相馬日式火鍋 觀塘 (已結業)

又黎放LUNCH時間啦！係我每日最期待既時候！今日同幾個同事偷偷地自己放個長LUNCH先，我地幾個人走左去工廠區好少有既火鍋餐廳 (相馬)食個LONNNNNNG LUNCH。佢MENU有幾個SET揀既，有定食/任食45/60/90分鐘。而我地幾個話明食LONNNNNNG LUNCH緊係揀90分鐘啦！咁就求其叫左價錢中位既牛，對我黎講，依D任食火鍋我都係鐘意食菜既多。對於我依D弱質女子黎講，真係食唔到太多肉。相馬最正既係，佢有隻麻辣湯底，唔會太辣，唔會太淡。對我黎講係岩岩好。用黎淥菜就一流啦！

💖💖💖💖💖💖💖💖我阿妹超級嘴刁㗎😖佢話呢度係佢食過最好食嘅火鍋店🤪平時佢會係咁彈三彈四話啲牛肉唔好食😵‍💫又會喺度話啲食物款式好少唔夠佢食🤦🏻‍♀️今晚餐飯佢竟然讚口不絕🥰睇見佢咁滿意我都好開心🥳呢度馬市120分鐘放題其實係好夠食嘅🤩呢度啲人好好㗎唔會吹你走😎平時有啲放題淨係可以食到90分鐘🧐阿妹成日都話等都未坐暖就要走😔今日呢度啱晒佢可以慢慢食😋我就叫咗個泡菜湯底😝同埋牛肩肉嘅set😌肉嘅水準都唔錯㗎🤩我同阿妹encore左10次左右😚除此之外仲可以去自選台嗰度拎唔同嘅火鍋配料😋提醒大家叫呢個湯底記得將蔬菜留到最後先食啊咁樣就會吸晒湯汁嘅味道😋

老公今日帶我相馬打邊爐，之前我已經見過呢間餐廳喺社交平台買廣告好多次㗎喇但係仲未有機會嚟食😵‍💫老公今日加人工就話請我去大吃一番🙈我去到呀梗係要叫我最鍾意嘅辣湯底啦，呢度嘅湯底唔係叫做麻辣湯底呢度係叫做中華辣湯🙊估唔到真係好吸引呀！我將啲菜淥到最後，吸晒所有辣湯嘅味道😆索晒啲湯汁真係辣得好爽😄我老公話最欣賞就係佢嘅美國特選牛肩胛肉，因為肉質鮮嫩無比之餘仲要唔會好多筯位😌最緊要係佢肉味好濃郁💁🏻‍♀️相馬日式放題火鍋有好多唔同嘅選擇‼️無論係飲品定係食物款式甚至調味料都有好多得簡👍🏻

💁🏻‍♀️今日又黎公司附近嘅呢間相馬食火鍋放題，晚市食足六個鐘都唔係話好貴😋最緊要係佢啲嘢食真係好好食。今日同公司同事一行六人一齊嚟食慶祝吓而家終於可以享受晚市‼️🔅我自己就叫咗個豚骨湯底，清清地又有少少豬骨味啱晒我。🔅今日嘅主角就係美國特選牛肩胛🙌🏻 呢個部位嘅因經常運動，所以牛肩胛肉肉質特別結實、細嫩、極具彈性，肥紋均勻，肉汁豐富。打邊爐最佳之選😆💖最緊要係有香濃嘅牛肉味呀嘛🥰除此之外呢度仲有自取枱可以俾大家任揀火鍋配料同埋嘢飲㗎。佢哋嘅款式有好多任君選擇💁🏻‍♀️我有一個同事第一次嚟食，佢話呢度以後將會變成佢嘅飯堂🤣

晚市堂食終於開放返啦！好想去狂食牛肉打邊爐…最愛牛xx滿座，唯有睇下附近有邊間有位！嚟到門口，已經覺得入面好暗，入座後，檯與檯之間非常擠逼，座位亦唔舒服，地下好跣（出去拎野食好似踩Roller咁），周圍痴笠笠已經覺得好唔舒服！點了最貴個餐，以為會有好多牛肉種類選擇，點知比左兩張炸物&雞翼紙仔，再問之下先知牛肉冇得揀，叫佢先比你！出面拎食物種類好少，都係嗰啲魚旦、腸仔、一定唔值得呢個價囉！好失望

辛苦得黎旨在食,所以我又出動食好野啦。今次我地揀左任食打邊爐,不嬲任食都係我的最愛,因為狂叫食到飽都係咁多錢,唔會心痛麻~呢間餐廳都幾受歡迎,我地入去時已經坐左8成人,咁應該好食啦!心大心細揀左一陣個湯底,因為太多選擇,最後揀左個豚骨湯底,硬係覺得d海鮮襯原味豚骨湯係最夾的~出面仲放左好多菜類同丸類,想食丸既朋友唔好錯過啦,但對我黎講,我就留定個肚食肉同海鮮啦,海鮮種類都算多同算靚,同埋有我最愛既蜆同廣島蠔,而且好新鮮,絕無腥臭味~我地食完海鮮就叫肉,隻美國牛肩胛幾唔錯喎, 脂肪分布得幾靚,仲有隻鹿兒島豚肉,配埋D醬料蔥蒜一齊食,好鬼死正架姐!個餐仲有埋拼盤食,我地就叫左雞亦拼盤,咪講笑,好食過出面D雞亦放題啦,味道又多款,土匪味無得輸呀今餐食得好鬼爽呀!!!!!

天氣時凍時熱,無啦啦今日轉凍,一於去食打邊爐相馬今次我食觀塘店,之前食過其他分店架啦,食過唔錯所以再試呢間,結果一樣出色!嘻嘻~我同朋友都係食肉獸,叫左幾盤肉食,每盤質數都唔錯,唔會話有d好有d差。我最推介係隻豚肉,估唔到又幾好,唔會有豬騒味,同埋本人係愛食豬多過食牛,食到好味既豬肉係高興既食完肉就食佢地既海鮮,nice wor!!我想食既海鮮都有,例如虎蝦呀,帶子呀,廣島蠔呀，蜆呀,d海鮮精華入哂個湯底度,忍唔住飲左碗湯,一定肥死啦!!!跟住朋友再叫多個炸物拼盤,有芝士春卷、蝦多士、蟹子丸、吉列蝦、午餐肉等,我食完個蝦多士忍唔住叫多round。今次大濟了, 食爆quota,聽日要減肥啦

YEAH YEAH YEAH發現一間好味火鍋放題勁開心!食物款式都算多,叫完再叫都係咁好味。環境都算寬敞,檯面都夠大放食物,侍應服務態度都好好,好抵讚。湯底:多款選擇,我地愛食辣,揀左個中華辣湯底肉類:美國牛肉、牛肩胛、鹿兒兒豚肉同雞肉,全部都唔錯, 特別係款牛肩胛,你地睇相就知好味海鮮拼盤: 有哂帶子，廣島蠔，蟹棒，青口，虎蝦，蜆，螺，其實都幾多款,個帶子好有鮮味同彈牙。廣島蠔仲有少少海水味添仲有D拼盤可以叫黎食,串燒拼盤幾唔錯,推薦個大頭蝦,有蝦膏就知用靚貨啦,仲有燒魚餅都唔錯! 估都估唔到有埋雞亦拼盤,O岩哂我呢個雞亦怪,我真係好鐘意食雞亦,呢度D味道又有蒜蓉牛油又有雞翼又有蜜糖麻辣等,真係好抵食。食到最後梗係唔少得食雪糕啦,食完真係捧住個肚腩走呀!

同朋友勁耐無見,放工決定約一約食個靚放題。朋友推薦呢間火鍋任食,有人食過又大讚,咁梗係一戰啦~一坐底2話不說揀左泡菜湯底，未試過又幾特別喎!少少Spicy吊下味。落單後好快D野食就送上,絕無拖時間!D服務人員都好NICE,又會推薦邊樣好味叫我地試下。海鮮拼盤無欺場喎,真係勁多料喎~帶子青口蠔蝦蜆螺樣樣有,每樣都好鮮甜,蜆同螺都無沙,要讚呀!肥牛同豚肉都好好味,仲有款雞肉係用雞脾,恰完仲好JUICY同滑溜,我地再叫埋D串燒拼盤同炸物拼盤,店員話全部都新鮮即叫即整,食落果然好惹味同新鮮。朋友果然無介紹錯呀!呢間餐廳值得再黎呀!

限聚放寬，立即同友人約食晚飯，所以我一早BOOK定位,去到等左一陣就入得,朋友都讚我醒呀餐廳都幾大,每張台都有D隔離,唔會話坐得太迫。我地2個人一坐底就出去拎左D丸食先, 款式都幾多,每樣都拎左少少試下，之後就要打大佬啦,我地係為左食餐廳既海鮮黎架D海鮮同我地揀左個清湯底勁夾，咪講笑，海鮮叫多幾轉都返本啦, 哈哈哈而且仲有肉類無限提供,有款叫牛肩胛超好味, ENCORE左幾轉。而且好特別仲有D串燒、唔同咪既燒雞亦任叫,好多出面放曠火鍋都無,絕對係加分位啦!食飽仲有醫埋個甜品胃,今次真係大大大滿足呀!

觀塘行完街街出發搵好野食,今次食呢間火鍋放題又幾商質,值得推薦比大家。我覺得呢間餐廳有別於其他既係除左D丸丫,菜丫,肉丫,係D海鮮同D特色拼盤。首先海鮮全部都高質,竟然唔使加錢有得任食廣島蠔,而且仲有日本帶子,蜆,青口等,D海鮮樣樣都入口鮮甜,蜆又大大隻咁,堅係抵食!之個上台既拼盤不得之了,我地叫哂3款食,有串燒、雞亦同炸物,我最LIKE既係雞亦拼盤!!!!咩味都有咁,單骨上食到我勁開心呀!串燒都好正,必食金茹肥牛卷,肥牛少少脆身入面金茹又多汁,正!今次行街發現到好野好開心呀!

難得派左消費券，梗係要食返餐好啦！打邊爐一定係我心水啦。今日試呢間，個名勁有日本feel☺️一坐低立即揀咗兩個湯底試吓先，甜豉油湯底同泡菜湯底，一個濃味一個鹹鹹地都幾特別！放題火鍋料都勁高質👍🏻海鮮睇見都吸引，估都估唔到有廣島蠔打邊爐，啲size一啲都唔野少喎，而且仲有虎蝦同帶子，帶子色澤勁靚，食落當然好好味啦😳虎蝦又彈牙！肉類選擇都齊全，個鹿兒島豚肉又幾彈牙，雞肉竟然係雞髀🍗肉，好juicy!!叫多個炸物拼盤先🤣炸得勁香脆，啲調味粉好啱我口味☺️食唔停口呀！滿滿足足又一餐👏🏻👏🏻

朋友一句我要打邊爐，造就今次打邊爐之旅。食完之後發現呢間餐廳成為我其中一間心水打邊爐餐廳。座位坐得舒服又唔迫，台面夠大放到好多食物。入正題先，打邊爐係放題選擇，湯底勁多款式而且全部都好吸引，同朋友商量後揀左個蕃茄湯底, 哈哈~都好有多蕃茄粒,湯底一D都唔馬虎喎!另外, 肉類方面我地叫唒牛肉、豬肉同雞肉食, 幾款肉質都唔錯, 由其個牛肉，少少油花勁正。佢地仲有得食海鮮, D 海鮮都唔係普通野, 竟然有廣島蠔、蜆同螺，全部都勁新鮮，好夠鮮味。最得意係仲有D炸物呀, 雞亦呀同串燒呀, 樣樣都好正!我地仲食埋D甜品雪糕, 真係飽到上心口呀!!!

同男朋友仔約咗食火鍋☺️兩個大食怪梗係要揀放題！呢間朋友食過話唔錯，咁就要試吓去先。我哋揀咗個120分鐘放題，湯底其實勁多選擇，不過今次我哋就揀咗個傳統豬骨湯底！放題食物有齊美國牛肩胛、豬肉同雞肉，仲搭配埋海鮮🦞例如日本帶子、廣島蠔、青口、蝦🦐同蜆等，款式夠哂多。而且咪講笑，啲海鮮好新鮮，尤其要大讚個日本帶子同廣島蠔，勁鮮美，encore左幾次添🤤牛肩胛又係要力推，牛肉味濃，肉質又彈，唔錯唔錯！我哋見到隔離枱叫左個炸物拼盤勁心動💓，忍唔住照板煮碗叫份試下，拼盤有齊墨丸、蝦多士、蟹子丸、米網蝦春卷、吉列蝦、午餐肉同芝士春卷，哈哈！估唔到最正係個炸午餐肉，可能因為我哋鍾意啖啖肉🤣呢間火鍋店絕對有下次😳

慶祝朋友生日，一於去食火鍋啦，聽聞呢間火鍋料靚又抵平🤤食完果然好值得。食火鍋最緊要就係個湯底，我同朋友都鍾意食辣，我哋就揀咗個中華辣湯底🥹嘩，好鬼惹味架姐。辣辣地好爽😄個放題堅正喎，豬牛雞肉齊晒，唔怕有選擇困難啦，當然我最鍾意就係食牛啦，果款牛肩胛無得頂喎，豚肉都唔錯，一啲豬show味都冇👍🏻配埋啲海鮮（都好高級，有帶子，蠔🦪同蝦等）一齊食，湯底吸引受海鮮啲鮮味，好好味😋最後忍唔住叫埋個雞翼拼盤，癡線架，咩味都有齊，會唔會太正呀🤤蒜蓉牛油雞翼，芝士雞翼，蜜糖雞翼，黑椒雞翼，土匪雞翼，水牛城雞翼，麻辣雞翼，私心推薦土匪雞翼同蜜糖雞翼🫣飲飽食醉又一餐👍🏻