相馬日式火鍋 觀塘 (已結業)

今日同屋企人食咗觀塘嘅相馬日式任食火鍋餐廳。餐廳非常乾淨，座位都好闊落。食物嘅種類真係有好多好多，連丸都有五六款，蔬菜方面都有好多選擇，樣樣都好新鮮，我哋攞咗蘿蔔啦，金針菇啦，雞髀菇，翠玉瓜，豆卜，魚蛋。我哋點左嘅牛肉同熱食都好快上菜，牛肉雪花好靚，食落好重牛味。雞翼方面我哋都點左唔同嘅口味，最鍾意係蒜蓉牛油雞翼，呢個配搭真係好香冇得輸。雞翼炸得啱啱好，食落都非常方便。總括而言，120分鐘任食火鍋，有肉有熟食，每人先至兩百幾，真係好抵食！特別佢地既食材又新鮮又有品質。推介！