另外仲有海鮮添。連熟食都唔錯過！D肉一到已經好驚喜，件件嘅雪花都好靚，淡淡都係牛肉味！好正啊～ 海鮮都有好幾款，生蠔好好食，蝦同帶子都好正！ 雞肉更加唔使講，好嫩！我同朋友都好鍾意食雞翼，知道佢哋有成六七款唔同味道嘅雞翼，當然要全部都試一次啦。最欣賞蒜蓉牛油雞翼同土匪雞翼同水牛城雞翼。啲醬料真係好好食，雞都好嫩。最後都要食返少少菜嘅....

因工作關係 同時間 選擇了今次這間日式放題。之前都有在ig 看過 廣告 大閘蟹任食放題好吸引 由於已經過了季節所以今次選擇了一般的放題。平時吃的放題都冇什麼特別 但今次真的要講一講。湯底 一邊麻辣一邊日本醬油湯兩個都是冇味的 雞肉食第一後已經不用再食落去 可以 放棄 全是冇味的雞胸肉 同自已講放題不要要求太多 朱肉 一般還可以。地方 裝修 我不是食什麼貴野一般都不講 廣島蠔是不錯的 但其他 海鮮類都不用食 其他 菜丸配料都是基本跟出面一樣 但個湯底完全冇味 不知自己在食什麼 求其食完豬肉食完海鮮就算了， 最後最低要求食個雪糕吧， 但佢到看到個雪糕不知放了多久 比石頭還要硬 一看就知放了不知多少天了。 總括來說吃了咁多間日式放題體驗最差就是這一次 完 不信的話自己來試一試吧

對於一個好鍾意食肥牛嘅人來講，有得揀任食嘅打邊爐真係好正！而且仲有好嘅係可以揀到食優質高質嘅肥牛！更加係對於一個打邊爐愛好者來講一個天堂💕今次我就去咗呢間位於觀塘嘅相馬日式火鍋，呢間日式火鍋有好多唔同嘅款式，有好多配料可以選擇，火鍋配料種類都好多，醬汁都好多！而且我自己好鍾意呢度嘅係有我好鍾意食嘅雪糕同埋韓式雪糕！之後就介紹我地中意既牛肉同豬肉！呢度呢兩份嘅豬肉都係非常高質，重要嘅係任食但係對於一個食肉獸來講呢度就係超正！肉質又好，而且好香濃嘅肉味！所以整體來講，呢間餐廳我自己好喜歡，而且價錢一啲都唔貴，性價比超高！而且款式好多，除咗火鍋配料之外，仲有炸物同埋雞翼！真係任君選擇！

難得放假今日想休息一下 同埋我見天氣都凍凍地所以都想打邊爐 咁就上網睇下有啲乜嘢打邊爐好食 然後就畀我發現咗呢間好多人介紹嘅相馬 呢間餐廳人哋介紹嘅時候影嘅相都好靚 尤其係啲牛肉真係好紅 所以睇相都非常之吸引❤️過到嚟嘅時候係黃昏時間 所以都唔使等好耐位就可以坐低 然後睇下餐牌有啲乜嘢食 呢度主要係食放題嘅 所以牛肉係任食嘅 我自己心諗咁靚嘅牛肉仲要係任食咁抵 真係性價比十足👍然後我自己就叫咗個牛肩胛嘅套餐 所以我嘅飲食係牛肩胛牛肉 牛肩胛真係我出面食過嘅牛肩胛入面最好食嘅 同埋分量都幾多 食完唔夠可以再叫員工再添 所以基本上我全程都差唔多係食牛肉 因為我自己真係好鍾意食牛肉👍👍總括嚟講我對呢間餐廳都好滿意 因為環境同埋服務都好好 最佳食物嘅出品我自己都好有信心 我見到同上網影相嗰啲相係差唔多一樣 所以真係名副其實。😋

鍾意打邊爐嘅人，對於冬天來講一定係一個好開心嘅季節！因為冬天就係非常適合打邊爐嘅時候喇，今次我就嚟咗呢間喺觀塘嘅相馬日式火鍋❤️❤️成間火鍋店唔算好大，不過麻雀雖小，五臟俱全呀嘛！！呢間餐廳講到明係日式火鍋，所以有好多唔同嘅日式食物都可以食得到！所以配料非常豐富！除咗有火鍋配料之外，都有好多唔同嘅熟食可以叫到！當然唔少得嘅就係汽水同埋雪糕任食啦😂🤣🤣🤣整體來講，我對於呢間餐廳非常喜歡，因為呢度嘅湯底好好味！同埋呢度嘅海鮮好好食，我好鍾意食呢度嘅大蝦同埋青口！真係好非常大隻飽滿，而且好鮮甜，我自己因為任食嘅關係都識咗差唔多10隻🤣🤣

今日番工做野真係超級忙碌，真係忙到連lunch都冇時間食，所以收工之後都好想搵一間餐廳可以食返餐好嘅，如果要講去食返餐好嘅，就梗係要食任食嘅火鍋啦！😊😊去咗呢一間相馬日式火鍋👍🏻呢間餐廳真係好吸引，首先要講一講佢就喺呢度嘅配料非常之多，火鍋配料可以自己選擇，而且重點嘅係可以無限量飲加肥牛，豬肉，雞肉，同埋多咗唔同嘅海鮮！😋大蝦，帶子，青口，鮑魚，基本上我鍾意食海鮮都可以搵到！而且重點嘅係，呢度嘅任食火鍋除咗呢啲火鍋配料之外，仲可以食到唔同嘅串燒，同埋炸物！真係超級豐富！而且重點嘅係，雖然依家係任食嘅火鍋，不過依然可以保持到好高嘅質素！❤️❤️

突然興起好想打邊爐，即興之下打邊爐真係唔容易搵到地方，估唔到呢間相馬日式火鍋店可以有一人份量嘅打邊爐！😋😋🤣🤣真係好開心！今次就走咗過嚟呢間觀塘嘅分店去試吓，有一個人嘅湯底細細爐，絕對足夠！雖然係一個人食，不過任食都係超級開心嘅，餐廳有好多唔同嘅款式可以試得到，我自己好鍾意呢間餐廳嘅海鮮種類，因為真係太新鮮太好味！因為任食嘅關係，我自己食咗好多隻青口同埋帶子！青口非常飽滿，好大隻，而且一啲沙都冇，絕對係性價比好高！而且呢度嘅帶子亦都好鮮甜美味，好鍾意！食完海鮮之後就梗係唔少得要食牛肉同埋豬肉啦，呢度嘅肉類都好好味，肉質美味，而且肥瘦適中，用嚟打邊爐嘅肉就絕對適合不過啦！