相馬日式火鍋 荔枝角 (已結業)

今日家庭聚餐，去左呢間火鍋店，好彩預先卜左枱，因為平日夜晚都多人食。上枱速度驚手，refill好快 ，唔怕蝕仲有賺🤤🤤清湯呢個湯底原來好好食🤤，我都係第一次，甜甜地又唔會太過清，滾完再加少少鼓油辣椒🌶️，味道好夾👅👅🔥海鮮拼盤都真係好出色，有唔同嘅貝類，龍蝦，三款唔同嘅蝦，仲有大大隻元貝青口同帶子，真係想要咩就有咩。啲海鮮都好新鮮，淥完之後都冇縮水，性價比極高。味道好鮮甜帶海水鮮味，海蝦口感爽口彈牙，灼熟後鮮味十足！🐮美國特選牛肩胛賣相有鮮艷嘅粉紅色，入口柔嫩嘅肉質，再加上超豐富的肉汁，超高質。雖然我哋平時唔係食肉獸，但因為好重牛味都忍唔住食咗三四碟。😍炸物、丸類、蔬菜同粉麵嘅選擇都有好多，選擇多之餘質素亦都好高，食客可以喺自助區到夾自己鐘意食嘅野。豚肉厚薄適中，口感軟嫩適中 ，肉質鮮味嫩滑豚骨🦴湯，濃香滋味，豚骨的油脂香味四溢。用來打邊爐更加滋味，集鮮美香濃於一身，更加能夠突出食材本身嘅味道，完全唔會令食材失色呀😍總結是食物和飲品絕不敷衍，最喜歡多樣的湯底選擇, 各種食物都新鮮美味， 選擇多樣化，座位寬敞最適合朋友聚會。

上上個禮拜同朋友過嚟食咗見到好多好平，好似好好食咁點知一上嘅路上已經徹底打消呢個念頭一望到晏晝係好黑嘅走廊入到去黑萌萌地下又好跣之後就見到一個嗰度嘅一個員工冇着員工衫嘅一個啊叔喺廚房勁大聲講粗口話緊人仲要成間餐廳聽到坐低咗之後已經見到好幾隻曱甴啲嘢又唔好食嗰個雞煲好油又冇雞味但係嗰度啲員工幾好服務態度好好同埋介紹嗰餐嘅時候講得好詳細之後嗰個雞湯好油冇乜味嗰個蒸海鮮幾好味之後嗰個火鍋放題淨係得啲牛肉幾正常啲炸物有一浸味路過見到啲油好鬼黑好似好耐冇換過咁啲海鮮係發臭嘥咗我三百幾蚊食啲咁難食嘅嘢真係推介我啲朋友都喺度講，我冇品味食啲咁難食嘅嘢簡直係一啖砂糖一啖屎我覺得真係嗰度既員工真係好好

為好友慶祝生日，他是火鍋迷，目標明確；只需考慮到那家便可。有滋補養生既湯底 加上新鮮優質既食材，兩者配合下絕對值得一試！美國特選牛肩胛脂肪較平均 肉質結實而富有彈性，帶濃郁既肉味兼有咬口！牛肉嘅紋理同色澤都好靚，降霜亦都好完美。食落牛味好濃，嫩滑無比，入口即溶，真係好好味，忍唔住要不斷encore佢😍海鮮拼盤啲海鮮嘅種類都非常豐富，有龍蝦、手掌咁大嘅扇貝同元貝、仲有其他貝類同蠔，當然仲有其他款式。D海鮮食落都非常之新鮮，鮮味十足！海鮮供應源源不絕，全部都好新鮮，啱哂海鮮控🤪花膠雞湯對湯底非常滿意，極力建議飲啖湯配件雞！熬煮十多個小時而成，絕對是真材實料之作﹗比你飲下同食下花膠，只可惜花膠得一人一個，唔係好夠喉。不過湯頭就幾好飲嘅。海鮮蒸鍋有魚，鮑魚，聖子，蜆，蝦，帶子，粉絲； 魚同鮑魚唔錯，幾新鮮。蝦好大隻，亦都好新鮮，食落肉質實正，爽口彈牙好有蝦味好友最鍾意食佢個雞煲，件件雞都好厚肉， 而且肉質鮮嫩飽滿~~總結，新menu係幾新奇同好玩嘅～PS. 晚市好多人㗎，要預早訂座先有得入座㗎！

約朋友聚會，黎到荔枝角的工廈食野，呢間餐廳專做火鍋放題，食材超豐富！我哋叫左個無限時的火鍋放題多部曲！我地星期三夜晚去食，計埋加10%大約每人$330左右。呢個放題多部曲係咁玩的，首先黎左個清清地的日式茶碗蒸先，跟住就黎食惹味雞煲，再飲個花膠雞湯，飲完就食海鮮蒸鍋，最後就係任食火鍋🍲。真係胃口細D都玩唔曬佢呀！海鮮蒸鍋係蒜蓉粉絲，極之惹味！有蟶子，帆立貝，花甲，沙白，藍青口，虎蝦，鮑魚和魚。蟶子和花甲蒜香十足超級惹味，好鐘意。完左個海鮮蒸鍋都唔好比佢停，今次輪到火鍋出場🤣烚下烚下。火鍋我地總共有3個湯底，豚骨湯，蕃茄湯和雞肉，豚肉，牛肉果D 一定唔錯過啦，仲有超多種丸呀！炸物，串燒，雞翼，正到👅舔舔利！

同屋企人很喜歡去相馬吃，所以不定期也會去吃的，在九龍新界也有好多分店。店舖環境挺大，大部分也是卡位，所以坐得較舒適，食物選擇也有很多🙈肉肉有很多選擇，還有前菜、熟食、自家製飲品及火鍋食材等等。先上雞煲，，有得揀辣度。份量都好大，我地女仔食完雞煲應該都飽左7成。店員仲會好好服務幫手睇下火同炒下個雞煲。個煲傳熱速度夠，好快熟，而且唔會癡曬底。我地見差唔多時候，打開香噴噴，再加啲菇菇入去一齊煮。不久，店員會呈上熱辣辣嘅日式茶碗蒸，完全吸收精華，入口嫩滑細膩😘有帶子兩粒喺入面，仲有啲蟹柳，份量都大杯。個花膠雞湯滾起後，店員會幫我哋裝起兩杯，試下頭啖湯先，飲落口好清甜，之後就可以食花膠先!嘩嘩嘩!! 你睇下佢地呢個蒸蒜蓉粉絲帶子， 超多蒜😘岩曬我呢個「蒜之達人」美國特選牛肩胛牛肉厚切 · 肉味最為濃郁好食，牛味濃郁，肉質鮮嫩，雖然望落不是太多油花，但一點都不韌，瘦得來又嫩，個人覺得必食優質豚肉肥瘦得宜，紋理清晰可見。挾一片，放入湯底中，待顏色由紅變啡，蘸上適量豉油，放入嘴中細嚐，鮮味無窮﹗雞腿肉質細嫩，滋味鮮美，在肉之中比雞胸肉更嫩、更香。 超多款新鮮海鮮揀，有生蠔🦪帶子，蝦🦐，蟹柳，青口，蜆，

炸物串燒係我哋必點！因為選擇都幾多，每人幾串幾串，食到停唔到口🤤👅😋午餐肉又厚又大塊，顏色pink pink地，好正好吸引。優質豚肉多肉多汁，好好食！可以食好多塊都得，肉好易咬，入口即溶咁～而且仲好薄身。雞腿肉食得出真係雞腿肉，唔會搵其他部位嘅雞肉去代替，好嫩好滑不在話下，最緊要係佢每一舊雞肉都好大舊！美國特選牛肩胛牛肩胛顏色鮮豔，搞到我食左好多塊，超級爽口。中華辣湯湯底辣而不嗆鼻，辣味慢慢滲出。豚骨湯味道清清地，少少鮮甜，食到食材嘅鮮味。配醬料or湯底食一流！

事緣上星期Happy Friday，公司提議去打邊爐🍲突然醒起平時經見到間邊爐未試過，又幾抵食，所以提議埋佢哋一齊去食🤤我地就嗌左個火鍋放題多部曲🍲🤤第一曲上既係雞煲，我地成班辣鬼當然就嗌左大辣🥵雖然係大辣，但又唔會正係得死辣，辣得黎又夠香第二曲黎既係海鮮蒸鍋，平時少食海鮮既我地見到咁多選擇，當然係大量叫🤤勁多唔同蜆，又有手掌咁大既生蠔，最緊要係又夠鮮甜最後一曲就係打邊爐🍲我地又係嗌左海鮮同牛肩胛，啲牛塊塊大過塊面，又唔會太薄太厚，牛味十足👍

今日收爐🥳提早收工接家姐去行街、打邊爐！相馬日式火鍋永遠都坐滿人，食物和服務都永遠不令人失望。有消費卷出手就當然要食好小小。今次就選擇左晚市120分中放題，食爆佢！出去仲有自助小食、蔬菜、甜品、飲品任攞，包羅萬有，真係120分鐘都唔夠食👉🏻👈🏻每位客人都可以選擇自己喜歡嘅湯底。私人選了泡菜湯底一食停唔到口，辣味恰到好處，超級惹味。家姐簡清湯底好清甜😋 比起其他日式火鍋店，有更多日式配料，感覺新穎。唔使問，我哋兩個無牛不歡嘅人，梗係嗌左美國特選牛肩胛同牛肉！因為每片都切到薄薄的，雪花分布非常之靚，入口即溶而且牛肉鮮味好出🤭 優質豚肉出面有好多不同小食俾客人簡，真係講都講唔晒!仲有我最愛既芝士腸、粟米、丸等等都齊曬!食物選擇多，地方又夠大。如果唔多人職員都會比我地食完先走。總言之..想試比起一般火鍋放題更加多火鍋配料選擇嘅話..我會推介你試相馬日式火鍋!

考完試難得完sem，同一大班朋友出來食飯慶祝下～經過見到呢間餐廳seems quite good，而且openrice 評價都不錯。加上仲可以係openrice訂座，勁方便快捷，於是決定入來試下。估唔到原來有咁多嘢食，又咁多花款😂😂so interesting。我地先食雞煲，雞肉好入味，醬汁都非常優秀。之後就飲花膠雞湯，勁足料，真係又花膠係入面的，真係良心火鍋店。之後再食海鮮蒸鍋，真係見到都覺得超級爆興奮，激動mode！！！有粉絲，蝦都超級大隻，而且都好快蒸熟，連貝殼類都係。最後先係任食火鍋，雞肉肉質優質，食得好滋味。😋😋yumyum整體環境都好舒服，唔會太迫，職員都好nice同friendly！服務態度好好，保持到高水準。食物同飲品又多選擇又高質，性價比極高，一定會再返嚟食的！地方夠晒寬敞，食物水準都好高！果然樣樣都好味～優質and 回頭率極高。

今晚接男朋友收工俾個驚喜佢🩵，佢覺得好surprise😆！不過我唔知佢公司附近有咩好嘢食，佢帶路就去咗呢間相馬日式火鍋😳男朋友話事，就叫咗「相馬火鍋放題多部曲」我都係第一次食咁多步驟又幾特別嘅放題😶男朋友就教我要食咗個日式茶碗蒸先，入口又幾香滑👍🏻跟住就要食呢個香噴噴嘅雞煲，我哋揀咗小辣，都好夠味！然後就要飲個滋陰養顏嘅花膠雞湯，補哂！接住落嚟就係蒸海鮮啦，啲海鮮仲要係用咗蒜蓉粉絲蒸，好香呀！之後就可以開始打邊爐任食啦，試晒佢哋咁多款肉就最鍾意黑豚肉同牛肩胛！豚肉好鬆軟，肥瘦好均勻！牛肉就好香牛味，脂肪比例都好平均！如果頭先蒸海鮮唔夠喉，都可以再叫任食海鮮！同埋呢到都有好多日式炸物，每一款都好吸引呀！

以前荃灣的相馬湯底出色、肉類靚、食品質素都好好，仔女很喜愛。後來荃灣店沒有了，女兒多次掛念相馬湯底，來了這荔枝角分店試下⋯招呼普通就算，醬料蒜蓉有點怪味，沒有新鮮辣椒；豚骨湯+甜豉油湯很差；粟米經歷滄桑，食品類少了也比以前差；炸物等好耐也很油膩；唯一肉類尚好。但是價格都要$298@位。我從來沒有寫過負面食評，仔女異口同聲話以後不再來呢間也要寫食評。（我們平時食牛大人、一鍋堂、湊湊之類的，只比呢間多幾拾元已經質素靚好多，在現時各式各樣火鍋店橫行的市道，呢間不知能生存幾耐）

呢間餐廳叫海鮮雞煲花膠湯火鍋雞煲正常 兩個爐 各半隻雞花膠湯 好清晰 家樂牌雞粉味 ！到海鮮 七款海鮮每人一件青口 沙蜆 花甲 蝦 青 扇貝 帶子叫refill 一直都唔出 ，串燒燒物 Cut左95% 落單等左50分鐘只黎左 烤蝦 二條 炸紫薯五粒 炸芝士球三粒好似乜都無食過咁.. 垃圾餐廳 永不幫襯

成日一個人都諗唔到食咩好，火鍋就可以解決一切，地方係荔枝角到，一個人食都唔會尷尬嘅一人邊爐啊😚😚清湯清湯入面有昆布，湯底呈現淺橙色，每啖都有昆布嘅淡淡鮮味😎優質豚肉好爽口絕對唔會鞋口到咬唔開😌每片都切得厚薄適中，有口感之餘，又唔會太薄👄海鮮海鮮樣樣都好肥美好興奮🤩食落口啖啖肉，全部都彈牙唔會霉👍🏻串燒串燒嚟講，燒菠蘿係最考驗到間舖頭，呢間做得好好食，超級無敵爆多汁🍍🍍增加儀式感嘅一人晚餐，由火鍋去到串燒再去到甜品😍😍

第一次黎食，揀左放題五部曲由於全程味蕾受到衝擊+賣相唔多吸引+現場環境燈光昏暗，都無乜影相。第一部：日式茶碗蒸一般般，無特別，唔係難食亦都唔係好食。第二部：雞煲叫左一煲bb辣，一煲小辣，然而兩煲出到黎既效果都係一樣：無味完全唔辣，無雞味。結果大家都食左幾啖就唔想再食。第三部：花膠雞湯忍唔住問侍應係咪落左咸魚去煲？點解會有咸魚味？侍應話無。然後再問咁落左d咩去煲？佢話落左雞醬，朋友話可能因為雞醬令到個湯有陣臭腳味第四部：蒸海鮮要用返上一部既雞湯黎蒸🥲已經心感不妙。食材完全唔新鮮，鮑魚咬唔開🤷🏻‍♀️底下鋪既粉絲索哂陣咸魚味🤮第五部：任食海鮮火鍋朋友問可唔可以轉湯底？侍應回答要用返d雞湯繼續打邊爐。自取食材區食物唔吸引唔新鮮，蔬菜同菇類都係霉霉的😰牛肉無問題，可以照食，但咸魚味既雞湯湯底完全破壞哂。炸物一咬落去，成個口腔充滿住油，我以為自己飲左啖油🤢餐廳環境燈光昏暗，食完既碗碟空罐擺好長時間先會有人黎收，但又收啲唔收啲。地板好似鋪左層油咁，跣到不行，每一步都要勁小心行。人均361既價錢，食埋d咁既野，完全係唔開心既經歷。

本身同朋友慶祝生日，喺社交平台見到呢間就諗住試下，去到之後第一樣嘢就係個黑衫吖姨勁唔耐煩咁叫其他員工帶位，咁你態度呢方面我都算數，我哋嗌咗多部曲雞煲，一開始有個茶碗蒸嘅，個茶碗蒸啲水仲多過啲蛋，上面粒帶子凍嘅，ok 算，到個雞煲，要自己整大概十分鐘左右，跟住我哋中途聞到有燶味，一打開啲濃煙就出晒嚟，搞到我哋勁唔舒服，跟住同咗佢哋講之後，佢哋就話冇辦法照食住先，咁我哋就夾出嚟就咁食啦，啲雞勁老，好似咬緊擦子膠咁，啲雞煲醬還可以，到下一個，花膠雞湯，個湯勁多油，得一兩條花膠，見到都唔開胃，之後係蒸海鮮，隻蝦，扇貝同鮑魚都唔錯，可以算係有質素，但係啲蜆，聖子就好多沙同好腥，啲汁滴晒落個湯度，搞到個湯變晒味，終於到打邊爐，本身以為都可以正正常常，但係當我見到我喺出面攞返嚟啲菇上面有隻嘢喺度爬來爬去嘅時候，我已經冇晒胃口，我哋嗌咗啲牛肩胛同埋豚肉，啲牛肩胛還可以，唔可以話好食，但係都唔係難食嘅，但係啲豚肉質素就差咗啲，嗌完一碟都唔想再嗌第二碟。呢間相馬，只能夠話你唔係錢多得滯都唔好試，珍惜生命。